Morgunblaðið - 04.01.2002, Blaðsíða 54

54 FÖSTUDAGUR 4. JANÚAR 2002 MORGUNBLAÐIÐ






  BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
EFTIR að afstæðis- og skammta-
kenningarnar tóku við af heimsmynd
Newton-tímabilsins, auk þess sem
stjarnfræðingar töldu vafa á um fast-
mótaðan (stöðugan) alheim, hefur
heimsmyndin verið í ruglingi; ein hjá
þessum en önnur hjá hinum.
Afstæðis- og skammtakenningarn-
ar eru ekki taldar geta samrýmst,
(mest vegna orsakalögmálsins senni-
lega), þótt báðar séu taldar fullgildar
í sjálfu sér, og hefur styr staðið milli
tveggja fylkinga um það hvort hægt
sé að komast að einhverju orsakalög-
máli eftir að skammtakenningin kom
til sögunnar.
Þeir sem eldri eru taldir í hettunni
vilja meina að svo hljóti tilveran að
vera gjörð, en hinir, sem nú eru frek-
ar taldir hafa rétt fyrir sér, vilja
meina að orsakalögmálið virðist ekki
gilda í skammtafræðinni.
Einstein taldi að sú niðurstaða
væri ekki endanleg. Ég veit ekki til
þess að komist hafi verið að neinni
niðurstöðu um þessar grundvallar-
spurningar mannsins, en hér rétt
fyrir framan eldhúsgluggann hjá
mér er lítill höfði, sem minnir mig
óneitanlega á annan höfða, sem er á
kunnum myndum er heita Kristur á
Olíufjallinu og eru eftir hollenskan
málara frá því um 1600. Er nú ekki
tiltækt að gefa þessu gaum, skoða
þetta betur, og spyrja svo þessarar
mikilvægu spurningar um orsakalög-
málið?
ERLINGUR GUNNARSSON,
Dvergaborgum 3, Reykjavík.
Hinsta orsök
Frá Erlingi Gunnarssyni:
Drangurinn minnir höfund á annan dranga sem málaður var á 16. öld.
ÉG HEF ekki lagt það í
vana minn að hrósa gjörð-
um núverandi ríkisstjórn-
ar og hef raunar barist
gegn einum umdeildasta
gjörningi hennar, gagna-
grunninum, hér heima og
erlendis. Ekki bættist álit
mitt á Davíð og félögum
er ég hafði spurnir af því
út til Englands, þar sem
ég er við nám, að til stæði að lækka
skatta á hátekjufólki á sama tíma og
lyfjaverð til almennings hækkar og
Landspítalinn þarf að draga saman
seglin. En það er ljóstýra innan
veggja stjórnarráðsins sem gengur
undir nafninu Björn Bjarnason.
Eitt af mörgu sem staðið hefur há-
skólakennslu og -rannsóknum hér á
landi fyrir þrifum er takmarkaður að-
gangur að erlendum tímaritum. Hafa
menn beitt ýmsum brögðum í við-
leitni sinni til þess að fá aðgang að
tímaritum og má þar helst nefna að
einstakir háskólakennarar hafa keypt
einstaklingsáskrift að tímaritum en
leggja þau svo til bókasafna innan
sinna deilda, sem auðvitað er ekki lög-
legt. Allir þeir sem stundað hafa nám
erlendis kannast við viðbrigðin við að
fá allt í einu aðgang að stórum rann-
sóknabókasöfnum þar sem öll hugs-
anlegt tímarit eru til taks, auk gagna-
bankanna sem fylgja í kaupbæti.
Þetta ástand hefur einnig staðið í vegi
fyrir því að íslenskir námsmenn er-
lendis, sem eins og í mínu tilfelli þurfa
að skilja eftir maka og börn, geti kom-
ið heim endrum og sinnum og unnið
hluta af verkefnum sínum hér heima,
t.d. að ljúka við skrif á doktorsritgerð.
En dregið hefur til stórtíðinda í þess-
um málum hér á landi.
Milli jóla og nýárs var mér bent á
heimasíðuna www.hvar.is og ætlaði
ég ekki að trúa eigin augum er ég leit
á síðuna. Allir Íslendingar hafa nú að-
gang að þúsundum tímarita, sem fæst
hafa sést hér á landi, auk erlendra
gagnabanka. Þetta er ekki aðeins
akkur fyrir íslenska háskólasamfé-
lagið, því rétt er að taka fram að allir
Íslendingar hafa aðgang að þessari
dýrmætu uppsprettu. Að því er ég
best veit er það einsdæmi að heil þjóð
fái aðgang að slíku efni, því erlendis
er hann bundinn við þá sem vinna inn-
an ákveðinna stofnana. Björn Bjarna-
son á heiður skilið fyrir að hafa komið
þessu til leiðar því auk þess að stór-
efla menntun og rannsóknir hér á
landi, sé ég nú fram að að geta lagt
síðustu hönd á doktorsriterðina mína
hér heima í faðmi fjölskyldunnar.
Hvet ég alla til þess að kynna sér
þessa heimasíðu.
STEINDÓR J. ERLINGSSON,
vísindasagnfræðingur,
Svarthömrum 9, Reykjavík.
Stórtíðindi í íslenskum
menntamálum
Frá Steindóri J.
Erlingssyni: