Morgunblaðið - 04.01.2002, Blaðsíða 1

2. TBL. 90. ÁRG. FÖSTUDAGUR 4. JANÚAR 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 4. JANÚAR 2002
ATAL Behari Vajpayee, forsætisráð-
herra Indlands, sagði í gær að stríð
við Pakistan væri ekki „nauðsynlegt“
en bætti við að ekki kæmi til greina að
hefja tvíhliða samningaviðræður við
Pakistana nema þeir byndu enda á
hermdarverk íslamskra aðskilnaðar-
hreyfinga í indverska hluta Kasmír.
„Ég tel ekki að stríð sé nauðsyn-
legt. Ég hyggst gera allt sem í valdi
mínu stendur til að afstýra því. Ef
hægt verður að beita diplómatískum
aðferðum til að leysa vandamálin tel
ég enga þörf á öðrum úrræðum,“
sagði Vajpayee og bætti við að Ind-
verjar myndu ekki beita kjarnavopn-
um að fyrra bragði.
Indverjar og Pakistanar hafa sent
tugi þúsunda hermanna að landa-
mærum ríkjanna eftir blóðuga árás á
þinghúsið í Nýju-Delhí 13. desember.
Indverjar segja að hryðjuverkamenn
í Pakistan hafi gert árásina með
stuðningi leyniþjónustu pakistanska
hersins.
Blair í Suður-Asíu
Pakistanar segjast hafa handtekið
meira en hundrað íslamska öfga-
menn, sem berjast fyrir sjálfstæði
indverska hluta Kasmír, en Vajpayee
sagði að ekki væri vitað hvort þeir
tengdust árásinni á þinghúsið eða
hryðjuverkastarfsemi á Indlandi.
Indverska stjórnin hefur krafist
framsals 20 meintra hryðjuverka-
manna í Pakistan en Pervez Mush-
arraf, forseti Pakistans, segir það
ekki koma til greina.
Vajpayee og Musharraf héldu í
gær til Nepal vegna leiðtogafundar
samtaka um samvinnu í Suður-Asíu,
SAARC, sem hefst í dag. Indverjar
hafa hafnað sérstökum fundi milli
Vajpayee og Musharraf í tengslum
við leiðtogafundinn.
Tony Blair, forsætisráðherra Bret-
lands, hóf í gær fimm daga ferð um
Suður-Asíu og vonast til þess að geta
dregið úr spennunni milli Indverja og
Pakistana. Hann kom til Bangladesh í
gær og fer til Indlands í dag og Pak-
istans á mánudag.
Stríð „ekki
nauðsynlegt“
Lucknow, Nýju-Delhí, Íslamabad. AFP.
AP
Íbúar pakistansks landamæra-
héraðs flýja í átt að borginni
Lahore vegna spennunnar við
landamærin að Indlandi.
Reynt að draga úr spennunni milli
Indlands og Pakistans
YFIRVÖLD í Moskvu sögðu í gær að
fjórtán manns hefðu frosið í hel í
borginni frá því á nýársnótt og alls
um 280 manns síðan veturinn gekk í
garð. Brunafrost er nú víða í Mið- og
Austur-Evrópu, meðal annars í Pól-
landi þar sem meira en 220 manns
hafa frosið í hel í vetur. Heimilislaus
börn sofa hér í yl frá loftræstikerfi
jarðlestarstöðvar nálægt Kreml.
AP
Heljarkuldi í Moskvu
UPPTAKA evrunnar, sameiginlegs
gjaldmiðils tólf Evrópusambands-
ríkja, tókst „afbragðsvel“, að sögn
Wims Duisenbergs, bankastjóra Evr-
ópska seðlabankans, í gær, þremur
dögum eftir að evran hóf innreið sína.
Duisenberg sagði að breytingin
hefði gengið snurðulaust fyrir sig og
„jafnvel betur en búist var við“. Evr-
ópski seðlabankinn ákvað í gær að
halda vöxtum sínum óbreyttum og
Duisenberg sagði að vextirnir væru
„hæfilegir“ og þeir yrðu ekki lækk-
aðir „í fyrirsjáanlegri framtíð“.
Framkvæmdastjórn Evrópusam-
bandsins skýrði frá því í gær að um
fimmtungur íbúa aðildarríkjanna, eða
um 60 milljónir manna, ættu nú þegar
evru-seðla. Meira en 90% peninga-
sjálfsala á öllu evru-svæðinu hefðu
þegar aðlagast evrunni.
Talsmaður framkvæmdastjórnar-
innar sagði að vöruverð hefði yfirleitt
haldist óbreytt á evru-svæðinu, en
varað hafði verið við því að verslunar-
eigendur kynnu að notfæra sér upp-
töku evrunnar til að hækka vöruverð-
ið.
Gengi evrunnar lækkaði í gær
gagnvart Bandaríkjadollar, var kom-
ið niður fyrir 90 sent, eftir að hafa
hækkað á miðvikudag um 2%.
Breska stjórnin gagnrýnd
Ýmsir fjölmiðlar í Bretlandi hafa
gagnrýnt bresku stjórnina fyrir mis-
vísandi yfirlýsingar um hvort Bretar
eigi að taka upp evruna og hvatt Tony
Blair forsætisráðherra til að taka af
skarið í málinu. Blair sagði í gær að
það væri „heimskulegt“ að halda að
Bretar gætu látið sem evran væri
ekki til. „Evran er auðvitað orðin að
veruleika núna og ég tel að sú hug-
mynd að við getum hlaupið frá henni
eða stungið höfðinu í sandinn og látið
sem hún sé ekki til sé mjög heimsku-
leg,“ sagði Blair.
Upptaka evru
sögð hafa tek-
ist afbragðsvel
Brussel. AFP.

Evrumálin/26
TALIBANAR buðust í gær til
að framselja leiðtoga sinn,
múllann Mohammed Omar, í
hendur afgönskum yfirvöldum
ef Bandaríkjamenn hættu loft-
árásum á fylgsni þeirra í suður-
hluta Afganistans, að sögn
embættismanns í afgönsku
leyniþjónustunni í gær.
Nasratullah Nasrat, emb-
ættismaður leyniþjónustunnar
í Kandahar-héraði, sagði að
einn herforingja talibana, sem
gengur undir nafninu Rayes
Baghran, hefði boðist til að fyr-
irskipa hermönnum sínum, allt
að 1.500 manns, að gefast upp
og gefa sig fram við afgönsk yf-
irvöld. „Rayes Baghran lofaði
að framselja múlla Omar og að
liðsmenn hans legðu niður vopn
ef loftárásunum yrði hætt,“
sagði Nasrat. „Múlla Omar hef-
ur myrt þúsundir Afgana og
eftir handtöku hans verður
hann framseldur í hendur
bráðabirgðastjórninni í Kabúl
til að hægt verði að sækja hann
til saka.“
Talið er að Omar sé í felum í
Baghran-héraði og ættbálka-
höfðingjar á svæðinu hófu
samningaviðræður um uppgjöf
hans á mánudag. Nasrat sagði
að Omar hefði fengið þau skila-
boð að ef hann gæfist ekki upp í
dag eða á morgun yrðu loft-
árásir gerðar á fylgsni hans.
Afganistan
Bjóðast
til að
framselja
Omar
Kabúl. AFP, AP.

Liðsmenn Omars/28
FJÖLMIÐLAR í Argentínu sögðu í
gær að ný stjórn landsins myndi
lækka gengi pesóans um 30% og
tengja síðan gengi hans við gengi
Bandaríkjadollars, evrunnar og
brasilíska realsins. Búist er við að
stjórnin tilkynni gengisfellinguna í
dag og skýri frá ýmsum öðrum ráð-
stöfunum sem miðast að því bjarga
efnahagnum og afstýra því að Arg-
entína verði gjaldþrota.
Ekkert lát var í gær á mótmæl-
unum í Buenos Aires vegna efna-
hagskreppunnar. Mótmælendur
kasta hér hjólbörðum á brennandi
vegartálma.
Reuters
Gengi argentínska
pesóans fellt