Morgunblaðið - 16.03.2002, Blaðsíða 63

FRÉTTIR
MORGUNBLAÐIÐ LAUGARDAGUR 16. MARS 2002 63
Vönduð og vel skipulögð 190 fm raðhús á einni hæð, 4 svefn-
herb. bílskúr og raðhús með tvöföldum bílskúr í Víkurhverfi,
Grafarvogi. Upplýsingar í símum 896 1606 og 557 7060.
Raðhús - Víkurhverfi
Alþjóðlegar
sumarbúðir barna
ALÞJÓÐLEGAR sumarbúðir
barna, CISV á Íslandi, senda nú í
sumar eins og áður hópa af börnum
til þátttöku í alþjóðlegu friðarstarfi.
Ekki er enn búið að fylla í alla
hópa sumarsins og enn sem fyrr er
það strákana sem vantar, meðal ann-
ars tvo 15 ára stráka til að fara í ung-
lingabúðir á Spáni og fjóra 13–14 ára
stráka til að fara til Hamborgar í
Þýskalandi í unglingaskipti.
Alþjóðlegar sumarbúðir barna eru
alþjóðleg friðarsamtök, óháð stjórn-
málum og trúarbrögðum. Hugmynd-
in er að börn/unglingar frá ólíkum
löndum komi saman, læri að lifa
saman á grundvelli umburðarlyndis
og jafnréttis, læri að hugsa og draga
ályktanir í anda alþjóðavitundar og
vinna þannig að friði í heiminum.
Frekari upplýsingar eru á heima-
síðu félagsins www.cisv.is, segir í
fréttatilkynningu.
Lýsa yfir
áhyggjum
vegna verð-
lagsmála
MORGUNBLAÐINU hefur borist
eftirfarandi ályktun frá Trúnaðar-
ráði Eflingar – stéttarfélags:
„Ályktun trúnaðarráðsfundar Efl-
ingar – stéttarfélags, haldinn í Kiw-
anishúsinu, Engjateigi 11.
Trúnaðarráð Eflingar – stéttar-
félags lýsir þungum áhyggjum
vegna verðlagsmála þar sem verð-
hækkanir milli febrúar og mars eru
tvöfallt hærri en spár töldu eða 0,4%,
þar af er fjórðungur vegna gjalda í
heilbrigðisráðuneytinu. Það er því
ljóst að ef rauðu strikin eiga að halda
þurfa allir að leggjast á eitt í átakinu
við verðbólguna.
Á sama tíma leggur samgönguráð-
herra fram tillögu um hækkun
stjórnarlauna í Landssímanum úr
65.000 kr. upp í 150.000 kr. og um að
hækka laun stjórnarformanns um
helmingi meira eða upp í 300.000
krónur.
Þetta er ögrun við verkafólk sem
vinnur nú að því að ná niður verð-
bólgu og viðhalda stöðugleika. Fund-
urinn fordæmir þessi vinnubrögð.“
Fuglaskoðun
í Elliðavogi
FUGLAVERNDARFÉLAGIÐ
stendur fyrir fuglaskoðun við Elliða-
vog sunnudaginn 17. mars kl. 14–16.
Að vetri má þar sjá endur og vað-
fugla, sem hafa vetursetu á Íslandi
og einnig er þar töluvert af máfum.
Fálki og smyrill hafa sést þar í vetur
og í smábátahöfninni hefur sést
kampselur í tvígang og hringanóri.
Hist verður við aðstöðu siglinga-
klúbbsins Snarfara vestan megin við
voginn, ekið er þangað frá Súðar-
vogi. Fólk ætti að að búa sig vel og
taka með sér sjónauka. Leiðbeinend-
ur verða á staðnum með fjarsjár,
segir í fréttatilkynningu.
Heilsu- og hvatn-
ingardagar
í Smáralind
Í TILEFNI af 90 ára afmæli
Íþrótta- og ólympíusambands Ís-
lands á þessu ári var ákveðið að ráð-
ast í hvatningarverkefnið „Ísland á
iði 2002“. Verkefnið felst í því að
hvetja landsmenn til þess að hreyfa
sig reglulega sér til ánægju og
heilsubótar.
Í tilefni þess verða heilsu- og
hvatningardagar „Ísland á iði 2002“ í
Vetrargarðinum í Smáralind í dag,
laugardaginn 16. og sunnudaginn 17.
mars kl. 13–17.
Fulltrúar frá ÍSÍ og sérsambönd-
um ÍSÍ dreifa fræðsluefni til almenn-
ings. Einnig munu Manneldisráð,
Beinvernd, Hjartavernd, Geðrækt,
Félag íslenskra sjúkraþjálfara og
Náttúrulækningafélag Íslands
dreifa fræðsluefni, bjóða upp á ýms-
ar mælingar (t.d. fitu-, beinþéttni-,
þrek og blóðþrýstingsmælingar),
vera með sjúkranudd, slökun,
streitupróf o.fl. Ýmsar íþróttagrein-
ar verða kynntar með sýningaratrið-
um, segir í fréttatilkynningu.
Námskeið
um hellulagnir
GARÐYRKJUSKÓLI ríkisins,
Reykjum í Ölfusi, stendur fyrir nám-
skeiði sem ber heitið; „Hellulagnir
og frágangur yfirborðsefna“. Nám-
skeiðið er ætlað fagfólki í græna
geiranum. Um bóklegt námskeið
verður að ræða þar sem fjallað verð-
ur almennt um hellulagnir og það
helsta sem þarf að hafa í huga varð-
andi frágang á yfirborðsefnum.
Einnig verður farið í vettvangsferð
með þátttakendur þar sem mismun-
andi hellulagnir verða skoðaðar.
Námskeiðið verður haldið í Þjóð-
menningarhúsinu í Reykjavík og
endar í Fornalundi hjá BM Vallá þar
sem boðið verður upp á léttar veit-
ingar. Skráning og nánari upplýsing-
ar fást á skrifstofu skólans eða í
gegnum netfangið mhh@reykir.is,
segir í fréttatilkynningu.
Upplýsingar um
skíðasvæði á SMS
NÚ er hægt að fá sendar til sín upp-
lýsingar um skíðasvæðin á SMS.
Þetta er fljótleg og einföld leið til að
fylgjast með stöðu mála á skíðasvæð-
unum. Aðeins þarf að senda SMS-
skeyti með bókstafnum S á númerið
691-6010 og eru þá sendar um hæl
stuttar og gagnorðar upplýsingar
um stöðuna í Bláfjöllum, Skálafelli,
Hengilsvæðinu og í Hlíðarfjalli.
Ef notandinn sendir til baka staf-
inn V, fær hann sendar upplýsingar
um leið og staðan breytist. Senda
þarf V til baka í hvert skipti sem nýj-
ar upplýsingar berast til að gerast
áskrifandi að næstu breytingu. Þetta
er gert til að skilaboðum rigni ekki
yfir viðkomandi án þess að beðið hafi
verið sérstaklega um það.
Þetta er tilraunaverkefni í mars
og greiðir notandinn fyrir að senda
SMS úr eigin síma en skíðasvæðin
greiða allar sendingar frá upplýs-
ingaveitu, segir í fréttatilkynningu.
Waldorfskólinn
með opið hús
OPIÐ hús verður hjá Waldorfskól-
anum í Lækjarbotnum og Waldorf-
leikskólanum Yl í dag, laugardaginn
16. mars kl. 14–17.
Waldorfuppeldisfræði og skóla-
starfið verða kynnt á ýmsan hátt.
Hægt verður að kaupa sér kaffi og
með því, 6. og 7. bekkur sjá um kaffið
(engir posar á staðnum).
Allir velkomnir, segir í fréttatil-
kynningu.
STYRKTARFÉLAG lamaðra og
fatlaðra, SLF, fékk nýlega tveggja
milljóna króna styrk frá SP-
Fjármögnun í tilefni þess að 2. mars
síðstliðinn voru fimmtíu ár liðin frá
stofnun félagsins. Upphæðin verð-
ur stofnframlag í sjóð sem er eink-
um ætlað að styrkja uppbyggingu í
Reykjadal í Mosfellsdal, sem er
sumar- og helgardvalarstaður sem
SLF rekur fyrir fötluð börn og ung-
menni. Gert er ráð fyrir að þau
framlög sem félaginu berast á
árinu muni renna til sjóðsins.
Framlag SP-Fjármögnunar mun
meðal annars auka möguleika til
tækjakaupa fyrir heimilið í Reykja-
dal og nýjunga í starfi, s.s. fræðslu
eða sérstaks stuðnings við fötluð
börn og ungmenni, segir í frétta-
tilkynningu.
Styrktarfélag
lamaðra og
fatlaðra
fær gjöf
Þórir Þorvarðarson, stjórnarformaður SLF, tekur við ávísun úr hendi
Kjartans Gunnarssonar, forstjóra SP-Fjármögnunar.
LÖGREGLAN á Selfossi hefur til
rannsóknar þjófnað á bassagítar úr
íbúð í fjölbýlishúsi á Selfossi.
Þjófnaðurinn var framinn 1. eða 2.
september
2001.
Um er að
ræða sex
strengja
bassagítar af
gerðinni Ken
Smith með
ljósum kassa
og dökkum
hálsi en þessi
gerð af bassa-
gítar mun vera
mjög sjaldgæf
hér á landi.
Bassagítar-
inn var í
svartri tösku.
Verðmæti
gripsins er verulegt og ekki ólíklegt
að reynt hafi verið að koma honum í
verð. Þeir sem vita um afdrif bassa-
gítarsins eða geta gefið einhverjar
upplýsingar um málið eru beðnir að
hafa samband við rannsóknardeild
lögreglunnar á Selfossi í síma 480-
1010.
Lýst eftir sex
strengja
bassagítar
FORELDRAR nemenda við
Menntaskólann í Reykjavík hafa
stofnað foreldrafélag við Mennta-
skólann í Reykjavík.
Hugmynd að stofnun félagsins var
kynnt á fjölsóttum kynningarfundi
rektors MR með foreldrum nem-
enda í 3. bekk hinn 11. september
2001. Ingibjörg S. Guðmundsdóttir,
sem var í forsvari fyrir undirbún-
ingshópinn, sagði að tvö meginmark-
mið hefðu verið höfð að leiðarljósi í
starfi hópsins. Annars vegar að
vinna með skólanum að auknum
gæðum skólastarfsins og hins vegar
að kalla foreldra til ábyrgðar við að
bæta almenn skilyrði og aðstæður
nemenda til menntunar og þroska.
Meginrökin fyrir stofnun foreldra-
félags voru í fyrsta lagi aukin áyrgð
foreldra á skólagöngu og námsfram-
vinda barna sinna vegna hækkunar
sjálfræðisaldurs, í öðru lagi nauðsyn
þess að draga úr brottfalli nemenda,
í þriðja lagi þörfin á því að virkja
samtakamátt foreldra og áhrif
þeirra út á við sem hagsmunahóps í
baráttu fyrir bættum hag og stöðu
framhaldsskólans og í fjórða lagi
nauðsyn þess að auka samvinnu for-
eldra og skóla um forvarnir gegn
neyslu áfengis og annarra vímuefna.
Yngvi Pétursson, rektor MR,
skýrði sjónarmið skólans og inspect-
or scholae Bolli Thoroddsen, for-
maður skólafélags MR, gerði grein
fyrir félagsstarfinu. Þá voru lagðar
fram tillögur að samþykktum fyrir
Foreldrafélagið og þær síðan sam-
þykktar eftir nokkrar umræður.
Í stjórn Foreldrafélags MR og
varastjórn voru eftirtaldir kosnir:
Ingibjörg S. Guðmundsdóttir for-
maður, Þórður S. Óskarsson, Árni
Árnason, Vilhelmína Einarsdóttir og
Þórunn Ólafsdóttir. Varamenn:
Hera Sigurðardóttir og Kristín Að-
alsteinsdóttir. Stjórnin hefur þegar
haldið sinn fyrsta stjórnarfund og
skipt með sér verkum, segir í frétta-
tilkynningu.
Foreldra-
félag stofn-
að við MR
MORGUNBLAÐINU hefur borist
eftirfarandi tilkynning frá Stjórn
Sambands ungra sjálfstæðismanna:
„Stjórn Sambands ungra sjálf-
stæðismanna ítrekar stuðning sinn
við frumvarp þingmanna Sjálfstæð-
isflokksins, Vilhjálms Egilssonar,
Ástu Möller, Árna R. Árnasonar og
Þorgerðar K. Gunnarsdóttur, um að
afnema einkarétt Áfengis- og tóbaks-
verslunar ríkisins til áfengissölu. Nú-
verandi fyrirkomulag er tímaskekkja
og einkennilegt í ljósi þess að í ná-
grannalöndum okkar þykir ekkert
sjálfsagðara en að selja léttvín og
annað áfengi í matvöruverslunum.
Stjórn SUS hvetur þingmenn úr
öllum flokkum til að styðja frum-
varpið. Í framtíðinni vilja þeir ekki
vera þekktir fyrir að hafa verið á
móti þessu framfaramáli. Ungir
sjálfstæðismenn munu fylgjast sér-
staklega með afgreiðslu þessa máls á
Alþingi.“
SUS vill frjálsa
verslun
með áfengi
AÐALFUNDUR Bílgreinasam-
bandsins verður haldinn í dag, laug-
ardaginn 16. mars, kl. 9 á Hótel Loft-
leiðum, þingsal 1. Fundinn setur
Erna Gísladóttir formaður BGS. Er-
indi heldur Valgerður Sverrisdóttir
iðnaðar– og viðskiptaráðherra, segir
í fréttatilkynningu.
Aðalfundur
Bílgreina-
sambandsins
Námstefna
um verkefna-
stjórnun
Verkefnastjórnunarfélag Íslands
heldur námstefnu miðvikudaginn 20.
mars í Smáralind, undir yfirskriftinni
Verkefnastjórnun – stjórntæki til ár-
angurs. Flutt verða erindi um að-
ferðafræðina og innleiðingu verkefna-
stjórnunar. Einnig verða fluttar
reynslusögur um byggingu Smára-
lindar og ein um verkefnastjórnun í
starfsemi Marels. Komið verður inn á
þætti sem varða framtíðina í greininni
og í skipulagi og stjórnun fyrirtækja
almennt. Erindi halda: Guðrún
Högnadóttir ráðgjafi, Þórður Víking-
ur Friðgeirsson ráðgjafi, Helgi Már
Halldórsson arkitekt, Sveinn Jónsson
verkfræðingur og Ásgeir Ásgeirsson
framkvæmdastjóri.
Nánari upplýsingar og skráning
fer fram á heimasíðu félagsins
www.vsf.is eða með tölvupósti
vsf@vsf.is, segir í fréttatilkynningu.
Safna fé til
styrktar
bágstöddum
TÓNLISTARNEMENDUR í
Garðabæ safna fé til styrktar bág-
stöddum laugardaginn 16. mars kl.
11.15 og 13. Nemendur Tónlistar-
skóla Garðabæjar munu spila á hin
ýmsu hljóðfæri á handverksmarkaði
á Garðatorgi. Tilefnið er söfnunar-
átak ABC-hjálparstarfs, „Börn
hjálpa börnum“, til styrktar bygg-
ingu barnaheimilis á Indlandi.
Gestum Garðatorgs gefst kostur á
að hlýða á blásara- og strengjasveitir
auk smærri samspilshópa, en nem-
endur ganga um með söfnunar-
bauka. Nýstofnuð foreldrafélög við
skólann taka þátt í undirbúningi og
framkvæmd söfnunarinnar, segir í
fréttatilkynningu.