Morgunblaðið - 25.04.2002, Síða 8

FRÉTTIR
8 FIMMTUDAGUR 25. APRÍL 2002 MORGUNBLAÐIÐ
Vilt þú ekki bara skreppa í Bláa lónið, Dóri minn, á með-
an við Davíð ræðum landsins gagn og nauðsynjar?
Um samkynhneigð – trú og siðfræði
Einn þáttur í
litrófi lífsins
SAMTÖK foreldra ogaðstandenda sam-kynhneigðra gang-
ast fyrir fræðslufundi
undir yfirskriftinni „Um
samkynhneigð – trú og
siðfræði“ 27. apríl næst-
komandi. Harpa Njáls er
í forsvari fyrir samtökin.
Segðu okkur aðeins frá
umræddum Samtökum
foreldra og aðstandenda
samkynhneigðra, hvenær
voru þau stofnuð, hversu
fjölmenn eru þau o.s.frv.
„Hópur foreldra og að-
standenda hefur starfað á
vettvangi Samtakanna ’78
frá árinu 1987 með
nokkrum hléum. Árið
2000 fékk starfið fastara
skipulag og er unnið
markvisst frá þeim tíma.
Í vetur var fundað tvisvar í mán-
uði 2. og 4. hvern miðvikudag
klukkan 20.30 í félagsmiðstöð
Samtakanna ’78, Laugavegi 3.“
Á hvaða vettvangi starfa þessi
samtök og hvert er hlutverk
þeirra?
„Samtök foreldra og aðstand-
enda starfa á vettvangi Samtak-
anna ’78. Við leggjum áherslu á
samvinnu því við vinnum öll að
sama hagsmunamáli. Hlutverk
okkar og markmið er tvíþætt: Að
styðja foreldra og aðstandendur
samkynhneigðra og einnig sam-
kynhneigð börn okkar og ástvini.
Einnig vinnum við að fræðslu
með opnum fundum. Markmiðið
er að efla umræðu og þekkingu á
samkynhneigð sem er fjölskyldu-
mál. Þetta er tíundi fræðslufund-
urinn sem við höldum.“
Hvernig standa samkyn-
hneigðir í dag gagnvart þjóð-
félaginu?
„Staða samkynhneigðra hefur
batnað mikið á síðustu árum.
Lagaleg staða þeirra hefur eflst
og með aukinni fræðslu og um-
ræðu hefur skilningur aukist.
Þar hafa Samtökin ’78 unnið öt-
ullega. Þó er ljóst að vinna þarf
stöðugt að aukinni þekkingu til
að eyða fordómum. E.t.v. er
þögnin hættulegasta vopnið sem
beitt er gegn fólki.“
Þið eruð með fræðslufund.
Hvar og hvenær?
„Fræðslufundurinn hefur yfir-
skriftina: Um samkynhneigð –
trú og siðfræði. Hann verður í
safnaðarheimili Grensárkirkju
laugardaginn 27. apríl og hefst
klukkan 15. Fundurinn er opinn
öllum sem áhuga hafa á málefn-
inu.“
Hverjar verða helstu áhersl-
urnar á fundinum?
„Flutt verða fjögur erindi:
Sigrún Sveinbjörnsdóttir sál-
fræðingur flytur erindi, „Er
barnið þitt samkynhneigt eða
hefur þú grun um að svo sé?“
Hún verður bæði á fræðilegum
nótum og almennum og veltir
því upp af hverju það skipti ung-
linginn máli að eiga
vísann skilning og
stuðning foreldra
sinna og ástvina.
Einnig hitt hvers
vegna foreldrar þurfa
e.t.v. að fara áður
ótroðnar slóðir og
leita leiða til að eyða eigin for-
dómum og hins vegar til að efla
persónulegan styrk bæði tilfinn-
ingalega og siðferðilega.
Helga Sigurðardóttir foreldri
flytur hugleiðingu sem hún nefn-
ir: „Hefur afstaða mín sem for-
eldri til trúar og kirkju breyst?“
Hún kemur m.a. inná hve þögn
kirkjunnar á þessu sviði hefur
snert marga trúaða foreldra. Dr.
Sólveig Anna Bóasdóttir talar
um „Samkynhneigð og kristin
siðfræði“. Hún mun í erindi sínu
fjalla um hvaða viðhorf megi
finna í kristinni siðfræði samtím-
ans varðandi samkynhneigð og
erindi sr. Kristínar Þórunnar
Tómasdóttur nefnist „Afstaða
trúaðra til samkynhneigðar og
samkynhneigðra“.
Þá munu Bergþór Pálsson og
Douglas A. Brotchie flytja okkur
tónlist. Eftir erindin verða um-
ræðuhópar og getur fólk rætt
málefnin frekar. Að lokum verða
niðurstöður hópanna kynntar.“
Hvað sjáið þið að helst breyt-
ist og/eða gerist í málefnum
samkynhneigðra í nánustu fram-
tíð?
„Við teljum mikilvægt að sam-
félagið átti sig á því hvað sam-
kynhneigð snertir marga. Sl.
haust héldum við opinn fræðslu-
fund m.a. um mikilvægi sýnileik-
ans. Sá fundur var mjög vel sótt-
ur. Þar kom fram að raunsætt er
að áætla að samkynhneigðir séu
5% þjóðarinnar. Ef við gerum
ráð fyrir að 15% samkyn-
hneigðra eigi eitt barn, tvo for-
eldra, eitt systkin og einn afa
eða ömmu erum við að tala um
25% þjóðarinnar sem samkyn-
hneigð snertir mjög náið. For-
eldrar og aðstandendur eru
sterkur hlekkur milli samkyn-
hneigðra og samfélagsins, því er
mikilvægt að við
vinnum að þessum
málum. Vestræn sam-
félög eru um margt
mótuð af kristnum
gildum og í ljósi þess
teljum við tímabært
og þarft að fjalla um
samkynhneigð – trú og siðfræði.
Við erum þátttakendur í að end-
urmeta og móta viðhorf og gild-
ismat samfélagsins á nýrri öld
og höfum mikilvægan málstað að
vinna fyrir. Við erum sannfærð
um að í náinni framtíð muni
samfélagið allt viðurkenna sam-
kynhneigð sem einn þátt í litrófi
lífsins. Það er okkar framtíðar-
sýn.“
Harpa Njáls
 Harpa Njáls er fædd á Suður-
eyri 1946. BA próf í félagsfræði
frá HÍ 1998 og MA próf í febrúar
sl. Ein af stofnendur Búseta hsf á
höfuðborgarsv. og sat í stjórn og
varastjórn í áratug. Hóf störf hjá
fyrirtækinu 1988 og var
frkv.stjóri félags- og rekstr-
arsviðs til 1992 er hún fór í nám.
Í tilraunaverkefni á vegum kirkj-
unnar 1998–99 og fastráðinn
starfsmaður Borgarfræðaseturs
HÍ og Reykjavíkurborgar frá síð-
ustu áramótum. Harpa á tvö
börn, Körlu Dögg og Sigurdísi
og þrjá dóttursyni.
Samkyn-
hneigð snertir
25% þjóð-
arinnar náið