Morgunblaðið - 16.03.2002, Blaðsíða 23

ERLENT
MORGUNBLAÐIÐ LAUGARDAGUR 16. MARS 2002 23
YFIRVÖLD í Hong Kong hafa lagt
fram kæru á hendur sextán félögum
í trúarsamtökunum Falun Gong, þar
á meðal fjórum Svisslendingum,
sem handteknir voru á fimmtudag
þegar til átaka kom fyrir utan kín-
versku stjórnarskrifstofuna í Hong
Kong.
Félagarnir voru að mótmæla her-
för kínverskra stjórnvalda gegn
samtökunum. Talsmenn Falun Gong
segja að hundruð félaga sinna hafi
verið drepin í aðgerðum stjórnvalda.
Þetta er í fyrsta skipti sem Falun
Gong-félagar eru ákærðir í Hong
Kong þar sem samtökin eru enn lög-
leg og mótmælta oft aðgerðum kín-
verskra stjórnvalda. Ákæran er í
tveimur liðum en fólkið mótmælti
beint fyrir utan stjórnarskrifstofuna
og færði sig ekki þrátt fyrir fyrir-
skipanir lögreglu.
Svissnesku félagarnir voru látnir
lausir gegn tryggingu á fimmtu-
dagskvöld og héldu í gær áfram að
mótmæla við skrifstofuna en færðu
sig nú til hliðar líkt og lögregla hafði
beðið um. Tólf félagar frá Hong
Kong, sem einnig voru ákærðir,
voru enn í haldi lögreglu í gær. Tólf-
menningarnir neituðu að fara frjáls-
ir ferða sinna gegn tryggingu því
með því segjast þeir vera að við-
urkenna að hafa brotið af sér.
Félagar í Falun Gong
ákærðir í Hong Kong
Hong Kong. AP.
LÖGREGLAN á Indlandi handtók
um 9.000 manns í indverska ríkinu
Maharashtra í gær til að koma í veg
fyrir óeirðir þegar hindúar héldu
bænaathöfn í bænum Ayodhya ná-
lægt stað þar sem þjóðernissinnaðir
hindúar rústuðu mosku frá 16. öld
fyrir tíu árum.
Að minnsta kosti einn múslími
var stunginn til bana með hnífi í
óeirðum sem blossuðu upp í borg-
inni Ahmedabad í Gujarat-ríki þar
sem hópar hindúa kveiktu í stræt-
isvagni og um fjörutíu kofum í fá-
tækrahverfi múslíma. Enginn lét
lífið í íkveikjunum þar sem íbúarnir
höfðu flúið úr kofunum fyrr um
daginn.
Um 700 manns biðu bana í óeirð-
um í Gujarat-ríki í síðasta mánuði
eftir að múslímar kveiktu í far-
þegalest sem var að flytja hindúa
frá Ayodhya.
Yfirvöld voru með mikinn við-
búnað í mörgum borgum í gær
vegna bænaathafnarinnar sem
haldin var þótt hæstiréttur Ind-
lands hefði bannað bænahald á
staðnum. Hermaður er hér á varð-
bergi í borginni Hyderabad.
Reuters
Öryggisviðbúnaður á Indlandi
GORDON Brown, fjár-
málaráðherra Bret-
lands, lagði í fyrradag
blessun sína yfir opin-
bera rannsóknar-
skýrslu þar sem helstu
bankarnir í landinu eru
sakaðir um óhóflegan
gróða á kostnað smárra
og meðalstórra fyrir-
tækja. Tilkynnti hann
jafnframt um aðgerðir
til að auka samkeppni á
breskum bankamark-
aði.
Skýrslan tekur eink-
um til fjögurra stærstu
bankanna, Lloyds TSB,
Royal Bank of Scotland, Barclays og
HSBC, en saman hafa þeir hátt í 90%
af viðskiptunum við smá og meðal-
stór fyrirtæki. Í henni segir, að á síð-
ustu þremur árum hafi óeðlilegur
gróði bankanna af viðskiptunum við
lítil og meðalstór fyrirtæki verið um
105 milljarðar íslenskra kr.
Brown sagði á þingi í fyrradag, að
bankarnir, sem eru átta alls, hefðu
verið staðnir að því „að vinna gegn al-
mannahagsmunum“. Það hefðu þeir
meðal annars gert með því að hindra
samkeppni og setja það sem skilyrði
fyrir lánafyrirgreiðslu, að viðkom-
andi fyrirtæki skipti við bankann.
10 samkeppnis-
hamlandi aðferðir
Rannsóknin, sem breska sam-
keppnisráðið gekkst fyrir, hófst fyrir
tveimur árum og niðurstaða hennar
er meðal annars sú hvað varðar við-
skiptin við lítil og meðalstór fyrir-
tæki, að þar sé um að ræða „fáokun“
hjá fjórum stærstu bönkunum. Þá er
átt við það, að tvö fyrirtæki eða fleiri
ráði að minnsta kosti fjórðungi mark-
aðarins og komi í veg fyrir eða tak-
marki samkeppni á honum. Nefndar
eru 10 aðferðir við-
skiptabankanna átta
við að „takmarka sam-
keppni og vinna gegn
almannahagsmunum“.
Brown sagði, að rík-
isstjórnin væri að sjálf-
sögðu mjög hlynnt
góðri afkomu fyrir-
tækja en hún myndi
aldrei taka sér stöðu
með einokunarfyrir-
tækjum.
Tillögur
til úrbóta
Tillögur Browns til
úrbóta á þessu stigi eru
meðal annars þær, að hafi verið um
oftekin gjöld að ræða, skuli bankinn
greiða vexti af innstæðu viðkomandi
viðskiptareiknings eða hætta að taka
gjöld fyrir færslur. Kjósi eigandinn
vextina, skuli þeir vera 2,5 prósentu-
stigum undir grunnvöxtum Eng-
landsbanka.
Bankarnir verða að hætta að taka
gjöld fyrir að loka reikningum og sé
þess óskað, verða þeir innan fimm
daga að gefa viðskiptavinum sínum
viðskiptayfirlit, sem unnt er að fram-
vísa í öðrum bönkum. Bankarnir
verða einnig að hætta að troða upp á
viðskiptavinina svokölluðum þjón-
ustupökkum og þeir mega ekki setja
það skilyrði fyrir lánafyrirgreiðslu,
að viðkomandi hafi sín viðskipti hjá
þeim. Þá verða þeir að skýra reikn-
ingseigendum frá því hafi reikning-
urinn verið gjaldfærður vegna
óheimils yfirdráttar.
Samtök smárra og meðalstórra
fyrirtækja í Bretlandi hafa fagnað
skýrslunni en í bankaheiminum eru
viðbrögðin meðal annars þau, að op-
inber reglugerðarafskipti séu að fær-
ast í vöxt og það sé mikið áhyggju-
efni.
Skýrsla breska samkeppnisráðsins
um viðskiptahætti bankanna
Hagnast á
kostnað smá-
fyrirtækja
Sakaðir um „fáokun“ og að „vinna
gegn almannahagsmunum“
London. AP.
Gordon Brown