Morgunblaðið - 04.01.2002, Blaðsíða 11

FRÉTTIR
MORGUNBLAÐIÐ FÖSTUDAGUR 4. JANÚAR 2002 11
Jakkaföt frá kr. 12.900
Stakir jakkar frá kr. 6.900
Stakar buxur frá kr. 3.900
Flauelsbuxur frá kr. 4.500
Skyrtur frá kr. 1.990
Peysur frá kr. 2.900
Úlpur frá kr. 6.900
Sími 5
51 75
75
Sími 552 9122
8.900
2 0
frá
Laugavegur 47
sími 5
Skyrtur frá 2.900
Peysur frá 2.900
Úlpur frá 9.900
akkaföt frá kr. 14.900
Stakir jakkar frá kr. 8.9 0
Stakar buxur frá kr. 3.900
Flauelsbuxur frá kr. 4.500
HRÓLFUR Kjartans-
son, deildarstjóri
grunn- og leikskóla-
deildar menntamála-
ráðuneytisins, lést mið-
vikudaginn 2. janúar.
Hrólfur fæddist 20.
október 1945, sonur
hjónanna Kjartans
Jónssonar bónda og
Ingibjargar Guðmunds-
dóttur húsfreyju í Eyr-
ardal í Súðavík. Hrólfur
lauk landsprófi frá Hér-
aðsskólanum að Laug-
arvatni 1962, kennara-
prófi frá Kennaraskóla
Íslands 1966 og prófi frá framhalds-
deild KÍ í námsmati og námskrár-
fræðum 1973. Hrólfur stundaði fram-
haldsnám í Bandaríkjunum og lauk
mastersprófi í kennslu- og uppeldis-
fræðum frá University of Illinois.
Hann var kennari við Hlíðaskóla í
Reykjavík á árunum 1966-75 og
1978-79 og var æfingakennari við
Æfingaskóla Kennaraskóla Íslands
1975-77. Á árunum 1974-75 var
Hrólfur kennsluráðgjafi við
Fræðsluskrifstofu Reykjavíkur og
hafði það meginverkefni að koma
upp viðunandi aðstöðu til verklegrar
kennslu í raungreinum við grunn-
skóla Reykjavíkur. 1976 var Hrólfur
ráðinn námstjóri í eðlis- og efnafræði
á landsvísu við Skólarannsóknadeild
menntamálaráðuneytisins og frá
1979-83 var hann námstjóri í líffræði.
Á árunum 1982-84 starfaði Hrólfur
sem fulltrúi deildarstjóra í Skóla-
rannsóknadeild en var svo ráðinn
deildarstjóri nýrrar deildar,
skólaþróunardeildar, sem stofnuð
var þegar Skólarannsóknadeild var
lögð niður 1985. Frá 1989 var Hrólfur
deildarstjóri grunnskóladeildar og
grunn- og leikskóladeildar mennta-
málaráðuneytisins frá 1995. Hrólfur
var ritstjóri nýrrar að-
alnámskrár fyrir
grunnskólann sem
kom út 1989. Hann sat
einnnig í verkefnis-
stjórn sem hafði yfir-
umsjón með samningu
nýrrar aðalnámskrár
fyrir grunn- og fram-
haldsskóla en megin-
hluti þess verks kom út
1999. Þá hafði hann yf-
irumsjón með gerð að-
alnámskrár fyrir nám í
tónlistarskólum en slík
námskrá hefur ekki
verið til áður.
Hrólfi voru falin fjölmörg trúnað-
arstörf fyrir menntamálaráðuneytið.
Hann hafði m.a. umsjón með fram-
kvæmd samræmdra prófa í 10. bekk
og samræmdra könnunarprófa frá
1983-92. Hann sat í stjórn Náms-
gagnastofnunar í þrjú tímabil frá
1985 og í Endurmenntunanefnd
Kennaraháskóla Íslands frá 1985.
Hann hefur verið formaður stjórnar
Þróunarsjóðs grunnskóla frá stofnun
hans 1988 og átt sæti í úthlutunar-
nefnd Þróunarsjóðs leikskóla frá
1990. Hrólfi var falin formennska í
verkefnisstjórn vegna flutnings
grunnskóla frá ríki til sveitarfélaga á
árunum 1994-96.
Hrólfur hefur flutt fjölda fyrir-
lestra og erinda um skólamál, skrifað
kennslubækur og kennsluleiðbein-
ingar og greinar í tímarit. Samstarf
heimila og skóla var sérstakt áhuga-
mál hans og hafði hann forgöngu um
kannanir á því sviði, stofnun for-
eldrafélaga og mótun samskipta-
reglna milli foreldra og starfsmanna
skóla.
Eftirlifandi eiginkona Hrólfs er
Guðlaug Ingvarsdóttir, þjónustu- og
sölustjóri hjá Sparisjóði Hafnar-
fjarðar. Eignuðust þau þrjár dætur.
Andlát
HRÓLFUR
KJARTANSSON
FLUGMENN sem missa starfs-
réttindi vegna heilsuleysis eru
tryggðir fyrir slíkum skakkaföllum.
Franz Ploder, formaður Félags ís-
lenskra atvinnuflugmanna (FÍA),
segir að í kjarasamningum sé kveð-
ið á um að flugmenn fái 27 millj-
ónir í bætur missi þeir starfsrétt-
indi sín af einhverjum orsökum,
hvort sem er vegna veikinda eða ef
hertar reglur verði til þess að flug-
menn standist ekki lengur kröfur
sem til þeirra eru gerðar.
Þeir flugrekendur sem hafa gert
samning við FÍA greiða iðgjöld
vegna þessarar trygginga en auk
þess eru greiddar örorkubætur úr
líffeyrissjóði flugmanna.
Sé flugmaður sviptur starfsrétt-
indum á hann í fyrstu rétt á laun-
um til 13 mánaða. Ef útséð er um
að réttindi hans verði endurnýjuð
öðlast flugmaðurinn bótarétt, en
ekki fyrr, segir Franz.
27 milljónir í bætur
Tryggingabætur vegna missis
starfsréttinda nema nú um 27
milljónum hjá þeim flugrekendum
sem FÍA hefur samið við en þessar
bætur hækkuðu um meira en 100%
í síðustu kjarasamningum. Að auki
geta flugmenn sjálfir keypt sér
starfstryggingu eins og aðrar stétt-
ir. Franz segir þó að þessar bætur
hrökkvi skammt sé miðað við þau
laun sem flugmaður getur unnið
sér inn á óskertri starfsævi.
Mikið hefur verið fjallað um mál
flugmanns sem Þengill Oddsson,
sem nú hefur verið leystur frá
störfum sem trúnaðarlæknir Flug-
málastjórnar, treysti sér ekki til að
veita heilbrigðisvottorð án tak-
markana. Flugmaðurinn veiktist
áður en tryggingabætur hækkuðu
en Franz segist hvorki hafa þekk-
ingu né vilja til að tjá sig um hvort
það hafi áhrif á hugsanlegar bóta-
greiðslur til hans. Franz telur
reyndar öruggt að viðkomandi
flugmaður fái aftur réttindi til að
fljúga. Flugmaðurinn fékk heil-
brigðisvottorð á síðasta ári og
stundaði þá flug. Í lok síðasta árs
þurfti hann hins vegar að fara aft-
ur í heilbrigðisskoðun, en hún hef-
ur ekki farið fram ennþá.
Trúnaðartraust
verður að ríkja
Franz segir að hættu á að sú
meðferð, sem mál flugmannsins
hefur hlotið, verði til þess að flug-
menn tilkynni síður um veikindi.
Það sé grafalvarlegt mál. „Hann
tilkynnir þarna um veikindi sem
hann hefði alls ekki þurft að gera.
Hann fékk ekki hjartaáfall, það er
mikill misskilningur, heldur var
þetta örblæðing í heila. Hann fékk
þess vegna svima þar sem hann
var staddur heima hjá sér,“ segir
Franz. Flugmaðurinn leitaði í kjöl-
farið til læknis og kom blæðingin
þá í ljós, en hún var sögð orsakast
af of háum blóðþrýstingi. Franz
segir allar líkur á því að hefði flug-
maðurinn bara setið heima og
slappað af í nokkra daga hefði
þetta aldrei uppgötvast.
Franz minnir ennfremur á að úr-
skurðarnefndin sem hafi komist að
þeirri niðurstöðu að flugmaðurinn
ætti að geta flogið án takmarkana
hafi verið skipuð sérfræðingum í
hjarta- og taugalækningum. Þeng-
ill Oddsson sé á hinn bóginn heim-
ilislæknir sem reyndar hafi lokið 60
klukkustunda námskeiði í flug-
reglum og teljist því fluglæknir.
Slíkt námskeið flokkist þó varla
undir sérfræðimenntun. Þá finnst
honum undarlegt að Þengill telji
flugmanninn nú óhæfan til að
fljúga en hafi sjálfur gefið út heil-
brigðisskírteini til fjögurra mán-
aða.
Vill afrit af bréfum
til erlendra sérfræðinga
FÍA hefur farið fram á að fá af-
rit af bréfaskiptum Þengils Odds-
sonar við flugmálayfirvöld í Kan-
ada og Noregi. Í Morgunblaðinu
29. desember sl. kom fram að
framkvæmdastjóri flugmálastjórn-
ar Kanada hafi lýst yfir áhyggjum
af því að íslenskur flugmaður, sem
hefði fengið heilablóðfall, hafi feng-
ið leyfi til að fljúga. Þá sagði yf-
irlæknir norsku flugmálastjórnar-
innar að miðað við þær upplýsingar
sem hann hefði fengið hjá Þengli
myndi flugmaðurinn aldrei fá leyfi
til að fljúga í Noregi. Franz Ploder
segir að FÍA hafi einfaldlega
áhuga á að vita hvernig mál flug-
mannsins hafi verið kynnt fyrir
þessum erlendu sérfræðingum.
Flugmenn fá bætur ef
þeir missa starfsréttindi
FÍA vill afrit af bréfaskiptum Þengils Oddssonar
við erlenda sérfræðinga
ÞÓRÐUR Guðmundsson, forstjóri
Hátækni hf, hefur verið til-
nefndur sem aðalkjörræðismaður
Finnlands í Reykjavík. Hann tek-
ur við af Haraldi Björnssyni, sem
verið hefur ræðismaður Finnlands
í Reykjavík síðan 1965 og aðal-
kjörræðismaður frá 1968 en hann
lét af störfum í lok desember.
Sendiherra Finnlands á Íslandi,
Timo Koponen, afhenti Þórði
skipunarbréf í gær í móttöku í
sendiherrabústaðnum í gær sem
haldin var honum til heiðurs. Þá
var Þórði afhent viðurkenning-
arbréf frá íslenska utanríkisráðu-
neytinu.
Lengst til vinstri á myndinni er
Gunnlaug Jóhannesdóttir, eig-
inkona Þórðar Guðmundssonar
nýs aðalkjörræðismanns sem
stendur henni við hlið. Þá kemur
Þóra Stefánsdóttir, eiginkona
Haraldar Björnssonar fráfarandi
aðalkjörræðismanns, sem næstur
er í röðinni og lengst til hægri er
Timo Koponen, sendiherra Finn-
lands á Íslandi.
Morgunblaðið/Ásdís
Nýr aðalkjörræðis-
maður Finnlands
FRANZ Ploder, formaður Félags
íslenskra atvinnuflugmanna, segist
ekkert hafa heyrt frekar frá for-
ráðamönnum Flugleiða um hug-
myndir um 18 mánaða launafryst-
ingu.
Þeirri hugmynd var varpað fram
á óformlegum fundi í desember.
„Við sögðumst taka afstöðu til þess-
ara hugmynda ef þeir kæmu með
formlega beiðni og við höfum ekki
fengið hana ennþá,“ segir Franz.
Að óbreyttu munu því launa-
hækkanir sem tóku gildi um ára-
mótin koma til framkvæmda en
samkvæmt kjarasamningi áttu laun
flugmanna að hækka um 3% og
vaktaálag um 3% til viðbótar.
Hugmyndir um launafrystingu
Ekkert formlegt
erindi borist til FÍA