Morgunblaðið - 02.03.2002, Blaðsíða 13
HÖFUÐBORGARSVÆÐIÐ
MORGUNBLAÐIÐ LAUGARDAGUR 2. MARS 2002 13
FIMM ára stúlka skarst illa á and-
liti sl. sunnudag er hún var að
renna sér á snjóþotu í brekku við
Setberg í Hafnarfirði og lenti á
óvarðri járngirðingu með þeim af-
leiðingum að sauma þurfti 14 spor í
andlit hennar. Faðir stúlkunnar,
sem varð vitni að slysinu, segir
hana hafa misst stjórn á snjóþot-
unni í harðfenni svo hún hafi lent á
töluverðri ferð á grindverkinu.
Svanlaugur Finnsson, tæknifræð-
ingur hjá gatnadeild Hafnarfjarð-
arbæjar, segir að engar kvartanir
hafi borist vegna grindverksins svo
hann viti til og ekki sé stefnt að því
að bólstra það. Hann segir að ekki
sé búið að ljúka framkvæmdum við
svæðið en útbúin hafi verið þar sér-
stök sleðabraut til hliðar við grind-
verkið.
„Það er ekki ætlast til að börnin
renni sér fyrir ofan girðinguna, þar
er holt,“ segir Svanlaugur. „Við
settum girðinguna upp, því þarna
er fjögurra metra hár hlaðinn
steinveggur, til að börnin fari ekki
þar fram af. Það er rétt að [girð-
ingin] er ekki bólstruð og ég held
að það standi ekki til.“
Svanlaugur segir að til hliðar við
grindverkið sé þar til gerð sleða-
brekka. Hann segir ómögulegt að
stúlkan hafi farið á girðinguna hafi
hún verið að renna sér í sleða-
brekkunni; þá hljóti hún að hafa
verið að renna sér í holtinu fyrir of-
an girðinguna. „Þá eru foreldrarnir
ábyrgir fyrir því ef þeir leyfa fimm
ára börnum sínum að vera í þeirri
brekku.“ Hann segir börnin ekki
eiga að renna sér ofan grindverks-
ins, því þá séu þau komin langt ut-
an þess svæðis sem er sleðabrekka.
Hann segir því ekki tilefni til þess
að bólstra grindverkið.
Náði ekki að beygja
og fór beint á grindverkið
Faðir stúlkunnar lýsir atburðin-
um á þessa leið: „Það voru margir
krakkar að renna sér þarna þennan
dag. Hún renndi sér af stað á
göngustíg sem er þarna og þar sem
grindverkið kemur beygir göngu-
stígurinn niður.
Hún náði ekki efstu
beygjunni og fór
bara beint fram af
og beint á grind-
verkið.“ Stúlkan
hafði rennt sér nið-
ur brekkuna nokkr-
um sinnum áður en
slysið varð. Faðir
stúlkunnar sá slysið
gerast og segir
hana hafa komið á
mikilli ferð niður
enda harðfenni.
Faðir stúlkunnar
segir að mikið sé
um það að börn
renni sér á þessum
stað. Sleðabraut er
við hlið girðingar-
innar en „ef þau
renna sér ekki
beint niður lenda
þau bara úti á
vegi“, segir faðir-
inn.
Neðan sleða-
brautarinnar er
mön sem varna á
því að börnin fari út
á götu en hún er
ekki fullkláruð. Að sögn Svanlaugs
á eftir að gróðursetja ofan á henni
og setja fyrirstöðu svo að börnin
renni sér ekki yfir mönina. Hann
segist vita til þess að kvartað hafi
verið um að börnin renni sér
framhjá möninni og yfir götuna.
Skurðurinn sem stúlkan fékk
náði frá auga og upp í hársrætur og
voru saumuð fjórtán spor og þurfti
stúlkan að dvelja á sjúkrahúsi yfir
nótt.
Stúlka slasaðist illa á andliti er hún fór á snjóþotu á járngrindverk við Setberg
Grindverkið óvarið
Hafnarfjörður
Hefur ekki verið
að renna sér á
þar til gerðri
sleðabraut, segir
tæknifræðingur
bæjarins
Stúlkan fór beint á grindverkið en til hliðar við það er sérstök sleðabraut þar sem ætlast
er til að börnin renni sér. Neðan hennar er mön til að varna því að börnin fari út á götu.
GESTUM Byggðasafns Hafnar-
fjarðar hefur fjölgað verulega á und-
anförnum árum og var síðasta ár
engin undantekning á því. Alls komu
um 6.500 gestir í Smiðjuna, í Sívert-
senshús komu tæp 4.000 og tæp 700 í
Siggubæ. Alls komu því um 11.000
manns á sýningar safnsins og er það
metaðsókn frá upphafi, segir í frétt á
heimasíðu Hafnarfjarðarbæjar,
www.hafnarfjordur.is.
Erlendum gestum fjölgaði um
32% og í Smiðjunni fjölgaði gestum
frá fyrra ári um 139%. Munar þar
mest um gífurlega fjölgun nemenda
frá leik-, grunn- og framhaldsskól-
um, leikjanámskeiðum, æskulýðs-
miðstöðvum og annarri æskulýðs-
starfsemi. Í þeim hópi var fjölgunin
270%.
Metaðsókn
í Byggða-
safnið
Hafnarfjörður
BÖRN og unglingar í grunnskólum
Mosfellsbæjar hafa ekki þurft að
mæta með skólatöskuna í skólann
síðustu daga. Þess í stað hafa þau,
með hugmyndaflugið að helsta
vopni, unnið að verkefnum tengd-
um þemadögum skólanna.
Í Varmárskóla hafa nemendur
helgað vinnu sína Halldóri Laxness
í tengslum við aldarafmæli skálds-
ins í apríl. Viðfangsefnið sem er
skáldið, maðurinn og Mosfelling-
urinn Halldór Laxness, var nálgast
á margvíslegan hátt, með mynd-
list, tónlist, kvikmyndagerð og
gönguferðum um heimaslóðir hans
í Mosfellsdal, svo eitthvað sé nefnt.
Lög við texta Laxness hafa ómað
um skólabyggingarnar að und-
anförnu og efnt var til maraþon-
lestrarkeppni og lásu nemendur
bækur Halldórs samfleytt í heilan
sólarhring.
Meðan á þemadögunum stóð var
komið upp kvikmyndaveri í skól-
anum og hafa eldri nemendur unn-
ið við gerð heimildarmyndar um
Halldór. Þau tóku m.a. viðtöl við
fólk sem þekkti Halldór og aðra
sem sérþekkingu hafa á verkum
hans. Á sumardaginn fyrsta verð-
ur opið hús í Varmárskóla þar sem
sett verður upp sýning á afrakstri
þemadaganna.
Unnið saman óháð aldri
Lágafellsskóli tók til starfa í
haust og þar eru nú nemendur frá
1.-6. bekk. Á þemadögum skólans
var viðfangsefnið samvinna, sam-
vera og samkennd. Nemendum var
skipt í hópa og var valið í hópana
óháð aldri. Hóparnir sinntu tveim-
ur verkefnum á dag þá þrjá daga
sem þemadagarnir stóðu yfir. Með-
al viðfangsefna hópanna var úti-
vist, þar sem farið var í ýmsa leiki,
og sleðaferðir og tækni og vísindi,
þar sem byggt og unnið var með
tæknilegókubba. Þá snerist eitt
verkefnið um tónlist þar sem börn-
in smíðuðu og bjuggu til hljóðfæri.
Í listahópnum unnu börnin sameig-
inlega að gerð risastórs vegg-
teppis sem prýða mun vegg í skól-
anum. Börnin bökuðu síðan og
opnuðu kaffihús í gær þar sem af-
raksturinn var borðaður og annað
sem gert var á þemadögunum var
til sýnis fyrir gesti og gangandi.
Um hádegi í gær tóku síðan
börnin saman höndum í orðsins
fyllstu merkingu, leiddust hönd í
hönd og mynduðu „vinakeðju“ um
ganga skólans.
Samvera
og Laxness
á þema-
dögum
Morgunblaðið/Golli
Í Lágafellsskóla sýndu börnin stolt afrakstur þemadaganna í gær.
Morgunblaðið/Árni Sæberg
Nemendur Varmárskóla gengu um Mosfellsdal og fræddust um heima-
slóðir Halldórs Laxness undir leiðsögn Bjarka Bjarnasonar.
Mosfellsbær
♦ ♦ ♦
BÆJARSTJÓRN Garðabæjar efnir
til samkeppni um nafn á félagsmið-
stöð eldri borgara í bænum. Fé-
lagsmiðstöðin verður til húsa á
Garðatorgi 7 og er gert ráð fyrir að
hún verði opnuð í lok mars nk. Til-
lögum að nafni skal skila til fræðslu-
og menningarsviðs Garðabæjar og
heimasíðu bæjarins. Einstaklingar
með lögheimili í Garðabæ geta tekið
þátt í samkeppninni. Skilafrestur er
til 10. mars 2002.
Samkeppni
um nafn
Garðabær
LEIKSKÓLINN Víðivellir í Hafn-
arfirði fagnaði 25 ára afmæli sínu á
fimmtudag. Hann er fyrsti leik-
skólinn sem Hafnarfjarðarbær
byggði sérstaklega sem slíkan. Í þá
daga byrjuðu börnin í leikskólan-
um aðeins þriggja mánaða að aldri
og ein deild var fyrir fötluð börn
sem þjónaði öllu Reykjanesi, en
hún var lögð niður árið 1992.
Fyrsti leikskólastjórinn var Þórelf-
ur Jónsdóttir. Í leikskólanum eru
nú fjórar deildir fyrir börn á aldr-
inum 6 mánaða til sex ára. Nú eru
107 börn í leikskólanum í marg-
víslegum dvalartímum og þar
starfa 38 manns.
Haldið var upp á afmælið á
fimmtudag með því að gestum var
boðið í söngstund með börnunum.
Að því loknu færðu starfsmenn
skólans honum afmælisgjöf, forláta
ræðupúlt, sem Guðrún Svava Guð-
mundsdóttir leikskólastjóri veitti
viðtöku. Þar er útskorið nafn skól-
ans og ártalið 2002. Síðan færði
Steinunn Sigurbergsdóttir skólan-
um gjafir frá foreldrafélaginu,
prentara og stafræna myndavél.
Magnús Gunnarsson, bæjarstjóri,
ávarpaði starfsmenn leikskólans og
gesti þeirra og flutti þeim heilla-
óskir bæjarstjórnar Hafnarfjarðar.
Tilkynnti hann að bæjarráð hafi á
fundi sínum á fimmtudagsmorgun
ákveðið að færa leikskólanum
200.000 krónur að gjöf til kaupa á
tækjabúnaði.
Menning og markmið leikskól-
ans byggist enn á gömlum gildum
frá upphafsárunum, segir í frétt
frá Hafnarfjarðarbæ, þ.e. blöndun
fatlaðra og ófatlaðra barna. „Mark-
miðið með blöndun á þennan hátt
er að öll börn dvelja saman á deild
og eiga þess kost að dafna hlið við
hlið í leik og starfi. Nú er á Víði-
völlum unnið að þróunarverkefninu
Gaman saman, en leikskólinn fékk
styrk til þess úr Þróunarsjóði leik-
skóla. Verkefnið felur í sér að
starfsmenn leikskólans sérhæfa sig
í að taka á móti fötluðum og lang-
veikum börnum og miðla þekkingu
sinni og reynslu til foreldra og ann-
arra samstarfsaðila. Verkefnis-
stjóri er Ásta Sigríður Loftsdóttir
þroskaþjálfi.“
Magnús Gunnarsson bæjarstjóri og Guðrún Svava Guðmundsdóttir leik-
skólastjóri ásamt fríðum hópi leikskólabarna á Víðivöllum.
Leikskólinn Víði-
vellir er 25 ára
Hafnarfjörður