Morgunblaðið - 02.03.2002, Blaðsíða 30
LISTIR
30 LAUGARDAGUR 2. MARS 2002 MORGUNBLAÐIÐ
NÚ stendur yfir Vetrarhátíð
Reykjavíkur, Ljós í myrkri. Dag-
skráin í dag er á þessa leið:
Kl. 10–17: Fjölskyldu- og húsdýra-
garðurinn. Fjölbreytt dagskrá.
Grasagarðurinn, Garðskáli. Mynda-
sýningin Ekkert líf án ljóss.
Kl. 11: Mál og menning, Laugavegi.
Sögustund, leikir og tónlist. Flutt
brot úr Rauðhettu sem sýnt er í
Hafnarfjarðarleikhúsinu.
Kl. 13: Sævar Karl, Bankastræti.
Pálmar Ólason leikur á flygilinn.
Sumartískan og ljósasýning í sýn-
ingarsal. Til kl. 16.
Kl. 14: Miðborgin. Götuleikhús.
Kl. 15: Listasalurinn Man. Myndlist-
arsýningin Birta. Vilborg Dagbjarts-
dóttir les ljóð. Skautahöllin. List-
dans, leikir og óvæntar uppákomur.
Tónlist. Til kl. 17.
Kl. 16: Hús málarans. Málverkasýn-
ing Hlaðgerðar Írisar Björnsdóttur.
Til kl. 18. Hitt húsið, Pósthússtræti
3–5. Sýningar, tónlist, götuleikarar,
ungskáld og dansarar. Til kl. 20.
Kl. 17.30: Listasafn Íslands. Egill B.
Hreinsson (píanó) og Tómas R. Ein-
arsson (bassi) frumflytja verk eftir
sjálfa sig auk klassískra verka. Með
þeim leikur Jóel Pálsson á saxófón.
Auk þess mun Alfreð Sturla Böðv-
arsson sjá um ljósasýningu.
Kl. 19: Aðalstræti 6. Verðlaunaverk
eftir Jón Sæmund Auðarson. Orku-
veita Reykjavíkur varpar mynd af ís-
lenskum fossi á framhlið hússins
með tilheyrandi fossnið. Til kl. 24.
Kl. 20: Listasafn Reykjavíkur. Auð-
ur Bjarnadóttir og Helena Jónsdótt-
ir sýna dans- og myndspuna. Gunn-
hildur Hauksdóttir og Ingibjörg
Magnadóttir sjá um hópgjörning.
Ath. breyttan sýningarstað.
Skautahöllin. Vínardans stiginn með
þátttöku almennings við lifandi tón-
list og söng Signýjar Sæmundsdótt-
ur. Til kl. 22. Elliðaárdalur. Ljós í
dalnum. Dans og leikhús í boði Orku-
veitunnar. Til kl. 22. Félagsmiðstöð
eldri borgara, Vesturgötu 7. Opið
hús. Róbert Arnfinnsson leikari les
ljóð. Guðný Helgadóttir leikkona
kynnir og stýrir fjöldasöng. Dans-
leikur við undirleik hljómsveitar til
kl. 23.
Kl. 21: Fríkirkjan. Gospelkór Frí-
kirkjunnar, Bergþór Pálsson o.fl.
flytja óhefðbundna trúarlega tónlist.
Sr. Hjörtur Magni Jóhannsson
fjallar um andstæður ljóss og myrk-
urs. Lesið úr helgum ritum. Að-
gangseyrir 500 kr. Hátíðin endar
með blysför kringum Tjörnina.
Kl. 23: Arnarhóll upplýstur með
hreyfiljósi.
Kl. 24: Kaffi Reykjavík. Stuðmenn á
grímudansleik.
Ráðhús Reykjavíkur. Myndlistar-
sýning Þuríðar Sigurðardóttur.
Gallerí i8, Klapparstíg 33: Sýning
Helenu Hietanen.
Gallerí Reykjavík: Guðfinna Eydal,
Ingibjörg Klemenzdóttir, Guðmund-
ur Björgvinsson.
Listasalurinn Man: Glerlistasýning-
in Birta. Verkin eru eftir þær Ingi-
björgu Hjartardóttur, Kristínu J.
Guðmundsdóttur og Rebekku Gunn-
arsdóttur.
Morgunblaðið/Golli
Verk Ilmar Stefánsdóttur á Tjörninni.
Ljós í myrkri
MARGIR ágætir kvikmynda-
gerðarmenn hafa spreytt sig á
sögum Dumas père og stundum
með ágætum árangri, þótt nýj-
ustu útgáfurnar hafi ekki verið
framúrskarandi. Ein af mínum
fyrstu kvikmyndaminningum er
einmitt úr gamalli Monte Cristo-
mynd þar sem mér fannst ofur
snallt hvernig Edmond Dantes
strauk úr fangelsinu, og það er
það eina sem ég man. Um sein-
ustu páska fengum við 4 klst.
(eða enn lengri) franska sjón-
varpsútggáfu með – hverjum öðr-
um? – Gerard Depardieu í aðal-
hlutverkinu, og hún var vönduð
og skemmtileg.
Það voru mikil vonbrigði að sjá
James Caviezel í aðalhlutverki
þessarar myndar en hann hefur
enga vikt í þetta hlutverk, þar
sem þarf að leiða áhorfendur
áfram í hatri og hefndarþorsta til
þess að myndin virki. Það tekst
James Caviezel ekki.
Kevin Reynolds er ekki merki-
legur leikstjóri en tókst að koma
fínni Hróa hattar mynd frá sér
árið 1991. Hann virðist ekki hafa
sérlega sterk tök á leikurum því
ágætustu leikarar eru ekki að
standa sig með prýði og Guy
karlinn Pierce var ekki að finna
sig sem óvinurinn öfundsjúki
Fernand Mondego. Handritið er
klisjukennd og húmorinn ekki
upp á marga fiska. Þannig fékk
sá ágæti leikari Luis Guzmán
heldur þunnan Þorlák að vinna
úr.
Greifinn af Monte Cristo er
mikil og stórfenglega klassísk
saga, sem aðstandendur mynd-
arinnar virðast enga virðingu
bera fyrir. Þeim er einungis um-
hugað um að búa til klisjukennda
ævintýramynd sem selur. Árang-
urinn er að hér er okkur á borð
borin frekar langdregin en samt
stutt útgáfa af sögunni, sem vant-
ar alla dýpt, drama og fegurð.
Með hefndar-
þorsta
Hildur Loftsdóttir
KVIKMYNDIR
Kringlubíó
Leikstjóri: Kevin Reynolds. Handrit:
Jay Wolpert eftir sögu Alexandre Dum-
as père. Kvikmyndataka: Andrew
Dunn. Aðalhlutverk: James Caviezel,
Guy Pierce, Luis Guzmán, James
Frain, Dagmara Dominczyk og Rich-
ard Harris. 131 mín. UK/USA Buena
Vista Pictures 2002.
THE COUNT OF MONTE CRISTO/
GREIFINN AF MONTE CRISTO Iðnó. Fimmti „bröns“fundur
Reykjavíkurakademíunnar hefst
kl. 11. Steinunn Jóhannesdóttir
mun á fundinum
gera grein fyrir
aðferð sinni við
heimildaröflun
til bókarinnar
Reisubók Guð-
rúnar Sím-
onardóttur, en
hún ferðaðist
m.a. á allar
söguslóðir
Tyrkjaránsins á
Íslandi og er-
lendis á árabilinu 1995-2000.
Þá mun Þorsteinn Helgason
sagnfræðingur bregðast við bók
Steinunnar. Hann hefur lengi unn-
ið að doktorsritgerð um Tyrkja-
ránið og einnig komið að gerð
heimildarmynda fyrir Ríkissjón-
varpið um þennan sögulega at-
burð. Fundarstjóri er Soffía Auð-
ur Birgisdóttir
bókmenntafræðingur. Fundurinn
er öllum opinn.
Hús málarans, Bankastræti.
Hlaðgerður Íris Björnsdóttir opn-
ar sýningu á andlitsmyndum kl.
16. Hlaðgerður Íris lýkur námi í
málun frá Listaháskóla Íslands í
vor.
Sýningin stendur til 23. mars.
Malin Ståhl / Gjörningur i8,
Klapparstíg 33. Malin Ståhl
framkvæmir gjörninginn „Scissors
& time“ kl. 16. Malin hefur stund-
að nám við leiklistarskólann
Västra Nylands Folkhögskola í
Finnlandi og er nú nemi við
myndlistardeild Listaháskóla Ís-
lands.
Næsta galleríi,Ingólfsstræti 1a.
Sýning á „gouache“-myndum eftir
Orsolyu Eszes verður opnuð kl.
17.
Orsolya er fædd á Spáni 1968, en
er af ungverskum ættum.
Sýningin stendur í rúman mánuð.
Tónlistarskólinn í Garðabæ. Vík-
ingur Heiðar Ólafsson heldur pí-
anótónleika kl. 14 og eru þeir liður
í inntökuprófi sem hann þreytir í
Bandaríkjunum á hausti komanda.
Á efnisskrá eru verk eftir J.S.
Bach, G. Ligeti, L.v. Beethoven,
F. Chopin og F. Liszt.
Í DAG
Steinunn
Jóhannesdóttir
TÓNLEIKUM Tríós Reykja-
víkur, sem vera áttu í Hafnar-
borg á morgun, sunnudag, er
frestað vegna veikinda.
Tónleikum
frestað
BBB, Bátar, Beib og Bíbar nefnist
sýning sem Daði Guðbjörnsson opn-
ar í Baksalnum í Gallerí Fold,
Rauðarárstíg, í dag, laugardag, kl.
15.
Daði hefur haldið margar einka-
sýningar og tekið þátt í fjölda sam-
sýninga hérlendis og erlendis á síð-
ustu árum. Verk eftir Daða eru í
eigu helstu safna landsins svo og
fjölmargra stofnana, fyrirtækja og
einstaklinga.
Gallerí Fold er opið daglega frá
kl. 10-18, laugardaga frá kl. til 17 og
sunnudaga frá kl. 14-17. Sýningin
stendur til 24. mars.
Morgunblaðið/Golli
Daði Guðbjörnsson opnar sýningu í Galleríi Fold í dag.
Þrjú B í Galleríi Fold
SÉ mark takandi á efnistökum Ír-
isar Elfu Friðriksdóttur á sýningu
hennar á Mokka göngum við öll með
lítil listaverk á okkur daginn út og
inn. Þessi listaverk eru fatamerki
sem eru mismunandi eftir efnasam-
setningu klæðanna og segja til um
meðferð fatnaðarins, þvott, straujun
o.þ.h. Merkin stækkar Íris upp og
hengir á vegg. Umfjöllunarefni lista-
konunnar er því, þótt óbeint sé,
hvers konar efni sem klæðnaður er
búinn til úr.
Íris er textíllistamaður að upplagi
og mörg verka hennar í gegnum tíð-
ina bera keim af þeim bakgrunni. Þó
að verkin á Mokka séu alls ekki text-
ílverk eru þau það samt með óbeinni
tilvísun sinni í efnin og meðferð
þeirra.
Á heimasíðu sinni, www.fridriks-
dottir.dk, segir Íris Elfa um verk sín
að þau séu almennt á mörkum hug-
myndalistar, naumhyggju og póst-
módernískrar myndlistar og falla
verkin á Mokka nokkurn veginn und-
ir þá skilgreiningu hennar.
Þau geta flokkast sem hugmyn-
dalist því hún tekur ákveðið fyrir-
bæri og lætur það vísa áfram með
sniðugum hætti og þau tengjast
mínímalískri hugmyndafræði vegna
aðferðarinnar sem hún beitir við
gerð verkanna, þ.e. hún tekur ein-
hvern verksmiðjuframleiddan hlut
og setur hann fram með sem
minnstri eigin aðkomu, eða eins og
kemur fram í sýningarskrá: Hún
valdi ekki litina, hún valdi ekki upp-
lausnina, hún valdi ekki fjölda
merkja á mynd og hún sá ekki um
upphengið og kom þar hvergi nærri.
Við það hvort hér sé um póstmódern-
íska myndlist að ræða set ég spurn-
ingarmerki en bendi frekar á teng-
inguna við popplistina þar sem unnið
var með ímyndir úr neysluheiminum
og þær færðar upp sem listaverk.
Sýning Írisar er stílhrein og ein-
föld og ætti að ná til almennings.
List í
fötum
Morgunblaðið/Kristinn
Fatamerki í list Írisar Elfu Friðriksdóttur.
MYNDLIST
Mokkakaffi
Opið daglega frá kl. 9:30–23:30.
MÁLVERK
ÍRIS ELFA FRIÐRIKSDÓTTIR
Þóroddur Bjarnason
LAUGARDAGSKVÖLD á Gili nefn-
ist skemmtikvöld sem haldin eru í
Ými. Á skemmtuninni í kvöld, kl.
22, koma fram Kvennakórinn, Létt-
sveit Reykjavíkur, Álafosskórinn í
Mosfellsbæ, þjóðlagasveitin Alba og
Kvennakór Bolungarvíkur.
Jóhanna V. Þórhallsdóttir stjórn-
ar dagskránni
Léttsveit Reykjavíkur er kór
söngelskra kvenna, sem hefur verið
starfandi frá árinu 1995. Kórinn
leggur áherslu á flutning sönglaga
á léttu nótunum, svo sem suðræna
tónlist, íslensk dægurlög og söng-
lög frá ýmsum löndum. Jóhanna V.
Þórhallsdóttir hefur stjórnað kórn-
um frá upphafi.
Álafosskórinn í Mosfellsbæ var
stofnaður árið 1980 af söngelsku
ungu fólki í ullarverksmiðjunni
Álafossi hf., en varð síðar að al-
mennum kór. Helgi R. Einarsson
hefur verið söngstjóri kórsins síð-
ustu 12 árin. Skólahljómsveit Mos-
fellsbæjar, undir stjórn Ragnars
Sigurðssonar, slæst í för með Ála-
fosskórnum. Þetta er um 20 manna
blásarasveit.
Alba er fjölþjóðlegur hópur tón-
listarfólks, sem er búsett í Reykja-
vík og leikur og syngur þjóðlaga-
tónlist frá Írlandi og Skotlandi.
Sveitina skipa Dan Cassidy, Eggert
Pálsson, Tena Palmer og Wilma
Young.
Kvennakór Bolungarvíkur er 40
manna kór, stofnaður árið 1997.
Þær Guðrún B. Magnúsdóttir og
Margrét Gunnarsdóttir æfa kórinn,
stjórna honum og sjá um undirleik.
Sungið á skemmti-
kvöldi í Ými
Þjóðlagasveitin Alba.