Morgunblaðið - 16.03.2002, Page 14

AKUREYRI
14 LAUGARDAGUR 16. MARS 2002 MORGUNBLAÐIÐ
Til sölu
fasteignin Strandgata 49 á Akureyri
Veitingahúsið Pollurinn á Akureyri er nú til sölu. Um er að ræða
fasteign sem er á þremur hæðum. Stærð jarðhæðar er samtals
439,1 fm. 2. hæð er 191 fm salur. Í risi er óinnréttað rými. Húsið
er hluti af svokölluðum Gránuhúsum og er byggt árið 1880. Stað-
setning er góð og umhverfi fallegt. Í húsinu hefur verið rekinn vín-
veitingastaður undanfarin ár. Hér er um að ræða einstakt tæki-
færi fyrir dugmikla aðila. Miklir framtíðarmöguleikar.
Allar frekari upplýsingar veittar
Fasteignasölunni BYGGÐ
Sími 462 1744 og 462 1820,
fax. 462 7746
Um helgina í síma 897-7832 (Björn)
MÆÐGININ Helgi Þór Helgason
og Ólöf Þórsdóttir, bændur á
Bakka í Öxnadal, hafa undanfarna
mánuði unnið að gagngerum breyt-
ingum á fjósinu á bænum, úr venju-
legu básafjósi með mjaltabás í há-
tæknifjós með mjaltaþjóni og
legubásum.
Nú ganga kýrnar frjálsar allan
sólarhringinn og fara sjálfviljugar í
mjaltaþjóninn, allt að þrisvar á sól-
arhring. Hann sér um að mjólka
kúna án þess að mannshöndin komi
þar nærri. Skynjari les sérstök raf-
eindamerki sem eru í ól um háls
hverrar kýr og þekkir þannig
hvern einstakling. Leysigeislar
skynja stöðu spenanna og tækið
kemur hylkjunum upp á þá án telj-
andi erfiðleika. Að vísu eru sumar
íslenskar kýr fulllágfættar þannig
að setja þurfti sérstaka upphækkun
fyrir afturfætur kúnna svo spena-
hylkin hefðu nægjanlegt rými.
Þeim Ólöfu og Helga Þór leist vel
á mjatlaþjóninn og töldu að hann
myndi létta vinnu mikið á bænum,
þó að fyrsta vikan hafi verið mjög
annasöm og erfið. Ólöf sagði að
fyrstu þrjá sólarhringana hefðu
þau lítið sem ekkert sofið, en síð-
ustu daga hefðu þau getað lagt sig
örlítið á víxl. Þau mæðgin eru með
80 kýr og 400 þúsund lítra
greiðslumark í mjólk. Helgi sagði
að kostnaður hefði verið um 25
milljónir og þar af kostaði mjalta-
þjónninn sem er af Lely-gerð 15
milljónir.
Fyrirtækið Vélar og þjónusta
flytja tækið inn og annast viðhald á
því og er þjónustugjaldið 290 þús-
und krónur á ári og eru innifaldar í
því 6–8 heimsóknir á ári.
Mikill kostur við mjaltaþjóninn
er að hann nemur margvíslegar
upplýsingar frá kúnni. Les frumu-
tölu mjólkurinnar úr hverjum
spena og lætur einnig vita ef hiti
kýrinnar er ekki réttur. Þannig fær
bóndinn mikla vitneskju um grip-
inn á hverjum degi og getur gripið
í taumana áður en í óefni er komið.
Fyrsti mjaltaþjónninn á
Norðurlandi tekinn í notkun
Morgunblaðið/Benjamín Baldursson
Fyrsti mjaltaþjónninn norðan heiða hefur verið settur upp á Bakka í Öxnadal, á búi mæðginanna Ólafar
Þórsdóttur og Helga Þórs Helgasonar.
Eyjafjarðarsveit
ÞORGERÐARTÓNLEIKAR Tón-
listarskólans á Akureyri verða
haldnir í Laugarborg í Eyjafjarðar-
sveit á mánudagskvöld, 18. mars og
hefjast þeir kl. 20.
Fram koma nemendur á efri stig-
um úr öllum deildum skólans og er
efnisskráin mjög fjölbreytt. Aðgang-
ur er ókeypis en tekið verður á móti
frjálsum framlögum í minningarsjóð
Þorgerðar S. Eiríksdóttur. Þorgerð-
ur laukburtfararprófi frá Tónlistar-
skólanum á Akureyri og var nýkom-
in til London í framhaldsnám, er hún
lést af slysförum í febrúar 1972. Tón-
leikar þessir eru helsti vettvangur til
að styrkja sjóðinn en einnig hefur
sjóðurinn tekjur af sölu minningar-
korta.
Fénu er varið til að styrkja efni-
lega nemendur Tónlistarskólans á
Akureyri til framhaldsnáms.
Þorgerðar-
tónleikar
TELEMARK-hátíð verður í Hlíðar-
fjalli um helgina en að henni standa
félagar í Íslenska Alpaklúbbnum.
Byrjendum býðst að kynna sér
þessa skíðatækni kl. 15 í dag, laug-
ardag, en auk þess er á dagskrá svo-
nefnd Strýtusveifla sem og einnig
Fjarkasveifla en þar er um að ræða
keppni m.a. í samhliða svigi.
Telemark-skíði eru ekki ósvipuð
venjulegum svigskíðum nema hvað
bindingarnar eru öflugar göngu-
skíðabindingar þannig að menn
renna sér með lausan hælinn.
Telemark-
hátíð
SKÍÐAFÉLAG Akureyrar býður
fólki að koma á gönguskíðasvæðið í
Hlíðarfjalli í dag og á morgun,
sunnudag, kl. 14–16 og bregða sér á
gönguskíði. Allur útbúnaður verður
við gönguhúsið, endurgjaldslaust, og
verða nokkrir skíðagöngumenn á
svæðinu til þess að leiðbeina fólki.
Kynna skíða-
göngu
ARNFINNA Björnsdóttir opnar
sýningu í Kompunni, Kaupvangs-
stræti 23, í dag, laugardag kl. 15.
Hún er Siglfirðingur og hefur lagt
stund á myndsköpun sér til gamans
síðustu 40 ár. Myndefnið sækir hún
til síldaráranna sem hún tók fullan
þátt í á sínum tíma.
Þetta er önnur einkasýning Arn-
finnu. Kompan er opin frá kl. 14 til 17
alla daga. Sýningin stendur til 27.
mars næstkomandi.
Arnfinna sýn-
ir í Kompunni
ÚTKÖLL hjá Slökkviliði Akureyrar
urðu 156 á síðasta ári, þar af 23 utan-
bæjar, að því er fram kemur í
skýrslu Slökkviliðsins. Þetta eru
nokkru fleiri útköll en var árið á und-
an þegar þau urðu 131 talsins, þar af
11 utanbæjar.
Stærsti eldsvoðinn varð í Strýtu,
landvinnslu Samherja, í júnímánuði,
en tjón af hans völdum varð umtals-
vert.
Sjúkraútköllum fjölgaði einnig
nokkuð milli ára, þau urðu 1.266 í
fyrra, þar af 212 utanbæjar á móti
1.167 árinu á undan, þar af 133 utan-
bæjar. Alls var um að ræða 276
bráðatilfelli, en þau voru 314 árinu á
undan. Björgunarbíllinn var kallað-
ur út 10 sinnum í fyrra, þar af voru 8
skipti þar sem hann var notaður eftir
umferðarslys, mest utanbæjar.
Sjúkraflutningamenn fóru í 166
sjúkraflug árið 2001, þar af voru 8 til
útlanda.
Slökkvilið Akureyrar
Útköllum
fjölgar
ÚRSLIT ráðast í spurninga-
keppni Kvenfélagsins Bald-
ursbrár annað kvöld, sunnudags-
kvöldið 17. mars, en keppnin
hefst kl. 20.30. Hún fer fram í
safnaðarsal Glerárkirkju.
Keppnin hófst síðasta haust en
nú eru fjögur lið eftir, frá DV,
Morgunblaðinu, prestum og Síðu-
skóla.
Aðgangseyrir er 700 krónur og
gildir sem happdrættismiði. Allur
ágóði rennur sem fyrr í söfnun á
steindum glugga í Glerárkirkju.
Skemmtiatriði, kaffi og drykkur í
hléi.
Morgunblaðið/Kristján
Harðsnúið lið Síðuskóla er eitt fjögurra liða sem tekur þátt í úrslitalot-
unni í spurningakeppni Kvenfélagsins Baldursbrár á sunnudagskvöld.
F.v. Sigríður Jóhannsdóttir, Reynir Hjartarson og Kristín List Malmberg.
Kvenfélagið Baldursbrá
Úrslit í spurningakeppni
ALLS bárust 55 tilboð í útboð á
ófyrirséðu viðhaldi hjá Fasteign-
um Akureyrarbæjar. Einingaverð
í tímavinnu var breytilegt eftir
iðngreinum og mikil breidd var í
tilboðunum. Tilboð bárust frá
sextán aðilum í trésmíði, átta í
málningarvinnu, fimmtán raf-
virkjum, sjö pípulagningafyrir-
tækjum, fjögur tilboð bárust í
dúkalögn og fimm í vinnu múr-
ara.
Stjórn Fasteigna Akureyrar-
bæjar samþykkti að taka tilboð-
um frá samtals 13 aðilum í tré-
smíði, raflögnum, pípulögnum,
málun, dúkalögn og múrverki.
Félag byggingamanna í Eyja-
firði sendi Fasteignum Akureyr-
arbæjar erindi, þar sem gerðar
voru athugasemdir við nokkur at-
riði í útboðinu og lúta m.a. að
kjarasamningum iðnaðarmanna.
Félagið lagðist þó ekki á nokkrun
hátt gegn útboðinu og telur að
það sé af hinu góða.
Þá bárust 8 tilboð í þrif í ellefu
leikskólum bæjarins til þriggja
ára. Ekki var gerð kostnaðar-
áætlun hjá Fasteignum Akureyr-
arbæjar en tvö lægstu tilboðin
hljóðuðu upp á um 60 milljónir
króna fyrir þetta þriggja ára
tímabil en hæsta tilboðið hljóðaði
upp á 96 milljónir króna. Að sögn
Guðríðar Friðriksdóttur, fram-
kvæmdastjóra Fasteigna Akur-
eyrarbæjar, er verið að fara yfir
tilboðin og stefnt að því að taka
ákvörðun um hvaða tilboði verði
tekið í næstu viku. Eins og fram
hefur komið hefur sex bygginga-
fyrirtækjum verið boðið að taka
þátt í alútboði um byggingu leik-
skóla í Naustahverfi. Guðríður
sagði stefnt að því opna tilboð í
verkið í byrjun júní nk. Um er að
ræða fjögurra deilda leikskóla
með 96 rýmum, alls um 650–670
fermetra að stærð. Guðríður
sagði ráðgert að taka leikskólann
í notkun um mitt ár 2003.
Margir vilja viðhalds-
verkefni hjá bænum