Morgunblaðið - 18.01.2002, Side 10
FRÉTTIR
10 FÖSTUDAGUR 18. JANÚAR 2002 MORGUNBLAÐIÐ
Ólafur F. Magnússon kvað sér hafa
borist til eyrna fréttir um að steypu-
framkvæmdir ættu að hefjast með
vorinu og spurði borgarstjóra hvort
rétt væri. Kvað hann betra að gefa
borgarbúum tækifæri til að segja álit
sitt á málinu. Spurði hann jafnframt
hvort borgin gæti orðið skaðabóta-
skyld gagnvart framkvæmdaaðilum
ef breyta þyrfti fram komnum hug-
myndum um byggingar.
Ingibjörg Sólrún Gísladóttir borg-
arstjóri sagði sér ekki kunnugt um
steypuframkvæmdir. Hins vegar
væri ljóst að framkvæmdir myndu
ekki hefjast fyrr en með samþykkt
deiliskipulags. Ekkert mannvirki
yrði reist nema í samræmi við það og
ætti það við um þessar framkvæmdir
einnig. Borgarstjóri sagði hins vegar
enga launung á því að framkvæmda-
aðilar vildu hefjast handa sem fyrst.
Þá sagði borgarstjóri að málið
hefði farið þannig af stað að áhuga-
menn um byggingu hótels hefðu lýst
þeim áhuga sínum og væri miðað við
að byggingin tæki mið af gömlu
Reykjavík. Því hefði verið óskað eftir
aðild Minjaverndar. Borgarstjóri
sagði að væru menn þeirrar skoð-
unar að ekki skyldi byggja á lóðinni
yrði að fara yfir málið á ný, því búið
væri að fjárfesta talsvert í ýmsum
undirbúningi. Taldi hún líklegt að
borgin yrði að greiða kostnað sem af
hugsanlegum breytingum leiddi.
Júlíus Vífill Ingvarsson, borgar-
fulltrúi Sjálfstæðisflokksins, ræddi
einnig fyrirhugaðar framkvæmdir.
Hann fagnaði því að hætt hefði verið
við að grafa fyrir bílastæði á þessu
horni og kvað sér hafa líkað margt
vel í þeirri stefnu sem málið hefði
síðan tekið, að gera fornminjarnar
þar að nokkrum miðpunkti og að
þeim yrði sýnd tilhlýðileg virðing.
Borgarfulltrúinn sagði skipulag
reitsins mikið í umræðunni og sagði
þá tillögu sem nú væri til skoðunar
að mörgu leyti vænlega og athygl-
isverða. Athuga mætti þó ýmislegt,
t.d. að fátt minnti á að þarna væru
merkar fornminjar frá landsnáms-
tíð. Menn yrðu ekki varir við forn-
minjar í jörðu og sæju ekki frá gang-
stéttinni að þar væri eitthvað að
skoða. Sagði hann inngang frá Vík-
urgarði ekki vekja nægilega athygli
á þessum merka stað og kvaðst vilja
sjá fleiri tillögur um aðrar leiðir og
kannski fleiri en eina. Hann sagði að
gera yrði ráð fyrir því í kostnaðar-
og framkvæmdaáætlun að upp gætu
komið fornminjar í Víkurkirkjugarði
þegar framkvæmdir hæfust. Taldi
hann áætlun um 380 milljóna króna
kostnað sem sett hefði verið fram of
nauma.
Vandasamt verkefni
Guðrún Pétursdóttir, borgar-
fulltrúi Sjálfstæðisflokksins, sagði
borgina hér standa frammi fyrir
vandaverki, að vernda einar merk-
ustu fornminjar landsins. Því mætti
ekki rasa um ráð fram þótt kosn-
ingaár væri. Hún sagði aðeins eina
tillögu liggja fyrir og hefði hún í för
með sér talsvert rask í Víkurkirkju-
garði og lýsti eftir fleiri tillögum og
mættu þær gjarna koma erlendis frá
líka. Fornminjarnar sæjust ekki frá
götunni og gert væri ráð fyrir 500 kr.
aðgangseyri til að skoða þær. Kvað
hún þarna vera tækifæri til að láta
fornminjarnar hafa meira að segja í
götumyndinni til að þær nytu sín
betur. Þær byggju yfir upplýsingum
sem við hefðum ekki tækni til að lesa
úr í dag en það myndi koma að því.
Þess vegna væri skylda okkar að
varðveita minjarnar fyrir komandi
kynslóðir. Sagði hún mikilvægt að
gera svæðið allt að einni heild og
taka Víkurkirkjugarð með í hönnun
og undirbúning. Tók hún undir með
Júlíusi Vífli að gera yrði ráð fyrir því
í kostnaðaráætlun að fleiri fornminj-
ar fyndust og því væri núverandi
áætlun of lág.
Guðrún kynnti tillögu frá sjálf-
stæðismönnum þess efnis að leitað
yrði fleiri hugmynda um hvernig
standa mætti að varðveislu og sýn-
ingu fornminjanna. Telja þeir óvið-
unandi að aðeins sé boðinn einn val-
kostur í þessum efnum. Segir að þeir
leggi áherslu á að fela þær ekki held-
ur verði þær gerðar hluti af götu-
mynd Aðalstrætis og öllum sýnilegar
sem þar ættu leið um.
Fornminjum fullur sómi sýndur
Ingibjörg Sólrún Gísladóttir sagði
málið vera í frestun í borgarráði.
Sagði hún borgarfulltrúa ekki und-
irbúna til umræðna um tillögu sjálf-
stæðismanna. Hún sagði málið einn-
ig til umfjöllunar ennþá í skipulags-
nefnd. Hún kvaðst hafa hnotið um
þau orð Guðrúnar Pétursdóttur að
rasa ekki um ráð fram fyrir kosn-
ingar. Fannst henni það koma úr
hörðustu átt þar sem sér hefði þótt
kosningablær vera á málflutningi
sjálfstæðismanna. Sagði borgar-
stjóri þegar hafa orðið umtalsverða
seinkum á framkvæmdum miðað við
hugmyndir væntanlegra hótelbyggj-
enda. Hún sagði ætlunina að land-
námsminjum og sögu Innrétting-
anna í Reykjavík yrði til skila haldið í
tengslum við framkvæmdirnar.
Borgarstjóri sagði vitað að mann-
vistarleifar væru í Víkurkirkjugarð-
inum og sagði undirbúning fram-
kvæmda miðast við að fornminjarn-
ar yrðu aðgengilegar, útbúa yrði
kynningarrými og gera minjarnar
lifandi. Ætlunin væri að þeim yrði
fullur sómi sýndur.
Forseti borgarstjórnar samþykkti
að leita afbrigða hjá borgarfulltrúum
um hvort heimila ætti að taka tillögu
sjálfstæðismanna á dagskrá. Var það
samþykkt með 6 atkvæðum gegn
tveimur en tilskilið er að tvo þriðju
hluta atkvæða allra borgarfulltrúa
þurfi fyrir samþykki slíks afbrigðis.
Var tillagan því ekki tekin á dagskrá.
Fornminjar verði hluti af götumynd Aðalstrætis og öllum sýnilegar
Vilja fleiri tillögur um
varðveislu fornminja
GRUNNNÁMSKEIÐ í björgun á
sjó, sem haldin eru í skólaskipinu
Sæbjörgu, eru vinsæl meðal sjó-
manna og segir Hilmar Al-
marsson, yfirleiðbeinandi, að
uppbókað sé á öll grunnnámskeið
fram í október á þessu ári. Sam-
kvæmt alþjóðlegum reglum er
hámark þátttakenda á hverju
námskeiði 16 manns, en nám-
skeiðin standa í fimm daga og
eru sótt af sjómönnum víðsvegar
af landinu. Á myndinni má sjá
þátttakendur á námskeiði sem
staðið hefur yfir þessa vikuna, en
þarna var verið að kenna þeim að
vera í flotbjörgunarbúningum
auk þess sem farið var yfir
grunnatriði í því að komast um
borð í björgunarbáta.
Læra að
bjarga sér á sjó
Morgunblaðið/RAX
ÓLAFUR F. Magnússon, borgarfulltrúi utan flokka, hóf á borgar-
stjórnarfundi í gær umræðu um lóðina við Aðalstræti 14 til 18. Þar er
fyrirhugað að reisa hótel og jafnframt varðveita fornminjar sem taldar
eru frá landnámstíð sem þar eru. Lýsti hann áhyggjum vegna fyrirhug-
aðra framkvæmda. Tillögur um hvernig varðveita megi fornminjarnar
og sýna eru nú til umræðu í borgarkerfinu. Borgarfulltrúar Sjálfstæð-
isflokksins lýstu á fundinum eftir fleiri tillögum um varðveislu fornminj-
anna og óskuðu eftir að leggja fram tillögu þess efnis. Var leitað af-
brigða til að taka mætti tillöguna á dagskrá en því var hafnað.
YFIR helmingur þeirra, sem tóku
afstöðu í skoðanakönnun DV, nefndu
Björn Bjarnason menntamálaráð-
herra sem sigurstranglegasta leið-
toga D-lista Sjálfstæðisflokks í
Reykjavík, eða rúm 54%. Næst kom
Inga Jóna Þórðardóttir, núverandi
oddviti listans, með 22,3%, Júlíus
Vífill Ingvarsson borgarfulltrúi var
nefndur af 14,4% þeirra sem afstöðu
tóku og 9% nefndu Eyþór Arnalds,
sem hefur líkt og Inga Jóna gefið
kost á sér til forystu fyrir borgar-
stjórnarflokk sjálfstæðismanna.
Í könnuninni var spurt: „Hver eft-
irtalinna telur þú að sé sigurstrang-
legastur sem leiðtogi Sjálfstæðis-
flokksins í borgarstjórnarkosn-
ingunum?“ Voru síðan lesin upp
fyrrnefnd fjögur nöfn. Af 600 manna
úrtaki í Reykjavík tóku 86,7% af-
stöðu. Í heild nefndu 47% Björn
Bjarnason, 19,3% nefndu Ingu Jónu,
12,5% Júlíus Vífil og 7,7% Eyþór. Þeir
sem ekki tóku afstöðu eða neituðu að
svara voru 5,7%.
Samkvæmt könnuninni hefur
Björn Bjarnason sömu yfirburði
þeirra sem sögðust ætla að kjósa D-
listann í næstu borgarstjórnarkosn-
ingum, eða 51% af þeim sem tóku af-
stöðu. Ingu Jónu nefndu 23,8%,
14,9% nefndu Júlíus Vífil og 10,4%
Eyþór.
Skoðanakönnun DV um leiðtogaefni
Björn talinn sigur-
stranglegastur
FLUGMÁLASTJÓRN og flugum-
ferðarstjórar eru ekki á einu máli um
hvernig standa skuli að undanþágum
frá yfirvinnubanni flugumferðar-
stjóra, en flugmálastjórn segir flug-
umferðarstjóra á vakt í flugturni Ak-
ureyrarflugvallar hafa gengið gegn
tilmælum flugmálastjórnar með því
að hætta vinnu í turninum áður en
vakt hans lauk. Flugvöllurinn á Ak-
ureyri lokaðist þar með og komu þar
með fram fyrstu áhrifin af yfirvinnu-
banni flugumferðarstjóra. Þegar Fé-
lagsdómur úrskurðaði að yfirvinnu-
bannið væri löglegt fór
flugumferðarstjórinn af vaktinni, í
trássi við tilmæli yfirmanna sinna,
eftir að hafa ráðfært sig við Félag
flugumferðarstjóra.
Heimir Már Pétursson, upplýs-
ingafulltrúi Flugmálastjórnar, sagði
það skilning stofnunarinnar að fjór-
ar stöður á Akureyrarflugvelli
skyldu mannaðar án tillits til þess
um hvaða einstaklinga ræddi. Það
væru stöðugildin sem réðu ferðinni.
Farið væri eftir undanþágulista, sem
lagður var fram með úrskurði Fé-
lagsdóms árið 1998 enda væri enginn
annar listi til um hvaða stöður skyldu
mannaðar í verkfalli.
Loftur Jóhannesson, formaður
Félags flugumferðarstjóra, sagði að
nauðsynlegasta öryggisþjónusta
yrði tryggð með því að 32 flugum-
ferðarstjórar á undanþágulistanum
færu ekki í verkfall. „Það þýðir þó
ekki að þeir eigi að vinna yfirvinnu,“
sagði Loftur.
„Ef menn á undanþágulistanum
forfallast myndast skarð og enginn
kemur sjálfkrafa í staðinn. Til þess
þarf sérstakt leyfi. Flugmálastjórn
telur að hún geti notað mennina á
undanþágulistanum eins og henni
sýnist, sem er ekki rétt.“
Hann sagði að leyfi hefði verið
veitt til að breyta vaktaskrá eins
flugumferðarstjóra á Akureyri og
þar með hefðu engar truflanir orðið
af hálfu flugumferðarstjóra á flug-
umferðarstjórn um völlinn í gær.
Ósammála um undanþágur frá yf-
irvinnubanni flugumferðarstjóra
Skrifstofustjóri sam-
gönguráðuneytisins
Heimilt
að nota 1%
regluna með
skilyrðum
RAGNHILDUR Hjaltadóttir, skrif-
stofustjóri í samgönguráðuneytinu,
vill árétta vegna fyrirsagnar í Morg-
unblaðinu í gær að fluglæknum sé
heimilt að nota svokallaða 1% reglun
nema ef tilgangi reglugerðarinnar
verði ekki náð.
Ragnhildur sagðist ekki gera
neinar athugasemdir við efni fréttar-
innar en í fyrirsögn segði „Óheimilt
að leggja 1% regluna til grundvallar
niðurstöðu“. Ragnhildur segir þetta
villandi því 1% reglan hafi áunnið sér
hefð hér á landi og fluglæknum sé
heimilt að nota hana, „nema ef til-
gangi reglugerðarinnar yrði ekki
náð“.
Í reglugerðinni segir: „Umsækj-
andi um eða handhafi 1. flokks heil-
brigðisvottorðs skal ekki hafa stað-
festa sjúkrasögu eða klíníska
greiningu á taugasjúkdómi sem lík-
legt er að komi í veg fyrir að hann
geti neytt réttinda viðeigandi skír-
teina með öruggum hætti.“
Orðrétt segir í bréfi samgöngu-
ráðuneytisins til Jóns Þórs Sverris-
sonar fluglæknis. „Síðari spurningu
yðar verður því að svara á þann hátt
að fluglæknum yrði óheimilt að
leggja sk. 1% verklagsreglu til
grundvallar læknisfræðilegu mati ef
það leiddi til annarrar niðurstöðu en
ákvæði gildandi skírteinareglugerð-
ar.“