Morgunblaðið - 02.03.2002, Blaðsíða 18

ÁRBORGARSVÆÐIÐ
18 LAUGARDAGUR 2. MARS 2002 MORGUNBLAÐIÐ
FJÖLMENNUR fundur var haldinn
í Sandvíkurskóla á Selfossi á vegum
foreldra- og kennarafélags skólans á
fimmtudag. Fundarefnið var nýleg
ákvörðun bæjarstjórnar að sameina
skólana í bænum Sólvallaskóla og
Sandvíkurskóla undir eina yfirstjórn.
Skólastjóra Sandvíkurskóla hefur
verið sagt upp störfum og búið er að
auglýsa eftir nýjum skólastjóra hins
sameinaða skóla. Gert er ráð fyrir að
nýr skólastjóri taki til starfa að hluta í
apríl og að fullu í júní. Fulltrúar for-
eldra og kennara á fundinum hvöttu
bæjaryfirvöld eindregið til þess að
draga ákvörðunina um sameiningu
skólanna til baka.
Í tengslum við sameiningu skól-
anna tók bæjarstjórn ákvörðun um
byggingu nýs skóla í Suðurbyggð og
er gert ráð fyrir að sá skóli taki til
starfa haustið 2004. Gert er ráð fyrir
að hinn nýi skóli hefji starfsemi sem
ný stofnun með ríflega 300 nemend-
um. Eitt meginverkefni hins nýja
skólastjóra verður að undirbúa flutn-
ing nemenda í hinn nýja skóla. Gagn-
rýni kennara og foreldra beinist með-
al annars að því að ekki er gert ráð
fyrir að Sandvíkurskóli flytjist sem
slíkur í hinn nýja skóla og hafa ásamt
fleirum bent á það sem betri leið að
halda óbreyttu skipulagi í skólunum
og undirbúa flutning Sandvíkurskóla
á nýjan stað. Á þann hátt verði
minnsta raskið í starfsumhverfi skól-
ans, skólastjórinn starfi áfram og
meiri sátt verði um skólastarfið. Á
fundinum var bent á að sameinaður
skóli með 900 nemendur starfaði í tvö
ár en síðan yrðu til tveir skólar og þá
væri sama staða komin upp aftur og
er í dag.
Ingunn Guðmundsdóttir formaður
bæjarráðs sagði bæjarstjórnina ein-
huga um sameiningu skólanna. Stefnt
væri að um 20 milljóna króna sparn-
aði á ári með þessari tilhögun og að
hún gæfi möguleika á að auka og
bæta starfið. Komið yrði á stjórnun-
arstöðum innan skólans sem samn-
ingar kvæðu á um. Litlar breytingar
yrðu í upphafi á skólastarfinu en það
væri stefna bæjarstjórnar að byggt
yrði upp stjórnkerfi og starfsmenn
skólans stýrðu þeim breytingum sem
yrðu. Hún óskaði eftir góðu samstarfi
við stjórnendur, starfsfólk og foreldra
varðandi breytingarnar.
Lítið samráð – of stór eining
Guðrún E. Magnúsdóttir kennari
gagnrýndi framgang málsins og und-
irbúning allan. Ekki hefði verið haft
samráð við starfsfólk skólanna og
ákvörðunin væri dæmigerð ákvörðun
að ofan. Kennarar efuðust um sparn-
að vegna breytinganna nema þjónust-
an yrði skert og fengju ekki séð
hvernig þessi ráðstöfun bætti aðstöðu
nemenda. Hún sagði 900 nemenda
skóla of stóra einingu, rannsóknir
sýndu að betra væri að hafa eining-
arnar smærri. Hún sagði kennara
hafa talað fyrir því að Sandvíkurskóli
flyttist í nýjan skóla og vildu þeir
vinna á þeim nótum en ekki væri
hlustað á það. Núverandi staða ylli
óöryggi hjá kennurum og sumir væru
farnir að svipast um eftir nýju starfi.
Ásta Stefánsdóttir fulltrúi skóla-
nefndar sagði skiptar skoðanir í
nefndinni um ráðstafanir bæjar-
stjórnar, formlegur fundur hefði ekki
verið haldinn um málið en vinnufund-
ur með bæjarstjórn. Hún sagði það
kröfu nefndarinnar að sameining
skólanna skilaði fjárhagslegum og
faglegum árangri en nefndin vildi fá
fram bætt skólastarf. Nefndin hefði
fallist á greinargerð fræðslustjóra í
stórum dráttum en hefði fyrirvara um
málið vegna óvissu um hraða á upp-
byggingu nýs skóla. Nefndin legði
áherslu á að tryggt væri að sem
minnst röskun yrði og að sátt næðist
milli fylkinga sem myndast hefðu.
Gunnþór Gíslason fulltrúi starfs-
manna Sandvíkurskóla gagnrýndi
bæjaryfirvöld fyrir framkomu þeirra
gagnvart skólastjóra Sandvíkurskóla,
brottrekstur hans væri ógeðfelld ráð-
stöfun. Vinátta og traust ríkti milli
starfsfólks og skólastjóra enda hefði
skólastarf gengið vel og árangur góð-
ur, tekið væri á eineltismálum og aga-
málum af ákveðni.
Þorlákur Helgason fræðslustjóri
sagði sameininguna geta bætt skóla-
starfið og aukið velferð barnanna.
Þjónustan við börnin batnaði og
kennarar fengju betra starfsum-
hverfi. Hann sagði að fara þyrfti með
gát og hafa heildarsýn yfir sviðið. Í til-
lögum sínum um sameiningu skól-
anna til bæjarstjórnar hefði hann haft
að leiðarljósi að fá fram bætt skóla-
starf
Kolbrún Guðnadóttir aðstoðar-
skólastjóri Sandvíkurskóla fór yfir
breytingar á skólaumhverfinu á Sel-
fossi síðustu ár og sagði það hafa ver-
ið heillaspor þegar tveir heildstæðir
skólar hefðu verið myndaðir og sú
ráðstöfun hefði tekist vel enda unnin í
samstarfi við kennara, foreldra og
starfsfólk skólanna. Kominn væri
stöðugleiki og festa í starf skólanna
og hún skoraði á bæjarstjórn að leyfa
skólunum að halda sér og taka þann
kost að Sandvíkurskólinn flyttist í
Suðurbyggðina og Sólvallaskóli fengi
síðan húsnæði Sandvíkurskóla til af-
nota.
Ekki fjármagn til að fara
út í einkaframkvæmd
Sandra Gunnarsdóttir fulltrúi for-
eldra sagði bæjarstjórnina hafa gert
mistök og ekki myndað farveg fyrir
breytingarnar, sameining skólanna
hefði verið samþykkt í bæjarstjórn án
samráðs við skólasamfélagið. Í
skýrslu sérfræðinga um málið væri
lögð áhersla á að allir sameinuðust
um markmiðin og unnið væri í sam-
komulagi að málum. Sandra krafðist
þess að sameiningu skólanna yrði
frestað til að skapa sátt.
Líflegar umræður urðu á fundin-
um. Ari Thorarensan hvatti til þess að
nýr skóli yrði byggður í einkafram-
kvæmd á stuttum tíma. Hann varaði
við of miklum breytingum á skólaum-
hverfi nemenda, slíkt hefði slæm
áhrif.
Karl Björnsson bæjarstjóri sagði
lítið svigrúm hjá bæjarsjóði, aðeins
100 milljónir eftir rekstur, sem þýddi
að byggja yrði nýjan skóla í áföngum
og einkaframkvæmd væri ekki mögu-
leg. Nýr skóli fyrir 500 nemendur
kostaði einn milljarð. Páll Leó Jóns-
son skólastjóri Sandvíkurskóla sagði
að áætlunum árið 1999 um byggingu
nýs skóla hefði verið ýtt út af borðinu.
Hefði verið farið eftir þeim áformum
væri nýr skóli risinn. Hann gagnrýndi
bæjarstjóra og formann bæjarráðs
fyrir að víkja af þeirri braut. Fjár-
hagslegur ávinningur yrði enginn við
þá ráðstöfun sem fyrir lægi og ekki
heldur faglegur ávinningur.
María Hauksdóttir bæjarfulltrúi
sagði ekki verið að kasta rýrð á starf-
ið í Sandvíkurskóla þó ákveðið væri
að nýr skóli í Suðurbyggð yrði sjálf-
stæð stofnun. Bæjarfulltrúar bæru
hag barnanna fyrir brjósti.
Ingimundur Sigmundsson fulltrúi í
skólanefnd sl. 8 ár sagðist ekki sjá
fjárhagslegan ávinning né faglegan
með þeirri leið sem valin væri. Náðst
hefði sátt um viðbyggingu við Sand-
víkurskóla því hún tengdist áformum
um byggingu nýs skóla. Styrkleiki í
skólastarfinu væri fólginn í skólunum
tveimur, þeir gæfu öryggi sem ylli
vellíðan nemenda og kennara. Aðgerð
sem veikti þetta næði ekki ávinningi.
Hann hvatti til þess að sameiningunni
yrði frestað eins og skólafólk hefði
óskað eftir.
Kristján Einarsson forseti bæjar-
stjórnar sagði sparnað verulegan af
sameiningunni og hann yrði notaður í
þágu skólanna. Hann sagði mikinn
vöxt í bæjarfélaginu sem kallaði á að-
gerðir.
Fjölgun nemenda um
130 á skömmum tíma
Þorlákur Helgason fræðslustjóri
sagði kennslukostnað hafa aukist um
60% í sveitarfélaginu og að nemend-
um hefði fjölgað um 130 á stuttum
tíma. Hægt væri að ná fram hagræð-
ingu ásamt því að mæta kröfum um
að nemendur færu mishratt í gegnum
grunnskólann. Kjartan Björnsson
sagði að bíða hefði átt með málið,
vinna það betur og láta nýja bæjar-
stjórn fást við það. Sigurður Guðjóns-
son sagði greinilegt að bæjarstjórn og
kennarar töluðu ekki saman. Hann
mælti með frestun sameiningar, betri
undirbúningi og hraðri uppbyggingu
skólamannvirkja. Soffía Sigurðar-
dóttir varaði við því rótleysi sem oft
myndaðist þegar nýir skólar væru að
fóta sig og benti á að eftir tvö ár yrðu
aftur til tveir skólar á Selfossi.
Í lok fundar varpaði Ingimundur
Sigurmundsson fram eftirfarandi
kviðlingi:
Sameinum ei, hugsum það betur,
kjósum í vor og sjáum hvað setur.
Skólafólk sættum og vinnum nú saman,
í skólanum börnunum þykir þá gaman.
Yfirvöld hvött
til að draga
sameiningu
skóla til baka
Morgunblaðið/Sig. Jóns.
Frá fundinum um skólamál í Sandvíkurskóla á Selfossi.
Skólamál setja mjög svip á alla umræðu á
Selfossi þessa dagana. Sigurður Jónsson
fylgdist með fundi í Sandvíkurskóla í vikunni.
Selfoss
SNJÓNUM var fagnað, þegar hann
loksins kom. Magnús Ólafsson
myndmenntakennari ákvað að nota
snjóinn í listsköpun og tóku nem-
endur þessari nýbreytni vel. Eins
og sjá má af myndunum fylltist
Lystigarðurinn af alls kyns dýrum
og mannsmyndum.
Morgunblaðið/Margret Ísaksdóttir
Myndmennt í snjónum
Hveragerði
ÍSAFOLD hf. á Selfossi hefur
gengið frá kaupum á tækjum í
pökkunar- og blöndunarstöð í
Þorlákshöfn fyrir áburð. Starf-
semi stöðvarinnar hefst í mars
og verður þá þeim áburði
pakkað sem seldur verður á
þessu ári en fyrsta áburðar-
skipið kemur í lok mars. Ísa-
fold hefur undanfarin ár verið
með 20-25% af áburðarsölu í
landinu.
Ísafold hefur vilyrði fyrir lóð
í Þorlákshöfn, nálægt höfninni,
þar sem fyrirhugað er að
byggja yfir starfsemina. Þar til
nýja húsið rís mun pökkun og
blöndun á áburði fara fram í
húsnæði sem Ísafold hefur
fengið hjá Jarðefnaiðnaði hf. í
Þorlákshöfn.
Ísafold mun taka á móti
áburðinum við hafnarbakkann
og flytja hann í blöndunarstöð-
ina. Þar fer síðan fram blönd-
un á fjölkornaáburði ásamt
pökkun. Einkorna áburði verð-
ur eingöngu pakkað í stöðinni í
umbúðir til bænda.
Blöndun
og pökkun
á áburði
hefst í
mars
Þorlákshöfn
LANDSSAMBAND slökkviliðs-
manna stóð fyrir eldvarnarviku 26.
nóv.–2. des. sl. Markmið vikunnar
var að gera börn meðvituð um þá
hættu sem er í þeirra nánasta um-
hverfi og kenna þeim hvernig
bregðast á við ef hættuástand skap-
ast.
Þátttakendur voru nemendur í 3.
bekk um allt land. Í lok átaksins
fengu nemendur getraun til að
spreyta sig á og hlutu u.þ.b. 20
krakkar um allt land verðlaun.
Einn nemandi í Grunnskólanum í
Hveragerði var svo heppinn að
vera dreginn út og afhenti slökkvi-
liðsstjórinn, Snorri Baldursson,
vinninginn. Það var Glódís Auð-
unsdóttir nemandi í 3. bekk H. sem
hafði heppnina með sér í ár.
Vinnings-
hafi í
eldvarnar-
getraun
Hveragerði