Morgunblaðið - 04.01.2002, Blaðsíða 20

SUÐURNES
20 FÖSTUDAGUR 4. JANÚAR 2002 MORGUNBLAÐIÐ
BÍLL fór út af Garðvegi snemma í
gærmorgun og valt. Ekki urðu alvar-
leg slys á fólki.
Ökumaður á leið út í Garð missti
stjórn á bifreið sinni í hálku skammt
frá golfskálanum með þeim afleið-
ingum að hún lenti út af veginum og
valt. Ökumaður og farþegi voru flutt
á Sjúkrahús Suðurnesja en fengu að
fara heim að skoðun lokinni. Talið er
að meiðsli þeirra séu óveruleg, að
sögn lögreglu, en bifreiðin var flutt í
burtu með kranabíl.
Valt út af
Garðvegi
Garður
STJÓRN Hitaveitu Suðurnesja hf.
ákvað í gær að leggja til að hluthafa-
fundur samþykkti samruna við Bæj-
arveitur Vestmannaeyja.
Viðræðunefndir Hitaveitu Suður-
nesja og Bæjarveitna Vestmanna-
eyja náðu fyrir áramót samkomulagi
um samruna en áður hafði bæjar-
stjórn Árborgar dregið Selfossveitur
út úr viðræðum um sameiningu
veitnanna þriggja.
Stjórnir beggja fyrirtækjanna
hafa nú samþykkt samrunann sem
miðast við áramót en samning þeirra
þarf að staðfesta á hluthafafundi
Hitaveitu Suðurnesja og í bæjar-
stjórn Vestmannaeyja. Býst Júlíus
Jónsson, forstjóri Hitaveitu Suður-
nesja, við hluthafafundi seinni hluta
janúarmánaðar en að hluthöfum
verði kynnt málið fyrr með óform-
legum hætti.
Hann vill ekki gefa upp efnisatriði
samningsins, fyrr en eftir að þau
hafa verið kynnt fyrir hluthöfum.
Meðmæltir
samruna
veitufyrir-
tækja
Suðurnes
ÞRETTÁNDAGLEÐI Reykjanes-
bæjar á Iðavöllum í Keflavík verður
veglegri en áður hefur þekkst og á
eftir verða tónleikar í Reykjaneshöll
þar sem hljómsveitin Hljómar leikur
auk annarra.
Dagskrá þrettándagleðinnar í
Reykjanesbæ næstkomandi sunnu-
dag hefst í Reykjaneshöll klukkan
18.30. Þar verður boðið upp á and-
litsmálningu í karnivalstemmningu
og leik í hoppikastölum fyrir yngstu
kynslóðina. Skrúðganga upp á Iða-
velli hefst klukkan 19.35.
Á Iðavöllum verður kveikt í álfa-
brennu og björgunarsveitin Suður-
nes verður með flugeldasýningu. Jól-
in verða kvödd með dagskránni sem
hefst þar klukkan 20. Þar verða
hljómsveitir og kórar og í tilefni
dagsins koma fram álfakóngur og
-drottning, púkar, grýla, leppalúði
og jólasveinar.
Að svo búnu verður gengið fylktu
liði í Reykjaneshöllina þar sem boðið
verður upp á heitt kakó og tónlist.
Hljómar stíga á svið klukkan 21.10,
hljómsveitin Jonni og félagar tekur
við af þeim og Rými lýkur síðan tón-
leikunum.
Að sögn Ragnars Arnar Péturs-
sonar, forvarnar- og æskulýðsfull-
trúa Reykjanesbæjar, er áætlað að
yfir fjögur þúsund manns hafi komið
á gleðina á síðasta ári. Hann telur að
Hljómar hafi aðdráttarafl, ekki síst
fyrir brottflutta Suðurnesjamenn,
og að von geti verið á fimm til sjö
þúsund gestum í ár.
Hljómar á
þrettánda-
gleði
Reykjanesbær
LAGÐAR hafa verið fram hug-
myndir um nýtt skipulag almenn-
ingssamgangna í Reykjanesbæ. Til
flutninga á fólki verði notaðir
leigubílar í stað hefðbundinna
strætisvagna. Hjálmar Árnason al-
þingismaður og Kjartan Már
Kjartansson bæjarfulltrúi hafa ver-
ið að kynna þessar nýstárlegu
hugmyndir fyrir bæjaryfirvöldum
og hagsmunaaðilum. Segjast þeir
hafa fengið jákvæð viðbrögð og
telja að með þessari lausn verði
hægt að bæta almennissamgöngur
og gera þær umhverfisvænni og
ódýrari fyrir bæjarfélagið.
Hjálmar segir að frændi sinn,
Hjálmar W. Hannesson sendiherra í
Kanada, hafi sagt sér frá umræðum
þar í landi um umhverfis- og sam-
göngumál, meðal annars þeirri að
nota leigubíla í stað strætisvagna
en það fyrirkomulag hafi verið tek-
ið upp í bænum Rimouski og reynst
vel. „Ég ræddi málið við vin minn
Kjartan Má og okkur leist vel á,“
segir Hjálmar.
Farþegum fækkar
stöðugt
Kjartan segir að eftir sameiningu
sveitarfélaganna sem mynda
Reykjanesbæ hafi verið byggt upp
almenningsvagnakerfi, á grunni
þess skólaaksturskerfis sem áður
var. Þrír vagnar aka hringi um bæj-
arfélagið á hálftíma fresti.
Kjartan segir að aðsókn að vögn-
unum minnki stöðugt og sé orðin
lítil, þjónustan nái ekki til almenn-
ings. Segir hann að vagnarnir séu
eitthvað notaðir á morgnana, þegar
börnin fari í skóla, og síðan eftir
skóla en sáralítið þess í milli. Þjón-
ustan sé lítil. Vagnarnir aki á hálf-
tíma fresti og komi við á tiltölulega
fáum stöðum. Þrátt fyrir fáa far-
þega aki bílarnir stöðugt sína
hringi og bærinn borgi 36 milljónir
á ári, samkvæmt fjárhagsáætlun
næsta árs, með þjónustunni til SBK
sem annast hana.
Samningur bæjaryfirvalda við
SBK um rekstur almennings-
samgangna rennur út um næstu
áramót. Miðað við þróunina und-
anfarin ár má búast við að núver-
andi kerfi verið endurskoðað frá
grunni eða jafnvel lagt niður. Að
mati Kjartans er um þrjá kosti að
ræða. Í fyrsta lagi að framlengja
núverandi fyrirkomulag. Í öðru lagi
að hætta almenningssamgöngum í
núverandi mynd og taka upp akstur
skólabíla í staðinn. Og í þriðja lagi
að taka upp alveg nýtt kerfi.
Hjálmar og Kjartan telja ófært
að leggja niður almennings-
samgöngur í Reykjanesbæ. Þótt
þær séu allt of illa nýttar séu
ákveðnir bæjarbúar háðir þeim, til
dæmis aldraðir, öryrkjar og börn.
Þá þurfi íbúar hverfanna sem liggja
fjærst þjónustunni í kjarna Kefla-
víkur/Njarðvíkur, til dæmis í Höfn-
um og Innri-Njarðvík, slíka þjón-
ustu.
Þeir telja því rétt að skoða með
opnum huga hugmyndirnar sem
reyndar hafa verið í kanadíska
bænum.
Borga áfram
strætógjald
Rimouski er 32 þúsund manna
bæjarfélag sem var komið í vand-
ræði með almenningssamgöngur,
eins og mörg bæjarfélög hér á landi
og annars staðar. Stjórnendur bæj-
arins fóru þá leið að koma upp hálf-
opinberri stofnun, Taxibus, sem
semur við leigubílastöðvar um akst-
ur í stað almenningsvagnanna. Bið-
stöðvum var fjölgað mjög. Fólk
þarf að skrá sig til þátttöku og
panta far fyrirfram. Í upphafi var
áskilið að hámarksbið væri klukku-
stund og fólkið yrði tekið upp á
næstu biðstöð en að sögn Hjálmars
hefur reynslan orðið sú að biðtím-
inn hefur styst og er nú kortér til
hálftími.
Farþegarnir borga fast gjald,
eins og í strætó, hvort sem þeir eru
einir á ferðinni eða fleiri hafi verið
teknir upp. Taxibus greiðir síðan
leigubílastöðinni það sem vantar
upp á akstursgjald samkvæmt
gjaldmæli. Þessi stofnun bæj-
arfélagsins hefur nákvæmt eftirlit
með akstrinum og kostnaði með
tölvukerfi og segir Hjálmar að eng-
in vandræði hafi komið upp vegna
misnotkunar. Þetta nýja kerfi kost-
ar sveitarfélagið 12 milljónir kr. í
stað 34 milljóna sem það greiddi áð-
ur með strætisvagnarekstrinum.
Sóttir heim að dyrum
Hjálmar og Kjartan Már leggja
til að athugaðir verði möguleikar á
því að koma upp samskonar kerfi í
Reykjanesbæ. Telja þeir eðlilegt að
leita samninga við SBK um að
skipuleggja flutningana og hafa
eftirlit með þeim, til þess að ekki
þurfi að byggja upp sérstaka stofn-
un til þess. SBK gæti þá líka notað
sína bíla þegar um flutning á stærri
hópum væri að ræða, eins og stund-
um gerðist. Samið yrði við leigu-
bílastöðvarnar tvær í Reykjanesbæ
um aksturinn. Hafa þeir rætt við
þessi fyrirtæki og segjast hafa
fengið góðar viðtökur. Leigubíl-
stjórar séu fegnir að fá viðskipti á
tíma sem þeir hafa lítið að gera. Þá
sé þarna verið að nýta fjárfestingu
sem fyrir er í leigubílaflotanum.
Þeir segja að aðstæður í Reykja-
nesbæ séu þannig að ekki væri
óraunhæft að gera ráð fyrir að far-
þegarnir yrðu sóttir heim að dyr-
um, ekki þurfi að koma upp sér-
stökum biðstöðvum. Með því sé
hægt að bjóða upp á mun liprari
þjónustu.
Lauslegir útreikningar Kjartans
Más og Hjálmars benda til að hægt
yrði að draga mjög úr kostnaði
Reykjanesbæjar við almennings-
samgöngur með notkun leigubíl-
anna. Er þá miðað við að 2,8 far-
þegar yrðu að meðaltali í ferð og
farið kostaði 200 krónur á mann-
inn, eins og í strætó á höfuðborg-
arsvæðinu. Hjálmar telur þó hugs-
anlegt að hafa gjaldið lægra.
Kjartan Már tekur fram að mikið
myndi vinnast, jafnvel þótt kostn-
aður yrði sá sami og við eldra kerf-
ið. Bæjarbúar fengju mun betri og
persónulegri þjónustu en hægt er
að veita með strætisvögnum.
Þá vekur Hjálmar athygli á um-
hverfisþætti málsins. Nú aki stórir
dísilbílar hring eftir hring í bænum,
hvort sem í þeim eru fleiri eða færri
farþegar, eða jafnvel enginn.
Tilraunarinnar virði
Þeir félagar eru sannfærðir um
að það sé tilraunarinnar virði að
láta reyna á þessa hugmynd. Kjart-
an Már segir að hún verði skoðuð af
framkvæmda- og tækniráði bæj-
arsins sem fer með málefni almenn-
ingssamgangna. Býst hann þó við
að það komi í hlut nýrrar bæj-
arstjórnar að ákveða um fyr-
irkomulag almenningssamgangna
eftir að samningarnir við SBK
renna út um áramót.
Nýstárlegar hugmyndir um fyrirkomulag almenningssamgangna
Morgunblaðið/Helgi Bjarnason
Hjálmar Árnason alþingismaður og Kjartan Már Kjartansson, bæjarfulltrúi Framsóknarflokks, hafa kynnt
hugmyndir um alveg nýtt skipulag almenningssamgangna í Reykjanesbæ.
Leggja til að leigubílar verði
notaðir í stað strætisvagna
Reykjanesbær
♦ ♦ ♦
♦ ♦ ♦