Morgunblaðið - 28.05.2002, Blaðsíða 2

FRÉTTIR
2 ÞRIÐJUDAGUR 28. MAÍ 2002 MORGUNBLAÐIÐ
Fylgstu
með
nýjustu
fréttum
www.mbl.isStoke stefnir
á úrvalsdeildina / C3
Héðinn Gilsson
í Safamýrina / C1
12 SÍÐUR48 SÍÐUR
Sérblöð í dag
Á ÞRIÐJUDÖGUM
GUNNAR Pálmi Pétursson torfæru-
ökumaður gerði í gær tilraun til að
aka á bíl sínum yfir höfnina í Horna-
firði. Tilraunin mistókst og bíll
Gunnars sökk þegar hann hafði ekið
um helming leiðarinnar. Honum
varð ekki meint af ævintýrinu, en
ekki er talið að bíllinn hafi haft mjög
gott af þessari ferð.
„Þetta var æðislegt,“ sagði Gunn-
ar í samtali við Morgunblaðið, en
viðurkenndi jafnframt að hann hefði
verið með dálítinn hnút í maganum
áður en hann lagði af stað. Höfnin er
um 130 metra breið og 9 metra djúp.
Gunnar sagði að ýmsar aðstæður
þyrftu að vera hagstæðar til að
markmiðið um að komast yfir næð-
ist. Sjórinn þyrfti t.d. að vera lygn,
en hann hefði ekki verið alveg nægi-
lega lygn í gær. Meginástæðan fyrir
því að þetta hefði ekki tekist væri þó
sú að vélin í bílnum væri ekki nægi-
lega öflug. Hún er 600 hestöfl, en
Gunnar sagði að það þyrfti um 1.000
hestafla vél til að þetta gengi upp.
„Það getur vel verið að ég reyni
þetta aftur ef ég næ einhvern tím-
ann að smíða bíl með svo stórri vél,“
sagði Gunnar.
Vel gekk að ná bílnum upp úr
höfninni. Farið var með hann upp í á
þar sem honum var dýft ofan í hyl til
þess að „útvatna hann“ eins og
Gunnar komst að orði. Síðan þarf að
rífa hann allan í sundur og hreinsa
hann. Gunnar kvaðst telja að vélin
væri eitthvað skemmd vegna þess
að honum hefði ekki gefist tími til að
drepa á henni áður en bíllinn sökk
og því hefði vélin tekið eitthvað af
sjó inn á sig.
Gunnar tók fram að hann þyrfti
ekki að bera kostnað af tiltækinu.
Stuðningsaðilar hefðu boðist til að
greiða allan kostnað. Þess vegna
sagðist hann hafa látið freistast til
að reyna þetta.
Gunnar Pálmi hefur stundað tor-
færuakstur í 11 ár. Hann hefur unn-
ið fjölmarga titla á ferlinum, m.a.
fjóra Íslandsmeistaratitla.
Morgunblaðið/Sigurður Mar Halldórsson
Hornfirðingar fjölmenntu niður að höfn í gær til að fylgjast með tilraun Gunnars Pálma Péturssonar til að aka yfir höfnina.
Reyndi að aka yfir Hornafjarðarhöfn
RÍKIÐ hefur samið við Elías V. Ein-
arsson veitingamann um rekstur
Hótel Valhallar á Þingvöllum í sum-
ar. Samið var við Elías á grundvelli
útboðs. Hótelið verður opnað 7. júní
og rekið fram í september.
Ríkið eignaðist Valhöll fyrr á
þessu ári. Talið er að hótelið þarfnist
nokkurs viðhalds og Elías sagði að
farið yrði út í minniháttar viðhald
fyrir opnun hótelsins.
Elías sagðist ætla að leggja
áherslu á ódýra þjónustu á Valhöll.
Boðið verður bæði upp á gistingu og
mat. Á matseðli verður lögð áhersla
á lambakjöt og silung úr Þingvalla-
vatni. Auk þess verður lögð áhersla á
kökuhlaðborð.
Elías hefur í mörg ár rekið funda-
og ráðstefnusali í Borgartúni 6.
Samið um
rekstur Hót-
el Valhallar
LÍÐAN miðaldra manns, sem
brenndist alvarlega í eldsvoða í ris-
íbúð við Laugaveg um helgina, er
óbreytt. Að sögn vakthafandi læknis
á gjörgæsludeild er maðurinn enn
talinn í lífshættu og er í öndunarvél.
Hann hlaut 2. og 3. stigs brunasár á
um 30–35% líkamans.
Slökkviliði barst tilkynning um
eldsvoða í húsi á mótum Laugavegar
og Klapparstígs laust fyrir klukkan
sex á laugardagsmorgun en um er að
ræða timburhús á þremur hæðum.
Þegar slökkviliðið kom á staðinn
stóð mikill eldur og reykur út um
glugga á rishæðinni og undan þak-
kanti. Manninum var bjargað út úr
húsinu og hann fluttur á spítala.
Enn í lífs-
hættu eftir
eldsvoða
SAUTJÁN manna hópur frá Rúm-
eníu, sem sótti um pólitískt hæli hér-
lendis eftir komuna til landsins með
Norrænu fyrir helgi, dró umsókn
sína til baka í gær. Lögreglan í
Reykjavík ræddi við fólkið í gær og
sagði Morgunblaðinu að fólkið hefði
hætt við þegar það áttaði sig á hvaða
reglur giltu um veitingu pólitísks
hælis. Hafi fólkið því óskað eftir því
að fá að fara til síns heima og sama
gildir um tvo Rúmena til viðbótar
sem sameinuðust hópnum á tjald-
stæðinu í Laugardal, en er að öðru
leyti ótengdur 17 manna hópnum.
Samkvæmt upplýsingum lögregl-
unnar hætti fólkið við þar sem það
vildi ekki hætta á að verða neitað um
hæli og þar með vísað úr landi. Gæti
það leitt til endurkomubanns sem
gæti gilt á á öllu Schengen-svæðinu.
Gunnlaugur Valtýsson, rannsóknar-
lögreglumaður hjá lögreglunni í
Reykjavík, sagði að málið hefði nú
snúist upp í aðstoðarmál þar sem
verið væri að reyna að útvega fólkinu
vegabréf svo það kæmist burt. Ís-
lensk stjórnvöld veittu síðast útlend-
ingi pólitískt hæli hérlendis í árs-
byrjun 2000 þegar 17 ára piltur frá
Zaire fékk hæli. Örfá dæmi munu
vera um veitingu hælis fyrir árið
1994. Skilyrði fyrir pólitísku hæli
hérlendis eru tíunduð í Genfarsátt-
málanum, en til að uppfylla þau þarf
umsækjandi að sæta pólitískum of-
sóknum í heimalandi sínu og hafa
ástæðu til að óttast um líf sitt eða
sinna nánustu. Íslensk stjórnvöld
hafa veitt fólki, sem ekki uppfyllir
skilyrði Genfarsáttmálans, dvalar-
leyfi af mannúðarástæðum. Georg
Kr. Lárusson, forstjóri Útlendinga-
eftirlitsins, segir allmarga útlend-
inga hafa fengið slíkt dvalarleyfi.
Samkvæmt upplýsingum lögregl-
unnar var ekki erfitt fyrir Rúmen-
ana að komast inn á Schengen-svæð-
ið þar sem Rúmenar þurfa ekki
áritun inn á það, samkvæmt ákvörð-
un þeirra ríkja sem standa að
Schengen-samkomulaginu.
Drógu til baka
umsókn um póli-
tískt hæli hér
TVEIR karlmenn, 20 og 23 ára
gamlir, hafa játað að hafa ráðist
á mann í Hafnarstræti í Reykja-
vík snemma á laugardagsmorg-
un. Þeir hafa verið úrskurðaðir í
gæsluvarðhald til 4. júní nk.
Maðurinn sem ráðist var á er
22 ára, búsettur á landsbyggð-
inni. Skv. upplýsingum frá gjör-
gæsludeild Landspítala – há-
skólasjúkrahúss í Fossvogi hlaut
maðurinn áverka á heila. Hann
er í lífshættu og er haldið sof-
andi í öndunarvél.
Högg og spörk
Ekkert bendir til þess að
mennirnir hafi þekkst og virðist
sem árásin hafi verið tilefnis-
laus. Að sögn Sigurbjörns Víðis
Eggertssonar, aðstoðaryfirlög-
regluþjóns og yfirmanns ofbeld-
isbrotadeildar, veittust árásar-
mennirnir að manninum með
höggum og spörkum. Í eftirlits-
myndavél sást m.a. þegar þeir
spörkuðu í efri hluta líkama
hans. Í sama mund og árásin
sást í eftirlitsmyndavélum var
hún tilkynnt til lögreglu en þeg-
ar hún kom á vettvang lá mað-
urinn meðvitundarlaus í götunni
en árásarmennirnir voru á bak
og burt.
Annar þeirra gaf sig fram við
lögregluna í Keflavík á laugar-
dagskvöld en hinn við lögregl-
una í Reykjavík á sunnudags-
morgun. Mennirnir hafa verið
yfirheyrðir og er málið í rann-
sókn. Þeir hafa báðir komið við
sögu lögreglu áður.
Tveir menn
játa líkamsárás
í Hafnarstræti
22 ára maður er ennþá í lífshættu
og í öndunarvél
♦ ♦ ♦
DAVÍÐ Oddsson forsætisráðherra
hélt til Ítalíu í gær á fund 19 þjóð-
arleiðtoga aðildarríkja Atlantshafs-
bandalagsins og forseta Rússlands
sem haldinn verður í Róm dag. Á
fundinum verður undirritað sam-
komulag um nýtt samstarfsráð
Rússlands og NATO.
„Þetta er mjög þýðingarmikil
stund. Þetta er skref sem enginn
hafði séð fyrir og með miklum ólík-
indum að NATO og Rússland skuli
tengjast svo öflugum böndum. Miðað
við forsöguna er þetta afar söguleg
stund,“ sagði Davíð í samtali við
Morgunblaðið í gær.
Davíð Oddsson á leið-
togafundi NATO
Þýðingar-
mikil og
söguleg
stund
♦ ♦ ♦