Morgunblaðið - 16.04.2002, Blaðsíða 16

LANDIÐ
16 ÞRIÐJUDAGUR 16. APRÍL 2002 MORGUNBLAÐIÐ
FEGURÐARSAMKEPPNI Vest-
urlands 2002 var haldin í félags-
heimilinu Klifi í Ólafsvík. Í tilefni
þess að keppnin var haldin í 10.
skipti var ákveð að halda tvöfalda
keppni í ár. Var uppselt á keppn-
ina og kom fjöldi gesta til að styðja
sitt fólk. Silja Allansdóttir á Akra-
nesi hefur verið framkvæmda-
stjóri keppninnar öll árin.
Alls voru þátttakendur 16, 8
piltar og 8 stúlkur.
Davíð Hlíðkvist Ingason, Grund-
arfirði, lenti í 3. sæti og var líka
kosinn vinsælasti keppandinn. Í
öðru sæti var Sigmar Sigfússon frá
Hellissandi og herra Vesturland,
var kosinn Elís Bergmann Blængs-
son frá Borgarnesi, en hann var
einnig kostinn ljósmyndamódel, og
sportlegasti maður keppninnar.
Guðrún Birna Kristófersdóttir
úr Innri-Akraneshreppi lenti í 3.
sæti og var hún einnig sportleg-
asta stúlka keppninnar, í öðru sæti
var Dóra Erna Ásbjörnsdóttir, sem
einnig var valin ljósmyndamódel
Vesturlands. Fegurðardrottning
Vesturlands árið 2002 varð Anna
María Sigurðardóttir frá Akra-
nesi.
Morgunblaðið/Alfons
Í fyrsta sæti urðu Anna María Sigurðardóttir frá Akranesi og Elís Bergmann Blængsson frá Borgarnesi.
Tvöföld feg-
urðarkeppni
Ólafsvík
STOFNANIR og fyrirtæki á Akra-
nesi tóku þátt í svokölluðum „Gesta-
gangi“ á Akranesi á dögunum og
buðu til sín gestum víðsvegar af land-
inu. Stjórn hins nýstofnaða Markaðs-
ráðs Akraness ákvað að eitt af fyrstu
verkefnum sínum yrði að standa fyrir
fyrirtækjaheimsóknum til Akranes
föstudaginn 12 apríl. Ætlunin með
slíkri dagskrá var að aðildarfélagar
ráðsins sem eru fyrirtæki og stofn-
anir á Akranesi byðu til sín fulltrúum
eins eða fleiri fyrirtækja og kynntu
þeim starfsemi sína og hvað þeir
hefðu fram að færa. Auk þessa voru
fyrirtækin opin almenningi, bæði
gestum og bæjarbúum á Akranesi.
Talið er að um 200 gestir hafi komið
gagngert til Akraness í þessu tilefni
og um 20 fyrirtæki tóku þátt í dag-
skránni. Almennt þótti þessi dagur
takast mjög vel og átti gott veður
stóran þátt í því.
Akraneskaupstaður var þátttak-
andi í Gestaganginum og bauð bæj-
arstjórnin af því tilefni bæjarstjórn
Borgarbyggðar í heimsókn. Á fundi
bæjarstjórnanna var rætt samstarf í
víðum skilningi, svo og málefni sem
tengjast báðum byggðarlögunum
beint og óbeint. Má þar nefna málefni
Grundartangarhafnar og framtíðar-
sýn hennar, heilbrigðiseftirlit Vest-
urlands, Sjúkrahús og heilsugæslu-
mál, Fjölbrautaskóla Vesturlands,
almenningssamgöngur og fleira.
Þá kom til umræðu samvinna á
ýmsum sviðum og framtíðarsýn
varðandi sameiningu sveitarfélaga.
Þessi fundur þótti mjög gagnlegur og
allir á einu máli um að góður flötur
væri á frekari samvinnu. Í gildi er
samstarfssamningur milli byggða-
laganna og hafa bæjarráð þeirra
fundað áður, en þetta er í fyrsta
skipti sem bæjarstjórnirnar koma
saman fullskipaðar.
Stefnt er að því að fleiri slíkir sam-
ráðsfundir verði haldnir á næstu
misserum.
Morgunblaðið/Jón Á. Gunnlaugsson
Gestagangur
á Akranesi
Akranes
Bæjarstjórn Borgarbyggðar færði Akraneskaupstað fallegt listaverk að
gjöf. Forseti bæjarstjórnar Akraness, Sveinn Kristinsson, tekur við því
úr hendi forseta bæjarstjórnar Borgarbyggðar, Guðrúnar Jónsdóttur.
KRISTÍN Hjálmarsdóttir á Dalvík
vinnur í fiski eins og margir á þeim
stað. Hún var að vinna við kútmaga
þegar hún fann torkennilegan hlut
í maga eins þorsksins. Það tók
nokkra stund að ná þessum hlut úr
maganum en þá kom í ljós að hér
var á ferðinni dós undan ónefndu
íslensku öli. Dósin var vel krumpuð
og þarna aðeins um helmingur
hennar. Hvað varð um innihaldið
eða hinn helminginn fylgir ekki
sögunni enda er besta að lofa
ímyndunaraflinu að njóta sín.
Morgunblaðið/Guðmundur Ingi
Ölkær þorskur
Dalvík
BISKUP Íslands, herra Karl Sig-
urbjörnsson, vísiterar Borgarfjarð-
arprófastsdæmi nú í aprílmánuði.
Vísitasían hófst formlega með
messu í Hallgrímskirkju í Saurbæ
á annan páskadag og stendur allt
til 26. apríl nk.
Biskup heimsækir tíu skóla,
dvalarheimili og sambýli í héraðinu
og hittir sóknarnefndir og fundar
með prestum. Samtals heldur hann
25 guðsþjónustur og helgistundir
og sérstaklega eru foreldrar hvatt-
ir til bjóða börnunum með í kirkju-
athafnirnar. Þar mun biskup tala
við börnin, blessa þau og afhenda
þeim kross til minja um skírn
þeirra og lífshjálpina í Jesú Kristi.
Heimsækir einnig fjölmarga
vinnustaði í héraðinu
Biskup heimsækir einnig fjöl-
marga vinnustaði í héraðinu. Með-
fylgjandi mynd er frá heimsókn
hans í Vírnet Garðastál hf. í Borg-
arnesi en þangað kom biskup eftir
heimsókn í Viskiptaháskólann á
Bifröst. Stefán Logi Haraldsson
tók á móti biskupi ásamt fylgdar-
liði og sagði í stuttu máli frá fyr-
irtækinu, framleiðslu og rekstri
þess, og sýndi jafnframt húsa-
kynni. Ferðinni var síðan heitið á
Dvalarheimili aldraðra í Borgar-
nesi.
Fjórða vísitasía Karls
Sigurbjörnssonar biskups
Þetta er fjórða vísitasía Karls
Sigurbjörnssonar í embætti bisk-
ups Íslands. Vísitasíur eða heim-
sóknir biskupa hafa tíðkast frá
upphafi kristni hér á landi sem
annars staðar. Tilgangur þeirra er
fyrst og fremst að hvetja og örva
allt líf og starf safnaða og vera til
stuðnings prestum og öðru starfs-
fólki kirkjunnar.
Morgunblaðið/Guðrún Vala
Biskup Íslands, Karl Sigurbjörnsson, Arnar Sigurðsson, Kristín Guð-
jónsdóttir og Stefán Logi Haraldsson.
Biskup vísiterar
í Borgarfjarð-
arprófastsdæmi
Borgarnes