Morgunblaðið - 25.04.2002, Qupperneq 2

FRÉTTIR
2 FIMMTUDAGUR 25. APRÍL 2002 MORGUNBLAÐIÐ
KA fyrst til að sigra á
Ásvöllum í vetur / B2
Jón Arnór og Alda Leif leikmenn
ársins í körfuknattleik / B1
4 SÍÐUR
Morgunblaðinu
í dag fylgir aug-
lýsingablaðið
„Langvarandi
hjálp án skil-
yrða“ frá SOS-
barnaþorpinu.
Blaðinu verður
dreift um allt
land.
16 SÍÐUR
Sérblöð í dag www.mb l . i s
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í F
Morgunblaðinu
í dag fylgir aug-
lýsingablaðið
„Sund & sum-
arfrí“ frá
Speedo.
Blaðinu verður
dreift um allt
land.
 Seldum Bretum þorsk ... / C1
 Nauðsynlegt að móta ... / C2
 Konur og kvótinn / C6
 Upplýsingatæknin er lykilatriði / C8
 Afköstin yfir 100 tonn af laxi / C12
 Verðbólgumarkmið nást ... / C16
Blaðinu í dag fylgir 12 síðna
blaðauki um skógrækt.
Morgunblaðið/Kristinn Ingvarsson
Opinn skógur
Hve bjart er veður,
og blómið glatt er morgundöggin seður.
Ó græna lífsins land!
Ó lífsins Grænaland, ó lands míns gróður,
leyf mér að elska þig og vera góður.
Hve margt sem gleður.
Í gljúpri lækjarseyru smáfugl veður.
Ó dýra lífsins land!
Ó lífsins Dýraland, ó land míns bróður,
hvers lítils fugls, og draumur vorrar móður.
Vorvísa
Halldór Laxness
TVEIR starfsmenn bandaríska álfyrirtækisins
Alcoa, sem eru sérfræðingar í umhverfismálum,
komu til landsins í gærmorgun til viðræðna við
fulltrúa Fjárfestingarstofu, Landsvirkjunar, við-
ræðunefndar stjórnvalda og sveitarfélaga á Aust-
urlandi vegna áhuga Alcoa á að reisa álver á Reyð-
arfirði. Að sögn Finns Ingólfssonar, formanns
viðræðunefndar stjórnvalda í stóriðjumálum,
verður rætt við fulltrúa fleiri álfyrirtækja á næst-
unni en þær viðræður fara fram með öðrum hætti
en við Alcoa.
Eins og kom fram í Morgunblaðinu í gær var
undirrituð aðgerðaáætlun í síðustu heimsókn Al-
coa til landsins þar sem fyrirtækið heitir því að
hafa lokið hagkvæmniathugun sinni fyrir 24. maí
næstkomandi
Að loknum fundahöldum í Reykjavík í gær, þar
sem einkum var fjallað um umhverfismál og mats-
skýrslur Skipulagsstofnunar um virkjun og álver
kynntar, héldu starfsmenn Alcoa austur á land í
gærkvöldi. Í dag munu þeir eiga fund með for-
ráðamönnum sveitarfélaga á Austurlandi, kynna
sér virkjanastæði Kárahnjúkavirkjunar, ef veður
leyfir, og skoða álverslóðina við Reyðarfjörð. Þeir
munu svo fara af landi brott á morgun, að loknum
frekari fundahöldum í Reykjavík.
Finnur Ingólfsson var meðal þeirra sem hittu
fulltrúa Alcoa í gær. Hann sagði þessa heimsókn
þeirra fyrst og fremst vera til að kanna aðstæður
nánar og komast á vettvang virkjunar og álvers
fyrir austan.
„Við höfum komið okkur saman um vinnuáætl-
un sem er ekki skuldbindandi. Hér á næstunni
munu margir fulltrúar Alcoa koma til landsins til
að kynna sér verkefnið og ganga úr skugga um
með hvaða hætti þetta samstarf gæti hugsanlega
orðið,“ sagði Finnur.
Aðspurður hvort rætt yrði við fleiri álfyrirtæki
sagði Finnur að fleiri fjárfestar og álfyrirtæki
hefðu sýnt áhuga á verkefninu fyrir austan. Rætt
yrði við þá á næstu vikum en það yrði ekki með
sama hætti og þær viðræður sem ættu sér nú stað
við talsmenn Alcoa. Finnur vildi á þessu stigi ekki
upplýsa um hvaða fyrirtæki væri að ræða.
Smári Geirsson, forseti bæjarstjórnar Fjarða-
byggðar og formaður Sambands sveitarfélaga á
Austurlandi, mun hitta starfsmenn Alcoa í dag og
sýna þeim aðstæður á svæðinu. Í samtali við
Morgunblaðið sagði hann að Austfirðingar tækju
að sjálfsögðu virkan þátt í því að kynna þá mögu-
leika sem Kárahnjúkavirkjun og álver á Reyðar-
firði væru, fyrir þeim aðilum sem sýndu verkefn-
inu áhuga. Smári hitti einnig þá háttsettu
stjórnendur Alcoa, sem voru hér á landi í síðustu
viku.
Alcoa átti frumkvæðið
Fram kom í Morgunblaðinu sl. laugardag að Al-
coa hafði frumkvæði að því að setja sig í samband
við Fjárfestingarstofuna, eftir að þau tíðindi bár-
ust að Norsk Hydro gæti ekki staðið við tímaáætl-
anir í Noral-verkefninu. Fjárfestingarstofan
starfar á vegum iðnaðar- og viðskiptaráðuneyt-
isins, Landsvirkjunar og Útflutningsráðs Íslands
og forveri hennar er markaðsskrifstofa iðnaðar-
ráðuneytisins og Landsvirkjunar.
Rætt verður við fleiri
álfyrirtæki á næstunni
ÞESSAR fínu ballerínur virðast
ekki vera með neinn sviðsskrekk
þar sem þær bíða þess að stíga á
stóra sviðið í Borgarleikhúsinu til
að sýna foreldrum sínum hvað þær
lærðu í vetur. Á annað hundrað
nemendur í Ballettskóla Guð-
bjargar Björgvins sýndu listir sín-
ar á skólasýningu í Borgarleikhús-
inu á þriðjudagskvöld fyrir fullum
sal.
Þessar ungu stúlkur eru á aldr-
inum 4–6 ára og hver veit nema
þarna fari ballerínur framtíð-
arinnar. Aðeins einn herra kom
fram á sýningunni að þessu sinni
og var það fimm ára ballettdans-
ari.
Morgunblaðið/Kristinn
Ballerínur
framtíðarinnar
VERÐ á hlutabréfum í de-
CODE Genetics, móðurfyrir-
tæki Íslenskrar erfðagreining-
ar, lækkaði um 10% á
Nasdaq-markaðnum í New
York í gær. Við opnun markaða í
gær var gengi bréfanna 6 doll-
arar á hlut en lokagengi þeirra í
gær var 5,4 dollarar á hlut.
Í viðskiptum gærdagsins fór
gengið lægst niður í 4,94 dollara
á hlut og hefur aldrei farið jafn-
lágt frá því að félagið var skráð á
markað. Á undanförnum tólf
mánuðum hefur lokagengi bréfa
deCODE lægst farið í 5,28 doll-
ara á hlut. Hæst hefur gengið
farið í 15,15 dollara á hlut.
DeCODE
lækkaði
um 10%
VALGERÐUR Sverrisdóttur, iðnað-
arráðherra, sagði við eldhúsdagsum-
ræður á Alþingi í gærkvöldi að sá
áhugi sem stærsta álfyrirtæki á Vest-
urlöndum, Alcoa, sýndi byggingu ál-
vers á Austurlandi væri uppörvandi.
„Allt bendir til þess að af verkinu
verði, sem er mikilvægt bæði fyrir
þjóðarbúið sem heild og alveg sér-
staklega mikilvægt fyrir Austurland.“
Sverrir Hermannsson, formaður
Frjálslynda flokksins, sagði að sú
háskalega staðreynd yfirgnæfði allt
annað að framkvæmdavaldið væri í
þann veginn að hramsa til sín öll völd í
landinu. „Alþingi er orðin undirgefin
afgreiðslustofnun framkvæmdavalds-
ins þar sem þingmenn stjórnarflokk-
anna beygja sig í duftið fyrir hinum
stjórnlyndu valdamönnum í einu og
öllu,“ sagði Sverrir.
Þuríður Backman, þingmaður VG,
sagði að hagkvæmni stærðarinnar
virtist vera lausnarorðið bæði hjá rík-
isstjórnarflokkunum og víðar úti í
þjóðfélaginu og nefndi sem dæmi
áformin um risaálver á Austurlandi
og frumvarp um stjórn fiskveiða sem
myndi leiða til enn frekari samþjöpp-
unar og fækkunar útgerðarfyrir-
tækja í landinu. „Hagkvæmni stærð-
arinnar er í því máli sem öðrum
leiðarljósið sem bliknar ekki þó að
skuggi byggðaröskunar og atvinnu-
leysis falli á þessa pólitísku sýn. Hinir
sterku verða sterkari og hagsmunum
fólksins sem býr í hinum dreifðu sjáv-
arbyggðum er fórnað,“ sagði Þuríður.
Geir Haarde. fjármálaráðherra,
sagði að allt benti til þess að eftir stutt
tímabil samdráttar í efnahagslífinu
tæki við kröftugur hagvöxtur strax á
næsta ári. Í ár væri spáð að kaup-
máttur launa mundi aukast áttunda
árið í röð. „Slíkur árangur er mjög
sjaldgæfur hvert svo sem litið er. En
það sem meira er, honum er jafnar
skipt hérlendis en annars staðar
þekkist,“ sagði Geir. Hann sagði að
ríkisstjórnin ætlaði að halda áfram á
braut skattalækkana bæði gagnvart
einstaklingum og fyrirtækjum.Hann
kom einnig í ræðu sinni inn á ríkis-
ábyrgð til Íslenskrar erfðagreiningar
og benti á að ríkið ábyrgðist skuld-
bindingar Landsvirkjunar í tengslum
við stórvirkjanir og ekki væri óeðli-
legt að slíkt kæmi til álita þegar að því
kæmi að virkja mannauðinn á Íslandi.
Bryndís Hlöðversdóttir, formaður
þingflokks Samfylkingarinnar, sagði
að við gætum ekki leyft okkur að úti-
loka möguleikana sem kynnu að felast
í aðild að Evrópusambandinu fyrir-
fram. „Okkur ber að skoða með opn-
um huga hvað fælist í upptöku til
dæmis sameiginlegs gjaldmiðils, en
samkvæmt útreikningum Þjóðhags-
stofnunar er áætlað að við upptöku
evru myndi raunvaxtastig lækka um
1,5–2% sem myndi á ársgrundvelli
valda lækkun vaxtagreiðslna um 15
milljarða.“ Hún kom einnig inn á
íbúalýðræði í ræðu sinni og sagði að
Samfylkingin gengi víða til sveitar-
stjórnarkosninga undir kjörorðinu
íbúalýðræði, en það fælist í kröfunni
um aukið samráð við íbúa á sem flest-
um sviðum og því að fjölskyldan og
þarfir hennar yrðu settar í öndvegi.
Iðnaðarráðherra um álver við
eldhúsdagsumræður á Alþingi
Allt bendir til að
af verkinu verði