Morgunblaðið - 18.01.2002, Page 17

VIÐSKIPTI/ATHAFNALÍF
MORGUNBLAÐIÐ FÖSTUDAGUR 18. JANÚAR 2002 17
Opið
17. – 18. janúar kl. 14:00–20:00
19. – 20. janúar kl. 10:00–20:00
Velkomin á vörusýninguna Kínverskir dagar í Laugardals-
höll. Tólf kínversk fyrirtæki kynna hágæða iðnaðarvöru.
Forsvarsmenn fyrirtækjanna eru til viðtals á staðnum.
Sýningin er opin almenningi.
Heimilistæki Ferðaþjónusta Kínverskur bjór
Iðnaðarvörur Listiðnaður Fatnaður
Gjafavörur Verkfæri Kínverskir listmunir
Smíði fiskiskipa Viðhald fiskiskipa Veiðarfæri
Aðgangur 500 krónur fyrir 12 ára og eldri.
Aðgöngumiði gildir sem happdrættismiði.
Aðalvinningur er ferð fyrir tvo til Kína.
Skipulagt af China Council for the Promotion of International Trade og China
Chamber of International Commerce. Samstarfsaðilar: Íslensk – kínverska
viðskiptaráðið, Kínversk – íslenska menningarfélagið, Viðskiptaþjónusta
utanríkisráðuneytisins og Útflutningsráð Íslands.
Kínverskir dagar
í Laugardalshöll 17. – 20. janúar
F
í
t
o
n
/
S
Í
A
F
I
0
0
3
8
6
0
FÉLAG kvenna í atvinnurekstri,
FKA, veitti Elsu Haraldsdóttur,
eiganda hárgreiðslustofunnar
Salon Veh og heildverslunar með
hársnyrtivörur, viðurkenningu fé-
lagsins í gær.
Auk þess var Unni Arngríms-
dóttur, stofnanda Dansskóla Her-
manns Ragnars og Módelsamtak-
anna, veitt þakkarviðurkenning
frá FKA fyrir framlag hennar til
atvinnureksturs kvenna.
Þær Íris Gunnarsdóttir og
Soffía Steingrímsdóttir, stofn-
endur Femin.is, hlutu hvatning-
arverðlaun FKA.
Í ávarpi Lindu Pétursdóttur,
formanns FKA, kom fram að við-
urkenningin er veitt einstaklingi,
fyrirtæki, stofnun, félagasam-
tökum eða stjórnvaldi, sem þykir
best að slíkri viðurkenningu kom-
ið fyrir vel unnin störf í þágu at-
vinnureksturs kvenna og hefur
verið konum í atvinnurekstri sér-
stök hvatning eða fyrirmynd.
Viðurkenningin er nú afhent í
þriðja sinn en áður hafa Hillary
Rodham Clinton, þáverandi for-
setafrú Bandaríkjanna, og Þóra
Guðmundsdóttir, einn eiganda
flugfélagsins Atlanta, hlotið
hana.
Elsa Haraldsdóttir hefur stund-
að atvinnurekstur í þrjátíu ár eða
allt frá því hún stofnaði hár-
greiðslustofuna Salon Veh ehf.
árið 1971 í Glæsibæ. Elsa hefur
einnig rekið heildsölu í Reykjavík
síðustu fimmtán árin með meg-
ináherslu á innfluting ýmissa hár-
vara auk kennsluefnis fyrir hár-
snyrtifagið. Nú rekur Elsa Salon
Veh í Húsi verslunarinnar en þar
er heildsalan einnig til húsa.
Á þeim þrjátíu árum sem Elsa
hefur rekið fyrirtækið sitt hefur
hún komið að öllum hliðum fags-
ins, sýningum innanlands og ut-
an, kennslu og alþjóðlegri sam-
vinnu en hún var stofnandi
Intercoiffure á Íslandi og forseti
þess sambands um árabil. Elsa
hefur einnig tekið þátt í fjölda
keppna þar sem hún hefur unnið
til margra verðlauna. Jafnframt
hefur hún verið í dómnefndum í
norrænum, evrópskum og alþjóð-
legum hárgreiðslukeppnum.
Unnur Arngrímsdóttir stofnaði
ásamt eiginmanni sínum, Her-
manni Ragnari Stefánssyni, Dans-
skóla Hermanns Ragnars árið
1958. Dansskólann rak Unnur þar
til Hermann Ragnar lést árið
1997. Hún stofnaði einnig Dans-
kennarasamband Íslands og var
lengi vel ritari þess og síðar for-
maður.
Unnur stofnaði Módelsamtökin
árið 1967 þar sem hún sá um
rekstur snyrtiskóla og skipulagn-
ingu tískusýninga.
Þær Íris Gunnarsdóttir og
Soffía Steingrímsdóttir fengu
hugmyndina að femin.is haustið
1999 en þær höfðu saknað þess
að finna upplýsingar, afþreyingu
og ýmislegt annað fyrir konur á
einum stað á Netinu.
Vefurinn femin.is var opnaður í
október 2000 og starfa sjö ráð-
gjafar á honum. Í október sl. hóf
Stöð 2 sýningar á vikulegum
þætti, femin. Fram undan er
markaðssetning á ýmiskonar
vörum sem höfða til kvenna undir
heitinu femin og er fyrsta varan,
femin-baðvörur, þegar komin í
verslanir.
Elsa Haraldsdóttir hlýtur
viðurkenningu FKA
Morgunblaðið/Árni Sæberg
Unnur Arngrímsdóttir, Íris Gunnarsdóttir, Soffía Steingrímsdóttir og Elsa Haraldsdóttir hlutu viðurkenningar frá
Félagi kvenna í atvinnurekstri, sem veittar voru í þriðja sinn í gær.
KRISTINN H. Gunnarsson, for-
maður stjórnar Byggðastofnunar,
segir að markmið um uppbyggingu
eigin fjár þeirra fyrirtækja sem
fengið hafa úthlutað byggðakvóta
hafi ekki náðst. Hann segir að gera
þurfi breytingar á úthlutunar-
reglum kvótans til að komast hjá
deilum vegna hans, t.d. með því að
innheimta gjald fyrir kvótann.
Byggðakvótanum var fyrst út-
hlutað árið 1999 til fimm ára en
ráðstöfun hans má endurskoða ár-
lega. Kristinn segir að markmiðið
með byggðakvótanum hafi einkum
verið að stuðla að atvinnu í sjávar-
útvegi í þeim byggðum sem lent
hafi í vanda í sjávarútvegi, einkum
í gegnum fiskvinnslu. Einnig að
byggðakvótinn yrði notaður til að
byggja upp eigið fé fyrirtækja,
þannig að þau gætu staðið á eigin
fótum þegar úthlutunartímabilinu
lýkur eftir fimm ár.
Nú þegar úthlutunartímabilið er
hálfnað sýnist Kristni að fyrra
markmiðið hafi náðst, enda ljóst að
nýting byggðakvótans hafi í flest-
um tilfellum skapað atvinnu og
stöðugleika í viðkomandi byggðar-
lögum. Hinsvegar hafi hinn fjár-
hagslegi stuðningur sem felist í
ókeypis kvóta ekki skilað sér nægi-
lega í uppbyggingu eigin fjár í við-
komandi fyrirtækjum. Hann bend-
ir í því sambandi á mikinn
taprekstur Fjölnis á Þingeyri á
síðasta fiskveiðiári.
Kvótinn verði boðinn út
Kristinn segir að komið hafi upp
ákveðin vandamál við úthlutun
byggðakvótans og þau þurfi að
leysa. Stærsta vandamálið sé sam-
anburður útgerðarmanna á við-
komandi svæðum við þann sem fær
byggðakvótann. „Útgerðarmönn-
um sem þurfa að leigja til sín veiði-
heimildir eða kaupa þær fer fjölg-
andi og þeir bera sig vitanlega
saman við þann sem fær heimildir
án endurgjalds og telja að þarna sé
óeðlileg mismunun á ferðinni. Þess
vegna hafa víða komið upp deilur
um byggðakvótann. Þarna er oft
um háar fjárhæðir að tefla og því
geri ég ráð fyrir að þessi gagnrýni
muni aukast þegar fram líður. Ég
tel því að gera þurfi breytingar á
úthlutunarreglunum til að komast
framhjá þessari gagnrýni. Til
dæmis með því að láta greiða fyrir
byggðakvótann, hvort sem það
yrði með útboði eða öðrum hætti.
Engu að síður þyrftu menn þá að
undirgangast ákveðna skilmála en
á móti yrði þeim gefið færi á að
greiða minna fyrir heimildirnar en
á almennum markaði. Það má síð-
an nýta andvirði kvótans til at-
vinnuuppbyggingar á viðkomandi
svæðum eftir fyrirfram ákveðnum
leikreglum. Þannig næðist mark-
miðið um atvinnuuppbyggingu en
um leið hyrfi gagnrýni um mis-
munun á milli útgerðaraðila.“
Byggðakvótinn
ætti að vera stærri
Kristinn segir að reglulega þurfi
að endurmeta til hvaða svæða
byggðakvótanum er úthlutað því
staða ýmissa byggðarlaga hafi
breyst mjög til hins verra eftir að
kvótanum var úthlutað fyrst, svo
sem í Hrísey og á Raufarhöfn. „Ég
tel að byggðakvóti ætti að vera
stærri hluti af heildarveiðiheimild-
unum en nú er. Í dag er byggða-
kvótinn 1.500 tonn en til dæmis
mætti hugsa sér að 5% heildar-
kvótans yrði úthlutað til atvinnu-
sköpunar á þeim svæðum sem háð-
ust eru sjávarútvegi en standa
höllum fæti. 5% af til dæmis botn-
fiskveiðiheimildunum yrði ekki
sárt fyrir heildina en engu að síður
töluvert magn og mikilvægt fyrir
hinar smærri byggðir,“ segir
Kristinn.
Markmið
byggðakvótans
hafa ekki náðst
Stjórnarformaður Byggðastofnunar
vill að greitt verði fyrir kvótann