Morgunblaðið - 16.03.2002, Blaðsíða 6
FRÉTTIR
6 LAUGARDAGUR 16. MARS 2002 MORGUNBLAÐIÐ
Íslensk orðabók í tölvuútgáfu
Nú einnig fáanleg fyrir MAC
- Sjálfsagður hluti af íslenskum hugbúnaði!
Verð 7.990 kr.
Orðabók í tölvuútgáfu veitir
tölvunotendum greiðan aðgang
að íslenskum orðaforða og styrkir
tunguna á nýjum tímum.
Skýr og einföld framsetning,
ýmsir leitarkostir gefast og hægt
er að hafa orðabókina opna á
skjánum í ritvinnslu.
Fáanleg bæði fyrir PC og MAC.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
ED
D
16
56
6
03
/2
00
2
FULLTRÚAR Slökkviliðs höf-
uðborgarsvæðisins og Keflavíkur-
verktaka undirrituðu í gær samn-
ing um byggingu 2.300 fermetra
viðbyggingu við húsnæði slökkvi-
liðsins að Skógarhlíð.
Að sögn Hrólfs Jónssonar
slökkviliðsstjóra stendur til að
Fjarskiptamiðstöð lögreglunnar,
höfuðstöðvar og samræmingar-
stjórnstöð Almannavarna ríkisins
og höfuðstöðvar og stjórnstöð
Slysavarnafélagsins Landsbjargar
flytjist í nýju bygginguna, en fyrir
eru í Skógarhlíð höfuðstöðvar
slökkviliðsins og neyðarlínunnar.
Segir Hrólfur að með þessu verði í
Skógarhlíð allsherjarmiðstöð fyrir
neyðaraðstoð og björgun á landi.
Fyrsti áfangi viðbyggingarinnar
verður tekinn í notkun í nóvember
en stjórnstöðvarhlutinn á að vera
tilbúinn í desember. Framkvæmd-
unum á síðan að vera lokið í júní á
næsta ári. Samningurinn, sem und-
irritaður var í gær, hljóðar að sögn
Hrólfs upp á tæpar 329 milljónir
króna.
Samningur undirritaður um stækkun húsnæðis Slökkviliðs höfuðborgarsvæðisins í Skógarhlíð
Morgunblaðið/Júlíus
Sjöfn Kristjánsdóttir, forstjóri Innkaupastofnunar Reykjavíkurborgar, Hrólfur Jónsson slökkviliðsstjóri, Ró-
bert Trausti Árnason, forstjóri Keflavíkurverktaka, og Kári Arngrímsson, yfirverkfræðingur hjá Keflavíkur-
verktökum, við undirritun samningsins um byggingarframkvæmdirnar í gær.
Verður miðstöð
fyrir neyðaraðstoð
og björgun á landi
KARLMAÐUR á þrítugsaldri var í
gær sýknaður af ákæru um kynferð-
isbrot gegn 19 ára stúlku sem á við
andlega vanheilsu að stríða. Var
hann m.a. sakaður um að hafa
þröngvað henni til samfara.
Stúlkan sagði að samfarir þeirra
hefðu verið gegn sínum vilja en stað-
festi fyrir dómi að hún hefði við upp-
haf þeirra haft ofskynjanir sem birt-
ust í því að hún heyrði raddir sem
sögðu henni að láta að vilja manns-
ins.
Komst fjölskipaður dómur Hér-
aðsdóms Reykjaness að þeirri nið-
urstöðu að ekki hefði verið hægt að
ætlast til þess að maðurinn gæti átt-
að sig á því að stúlkan hefði e.t.v.
hegðað sér öðruvísi en raunveruleg-
ur vilji hennar stóð til.
Stúlkan hefur átt við langvinn geð-
ræn veikindi að stríða og bar geð-
læknir að eftir þennan atburð hefði
komið bakslag í meðferð hennar.
Kunningsskapur hafði tekist með
henni og manninum.
Fram kom að greind mannsins
hefði mælst á mörkum meðalgreind-
ar og tornæmis. Þótti dómnum ekki
ástæða til að rengja manninn um að
hafa ekki séð neitt athugavert í fari
stúlkunnar og honum hefði virst hún
vera ósköp venjuleg stúlka. Þá þótti
dómnum ekki ástæða til að draga í
efa frásögn mannsins um að hann
hefði ekki talið stúlkuna fráhverfa
samförum þótt nokkurs trega hefði
gætt af hennar hálfu. Samkvæmt því
yrði að sýkna manninn af ákæru rík-
issaksóknara.
Allur sakarkostnaður var felldur á
ríkissjóð, þ.m.t. málsvarnarlaun
Arnar Clausen hrl., skipaðs verjanda
mannsins, og þóknun til réttar-
gæslumanns brotaþola, Herdísar
Hallmarsdóttur, hdl. Sigríður Jós-
efsdóttir saksóknari sótti málið.
Sveinn Sigurkarlsson dómsfor-
maður, Finnbogi H. Alexandersson
og Guðmundur L. Jóhannesson hér-
aðsdómarar kváðu upp dóminn.
Sýknaður af ákæru um kynferðisbrot gegn konu
Raddir sögðu henni að
láta að vilja mannsins
NIÐURSTAÐA Rannsóknarnefndar
flugslysa á orsökum afltaps hreyfils
flugvélar sem nauðlenti í Garðsárdal í
Eyjafirði síðdegis 5. ágúst í fyrra er
sú að eldsneyti hafi gengið til þurrðar
þar sem það hafi verið ofmetið. Einn-
ig að mælar fyrir eldsneyti hafi verið
rangt stilltir og sýnt meira eldsneyti í
tönkum en raunin var. Þá er það nið-
urstaða nefndarinnar að óöguð vinnu-
brögð hafi verið viðhöfð við eftirlit
með eyðslu og flugþoli.
Flugvélin er af gerðinni Piper
Tomahawk, TF-JMB, eins hreyfils og
var í flugi með kennara og nemanda
Flugskóla Akureyrar. Flugáætlun
var gerð frá Akureyri að Múlakoti í
Fljótshlíð, síðan í Nýjadal á Sprengi-
sandi og til Akureyrar á ný. Var áætl-
að flugþol þrír tímar. Ekki var tekið
eldsneyti á leiðinni. Við brottför frá
Nýjadal áætlaði flugmaðurinn að
hann hefði 45 mínútna umframelds-
neyti við lendingu á Akureyri. Ekki
var unnt að fljúga beinustu leið vegna
regnskýja og því tekinn krókur aust-
ur í Bárðardal áður en stefnt var í
vestur til Akureyrar.
Hreyfill vélarinnar missti afl yfir
drögum Garðsárdals og nauðlenti
flugkennarinn vélinni á graslendi inn-
arlega í dalnum. Sökk vélin í gljúpan
jarðveg í lendingarbruninu og stakkst
á bakið. Mennirnir komust út ómeidd-
ir en vélin skemmdist talsvert.
Fjórar tillögur í öryggisátt
Rannsóknanefnd flugslysa setur
fram fjórar tillögur í öryggisátt í kjöl-
far þessa slyss. Er þeim beint til
Flugmálastjórnar og er lagt til að hún
endurútgefi upplýsingar úr upplýs-
ingabréfunum „Flugáætlanagerð og
eldsneytiseyðsla“ og „Flugþol í einka-
flugi“ og tryggi að útsending þeirra
nái til allra flugskírteinishafa.
Flugmálastjórn skoði rekstur flug-
skóla með tilliti til reglna um útreikn-
ing á massa og jafnvægi flugvéla í
kennsluflugi og gangi úr skugga um
að í flugrekstrarhandbókum skólanna
séu skýrar verklagsreglur um massa
og jafnvægisútreikninga.
Settar verði verklagsreglur í flug-
kennslu um að flugnemar mæli með
kvarða fyrir hvert flug hvert raun-
verulegt magn sé í hverjum eldsneyt-
istanki flugvélar og meti jafnframt
hvort samræmi sé á milli flugtíma frá
síðustu fyllingu eldsneytistanka,
þeirrar eldsneytiseyðslu sem hand-
bók flugvélarinnar gerir ráð fyrir og
þess eldsneytis sem magnmælar flug-
vélarinnar sýna að eftir sé í tönkum.
Í fjórða lagi er lagt til að Flugmála-
stjórn sjái til þess að þegar ársskoðun
fer fram á litlum flugvélum staðfesti
sá aðili sem skoðunina framkvæmir
að prófun hafi verið gerð í samræmi
við reglur Flugöryggissamtaka Evr-
ópu og það staðfest að magnmælar
eldsneytis séu í lagi..
Í frétt frá Rannsóknarnefnd flug-
slysa kemur fram að eins hreyfils
flugvélar hafi orðið eldsneytislausar
nánast árlega síðustu 15 árin og
stundum hafi alvarleg flugslys hlotist
af. „Um árabil hafa verið í gildi upp-
lýsingabréf sem varða nauðsynlegt
eldsneytismagn í flugi sem þessu og
þá fyrirhyggju sem verður að hafa. Í
ársskýrslu RNF árið 2000 var birt
grein, „Brestir og bensínleysi“, sem
fjallar um þetta stöðuga vandamál, að
flugvélar verða enn og aftur bensín-
lausar á flugi. Þetta hefur RNF
margoft lagt áherslu á í skýrslum sín-
um og með tillögum sínum til úrbóta í
öryggisátt,“ segir m.a. í frétt nefnd-
arinnar.
Rannsókn á orsökum flugslyss í Garðsárdal lokið
Bensínmagn ofmetið
og vinnubrögð óöguð
EFNAHAGSBROTADEILD
ríkislögreglustjóra hefur lokið
gagnaöflun sem ríkissaksókn-
ari óskaði eftir í tilefni af
skýrslu Ríkisendurskoðunar á
fjárreiðum Þjóðmenningarhúss
og Þjóðskjalasafns og athöfn-
um forráðamanna stofnananna.
Beiðni ríkissaksóknara barst
í síðustu viku og voru rann-
sóknargögn efnahagsbrota-
deildar send honum í gær.
Gagnaöflunarinnar var óskað
til að ríkissaksóknari gæti
ákveðið hvort hann teldi tilefni
til að mæla fyrir um opinbera
rannsókn á málinu.
Gagnaöflun
lögreglu lokið
Þjóðmenningarhús
og Þjóðskjalasafn
EISTNESKI stórmeistarinn
Jaan Ehlvest og Rússinn Oleg
Korneev sigruðu á 20. Reykjavík-
urskákmótinu sem lauk í Ráðhúsi
Reykjavíkur í gærkvöldi. Þeir
hlutu báðir 7 vinninga í níu um-
ferðum. Helgi Áss Grétarsson
varð efstur íslensku þátttakend-
anna og lenti í 3.–6. sæti með 6½
vinning. Þeir Stefán Kristjánsson,
Hannes Hlífar Stefánsson og
Helgi Ólafsson urðu í 7.–11. sæti
með 6 vinninga.
Frammistaða Stefáns Krist-
jánssonar vakti mikla athygli.
Hann náði lokaáfanga sínum að
alþjóðlegum meistaratitli þegar
tvær umferðir voru til loka móts-
ins og hefði getað náð fyrsta stór-
meistaraáfanga sínum með jafn-
tefli í lokaumferðinni.
Hann fékk það erfiða hlutverk
að mæta Oleg Korneev með
svörtu og þrátt fyrir góða vörn
varð Stefán að lokum að játa sig
sigraðan.
Bragi Þorfinnsson þurfti að ná
jafntefli í síðustu umferð til að ná
lokaáfanga sínum að alþjóðlegum
meistaratitli. Líkt og Stefán hafði
hann svart og einnig gegn erlend-
um stórmeistara, Lettanum Nor-
munds Miezis, sem er með 2.498
skákstig. Skák þeirra stóð lengi
og var flókin. Miezis náði að knýja
fram sigur og Bragi verður því að
bíða enn um sinn eftir alþjóðlega
meistaratitlinum.
Keppendur á mótinu voru 72 en
röð þeirra 22 efstu varð þessi:
1.–2. sæti, Jaan Ehlvest og Oleg
Korneev með 7 vinninga.
3.–6. sæti, Helgi Áss Grétars-
son, Valeriy Neverov, Jonathan
Rowson og Mikhail M. Ivanov
með 6½ vinning.
7.–12. sæti, Stefán Kristjáns-
son, Henrik Danielsen, Hannes
Hlífar Stefánsson, Eric Lobron,
Helgi Ólafsson og Normund Miez-
is með 6 vinninga.
13.–22. sæti, Michail Brodsky,
Emanuel Berg, Þröstur Þórhalls-
son, Heikki Westerinen, Antoan-
eta Stefanova, Ferenc Berkes,
Oleg Boricsev, Tiger Hillarp-
Persson, Sigurður Daði Sigfússon
og Sigurbjörn Björnsson með 5½
vinning.
Ehlvest og
Korneev jafnir
í efsta sætinu
Morgunblaðið/Árni Sæberg