Morgunblaðið - 16.03.2002, Blaðsíða 20

LANDIÐ
20 LAUGARDAGUR 16. MARS 2002 MORGUNBLAÐIÐ
HAFNAR eru framkvæmdir við
stækkun á Límtrésverksmiðjunni á
Flúðum. Um er að ræða rúmlega
600 fermetra stækkun en byggt er
við húsið að norðaustanverðu.
Að sögn Einars Bjarnasonar
verksmiðjustjóra hefur þessi stækk-
un verið á döfinni undanfarin ár. Af
framkvæmdum hefur þó ekki orðið
fyrr, þar sem minni annir eru við
framleiðsluna nú en endranær. Um
er að ræða stækkun á vinnslusvæð-
inu, sérstaklega til að bæta fram-
leiðsluskipulag í verksmiðjunni.
Ætlunin er að búið verði að reisa
húsið nú fyrir páska og það tilbúið
fyrir vorið. Verksmiðjuhúsnæðið er
nú um 4.000 fermetrar en húsið var
stækkað um helming árið 1992.
Starfsmenn í verksmiðjunni eru 16.
Á undanförnum árum hafa mikil
verkefni verið fyrir verksmiðjuna
og ber þar hæst að byggð hefur ver-
ið önnur límtrésverksmiðja í Portú-
gal í eigu fyrirtækisins að meiri-
hluta, hún var tilbúin síðastliðið
sumar. Menn frá fyrirtækinu sáu
um uppbyggingu hennar en sú
verksmiðja er heldur stærri en
verksmiðjan á Flúðum. Þá hafa
starfsmenn farið nokkrum sinnum
til Portúgal og unnið við ýmsar
byggingar úr límtré. Límtré hf.
rekur verksmiðju í Reykholti í Bisk-
upstungum en þar eru framleiddar
stálsamlokueiningar. Þá á Límtré
hf. Vírnet Garðastál hf. í Borgar-
nesi og hluta í dótturfyrirtækinu
Prepan Íslandi hf. sem er starfrækt
í Garðabæ, það fyrirtæki flytur inn
stálsamlokueiningar svipaðar og
framleiddar eru í Reykholti.
Eitt stærsta verkefni fyrirtæk-
isins um þessar mundir er við bygg-
ingu nýja Orkuveituhússins í
Reykjavík en verkefnin eru marg-
vísleg, stór og smá.
Morgunblaðið/Sigurður Sigmundsson
Unnið við stækkun Límtrésverksmiðjunnar á Flúðum.
Límtrés-
verksmiðjan
á Flúðum
stækkuð
Hrunamannahreppur
Í DAG verður gengið til kosninga
um sameiningarmál í Rangárvalla-
sýslu, en um er að ræða íbúa í
Rangárvallahreppi, Djúpárhreppi,
Holta- og Landsveit og Ásahreppi.
Um svipað leyti í fyrra var kosið
um sameiningu allrar sýslunnar,
alls 10 hreppa í eitt sveitarfélag,
en sú tillaga var felld. Síðan þá
hafa íbúar í austurhluta sýslunnar,
í Hvolhreppi, Fljótshlíð, A- og V-
Landeyjum og A- og V-Eyjafjalla-
Rangárvallasýsla
Kosningar í
Rangárvallasýslu
hreppi, aftur gengið til kosninga
og ákveðið að sameinast. Sam-
þykkt hefur verið að hið nýja
sveitarfélag beri nafnið Rangár-
þing eystra.
Í vesturhluta sýslunnar búa
tæplega 1.600 manns en á kjörskrá
eru rúmlega eitt þúsund manns og
þarf meirihluti hvers sveitarfélags
að samþykkja sameiningartillög-
una til þess að hún verði gild.
Nánar var fjallað um samein-
inguna í frétt í Morgunblaðinu 6.
mars sl.
Kosið um
sameiningu
í Dölum 




   





  
    

  



  






 

  
 




!"



 

#"

 
  !"

 ! #     
Í DAG, laugardag, verður kosið um
sameiningu þriggja sveitarfélaga,
Dalabyggðar, Reykhólahrepps og
Saurbæjarhrepps. Haldnir hafa
verið kynningarfundir í öllum sveit-
arfélögunum auk þess sem einn
sameiginlegur kynningarfundur var
haldinn. Sérstök undirbúnings-
nefnd vann að undirbúningi sam-
einingarinnar og tók saman skýrslu
um málið. Árið 1994 sameinuðust
sex sveitarfélög í Dalabyggð. Síðan
þá hefur Skógarstrandarhreppur
sameinast sveitarfélaginu.
Í sveitarfélögunum þremur sem
nú er kosið um sameiningu í búa
samtals 1052 íbúar, 658 í Dala-
byggð, 304 í Reykhólahreppi og 90 í
Saurbæjarhreppi. Áður hefur verið
kosið um sameiningu Dalabyggðar
og Saurbæjarhrepps en þeirri til-
lögu var hafnað. Aldrei áður hefur
verið kosið um sameiningu Dala-
byggðar og Reykhólahrepps, sam-
kvæmt upplýsingum Haraldar L.
Haraldssonar, sveitarstjóra í Dala-
byggð. Kosið verður á þremur stöð-
um í Dalabyggð, í stjórnsýsluhús-
inu í Búðardal, Árbliki og á
Staðarfelli. Í Saurbæjarhreppi er
kosið í Tjarnarlundi og í Reykhóla-
hreppi fer kosning fram í stjórn-
sýsluhúsinu í Bjarkarlundi. Í
stjórnsýsluhúsinu í Búðardal og í
Bjarkarlundi verða kjörstaðir opn-
aðir kl. 10 í dagen á öðrum stöðum
verða kjörstaðir opnaðir kl. 12.
Kjörstaðir eru allir opnir til kl. 20.
„Talning byrjar klukkan 21 og ég
geri ráð fyrir að úrslit liggi fyrir
um hálf tíu,“ sagði Haraldur. „Við
vonumst til þess að góð þátttaka
verði í kosningunum svo afgerandi
niðurstaða fáist, á hvorn veginn
sem hún verður.“
Haraldur segir að til þess að af
sameiningu sveitarfélaganna
þriggja verði þarf að fást hreinn
meirihluti atkvæða fyrir því í
hverju sveitarfélagi fyrir sig.
Auðveldari
skipulagning og rekstur
Ráðstefna á vegum Aðgerðarannsóknafélags Íslands
Sjáið hvernig íslensk fyrirtæki og stofnanir hafa náð árangri
með því að nýta sér aðferðir aðgerðarannsókna!
Frekari upplýsingar að finna á http://www.hi.is/~birnap/adgerd.htm
DAGSKRÁ:
16:15 Setning ráðstefnustjóra og yfirlit
Snjólfur Ólafsson, prófessor, Viðskipta- og hagfræðideild Háskóla Íslands
16:30 Listin að panta hæfilegt magn á réttum tíma
Hugbúnaður og upplýsingar eru til reiðu
Sigurður Óli Gestsson, AGR
Sjónarhorn notenda
Aðalheiður Kristinsdóttir, verkefnisstjóri, verslunar- og þjónustusviði Baugs
17:00 Vaktaskipulagning
í þágu viðskiptavina og starfsmanna
Hugbúnaður og ráðgjöf
Róbert Marinó Sigurðsson, Vaktaskipan
Notkun Time Care hugbúnaðarins hjá Sóltúni
Anna Birna Jensdóttir, framkvæmdastjóri og hjúkrunarforstjóri Sóltúns
KAFFIHLÉ
17:45 Margir bílar - flókin skipulagning við vörudreifingu
Öflugur hugbúnaður
Haukur Þór Hannesson, AGR
Reynsla Mjólkursamsölu Reykjavíkur
Leifur Örn Leifsson, sölustjóri hjá Mjólkursamsölu Reykjavíkur
18:15 Umræður og samantekt
18:45 Ráðstefnuslit
Tími: Þriðjudagur 19. mars 2002 kl. 16:15-18:45
Staður: Lögberg, stofa 101, Háskóli Íslands.