Morgunblaðið - 02.03.2002, Blaðsíða 33
UMRÆÐAN
MORGUNBLAÐIÐ LAUGARDAGUR 2. MARS 2002 33
ÁKVARÐANIR
sem teknar eru með
samþykkt aðalskipu-
lags snerta alla borgar-
búa. Tillaga að nýju að-
alskipulagi fyrir
Reykjavík hefur verið
til almennrar kynning-
ar undanfarnar vikur
og gefst borgarbúum
tækifæri til að tjá sig
um hana fram að mið-
vikudeginum 6. mars
n.k. Í framhaldi af því
mun borgarstjórn taka
málið til endanlegrar
afgreiðslu. Með aðal-
skipulagi er verið að
taka mikilvægar
ákvarðanir. Þar er til dæmis verið að
ákveða hvernig byggð eigi að þróast,
hvaða svæði borgarlandsins eigi að
taka undir íbúðabyggð, hvaða svæði
eigi að fara undir atvinnustarfsemi
og hvaða svæði eigi að taka frá fyrir
íþróttir og útivist.
Geldinganes fyrir fólk
Borgarfulltrúar Sjálfstæðisflokks-
ins fluttu 22 breytingatillögur við að-
alskipulagstillöguna, þegar hún var
afgreidd við fyrri umræðu í desem-
ber s.l. Viðamestu tillögurnar varða
landnýtingu. Sjálfstæðismenn vilja
að Geldinganesið allt verði tekið
undir íbúðabyggð og horfið frá hug-
myndum um byggingu stórskipa-
hafnar þar. Á Geldinganesi er kjörið
land fyrir íbúðabyggð og þar gefst
einstakt tækifæri til að skipuleggja
strandbyggð móti suðri. Tillaga R-
listans gerir ráð fyrir að stór hluti
nessins verði tekinn undir grjótnám
og grjótið flutt burtu í landfyllingar
annars staðar. Þetta grjótnám er
þegar hafið. Hér eru á ferðinni ein-
hver mestu umhverfisspjöll sem um
getur í borgarlandinu. Þessar
skemmdir á strandlengjunni á Geld-
inganesi eru unnar undir forystu
vinstrigrænna, sem láta hér verkin
tala, en vilja hins vegar
stundum birtast sem
hópur sem láti sig um-
hverfið varða.
Laugardalur fyrir
íþróttir og útivist
Sjálfstæðismenn
vilja að Laugardalur-
inn verði eingöngu
nýttur fyrir íþróttir og
útivist. Tillaga R-
listans gerir ráð fyrir
að svæðið milli Suður-
landsbrautar og Fjöl-
skyldu- og húsdýra-
garðsins verði tekin
undir stofnanabyggð.
Fyrir nokkrum árum risu 33 þúsund
Reykvíkingar upp með eftirminni-
legum hætti og komu í veg fyrir að
R-listinn næði fram áformum sínum
um að byggja þar háhýsi fyrir
Landssímann og kvikmyndahús.
Eina leiðin til að tryggja að slík
áform verði ekki aftur upp á borðum
er að breyta landnotkun í aðalskipu-
lagi þannig að þetta svæði verði
grænt. Laugardalurinn hefur verið
að þróast í áranna rás og verður
áfram ein helsta útivistarparadís
Reykvíkinga. Sú starfsemi sem þar
er í dag þarf að eiga möguleika á þró-
un og stækkun eins og t.d. Fjöl-
skyldu- og húsdýragarðurinn. Það
má ekki koma í veg fyrir það með
röngum ákvörðunum í skipulagsmál-
um.
Ný íbúðasvæði
Á slippasvæðinu við Mýrargötu
hafa skipaviðgerðir verið stundaðar
áratugum saman. Á undanförnum
árum hefur sú starfsemi dregist
mjög saman og því fyrirsjáanlegt að
svæðið verður tekið undir annað.
Sjálfstæðismenn vilja skipuleggja
þetta svæði fyrir íbúðabyggð m.a. til
að styrkja miðborgina. Við leggjum
líka til að íbúðabyggð komi á land-
svæði Keldna. Þar eru sólríkar hlíð-
ar mót suðri í framhaldi af byggð í
Húsahverfi. Ennfremur leggjum við
til að lóð Strætó við Kirkjusand verði
tekin undir íbúðabyggð. Þar geta ris-
ið háhýsi í takt við þá þróun sem er
við Sæbrautina. Þá má jafnframt
nefna tillögu okkar um að útbúa
íbúagötu í næsta nágrenni við Ár-
bæjarsafn fyrir gömul hús, sem
þurfa að víkja af sínum fyrri stað.
Nánast engin svæði eru nú laus fyrir
þessi flutningshús, en mjög margir
hafa áhuga á að gera upp gömul hús
og búa í þeim. Þeim áhuga eiga borg-
aryfirvöld að sinna.
Ekki nýja flugbraut út
í Skerjafjörð
Fjölmargt annað mætti nefna hér
eins og þá dæmalausu tillögu R-
listans að lengja flugbraut út í
Skerjafjörð þannig að Suðurgata
þurfi að fara í göng og göngustíg-
urinn meðfram sjónum sennilega
líka. Samgöngumál eru líka mikil-
vægur þáttur aðalskipulags og
Reykvíkingar hafa þurft að súpa
seyðið af röngum ákvörðunum R-
listans varðandi gatnamót Miklu-
brautar og Kringlumýrarbrautar. Á
liðnum árum hafa íbúar í Grafarvogi
staðið í miklum deilum við borgaryf-
irvöld vegna lagningar Hallsvegar.
Nú er fyrirsjáanlegt að þörf verður á
að breikka hann með tilkomu þeirrar
fjölmennu byggðar sem koma mun á
næstunni í suðurhlíðum Úlfarsfells
samkvæmt áformum R-listans.
Hér gefst ekki tóm til að fara ít-
arlegar í tillögur sjálfstæðismanna,
en ég vil benda á að þær er að finna á
heimasíðu borgarstjórnarflokksins,
reykjavik2002.is. Reykvíkingar hafa
nú tækifæri til að koma sjónarmið-
um sínum á framfæri við borgaryf-
irvöld áður en aðalskipulag til ársins
2024 verður endanlega afgreitt með
því að senda ábendingar og breyt-
ingatillögur til Borgarskipulags.
Aðalskipulag snertir þig
Inga Jóna
Þórðardóttir
Borgarskipulag
Reykvíkingum gefst nú
tækifæri til að koma
sjónarmiðum sínum á
framfæri við borgaryf-
irvöld, segir Inga Jóna
Þórðardóttir, en frestur
til að gera athugasemdir
við aðalskipulagstillögu
rennur út 6. mars.
Höfundur er oddviti sjálfstæð-
ismanna í borgarstjórn.
MÁNUDAGINN 4.
mars hefst í Ráðhús-
inu eitt sterkasta
skákmót sem haldið
hefur verið hérlendis,
Símaskákmótið 2002 –
Minningarmót Dans
Hanssonar. Meðal
keppenda verða
heimsfrægir meistar-
ar, ungir og vígreifir
Íslendingar, vaskar
skákkonur og gamlar
kempur. Það er sér-
stakt ánægjuefni að
allir íslensku stór-
meistararnir níu
mæta til leiks, og er
það í fyrsta sinn sem
þeir taka allir þátt í alþjóðlegu
skákmóti. Með þessum veglega
hætti vilja félagar í Hróknum
heiðra minningu fallins félaga,
Dans Hanssonar, sem um árabil
auðgaði íslenskt skáklíf.
Dan Gunnar Hansson fæddist í
Kiruna í Svíþjóð 10. júní 1952 og
byrjaði ungur að láta að sér kveða
á skákmótum í norðrinu. Hann
varð unglingameistari Norður-Sví-
þjóðar 1968 og skákmeistari Norð-
ur-Svíþjóðar 1971 og 7́3. Dan tefldi
í nokkur ár í landsliðsflokki á
sænska meistaramótinu og náði
bestum árangri 1976, er hann varð
í 3. til 5. sæti. Hann náði fyrsta
áfanga alþjóðlegs meistaratitils í
Stokkhólmi 1976, en alls náði hann
fimm sinnum slíkum áfanga á
skákferlinum. Of langt leið á milli
einstakra áfanga til að Dan fengi
titilinn, en þess má geta að reglum
FIDE var nýverið breytt, svo tit-
illinn væri Dans hefði hann lifað.
Dan giftist íslenskri konu, Snjó-
laugu Stefánsdóttur, og þau fluttu
til Íslands 1980 og eignuðust tvær
dætur, Brynju Dan og Líneyju
Dan. Snjólaug og Dan skildu, en
hann bjó áfram á Íslandi enda
hafði hann skotið sterkum rótum
og náð meistaralegum tökum á ís-
lensku. Hann byrjaði strax að láta
að sér kveða á skákmótum og náði
sínum besta árangri 1983 þegar
hann varð langefstur í landsliðs-
flokki á skákþingi Íslands. Dan
fékk ekki að bera titil Íslands-
meistara, þar eð hann var erlendur
ríkisborgari en fékk þó fyrir sig-
urinn eitt dýrindis úr. Næstu árin
var hann virkur í skáklífi hérlendis
og eignaðist marga vini í skák-
heiminum, enda var hann orðlagð-
ur fyrir prúðmennsku, leiftrandi
gáfur og lúmska hnyttni í tilsvör-
um. Á skákborðinu
var hann vægðarlaus
sóknarskákmaður,
sem mat fegurðina of-
ar öllum lögmálum.
Dan vann frækilegt
afrek sumarið 1987
þegar hann jafnaði Ís-
landsmet Helga Ólafs-
sonar og tefldi tíu
blindskákir samtímis.
Mótherjar hans voru
þéttingssterkir áhuga-
menn, en Dan sigraði
í sex skákum, gerði
þrjú jafntefli og tap-
aði aðeins einni skák.
Dan var einn af stofn-
endum Skákfélags Grandrokk,
sem síðar varð að Hróknum, og
tefldi fyrir félagið þegar sigur
vannst í 4. deild vorið 1998. Dan
Hansson lést 20. ágúst 1999, að-
eins 47 ára, og fór útför hans fram
frá Hafnarfjarðarkirkju að við-
stöddu fjölmenni.
Það er ástæða til að hvetja skák-
áhugamenn til að leggja leið sína í
Ráðhúsið á mánudaginn klukkan
16.30 þegar fyrsta umferð hefst.
Þá verða tefld 32 atskákareinvígi,
svo hver einasta skák verður úr-
slitaskák. Áfram er teflt á þriðju-
dag klukkan 17 og á miðvikudag
munu þeir fjórir skákmenn sem
eftir standa tefla til þrautar, uns
einn stendur sigurvegari. Hægt
verður að fylgjast með gangi mála
á mbl.is, sem sett hefur upp glæsi-
lega vefsíðu um mótið, og helstu
skákir verða sendar út beint á Int-
ernet Chessclub (www.chessc-
lub.com).
Þetta verður skemmtileg veisla
og vonandi verður sóknarskák-
mennskan í fyrirrúmi. Þannig
heiðra skákmenn best minningu
hins sókndjarfa Svía sem gerðist
sonur Íslands.
Skákveisla til
minningar um
Dan Hansson
Hrafn
Jökulsson
Höfundur er forseti Hróksins.
Skák
Með Símaskákmótinu
2002, segir Hrafn
Jökulsson, vilja félagar
í Hróknum heiðra minn-
ingu sænska meistarans
Dans Hansson.
AÐ undanförnu hafa
fasteignaeigendur ver-
ið að fá í hendurnar
álagningarseðla vegna
fasteignagjalda. Menn
eru eflaust misjafnlega
sáttir við sína álagn-
ingu eins og gengur.
Skiptar skoðanir eru
um það hversu réttlát-
ur eða óréttlátur þessi
tekjustofn sveitarfé-
laganna er. Ég ætla
mér ekki að gera það
að umtalsefni í þessum
pistli, heldur fjalla um
einn þátt, þ.e. lóðar-
leiguna. Þannig vill til í
mínu sveitarfélagi,
Garðinum, að mikill meirihluti íbúð-
areigenda býr við það fyrirkomulag
að landeigandi lóðarinnar er einhver
aðili úti í bæ, en ekki sveitarfélagið.
Viðkomandi landeigandi innheimtir
því sjálfur lóðarleiguna og er algeng-
ast að í samningum sé miðað við 5%
af lægsta taxta verkamanna fyrir
hvern fermetra lóðar.
Tilgangur minn með þessum skrif-
um er að vekja athygli á því að sá
sem hefur lóðina á leigu þarf bæði að
borga lóðarleiguna og eins verður
leigutakinn einnig að greiða fast-
eignaskatta vegna lóðarinnar, en
ekki eigandi lóðarinnar. Þetta finnst
mér og mörgum fleirum furðulegt
fyrirkomulag.
Tökum dæmi af rúmlega þúsund
fermetra einbýlishúsalóð. Eigandi
hússins þarf að greiða landeiganda
24.500 kr. í lóðarleigu. Fasteignamat
lóðarinnar er uppá 1.424.000 kr. Af
henni þarf að borga fasteignaskatt,
en álagningarstofninn er 0,36%,
þannig að greiða þarf 5.264 kr. Einn-
ig þarf að borga holræsagjald vegna
lóðarinnar, en álagn-
ingarstofn er 0,15% af
fasteignamati. Það þarf
því að greiða 2.136 kr.
vegna þess. Samtals
þarf að greiða 7.400 kr.
vegna lóðarinnar.
Ég vek enn og aftur
athygli á því að það er
leigjandi lóðarinnar
sem þarf að greiða, en
ekki landeigandi.
Nú veit ég fullvel að
þetta er allt löglegt og
ekkert einsdæmi hér í
Garðinum. Þetta hefur
viðgengist og er gert
ráð fyrir þessu fyrir-
komulagi í lóðarleigusamningum.
Engu að síður finnst mér nauðsyn-
legt að vekja athygli á því hversu fá-
ránlegt þetta er. Að undanförnu hafa
margir aðilar tekið þennan þátt upp í
spjalli við mig og varð það hvatning
til mín að setja saman þennan grein-
arstúf. Auðvitað á landeigandi að
greiða fasteignagjöld af þessari eign
sinni eins og af öðrum eignum. Það
er réttlætismál að þessu verði
breytt.
Furðulegt
fyrirkomulag
Sigurður
Jónsson
Höfundur er sveitarstjóri í Garði.
Lóðarleiga
Leigjandi lóðarinnar
þarf að greiða af henni
gjöldin, segir Sigurður
Jónsson, en ekki land-
eigandi.