Morgunblaðið - 02.03.2002, Blaðsíða 4

FRÉTTIR
4 LAUGARDAGUR 2. MARS 2002 MORGUNBLAÐIÐ
TUTTUGU og sjö ára gamall karl-
maður, Bjarni Þór Finnbjörnsson,
var í gær dæmdur í þriggja ára fang-
elsi fyrir að smygla 2.779 e-töflum til
landsins í apríl í fyrra. Hann var
handtekinn á salerni í komusal flug-
stöðvar Leifs Eiríkssonar þar sem
hann var „eitthvað að bauka yfir
bakpoka“ en í honum voru e-töflurn-
ar geymdar.
Bjarni Þór neitaði því að hafa
staðið að innflutningi e-taflnanna og
sagði sinn hlut í málinu takmarkast
við að koma þrítugum ferðafélaga
sínum í samband við sölumann efn-
anna í Amsterdam. Tilviljun hefði
ráðið því að hann hefði verið með
fíkniefnin í fórum sínum þegar hann
var handtekinn. Ferðafélagi hans
var einnig ákærður en Héraðsdómur
Reykjavíkur sýknaði hann og sagði
ósannað að hann hefði átt nokkurn
þátt í innflutningnum. Þriðji maður-
inn sem fór með þeim utan var ekki
ákærður í málinu.
Upphaf málsins var það að fíkni-
efnadeild lögreglunnar í Reykjavík
bárust upplýsingar um fyrirhugaðan
fíkniefnainnflutning. Hjá lögreglu og
fyrir dómi sagði Bjarni Þór að frum-
kvæðið hefði komið frá ferðafélaga
sínum en sjálfur hefði hann kannað
möguleika á kaupum í Amsterdam.
Ferðafélagi hans hefði fjármagnað
ferðina að öllu leyti en sjálfur hefði
hann vonast til að með þátttöku sinni
yrði fíkniefnaskuld sín felld niður.
Mennirnir fóru til Frankfurt og tóku
þaðan lest til Amsterdam þar sem
þeir höfðu samband við Íslending
sem seldi þeim töflurnar.
Leist ekki á blikuna og ætlaði
að henda efnunum
Að sögn Bjarna ætluðu þeir að
skilja töflurnar eftir ytra en síðan fá
einhvern til að flytja þær til landsins.
Sökum tímaskorts varð ekkert af
þessu og var ákveðið að hafa þær
meðferðis en þriðji ferðafélaginn
hafði talað um að einhver sem hann
þekkti hefði aðstöðu til að fara með
efnin fram hjá tollskoðun í flugstöð-
inni.
Bjarni kvaðst hafa orðið viðskila
við ferðafélaga sína í flugstöðinni.
Eftir nokkra stund hefði honum ekki
litist á blikuna en hann kvaðst marg-
sinnis hafa sagt þeim að hann myndi
ekki taka þátt í innflutningi fíkni-
efna. Hann hefði því farið inn á sal-
ernið í því skyni að henda töflunum
en þá verið handtekinn.
Við meðferð málsins var lögð fram
ný matsgerð á eiginleikum e-taflna.
Segir í dómnum að ekkert hafi komið
fram í málinu sem sé til þess fallið að
breyta mati dómstóla á saknæmi
innflutnings á e-töflum. Í dómnum
segir að saknæmi fíkniefnabrota sé
byggt á hættueiginleikum efnanna
og verði því fyrst virkt þegar efnin
eru sett í umferð og þeirra neytt.
Bjarni hafi reynt að afstýra hætt-
unni af brotinu með því að fleygja
töflunum á salerni flugstöðvarinnar.
Var þetta metið til refsilækkunar
sem og hreinskilnisleg játning.
Auk refsivistarinnar var Bjarna
gert að greiða ¾ af málsvarnarlaun-
um Björns L. Bergssonar hrl.
800.000 krónur en ríkissjóður greiðir
fjórðung þar sem Bjarna var rang-
lega meinað að útvega sér sjálfum
fæði meðan á gæsluvarðhaldsvist
hans stóð. Verjandi ferðafélaga hans
var Pétur Örn Sverrisson hdl.
Guðjón St. Marteinsson, Hervör
Þorvaldsdóttir og Skúli J. Pálmason
kváðu upp dóminn.
Þriggja ára fangelsi fyrir smygl á 2.779 e-töflum
Keypti e-töflur af
Íslendingi í Hollandi
ÞINGFLOKKUR sjálfstæðismanna
samþykkti í gær tillögu Davíðs
Oddssonar, forsætisráðherra og
formanns flokksins, um að Tómas
Ingi Olrich tæki við starfi mennta-
málaráðherra af Birni Bjarnasyni.
Ráðherraskiptin fara formlega
fram á ríkisráðsfundi í dag.
„Ég veit það að Björn Bjarnason
skilar góðu búi í erfiðu ráðuneyti.
Það verður heillandi verkefni að
takast á við ráðuneytið og ég býst
við að ég njóti góðs af því starfi sem
þar hefur hafist,“ sagði Tómas Ingi
þegar hann var spurður hvernig
honum litist á að taka við af Birni.
Tómas Ingi kvaðst koma til með
að byrja á því að einbeita sér að
þeim málum sem væru fyrir
þinginu, þ.e. endurskoðun á upp-
byggingu vísindastarfsins. Það
væri afar stórt mál og brýnt að það
næði fram að ganga.
Erfitt val
Davíð Oddsson var spurður hvers
vegna hann hefði gert tillögu um
Tómas Inga.
„Þetta var mjög erfitt val. Það
voru mjög margir sem komu til
greina. Niðurstaðan var þessi að
Tómas Ingi tæki að sér þetta vand-
fyllta starf. Björn Bjarnason hefur
verið afburða menntamálaráð-
herra. Ég vildi gjarnan fá mann
með yfirburða þekkingu; vinnuhest
eins og Björn er sjálfur. Ég taldi þá
kosti sameinast í Tómasi Ingi, en ég
ítreka að þar komu fleiri til
greina,“ sagði Davíð.
Davíð sagði aðspurður að hann
útilokaði ekki að frekari breytingar
yrðu gerðar á ríkisstjórnin á þessu
kjörtímabili. „Það er hins vegar
ekkert í kortunum eins og er.“
Björn sagði að það hefði legið
fyrir um nokkurt skeið að hann
myndi hætta sem ráðherra þegar
framboðslisti sjálfstæðismanna í
Reykjavík vegna borgarstjórn-
arkosninganna hefði verið ákveð-
inn. „Ég kveð starfið með söknuði.
Þetta er mikið, spennandi og
skemmtilegt starf. Ég kveð það líka
með miklu stolti því að það hefur
náðst frábær árangur á mörgum
sviðum. Ég er hins vegar að fara að
takast á við ný og kannski enn þá
meira spennandi verkefni. Ég er
þess vegna með hugann við það
núna.“
Björn sagði að sér litist vel á
Tómas Inga. „Við höfum unnið
saman. Við vorum saman í mennta-
málanefnd þingsins og ég þekki
hann af góðu einu. Hann er mjög
vinnusamur. Það fer það orð af mér
að ég sé vinnusamur og mennta-
málaráðuneytið þarf á vinnusömum
manni að halda. Hann hefur líka
bakgrunn sem nýtist honum. Hann
var á sínum tíma framhaldsskóla-
kennari í Menntaskólanum á Ak-
ureyri.“
Uni niðurstöðunni
Nöfn tveggja annarra þing-
manna höfðu oftast verið nefnd í
sambandi við ráðherraskiptin, þ.e.
nöfn Sigríðar Önnu Þórðardóttur
og Einars K. Guðfinnssonar.
„Ég uni niðurstöðunni. Þetta er
niðurstaða þingflokksins. Við höf-
um unnið mjög lengi saman, ég og
verðandi menntamálaráðherra. Við
höfum átt mjög gott samstarf. Ég
sóttist auðvitað eftir þessu og þetta
eru því ákveðin vonbrigði fyrir
mig. Það er bara alltaf svona þegar
aðeins er um eitt embætti að ræða
að þá eru margir kallaðir en fáir út-
valdir,“ sagði Sigríður Anna.
Aðspurður sagði Sigríður Anna
ekki ákveðið hver tæki við for-
mennsku í utanríkismálanefnd. Það
yrði ákveðið síðar.
„Þetta er farsæl og góð nið-
urstaða. Tómas er vel að þessu
kominn. Hann hefur starfað í
menntamálanefnd og unnið að und-
irbúningi lagafrumvarpa fyrir
menntamálaráðherra þannig að ég
held að við séum hér að eignast öfl-
ugan og góðan menntamálaráð-
herra,“ sagði Einar K. Guðfinnsson.
Tómas Ingi er 59 ára gamall.
Hann lauk stúdentsprófi frá MA
1963 og stundaði nám í frönsku og
sagnfræði við HÍ 1963–1964. Hann
stundaði nám í frönsku og frönsk-
um bókmenntum, ensku og atvinnu-
landafræði við Montpellier-háskóla
í Frakklandi. Licence ès lettres-
próf 1967, Maître ès lettres mod-
ernes 1970. Tómas var kennari við
Menntaskólann á Akureyri 1970–
1991 og aðstoðarskólameistari
1973–1983. Hann var kjörinn al-
þingismaður Sjálfstæðisflokksins í
Norðurlandskjördæmi eystra árið
1991. Hann hefur verið formaður
utanríkismálanefndar Alþingis frá
árinu 1997. Eiginkona hans er Nína
Þórðardóttir.
Tómas Ingi Olrich tekur við embætti menntamálaráðherra
Heillandi
verkefni að
takast á við
Morgunblaðið/Golli
Davíð Oddsson forsætisráðherra svarar spurningum fréttamanna. Næst honum stendur Tómas Ingi Olrich, nýr
menntamálaráðherra, og lengst til hægri er fráfarandi menntamálaráðherra, Björn Bjarnason.
Morgunblaðið/Kristinn
Síðasta embættisverk Björns Bjarnasonar sem menntamálaráðherra var að opna ráðstefnu um upplýsinga-
tækni sem ráðuneytið stóð fyrir í Menntaskólanum í Hamrahlíð. Ráðstefnan var mjög fjölsótt.
FRIÐRIK Pálsson, stjórnarfor-
maður Landssíma Íslands hf., sendi
í gær frá sér eftirfarandi yfirlýs-
ingu:
„Ég var beðinn um að taka að
mér stjórnarformennsku í Lands-
síma Íslands hf. á miðju árið 1999.
Til viðbótar við hefðbundin störf
stjórnarformanns var ljóst að meg-
inverkefni mitt yrði að vinna ásamt
stjórn og forstjóra að söluferli fyr-
irtækisins í samvinnu við fram-
kvæmdanefnd um einkavæðingu og
samgönguráðuneytið. Í ljósi þess
að ákveðið hefur verið að fresta
sölu Símans um ótiltekinn tíma hef
ég tekið þá ákvörðun að láta af
stjórnarformennsku í félaginu.
Ákvörðun mína tek ég einnig vegna
þess að ég hef ekki fengið þá ótví-
ræðu traustsyfirlýsingu frá stjórn-
völdum sem ég tel forsendu þess að
ég geti náð viðunandi árangri í
störfum mínum fyrir Símann.“
Landssími Íslands hf.
Lætur af stjórnar-
formennsku
REYKJAVÍKURLISTINN fengi
nú níu borgarfulltrúa kjörna og
Sjálfstæðisflokkurinn sex ef marka
má niðurstöður skoðanakönnunar
sem Gallup gerði í febrúarmánuði og
RÚV sagði frá í gærkvöldi.
Í könnuninni mældist Reykjavík-
urlistinn með 57,8% fylgi, Sjálfstæð-
isflokkurinn með 39,9% og Frjáls-
lyndi flokkurinn með 2,3% fylgi.
Úrtakið í könnuninni var 2.178
manns og svarhlutfallið 70%. Könn-
unin var gerð á tímabilinu 2.–27.
febrúar. Spurt var: „Ef kosið yrði í
dag til borgarstjórnar hvaða flokk
eða lista myndir þú kjósa?“ 16%
þeirra sem voru spurðir voru ekki
viss um hvað þau myndu kjósa og
4% ætluðu ekki að kjósa eða skila
auðu.
Fram kemur að Gallup hefur í eitt
ár gert stöðugar mælingar á fylgi
flokkanna og hefur munurinn aldrei
mælst meiri á þessu tímabili.
Ný skoðanakönnun Gallup
Reykjavíkurlistinn
með 57,8% fylgi