Morgunblaðið - 04.01.2002, Blaðsíða 53

FRÉTTIR
MORGUNBLAÐIÐ FÖSTUDAGUR 4. JANÚAR 2002 53
Útsala
STÓRHÖFÐA 21
sími 545 5500
Rétt verð 87,10 kr.
Rangt var farið með verð á bens-
ínlítra hjá Esso Express-stöðvum í
frétt blaðsins í gær og er beðist vel-
virðingar á því. Rétt verð er 87,10 kr.
LEIÐRÉTT
HINN 19. desember síðastliðinn
voru, við hátíðlega athöfn í Digra-
neskirkju, brautskráðir 74 nemar
frá Menntaskólanum í Kópavogi.
Alls 43 stúdentar, 19 iðnnemar, 3
matartæknar, 7 nemendur af eins
árs skrifstofubraut og 2 nemar úr
Meistaraskóla hótel- og mat-
vælagreina. Fyrr í mánuðinum
höfðu útskrifast 6 matsveinar og 2
ferðamálanemar.
Í máli Margrétar Friðriksdóttur,
skólameistara, kom m.a. fram að
húsnæði skólans rúmar ekki lengur
með góðu móti þá starfsemi sem
þar fer fram og á haustönn hefur
staðið yfir undirbúningur sem mið-
ar að því að norðurálma skólans
verði rifin og ný tveggja hæða við-
bygging komi í hennar stað. Með
byggingunni má tryggja viðunandi
stöðu framhaldsskólamála í Kópa-
vogi næstu árin. Margrét sagði að
eitt stærsta verkefni haustannar
hefði verið að hefja kennslu með
nýrri fartölvutækni og sagði mik-
ilvægt að undirbúa nemendur sem
best til starfa í alþjóðlegu þekk-
ingar og tæknisamfélagi 21. ald-
arinnar. Hún þakkaði kennurum
sem hún sagði hafa staðið sig sér-
lega vel á þessu sviði og gat þess að
í nóvember sl. hafi dönskukennarar
skólans fengið viðurkenninguna
Evrópumerkið 2001 sem veitt er af
framkvæmdastjórn Evrópusam-
bandsins og menntamálayfirvöldum
á Íslandi fyrir nýbreytni í tungu-
málakennslu og námi.
Margrét þakkaði einnig metn-
aðarfullt starf sem unnið hefði verið
í hótel- og ferðagreinum en skól-
anum var úthlutað Starfs-
menntaverðlaununum árið 2001,
fyrir framúrskarandi störf á sviði
starfsmenntamála. Skólameistari
gat þess ennfremur að nemendur
hefðu sýnt afburðaárangur og sagði
frá því að bakaraneminn Daniel
Kjartan Ármannsson hefði unnið til
gullverðlauna í Evrópukeppni hót-
el- og ferðamálaskóla í september
síðastliðnum en alls hefðu 700 þátt-
takendur frá 30 Evrópulöndum tek-
ið þátt. Erlendur Jónsson hefði líka
staðið sig allra nemenda best í
Landskeppni í efnafræði sem haldin
var í fyrsta skipti nú í nóvember. Í
máli Margrétar Friðriksdóttur kom
einnig fram að sú þjóð sem ætlar að
vanda sig og vera virt í samfélagi
þjóða á nýju árþúsundi verður að
eiga ábyrga og vel menntaða ein-
staklinga til að halda sig í fremstu
röð á þeim sviðum þekkingar sem
mikilvægust eru talin á hverjum
tíma – því það er menntun, ábyrgð
og eldmóður einstaklingsins sem
ræður ferð framtíðarinnar.
Í lokin minntist skólameistari
sviplegs fráfalls Arnar Sigurbergs-
sonar, aðstoðarskólameistara
Menntaskólans í Kópavogi, og við-
staddir risu úr sæti og heiðruðu
minningu hans.
Bragi Michaelsson, forseti bæj-
arstjórnar Kópavogs, afhenti ný-
stúdent, Katrínu Dagmar Beck, og
bakaranema, Njáli Trausta Gísla-
syni, peningaverðlaun úr Viður-
kenningarsjóði Menntaskólans í
Kópavogi. Einnig veitti Unnur G.
Indriðadóttir, fulltrúi Sparisjóðs
Kópavogs, Önnu Bergljótu Thor-
arensen peningaverðlaun fyrir góð-
an námsárangur í viðskiptagrein-
um.
74 nemar brautskráðir frá MK
Margrét Friðriksdóttir skólameistari veitir Katrínu Dagmar Beck
viðurkenningu fyrir góðan árangur á stúdentsprófi.
MORGUNBLAÐINU hefur borist
eftirfarandi yfirlýsing frá þingflokki
Samfylkingarinnar:
„Þingflokkur Samfylkingarinnar
lýsir þungum áhyggjum vegna
framgöngu stjórnvalda í Ísrael
gagnvart friðsamlegum mótmælum
við hernámi Vesturbakkans og
Gaza. Í gær [á miðvikudag] var dr.
Mustafa Barghouthi, læknir og
húmanisti sem í nóv. sl. var heið-
ursgestur landsfundar Samfylking-
arinnar, handtekinn tvívegis í kjöl-
far blaðamannafundar sem hann
hélt í Jerúsalem ásamt erlendum
fulltrúum grasrótarsamtakanna
GIPP (Grassroots International
Protection for Palestinians Campa-
ign). Í liðnum mánuði hafa samtökin
staðið fyrir friðsamlegum og vel
heppnuðum mótmælaaðgerðum
gegn hernáminu en þessum aðgerð-
um hefur verið mætt með ofstopa og
ofbeldi af hálfu ísraelsku lögregl-
unnar og hersins.
Stuðningur við sjálfsákvörð-
unarrétt Palestínumanna
Mustafa Barghouthi er í forystu
fyrir friðsamlegri baráttu gegn her-
námi og yfirgangi Ísraelsmanna í
Palestínu. Handtaka hans og mis-
þyrmingar er enn eitt dæmið um sí-
endurtekin brot ísraelskra stjórn-
valda gegn grundvallarmannrétt-
indum Palestínumanna og ógnun við
friðsamlega baráttu GIPP gegn her-
náminu.
Samfylkingin ítrekar eindreginn
stuðning sinn við sjálfsákvörðunar-
rétt palestínsku þjóðarinnar. Sam-
fylkingin hefur hvatt til þess að ís-
lensk stjórnvöld beiti sér á alþjóða-
vettvangi fyrir því að þjóðir heims
beiti stjórnvöld í Ísrael þrýstingi til
þess að hlíta samþykktum Samein-
uðu þjóðanna og láti af þeirri
grimmúðlegu aðskilnaðarstefnu
sem beitt er gegn Palestínumönn-
um.
Í nóvember síðastliðinn lagði all-
ur þingflokkur Samfylkingarinnar
fram tillögu til þingsályktunar þar
sem m.a. er lagt til að Alþingi álykti
að fela ríkisstjórninni að beita sér
fyrir því á alþjóðavettvangi að Ísr-
aelsmenn dragi heri sína frá her-
numdu svæðunum í Palestínu, í
samræmi við friðarsamkomulagið
sem gert var í Ósló árið 1993, og
geri þannig Palestínumönnum kleift
að lifa sem frjáls þjóð í eigin landi.
Þingflokkurinn mun leggja ríka
áherslu á að ályktunin verði tekin á
dagskrá Alþingis um leið og þing
kemur að nýju saman.“
Yfirlýsing frá Samfylkingunni
Áhyggjur af fram-
göngu ísraelskra
stjórnvalda
♦ ♦ ♦