Morgunblaðið - 18.01.2002, Side 18
VIÐSKIPTI/ATHAFNALÍF
18 FÖSTUDAGUR 18. JANÚAR 2002 MORGUNBLAÐIÐ
Lakari afkoma Búnaðar-
bankans en áætlað var
HAGNAÐUR Búnaðarbankans,
móðurbanka, eftir fyrstu 11 mánuði
ársins 2001, var 609 milljónir króna
eftir reiknaða skatta og er þá tekið
tillit til áhrifa lækkaðs tekjuskatts-
hlutfalls á tekjuskattsskuldbindingu
bankans. Er þessi niðurstaða held-
ur undir áætlun, samkvæmt til-
kynningu frá Búnaðarbankanum í
gær.
Í tilkynningu bankans segir að
lakari afkoma en áætlað var skýrist
alfarið af mjög erfiðum aðstæðum á
verðbréfamörkuðum og þeim áhrif-
um sem sveiflur á fjármálamörk-
uðum hafi á rekstrarafkomu bank-
ans hverju sinni. Gengistap
bankans á þessum tímapunkti hafi
verið um 1.021 milljón króna frá
áramótum. Þar af hafi gengistap
vegna hlutabréfa vegið þyngst eða
rétt um 800 milljónir. Greint var frá
endurskoðuðu uppgjöri fyrir rekst-
ur móðurfélags Búnaðarbankans
eftir fyrstu 11 mánuði ársins 2001 í
tengslum við fyrirhugaðan hluthafa-
fund Búnaðarbankans 16. febrúar
næstkomandi, vegna samruna bank-
ans og Gildingar, sem miðast við 30.
nóvember 2001.
VINDKORT, skýjahulumælingar
og rannsóknasetur smáríkja voru
þær þrjár hugmyndir sem hlutu
verðlaun í hugmyndasamkeppn-
inni Uppúr skúffunum 2001, en
verðlaunin voru afhent í gær. Alls
bárust 18 hugmyndir í samkeppn-
ina.
Að þessu sinni voru veitt tvenn
fyrstu verðlaun, að fjárhæð 500
þúsund krónur, og tengjast þau
bæði veðurfræði. Þar er annars
vegar um að ræða vindkortagerð,
sem Haraldur Ólafsson veðurfræð-
ingur stendur fyrir, og hins vegar
skýjahulumælingar, sem Guð-
mundur G. Bjarnason, doktor í
efna- og eðlisfræði, er í forsvari
fyrir. Rannsókna- og kennslusetur
um smáríki, sem Baldur Þórhalls-
son, doktor í stjórnmálaheimspeki,
leiðir, fékk önnur verðlaun í sam-
keppninni, 250 þúsund krónur.
Þetta er í fjórða skiptið sem
verðlaun eru veitt í hugmynda-
samkeppninni Uppúr skúffunum,
sem er samstarfsverkefni Rann-
sóknaþjónustu Háskóla Íslands og
Nýsköpunarsjóðs atvinnulífsins um
nýtingu rannsóknaniðurstaðna. Í
ár bættist sprotasjóðurinn
Tækniþróun í hóp samstarfsaðila
verkefnisins en hann styrkir sam-
keppni um hagnýt lokaverkefni
stúdenta við Háskóla Íslands.
Verkefnið Uppúr skúffunum
felst annars vegar í ráðgjöf og
skipulagningu námskeiða til handa
rannsóknafólki og hins vegar í
hugmyndasamkeppni tengdri hag-
nýtingu rannsóknaniðurstaðna.
Stofnuð hafa verið fyrirtæki í
tengslum við fimm af þeim níu
hugmyndum sem unnið hafa til
verðlauna í hugmyndasamkeppn-
inni Uppúr skúffunni.
Í umsögn dómnefndar segir að
hagnýting hugmyndar Haraldar
Ólafssonar, vindkortagerð, felist í
sérfræðiráðgjöf fyrir fram-
kvæmdaaðila og verkfræðinga í
mannvirkjagerð.
Hagnýting skýjahugumælinga
Guðmundar G. Bjarnasonar felst í
að sækja um einkaleyfi og hefja
framleiðslu á sjálfvirkum geisla-
mælitækjum sem ásamt sérsmíð-
uðum hugbúnaði geta sagt til um
skýjafar á rauntíma og er að sögn
dómnefndar handhægt að setja
upp í sjálfvirkum veðurstöðvum.
Um hugmynd Baldurs Þórhalls-
sonar segir dómnefndin að hag-
nýtingarmöguleikar rannsókna-
og kennsluseturs um smáríki felist
í námskeiðahaldi, þjónustuverk-
efnum og námsgagnagerð.
Dómnefnd skipuðu Gísli Bene-
diktsson, Nýsköpunarsjóði, Ásta
Erlingsdóttir, Rannsóknaþjónustu
Háskóla Íslands, og Rögnvaldur
Ólafsson, Háskóla Íslands.
Hugmyndasamkeppnin Uppúr skúffunum 2001
Vindkort, skýjahulumælingar
og rannsóknasetur smáríkja
Morgunblaðið/Kristinn Ingvarsson
Magnús Jónsson veðurstofustjóri afhendir Haraldi Ólafssyni verðlaun. Að baki þeim standa verðlaunahafarnir
Guðmundur G. Bjarnason og Hjalti Þór Vignisson, samstarfsmaður Baldurs Þórhallssonar, sem var fjarverandi.
Húsasmiðjan
í samstarf við
Expert Eilag
NORSKA raftækjaverslanarkeðjan
Expert Eilag mun opna stórmarkað
hér á landi í samstarfi við Húsasmiðj-
una síðar á þessu ári. Frá þessu var
greint á fréttavef Dagens Næringsliv
í gær.
Þar segir jafnframt að Expert Eil-
ag stefni í að verða ein af stærstu
verslunarkeðjunum á Norðurlöndum
sem versla með raftæki og rafmagns-
vörur. Fyrirtækið er sagt vera að
auka hlutdeild sína í Danmörku og
jafnframt að hefja starfsemi í balt-
nesku löndunum og Póllandi. Sagt er
að markmið fyrirtækisins sé að verða
önnur af tveimur stærstu verslunar-
keðjunum á Norðurlöndum á sínu
sviði árið 2004.
Kröfur á Stáltak
um 200 milljónir
SAMNINGSKRÖFUR á Stáltak hf.
eru um 200 milljónir króna að sögn
Ólafs Hilmars Sverrissonar, fram-
kvæmdastjóra fyrirtækisins.
Héraðsdómur Reykjavíkur kvað
upp þann úrskurð 11. janúar síðast-
liðinn að Stáltaki skyldi veitt heimild
til nauðasamningsumleitana. Var
heimildin veitt í framhaldi af heimild
til greiðslustöðvunar sem Héraðs-
dómur veitti fyrirtækinu 17. október
2001.
Ólafur Hilmar segir að miðað við
þann feril sem nú fari í gang sé gert
ráð fyrir að fundur verði haldinn í
byrjun mars með kröfuhöfum þar
sem afstaða verði tekin til nauða-
samnings.