Morgunblaðið - 16.04.2002, Page 22

ERLENT
22 ÞRIÐJUDAGUR 16. APRÍL 2002 MORGUNBLAÐIÐ
YASSER Arafat, leiðtogi Palestínu-
manna, tjáði Colin Powell, utanrík-
isráðherra Bandaríkjanna, á sunnu-
dag að vopnahlé væri ekki mögulegt
fyrr en Ísraelar hefðu bundið enda á
hernaðaraðgerðir sínar á heima-
stjórnarsvæðum Palestínumanna og
kallað her sinn heim. Arafat hitti Po-
well að máli í bækistöðvum sínum í
Ramallah en þetta er fyrsti fundur
hans með æðstu embættismönnum
Bandaríkjanna frá því að Ísraelar
lýstu því yfir í fyrra að þeir vildu ekk-
ert frekar hafa saman við hann að
sælda.
Upphaflega hafði Powell ætlað að
hitta Arafat á laugardag en sjálfs-
morðsárás palestínskrar stúlku í
Jerúsalem á föstudag kom í veg fyrir
það. Arafat fordæmdi árásina síðdeg-
is á laugardag og ákvað Powell þá að
hitta hann að máli þrátt fyrir áköf
mótmæli Ísraela, sem haldið hafa
Arafat í herkví í Ramallah um langt
skeið.
Ef marka má frétt The New York
Times mun Powell hafa gert Arafat
grein fyrir því að hann yrði að hafa
hemil á þjóð sinni, þ.e. þeim öfgahóp-
um sem staðið hafa fyrir sjálfsmorðs-
árásum undanfarnar vikur og mán-
uði er beinst hafa gegn ísraelskum
borgurum. Ræddust þeir Powell og
Arafat við í um þrjár klukkustundir
og var fundurinn gagnlegur, að sögn
Powells. Enginn áþreifanlegur ár-
angur náðist þó, eftir því sem næst
verður komist.
Powell hitti Ariel Sharon, forsætis-
ráðherra Ísraels, að máli að kvöldi
sunnudags og lagði Sharon þar til að
boðað yrði til alþjóðlegrar ráðstefnu
um málefni Mið-Austurlanda. Shar-
on sat hins vegar fast við sinn keip og
sagði ekki koma til greina að Arafat
fengi að taka þátt í fundinum. Er
markmið Sharons að ryðja Arafat úr
vegi og að „hófsamari“ aðilar taki við
forystuhlutverki hjá Palestínumönn-
um.
Enginn annar hefur umboð
Þrátt fyrir að Bandaríkjastjórn
deili að nokkru leyti andúð Ísraela á
Arafat eru ráðamenn vestra á þeirri
skoðun að enginn hafi sama umboð,
til að skrifa undir friðarsamninga við
Ísraela, og Arafat sem forseti heima-
stjórnar Palestínumanna. Var fund-
ur Powells og Arafats á sunnudag
talinn til marks um það mat Banda-
ríkjamanna.
Talsmenn Arafats sögðu fundinn
með Powell hafa verið gagnlegan og
fögnuðu þeir því að svo virtist sem
Bandaríkjamenn væru nú reiðubúnir
til að ræða um hin eiginlegu deilumál
Ísraela og Palestínumanna, en ekki
aðeins um hvernig koma eigi á
vopnahléi og tryggja að engin frekari
ódæðisverk yrðu framin af hálfu pal-
estínskra öfgamanna. „Þeir telja
ekki að hægt sé að ræða öryggismál
án þess að leggja drög að pólitísku
friðarferli,“ sagði Yasir Abed Rabbo,
ráðherra upplýsingamála í heima-
stjórn Palestínumanna.
Sagði Rabbo að fyrir Palestínu-
menn skipti mestu að sjá hversu mik-
ið væri að marka Bandaríkjamenn er
þeir færu fram á það af Ísraelum að
kalla herlið sitt þegar frá herteknu
svæðunum. Ljóst væri nefnilega að
Sharon hefði fullan hug á að halda
stríðsrekstrinum áfram. „Við efumst
ekki um stefnu Bandaríkjastjórnar
en við höfum efasemdir um að hún
hafi beitt Ísraela nægilegum þrýst-
ingi.“
Hittir Arafat líklega aftur í dag
Bandarískir stjórnarerindrekar
sögðu Powell ekki mótfallinn hug-
mynd Sharons um alþjóðlega friðar-
ráðstefnu. Hún yrði rædd ítarlega
eins og aðrar hugmyndir, sem fram
hefðu komið um það hvernig stuðla
mætti að friði í Mið-Austurlöndum.
Fundur Powells með Sharon á
sunnudagskvöld var annar fundur
hans með ísraelska forsætisráð-
herranum frá því að hann kom til Ísr-
ael á fimmtudagskvöld og ítrekaði
hann tilmæli Bandaríkjastjórnar að
Ísraelar drægju herlið sitt án tafar
frá herteknu svæðunum.
Áttu þeir Powell og Sharon „góðar
og efnismiklar viðræður“ að sögn
Richards Boucher, talsmanns banda-
ríska utanríkisráðuneytisins. Sagði
Boucher Powell hafa lýst áhyggjum
sínum vegna afdrifa palestínskra
íbúa í Jenín á Vesturbakkanum en
þar eru Ísraelar sakaðir um að hafa
valdið dauða fjölda Palestínumanna í
aðgerðum sínum undanfarna daga.
Powell fór í gær til Líbanon og
Sýrlands til skrafs og ráðagerða við
þarlenda ráðamenn en gert er ráð
fyrir að hann hitti Arafat aftur að
máli í dag, þriðjudag.
Arafat útilokar
vopnahlé fyrr
en Ísraelsher
er á brott
Reuters
Yasser Arafat og Colin Powell á fundinum í Ramallah í fyrradag.
Sharon stingur upp á alþjóðlegri
friðarráðstefnu – án aðildar Arafats
PALESTÍNSKT hjúkrunarfólk hóf
í gær að flytja lík út úr Jenín-
flóttamannabúðunum á Vest-
urbakkanum, en þar urðu hörðustu
átökin á milli ísraelskra hermanna
og palestínskra bardagamanna í
hernaðaraðgerðum Ísraela á
heimastjórnarsvæðum Palest-
ínumanna á Vesturbakkanum í síð-
ustu viku. Eyðileggingin í búð-
unum, þar sem barist var hús úr
húsi, var mikil. Jarðýtur og skrið-
drekar voru notaðir til að rústa
húsum.
Fréttamenn fóru ásamt hjúkr-
unarfólki inn í búðirnar í gær, en
Ísraelar og Palestínumenn deila um
það hvað í raun og veru gerðist þar
á meðan bardagar stóðu. Palest-
ínskir embættismenn sögðu upp-
haflega að hermenn Ísraela hefðu
drepið mörg hundruð manns, þ. á
m. marga óbreytta borgara, en Ísr-
aelar sögðu að um eitthundrað
manns hefðu fallið í átökunum,
flestir bardagamenn. Ísraelskir
hermenn sögðu á sunnudaginn að
þeir hefðu fundið 40 lík, flest af
vopnuðum mönnum.
Meðfylgjandi myndir af eyðilegg-
ingunni í Jenín tóku ljósmyndarar
Associated Press og Reuters sem
fóru í fylgd ísraelskra hermanna
um búðirnar.
AP
AP
Eyðilegg-
ingin í
Jenín
Jenín-flóttamannabúðunum. AP.
Reuters