Morgunblaðið - 16.04.2002, Page 7

FRÉTTIR
MORGUNBLAÐIÐ ÞRIÐJUDAGUR 16. APRÍL 2002 7
LÖGMENN landeigenda í sveitar-
félaginu Hornafirði í A-Skaftafells-
sýslu skiluðu í gær greinargerðum
til óbyggðanefndar vegna krafna
sinna til þjóðlendna á svæðunum
Lón, Nes, Mýrar, Suðursveit og
Öræfi. Lögmenn ríkisins, fyrir hönd
fjármálaráðherra, höfðu áður skilað
inn sinni greinargerð.
Landeigendur í A-Skaftafells-
sýslu hafa lýst yfir óánægju með
kröfugerð ríkisins og talið
þjóðlendumörkin ganga lengra nið-
ur á láglendið en búist hafði verið
við. Hafa sumir hverjir haldið því
fram að ríkið væri að ganga á
stjórnarskrárbundinn eignarrétt
manna þar sem þinglýst eignar-
mörk jarða væru ekki virt.
Úrskurðir
um áramótin
Að sögn Ólafs Björnssonar, eins
lögmanns landeigenda, hefur mál-
flutningur vegna þjóðlendna í sveit-
arfélaginu Hornafirði verið dagsett-
ur í lok júní næstkomandi.
Úrskurða óbyggðanefndar er hins
vegar ekki að vænta fyrr en um
næstu áramót.
Landeigendur í
A-Skaftafellssýslu
Greinar-
gerð skilað
til óbyggða-
nefndar
HNÚFUBAKUR strandaði í inn-
siglingunni til Hornafjarðar á
laugardagskvöld og drapst daginn
eftir. Það var Ágúst Þorbjörnsson
stýrimaður sem fyrst sá hvalinn um
klukkan 19 á laugardagskvöld og
hófust björgunaraðgerðir í kjölfar-
ið. Talið er að hnúfubakurinn hafi
elt æti inn í Hornafjarðarós og
strandað á grynningum. Hvalurinn
var kominn á þurrt í gær og verður
nytjaður eftir föngum. Reynt var
að koma skepnunni til bjargar fljót-
lega eftir strandið og reyndu tveir
litlir bátar að draga hvalinn á flot
en án árangurs. Háflóð var þegar
hvalurinn strandaði og fjaraði
hratt undan honum. Ekki var hægt
að koma stærri bátum að honum
því mjög grunnt er í innsiglingunni.
Hvalurinn er 12 metra langur og
því í minna lagi, því hnúfubakar
geta orðið allt að 19 metra langir.
Að sögn Ólafs Einarssonar hafn-
sögumanns rekur hann ekki minni
til þess að hnúfubakur hafi strand-
að á grynningunum. Hins vegar
strandaði hrefna þar skammt frá
fyrir nokkrum árum og var skotin
að lokum.
Hvalreki við
Hornafjörð
Morgunblaðið/Sigurður Már Halldórsson
Björgunaraðgerðir báru ekki árangur og drapst hnúfubakurinn.
Tvö og hálft tonn af ókeypis
hvalkjöti kom í hlut bæjarbúa.
♦ ♦ ♦
SÉRA Gunnar
Björnsson var
einróma valinn
sóknarprestur á
Selfossi á fundi
valnefndar Sel-
fossprestakalls á
laugardag.
Biskup mun
því leggja til við
dóms- og kirkju-
málaráðherra að
sr. Gunnar verði skipaður í emb-
ættið.
Alls voru sjö umsækjendur um
stöðuna, þrír guðfræðingar og
fjórir prestar. Eysteinn Jónasson,
formaður sóknarnefndar, segir að
sr. Gunnar hafi búið yfir mestu
reynslunni og enginn annar um-
sækjandi hafði meiri menntun. Þá
hafi verið almenn ánægja með
störf sr. Gunnars á Selfossi en
hann leysti sr. Þóri Jökul Þor-
steinsson af meðan sá síðarnefndi
var í leyfum.
Valnefndin var skipuð fimm
fulltrúum prestakallsins ásamt
prófasti og vígslubiskupi.
Selfoss
Sr. Gunnar
Björnsson
valinn
prestur
Sr. Gunnar
Björnsson