Morgunblaðið - 28.05.2002, Blaðsíða 49

FRÉTTIR
MORGUNBLAÐIÐ ÞRIÐJUDAGUR 28. MAÍ 2002 49
EINAR Benediktsson, fyrrum
sendiherra, afhenti Viðskipta- og
hagfræðideild Háskóla Íslands
bókagjöf fyrir skömmu. Bækurnar
tengjast Evrópusamvinnunni og
meðal þeirra er bók Einars „Ísland
og Evrópuþróunin 1950 – 2000“
sem kom út árið 2000 með formála
eftir Halldór Ásgrímsson utanrík-
isráðherra.
Einar lauk hagfræðiprófi í
Bandaríkjunum árið 1953 og meist-
araprófi í alþjóðastjórnmálafræði
1954. Hann stundaði framhaldsnám
við London School of Economics og
Institute des Etudes Europeennes í
Torino á Ítalíu.
Einar var fyrsti Íslendingurinn
sem starfaði hjá OECD. Einar var
sendiherra víða, m.a. í París, Lond-
on og Washington. Hann er einn
helsti sérfræðingur Íslands um ut-
anríkismál, einkum Evrópumál.
Við stutta athöfn í Odda, húsnæði
Viðskipta- og hagfræðideildar,
færði dr. Ágúst Einarsson prófess-
or og forseti Viðskipta- og hag-
fræðideildar, Einari þakkir fyrir
gjöfina og áréttaði mikilvægi öfl-
ugrar umræðu um Evrópumál og
að bókagjöfin væri gott framlag til
þess. Nokkur námskeið eru kennd
við deildina sem fjalla um ýmsa
þætti Evrópusamstarfsins.
Ljósmynd/Bergþór Sigurðsson
Frá afhendingu bókanna til viðskiptadeildar. Frá vinstri: Kristín Klara
Einarsdóttir skrifstofustjóri, Ágúst Einarsson deildarforseti, Einar
Benediktsson, fyrrv. sendiherra, og Þorvaldur Gylfason prófessor.
Viðskipta- og hagfræði-
deild HÍ fær bókagjöf
Nafn féll niður
Síðastliðinn laugardag 25. maí var
ferming í Óháða söfnuðinum og
fermdust þar fjórburar. Í tilkynn-
ingu í blaðinu féll niður eitt nafnið og
er beðist velvirðingar á því. Fjórbur-
arnir sem fermdust eru:
Alexandra Guðjónsdóttir,
Brynhildur Guðjónsdóttir,
Diljá Guðjónsdóttir og
Elín Guðjónsdóttir,
Vogagerði 25, Vogum.
LEIÐRÉTT
UM helgina sáu lög-
reglumenn 39 ökumenn
sem enn óku á nagla-
dekkjum þrátt fyrir sum-
arveðrið og mega þeir búast við sekt-
um. Þá voru 18 ökumenn grunaðir um
ölvun við akstur um helgina, 29 um of
hraðan akstur og 20 um að hafa ekki
virt stöðvunarskyldu. Þetta sýnir að
margir ökumenn þurfa að bæta hegð-
un sína í umferðinni enda voru hvorki
meira né minna en 48 umferðaróhöpp
með eignatjóni tilkynnt til lögregl-
unnar í Reykjavík um helgina.
Síðdegis á föstudag var ekið á
gangandi mann á Snorrabraut við Ei-
ríksgötu. Maðurinn hljóp út á Snorra-
braut og fyrir bílinn. Hann var fluttur
á slysadeild með sjúkrabíl og er talinn
lítið meiddur og bíllinn óskemmdur.
Aðfaranótt sunnudags var tilkynnt
um bílveltu. Bifreið hafði verið ekið
austur Breiðholtsbraut en í Víðidal
valt hún út fyrir veg að sunnanverðu
og hafnaði á hvolfi um 18 metra frá
veginum. Ökumaður kenndi til
eymsla í fæti en hann er grunaður um
ölvun við akstur.
Samurai-sverði stolið
Síðdegis á föstudag var tilkynnt um
þjófnað á verðmætu sverði frá fyrir-
tæki í austurbænum. Stolið var sam-
urai-sverði sem er verðlaunagripur,
um metri að lengd, með svartri hlíf og
gylltum dropum.
Þá var maður handtekinn í verslun
í austurborginni en hann hafði stolið
ýmsum matvælum að verðmæti tæp-
lega 25 þúsund krónur.
Á föstudagskvöld var tilkynnt um
innbrot í hús á Teigunum. Farið var
inn um glugga á eldhúsi og stolið ýms-
um tækjum, skartgripum og pening-
um.
Kona gleymdi dýrmætum hring
inni á salerni veitingastaðar í mið-
borginni um kvöldmatarleytið. Þegar
hún uppgötvaði það og fór að huga að
hringnum, var hann horfinn. Um er
að ræða mjög breiðan gullhring með
demant og safírsteinum. Hringurinn
er sérsmíðaður og annar slíkur ekki
til.
Tilkynnt var um mikinn reyk í
verslun í Kringlunni og var slökkvilið
sent á staðinn. Í ljós kom að þarna
hafði orðið bilun í kælikerfi og reyk
lagt um loftræstikefi upp á hæðirnar.
Engar skemmdir urðu aðrar en á
kerfinu.
Á fjórða tímanum aðfaranótt laug-
ardags var kvartað undan hávaða frá
drengjum sem voru í tjaldi í bakgarði
við Safamýri. Mikill hávaði var þegar
lögreglu bar að en af drengjunum var
tekið hátíðlegt loforð um að hafa
lægra.
Stálu grjóti
Afar rólegt var í miðborginni þessa
nótt og fátt á skemmtistöðum svo og á
götum úti. Mikil bílaumferð var hins
vegar um miðborgina. Undir morgun
var tilkynnt um alvarlega líkamsárás
í Hafnarstræti. Þar hafði maður verið
sleginn í götuna og var hann meðvit-
undarlaus. Hann var fluttur á slysa-
deild og er talinn í lífshættu. Síðar
voru tveir menn handteknir, grunaðir
um árásina.
Þá var tilkynnt um eld í húsi við
Laugaveg 20. Þar var mikill reykur í
íbúð á efstu hæð. Manni var bjargað
út úr íbúðinni og hlaut hann veruleg
brunasár. Miklar skemmdir urðu á
rishæðinni vegna elds og reyks.
Klukkan að ganga níu á laugardags-
morgun var tilkynnt um að mikill
reykur bærist frá 4. hæð Kornhlöð-
unnar við Sundahöfn. Slökkvilið og
lögregla voru send á staðinn. Talið
var að eldur hefði komið upp í raf-
magnsköplum á 3. og 4. hæð. Turninn
er 41 metri á hæð og er hann á 4 hæð-
um. Einungis urðu skemmdir á raf-
magnsköplum.
Eftirlit var með umferð við kjör-
staði og aðstoðað við flutning kjör-
gagna allan daginn.
Um hádegi á sunnudag hringdi
maður úr Mosfellsdal og bað um að-
stoð lögreglu því verið væri að stela
grjóti af landareign hans. Lögreglan
náði í þjófana og lét þá skila grjótinu.
Týndu foreldrunum
Eftir hádegi fóru lögreglumenn í
göngueftirlit um Fjölskyldu- og hús-
dýragarðinn og einnig var farið að
Laugardalshöll á kjörstað. Mjög
margt fólk var í Laugardalnum enda
gott veður. Fátt bar til tíðinda en
nokkur börn voru aðstoðuð við að
finna foreldra sína eftir að þau höfðu
orðið viðskila við þá í garðinum. Þá
var haft eftirlit með kjörstöðum í
Reykjavík og nágrenni. Allt var í
mjög góðu lagi. Einnig voru lögreglu-
menn við gæslu við talningu atkvæða
í Ráðhúsinu. Smáslys varð í íþrótta-
húsinu við Austurberg. Þar datt kona
úr stól þegar hún ætlaði að setjast.
Síðdegis var tilkynnt um innbrot í
vinnuskúr í Grafarholti en þaðan
hafði verið stolið járnklippivél og
fleiru.
Mjög mikið af fólki var í miðborg-
inni alla aðfaranótt sunnudags enda
veður mjög gott. Ölvun var mikil en
ástand á fólki þokkalegt. Unglingar
undir 16 ára voru ekki áberandi.
Skortur var á leigubifreiðum og gekk
heimflutningur fólks treglega. Fjórir
menn voru handteknir vegna ölvunar,
einn vegna líkamsárásar og þrír
vegna óspekta. Tveir urðu fyrir lík-
amsmeiðingum í átökum. Höfð voru
afskipti af einum unglingi er hafði
áfengi um hönd.
Rúmlega tvö þessa nótt var til-
kynnt um mikinn reyk frá íbúð í Yrsu-
felli. Einn maður var inni í íbúðinni og
var honum bjargað út og eldurinn
slökktur fljótlega. Á sunnudag var til-
kynnt um innbrot í Engjahverfi. Þar
var stolið tölvubúnaði og myndavél.
Einnig var tilkynnt um innbrot í bíl á
bílastæði í Laugardal. Úr honum var
stolið dýrum síma og myndavél.
Úr dagbók lögreglunnar – 24.–27. maí
Eldsvoðar, innbrot
og líkamsárásir
SOROPTIMISTAHREYFINGIN á
Íslandi er hluti af alþjóðasamtökum
kvenna í stjórnunar- og starfs-
greinastéttum sem hafa að leið-
arljósi hjálpar og þjónustustörf til
að efla mannréttindi og stöðu
kvenna.
Verkefni Aylu Selquk forseta
Evrópusambandsins 1999 – 2001
var „Inn í 21. öldina með æskunni“.
Öll verkefnasvið íslenskra soropt-
imista sameinuðust um að styrkja
útgáfu fræðslumöppu um getn-
aðarvarnir. Fræðslumappan er gef-
in á allar heilsugæslustöðvar í land-
inu og er aðgengileg fyrir
skólahjúkrunarfræðinga, lækna og
aðra sem sinna þessari fræðslu.
Herdís Klausen hjúkrunarfor-
stjóri HS var verkefnastjóri heil-
brigðismála hjá Soroptimista-
sambandi Íslands á þessum tíma.
Soroptimistakonur í Skagafirði
styrktum þetta verkefni með fjár-
framlagi, segir í tilkynningu frá
soroptimistum í Skagafirði
Herdís Klausen, hjúkrunarforstjóri HS, tekur hér við möppum úr hendi
Fanneyjar Ísfoldar Karlsdóttur, verkefnastjóra heilbrigðismála hjá
Soroptimistaklúbbi Skagafjarðar. Á myndinni eru einnig Helga Gunn-
laugsdóttir, formaður klúbbsins, og Ingibjörg Hafstað, fyrrv. formaður.
Soroptimistar gefa
fræðslumöppur
33. ÞING norrænna taugalækna og
2. þing norrænna hjúkrunarfræð-
inga sem starfa við hjúkrun sjúk-
linga með taugasjúkdóma („The
33rd Scandinavian Neurology
Congress and the 2nd Scandinavian
Congress of Neurological Nursing“)
verður haldið í Háskólabíói dagana
29. maí til 1. júní. Ráðstefnan er
haldin annað hvert ár í einu af Norð-
urlöndunum, en á Íslandi var hún
haldin árin 1980 og 1990. Ráðstefnan
er skipulögð af taugalæknafélagi Ís-
lands í samvinnu við Nordic MS
Consortium, en sú nýbreytni er á
haldi hennar hér á landi að hún er nú
haldin með taugahjúkrunarfræðing-
um í fyrsta skipti. Þetta er í annað
skipti sem hjúkrunarfræðingar taka
þátt í ráðstefnu norrænna tauga-
lækna.
Fjallað verður um helstu viðfangs-
efni taugalækninga með áherslu á
MS (heila- og mænusigg), höfuð-
verki, slag (heilaslag/heilablóðfall),
verkjameðferð, erfðafræði tauga-
sjúkdóma í samvinnu við Íslenska
erfðagreiningu, lífsgæði sjúklinga
með taugasjúkdóma auk umræðna
um framtíð taugalækninga og tauga-
hjúkrunar á Norðurlöndum. Meðal
fyrirlesara á ráðstefnunni má nefna
Ian McDonald frá Englandi sem
mun ræða um MS, Jes Olesen frá
Danmörku sem mun fjalla um mí-
grenhöfuðverki, Allen Hauser frá
Bandaríkjunum sem mun fjalla um
flogaveiki, Marc Chimowicz frá
Bandaríkjunum sem mun fjalla um
slag og Vladimir Hachinski frá Kan-
ada sem mun fjalla um framtíð
taugalæknisfræðinnar. Þá mun Mar-
it Kirkevold frá Noregi fjalla um að-
lögun einstaklinga eftir slag og Judi
Johnson frá Bandaríkjunum um lífs-
reynslu sína eftir að hafa fengið slag.
Peter Hagell frá Svíþjóð mun fjalla
um þróun mælitækis til að meta lífs-
gæði Parkinsonssjúklinga, segir í
fréttatilkynningu.
Nánari upplýsingar um þingið er
að finna á heimasíðu ráðstefnunnar,
www.neurocongress.hi.is eða
Congress congress@congress.is.
Þing norrænna
taugalækna og
hjúkrunarfræðinga
Á FUNDI ráðherra jafnréttismála
frá Norðurlöndunum og Eystrasalts-
þjóðunum hinn 15. júní 2001 sem átti
sér stað á ráðstefnunni Konur og lýð-
ræði (Women and Democracy) í Vil-
nius í Litháen var lögð fram tillaga
um sameiginlega baráttu Norður-
landanna og Eystrasaltsþjóðanna
gegn verslun með konur (mansal).
Var ákveðið að efna til sameiginlegs
átaks jafnréttis- og dómsmálaráð-
herra nefndra ríkja sem fælist í að
upplýsa almenning um viðfangsefnið
og vandamál sem því tengdust. Nor-
ræna ráðherranefndin fjármagnar
vekefnið.
„Sameiginlega átakið hefst með
ráðstefnu í Tallinn í Eistlandi dagana
29.–31. maí nk. með þátttöku um-
ræddra landa og markar sá viðburð-
ur upphaf skipulagðrar samvinnu til
lengri tíma gegn verslun með konur.
Einnig verður efnt til sérstaks átaks í
hverju landi þar sem áherslan er lögð
á mismunandi þætti vandans allt eft-
ir því hvernig hann horfir við í við-
komandi landi. Hér á Íslandi er
skipulagning verkefnisins að hefjast
og hefur í því skyni verið settur á
laggirnar undirbúningshópur.
Fulltrúar frá eftirtöldum aðilum hafa
verið tilnefndir í þann hóp: frá utan-
ríkisráðuneyti, Útlendingaeftirliti,
Alþýuðusambandi Íslands, Neyðar-
móttökunni á Landspítalanum,
Kvennaráðgjöfinni, Rauða krossi Ís-
lands, Stígamótum og Kvennaat-
hvarfinu. Fulltrúar félagsmálaráðu-
neytis og dómsmálaráðuneytis verða
verkefnisstjórar, en það eru Ásta S.
Helgadóttir og Dís Sigurðardóttir
lögfræðingar. Ritari undirbúnings-
hópsins er Katrín Björg Ríkharðs-
dóttir sérfræðingur á Jafnréttis-
stofu,“ segir í fréttatilkynningu frá
félagsmálaráðuneytinu.
Sameiginlegt átak gegn
verslun með konur
ÓLAFUR Ragnar Helgason heldur
fyrirlestur um meistaraprófsverk-
efni sitt við tölvunarfræðiskor verk-
fræðideildar Háskóla Íslands í dag,
þriðjudaginn 28. maí, kl. 16.15 í stofu
158 í VR-II, húsi verkfræði- og raun-
vísindadeilda við Hjarðarhaga 4.
Verkefnið fjallar um margvarp
þ.e. multicast, sem er hagkvæm að-
ferð til að dreifa margmiðlunarefni á
Netinu þar sem margir móttakendur
fá sendan sama gagnastrauminn
samtímis. Í stað þess að dreifandinn
sendi sérstakan gagnastraum á
hvern einasta móttakanda, líkt og í
hefðbundnu einvarpi, sendir hann
aðeins einn gagnastraum og Netið
sér síðan um að dreifa straumnum til
allra þeirra sem hafa óskað þess að
fá hann. Þrátt fyrir næstum tveggja
áratuga rannsóknarsögu margvarps
er útbreiðsla þess á Netinu lítil.
Leiðbeinendur Ólafs eru Gísli
Hjálmtýsson og Hjálmtýr Haf-
steinsson. Prófdómari er Bjarki
Brynjarsson.
Fyrirlestur til
meistaraprófs við
verkfræðideild
♦ ♦ ♦