Morgunblaðið - 16.04.2002, Blaðsíða 15

SUÐURNES
MORGUNBLAÐIÐ ÞRIÐJUDAGUR 16. APRÍL 2002 15
UPPBYGGING umhverfisvæns
orkugarðs í kringum starfsemi
Hitaveitu Suðurnesja og listamið-
stöðvar fyrir tónlistarskóla, safn og
fleira eru meðal nýjunga sem sjálf-
stæðismenn kynna í stefnuskrá
sinni fyrir komandi sveitarstjórnar-
kosningar í Reykjanesbæ. Fram-
bjóðendur flokksins kynntu stefnu-
skrána ásamt heimasíðu í gær.
Sjálfstæðismenn í Reykjanesbæ
ganga til kosninga undir kjörorðinu
„Við færum orð í efndir.“ Árni Sig-
fússon, efsti maður D-listans og
bæjarstjóraefni hans, segir að með
þessum orðum sé vísað til þess að
öll helstu stefnumál listans við síð-
ustu kosningar hafi verið efnd og að
áhersla sé lögð á að ný forysta muni
með sama hætti færa orð í efndir.
Draga að orkutengd störf
Í kosningastefnuskránni sem
dreift verður í hús og birt er á kosn-
ingavef sjálfstæðismanna,
www.kosning.is, er farið yfir efndir
stefnumála frá síðustu kosningum
og ný sett fram í helstu málaflokk-
um.
Fram kemur í umfjöllun um at-
vinnumál að sjálfstæðismenn munu
á næsta kjörtímabili beira sér fyrir
gerð umhverfisvæns orkugarðs í
samstarfi við stofnanir og fyrirtæki
sem nýta orku í starfsemi sinni.
Fram kom í gær hjá Árna Sigfús-
syni að Hitaveita Suðurnesja væri
kjarninn í þessari starfsemi en til-
gangurinn væri að draga að meiri
starfsemi, meðal annars rannsókna-
og menntastofnanir sem sérhæfa sig
á jarðhitasviðinu. Talið er að unnt sé
að stofna til hundraða vel launaðra
starfa sem krefjast fjölþættrar
menntunar. Í atvinnumálunum er
einnig lögð áhersla á áframhaldandi
uppbyggingu á atvinnusvæðinu í
Helguvík og á að nýta tækifæri í
heilbrigðisþjónustu til atvinnuupp-
byggingar og að laða fleiri ferða-
menn til bæjarins, auk annars.
D-listinn setur manngildið í önd-
vegi í fjölskyldu- og félagsmálum,
segir í stefnuskránni þar sem settur
er upp verkefnalisti um aðgerðir
sem áhugi er á að bærinn vinni að. Í
skóla- og menntamálum verður lögð
áhersla á að byggja innra starf
grunnskólanna upp með sama metn-
aði og unnið var að uppbyggingu
skólanna sjálfra og aðstöðu þeirra á
síðasta kjörtímabili. Ætlunin er að
stofna Þróunarsjóð leikskóla og
grunnskóla og áhersla verður lögð á
að skapa börnun góða þjónustu að
loknum hefðbundnum skóladegi,
með samþættum tilboðum í lista-
starfi, tómstundum, íþróttum og að-
stoð við heimanám, svo börnin geti
lokið starfsdegi sínum á svipuðum
tíma og foreldarnir ljúka hefð-
bundnum vinnudegi. Þá er rætt um
að koma upp háskóladeildum í
Reykjanesbæ.
Útivistarsvæði á Fitjum
Frambjóðendurnir kynna tillögur
að útfærslu á útisvistarsvæði á Fitj-
um í tengslum við nýja aðkomuleið í
bæinn og ný svæði undir íbúða-
byggð í Innri-Njarðvík. Sjálfstæð-
ismenn ætla að beita sér fyrir stofn-
un þróunarsjóðs skipulagsmála sem
hafi það að markmiði að stýra eigna-
kaupum á húsum sem eru fyrir
skipulagi og eðlilegri framvindu
byggðar, skipuleggja breytingar á
þeim og stuðla síðan að sölu eða nið-
urrifi. Að sögn Árna mun þetta tæki
henta vel, til dæmis á Hafnargöt-
unni sem byrjað verður að endur-
gera á næsta ári. Af öðrum skipu-
lagsmálum má nefna að ætlun
sjálfstæðismanna er að skipuleggja
til framtíðar svæði fyrir eldri borg-
ara þar sem gert verður ráð fyrir
íbúðum sem tengjast þjónustu-
kjarna, dvalarheimili og sjúkra-
heimili.
Frambjóðendur D-listans munu á
næsta kjörtímabili hefja undirbún-
ing að smíði listamiðstöðvar sem
einnig á að vera aðsetur Tónlistar-
skóla Reykjanesbæjar og aðstaða
fyrir poppminjasafna og tónleika-
og ráðstefnusal. Segir Árni að með
því móti megi samþætta ýmsa
drauma og gera að raunhæfri hug-
mynd.
Í stefnuskránni er lögð áhersla á
að áfram verði farið vel með skattfé
bæjarbúa, hagkvæmni gætt og
skattheimtu stillt í hóf. Komið verð-
ur upp kerfi til að mæla árangur í
stjórnkerfi bæjarins svo betra verði
að fylgjast með framgangi verkefna.
Þegar frambjóðendurnir voru
spurðir að því hvort framkvæmd
stefnuskrárinnar myndi leiða til
hækkunar útsvars eða annarra
álaga á bæjarbúa svaraði Árni Sig-
fússon með neii. Álögur á bæjarbúa
myndu ekki hækka enda væru til-
lögurnar miðaðar við að fjárhags-
stöðu bæjarins væri ekki ógnað.
Kosningaskrifstofa D-lista sjálf-
stæðismanna er á Hafnargötu 6 í
Keflavík.
Frambjóðendur Sjálfstæðisflokksins kynna kosningastefnuskrá sína
Umhverfis-
vænn orku-
garður og
listamiðstöð
Morgunblaðið/Helgi Bjarnason
Árni Sigfússon og Böðvar Jónsson kynna kosningastefnuskrá sjálfstæð-
ismanna í Reykjanesbæ sem verið er að gefa út og dreifa þessa dagana.
Reykjanesbær
JÓN Gunnarsson, fyrrverandi odd-
viti, skipar efsta sætið á lista Bæj-
armálafélags H-listans í Vatnsleysu-
strandarhreppi við komandi sveitar-
stjórnarkosningar. Sex efstu sæti
listans eru í samræmi við niðurstöður
prófkjörs.
Jón Gunnars-
son sigraði Þóru
Bragadóttur odd-
vita hreppsins í
prófkjöri H-
listans sem fram
fór á dögunum.
Þóra þáði ekki
sæti á listanum en
hún hefði sam-
kvæmt niðurstöð-
um þess átt að skipa 7. sætið en hún
var í efsta sæti listans við síðustu
kosningar. Lára Baldursdóttir og
Magnús Ívar Guðbergsson eru ekki
heldur á listanum en þau lentu í
næstu sætum á eftir Þóru í prófkjör-
inu.
Listinn var samþykktur á aðalfundi
Bæjarmálafélagsins sem haldinn var
á dögunum Glaðheimum í Vogum.
Hann er þannig skipaður:
1. Jón Gunnarsson framkvæmda-
stjóri, 2. Birgir Þórarinsson slökkvi-
liðsmaður, 3. Kristinn Þór Guðbjarts-
son pípulagningameistari, 4. Lena
Rós Mattíasdóttir tómstundafulltrúi,
5. Hanna Helgadóttir verslunarmað-
ur, 6. Sigurður Kristinsson vaktstjóri,
7. Helga S. Friðfinnsdóttir skóla-
stjóri, 8. Ólafur Tryggvi Gíslason mál-
arameistari, 9. Oscar Gunnar Burns
starfsmaður íþróttahúss og 10. Snæ-
björn Reynisson skólastjóri.
Jón Gunn-
arsson skip-
ar efsta sæti
H-listans
Vogar
Jón
Gunnarsson
BARN fæddist í sjúkrabíl á
leiðinni úr Grindavík á fæðing-
ardeild Heilbrigðisstofnunar
Suðurnesja í Keflavík.
Sjúkraflutningamenn í
Grindavík voru kallaðir út
snemma í gærmorgun til að
flytja konu á fæðingardeildina í
Keflavík. Barninu lá hins vegar
nokkuð á að komast í heiminn
og fæddist 15 marka drengur á
Fitjunum í Njarðvík um klukk-
an 8.25.
Gunnar Baldursson ók
sjúkrabílnum og félagi hans
Örn Sigurðsson var hjá kon-
unni. Gunnar segir að á leiðinni
hafi þeir mætt heilsugæslu-
lækninum í Grindavík og tekið
hann upp í og því hafi konan
notið góðrar aðhlynningar. Tel-
ur hann að fæðingin hafi gengið
vel. Samkvæmt upplýsingum
Heilbrigðisstofnunarinnar
heilsast móður og barni vel.
Nýr Grind-
víkingur
í heim-
inn á Njarð-
víkurfitjum
Grindavík