Morgunblaðið - 28.05.2002, Blaðsíða 13

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 28. MAÍ 2002 13
GJALD er nú tekið í þrjú
tæki í Fjölskyldu- og hús-
dýragarðinum samkvæmt
ákvörðun rekstrarstjórnar
garðsins. Að sögn forstöðu-
manns er þetta gert til að
standa straum af kostnaði
við nýjungar í garðinum.
Í Velvakanda í Morgun-
blaðinu síðastliðinn sunnu-
dag mátti lesa bréf þriggja 9
og 10 ára gamalla stúlkna
þar sem þær lýsa vonbrigð-
um sínum með þetta fyrir-
komulag og hvetja borgar-
stjóra til að afnema
gjaldtökuna í þessi tæki.
Að sögn Tómasar Óskars
Guðjónssonar forstöðumanns
var brugðið á þetta ráð til að
auka fjölbreytni í garðinum.
„Það voru nokkrir kostir í
stöðunni, annars vegar að
hafa óbreytt tækjaval eða
reyna að auka tækjaúrvalið
sem rekstrarstjórnin ákvað
að gera og fjármagna það
m.a. með þessum hætti. Ann-
ar möguleiki hefði verið að
hækka grunngjaldið og láta
þá alla borga brúsann.“
Rukkað í tvö ný tæki til
viðbótar síðar í sumar
Hann segir aukin fjár-
framlög frá borginni ekki
hafa komið til greina.
„Rekstrarstjórn garðsins
gerir þjónustusamning við
Reykjavíkurborg og þessi
þjónustusamningur gildir í
fimm ár. Samkvæmt honum
fær garðurinn í rauninni
aukið sjálfstæði og á móti
leggur borgin til fimm pró-
sent minna fjármagn á
hverju ári á samningstíman-
um. Þannig að þegar við er-
um að fá nýjungar inn eða
eitthvað slíkt verðum við að
standa straum af kostnaði
við það sjálf.“
Tækin sem nú þarf að
borga sérstaklega fyrir að
fara í eru rafmagnslest og
klessubátar sem eru ný af
nálinni. Sömuleiðis er rukkað
í torfærubrautina en að sögn
Tómasar var einnig rukkað í
hana í fyrra eftir fyrstu ferð-
ina. Nú eru allar ferðir í
hana hins vegar gjaldskyld-
ar. Þá mun síðar í sumar
kosta í tvö tæki til viðbótar
sem bæði eru ný en það eru
hringekja og fallturn.
Tómas segir skiptið kosta
á bilinu 80–130 krónur, allt
eftir því hversu marga miða
fólk kaupir. „Auðvitað er það
peningur, það er ekkert ver-
ið að fela það. Þetta er í
rauninni ákveðin stefnu-
breyting sem kemur óþægi-
lega við marga. Það leggst
aldrei vel í fólk að þurfa að
opna pyngjuna þannig að það
var eitthvað sem við áttum
von á,“ segir hann. Aðgangs-
verðið í garðinn er hins veg-
ar óbreytt eða 350 krónur
fyrir börn 6–12 ára en 450
krónur fyrir fullorðna sé um
stakt gjald að ræða. Auk
þessa er hægt að kaupa árs-
kort.
Gjald tekið í
nokkur tæki
í Fjölskyldu-
garðinum
Laugardalur
ÞAÐ vantaði ekki bygging-
arefni né ímyndunarafl á Yl-
ströndinni í Nauthólsvík á
laugardag þar sem keppt var
í sandkastalagerð. Öttu þar
kappi sjö hópar sem voru
hver öðrum frumlegri í
vinnu sinni.
Keppnin var á vegum
Íþrótta- og tómstundaráðs
Reykjavíkur og Dagskrár-
nefndar Arkitektafélags Ís-
lands og var dómnefnd skip-
uð fagfólki úr öllum áttum,
myndlistarmanni, arkitekt
og fulltrúa frá ÍTR. Tók hún
keppnina föstum tökum og
rökstuddi úrskurð sinn á
hinn faglegasta hátt.
Verðlaun fyrir bestu eft-
irlíkinguna hlaut verkið
„Nauthólsvík“ og segir í um-
sögn dómnefndar að um hafi
verið að ræða góða heild-
arlausn á afstöðumynd Yl-
strandarinnar og skemmti-
lega framtíðarsýn á mótun
höfuðborgarsvæðsins.
Í baráttu við náttúruöflin
Verkið „Í sól og sumaryl“
fékk verðlaun fyrir frumlega
tillögu en þar höfðu kepp-
endur mótað konu í fullri
stærð sem lá í sólbaði og
voru bikiní hennar gerð úr
skeljum. Enda sagði dóm-
nefndin að verðlaunin hafi
ekki síður verið veitt fyrir
mikla natni við mótun verks-
ins.
Verðlaun í flokki 12 ára og
yngri hlaut „Vinakastalinn“
og segir í umsögn dómnefnd-
ar að um hafi verið að ræða
kærleiksríka umhverf-
ismótun og sterka heildar-
hugmynd.
Loks hlaut verkið „Sökkv-
andi heimur“ aukaverðlaun
fyrir „þróttmikla massa-
myndun í baráttu við nátt-
úruöflin.“ Er víst óhætt að
segja að þar hafi dómnefnd-
inni ratast satt orð á munn
því sjávarföllin yfirtóku
verkið og sökktu því áður en
keppnin var úti og mátti hið
sama segja um fleiri verk
keppenda.
Sandkastalar og sjávarföll
Nauthólsvík
Fríður hópur verðlaunahafa sem þóttu skara framúr við sandkastalagerðina á laugardag.
Morgunblaðið/Árni Sæberg
Margir áttu í harðri baráttu við náttúruöflin sem kepptust
við að drekkja listaverkunum jafnóðum og þau urðu til.
ÁSLANDSSKÓLI í Hafn-
arfirði hefur ráðið Skarp-
héðin Gunnarsson sem
skólastjóra skólans og Árna
Steinsson sem rekstrar-
stjóra. Áslaug Brynjólfs-
dóttir, sem gegndi starfi
skólastjóra síðasta skólaár,
mun setjast í helgan stein að
því er fram kemur í tilkynn-
ingu frá skólanum.
Áslandsskóli er byggður
og rekinn í einkafram-
kvæmd en það eru Íslensku
menntasamtökin sem reka
skólann en auk þess reka
þau leikskóla í tengslum við
skólann. Áslandsskóli hóf
göngu sína síðastliðið haust
en talsverð blaðaskrif urðu
þegar nýráðinn skólastjóri,
Kristrún Lind Birgisdóttir,
lét af störfum skömmu eftir
skólabyrjun.
Kemur fram í bréfi sem
nýlega var sent til foreldra
barna í skólanum að Skarp-
héðinn og Árni muni báðir
hefja undirbúning fyrir
næsta skólaár í júní en Ás-
laug muni gegna störfum
skólastjóra til loka skólaárs-
ins.
Alls bárust 11 umsóknir
um skólastjórastöðuna og
var rætt við þá alla að því er
kemur fram í bréfinu. Hins
vegar sóttu 117 um stöðu
rekstrarstjóra og var rætt
við 8 þeirra.
Skólastjóri og rekstrarstjóri
ráðnir til Áslandsskóla
Hafnarfjörður
TÓNAR og taktur var í
fyrirrúmi á tónlistarhátíð
leikskólanna Foldakots og
Foldaborgar á föstudag en
leikskólarnir eru báðir í
Grafarvogi. Hafa skólarnir
boðið upp á sérstakt tón-
listarverkefni í vetur þar
sem nemendur og kennarar
hafa sótt tónstundir einu
sinni í viku.
Ekki vantar heldur hljóð-
færin því að undanförnu
hafa krakkarnir og kenn-
ararnir búið til eigin hljóð-
gjafa sem notaðir voru
óspart á hátíðinni og er
óhætt að segja að leik-
gleðin hafi verið þar í fyr-
irrúmi.
Hljóðfærasmiðir
og tónlistarmenn
Grafarvogur
Morgunblaðið/Ásdís
HLUTI af skólahandbók
Fellaskóla hefur nú verið gef-
inn út á erlendum tungumál-
um; ensku, taílensku, serbó-
króatísku og filippseysku.
Handbókin er hluti af skóla-
námskrá Fellaskóla og þar er
að finna almennar upplýsing-
ar um skólastarfið og
áherslur skólans.
Í þýddu handbókunum eru
grunnupplýsingar sem teknar
eru úr Handbók Fellaskóla
2001–2002 og ýmsar hagnýtar
upplýsingar fyrir foreldra og
forráðamenn barna sem hafa
annað tungumál en íslensku
að móðurmáli. Í frétt frá
Fræðslumiðstöð Reykjavíkur
segir að upplýsingarnar séu
óháðar tíma að því marki sem
mögulegt er og þannig verður
hægt að nota bækurnar til
lengri tíma. Handbækurnar
verða afhentar foreldrum auk
þess sem þær verða aðgengi-
legar á heimasíðu skólans þar
sem upplýsingar verða upp-
færðar reglulega.
Um 40 innflytjenda-
börn í skólanum
Í frétt Fræðslumiðstöðvar-
innar segir að markmið verk-
efnisins sé að stuðla að árang-
ursríkum samskiptum við
fjölskyldur sem hafa annað
móðurmál en íslensku með
aðgengilegum upplýsingum
um skólann og skólastarfið á
móðurmáli innflytjenda. „Það
eykur líkur á farsælli sam-
vinnu við heimilin. Um 40 inn-
flytjendabörn stunda nám við
Fellaskóla þetta skólaár og
líklegt er að þeim muni fjölga
á næstu árum. Í skólanum er
litið þannig á að fjölbreyti-
leiki auðgi skólastarfið og all-
ir nemendur eigi jafnan rétt á
námi. Foreldrar og forráða-
menn innflytjendabarnanna
sem stunda nám við skólann
eiga því, líkt og aðrir foreldr-
ar, rétt á upplýsingum um
skólastarfið óháð tungumála-
kunnáttu.“
Þýðing og útgáfa hluta
handbókar Fellaskóla fékk
styrk frá þróunarsjóði grunn-
skóla Reykjavíkur. Þau fjög-
ur tungumál sem þýtt var yfir
á eru enska, taílenska, serbó-
króatíska og filippseyska.
Umsjónarmenn verkefnisins
eru Sigurlaug Hrund Svav-
arsdóttir, deildarstjóri ný-
búafræðslu, og Hrönn Bald-
ursdóttir námsráðgjafi.
Kristinn Svavarsson bjó bæk-
urnar til prentunar. Túlkar
frá túlkaþjónustu Alþjóða-
húss sáu um þýðingar á taí-
lensku, ensku og serbó-króat-
ísku. Margrét Andrelin
Axelsson, nýbúakennari í
Fellaskóla, þýddi á filipp-
seysku.
Skólahandbók á fjórum tungumálum
Breiðholt
ÁRSKÝRSLA Hafnarfjarð-
arbæjar fyrir árið 2001 er nú
komin út og er hún borin út á
hvert heimili í bænum og til
allra fyrirtækja. Í skýrslunni
er yfirlit framkvæmda,
rekstrar og annarra viðfangs-
efna á vegum bæjarsjóðs í
fyrra og þar er einnig að finna
ársreikning og lista yfir starf-
andi nefndir. Skýrslan er
einnig aðgengileg í rafrænu
formi á heimasíðu bæjarins,
www.hafnarfjordur.is.
Ársskýrsla á
hvert heimili
Hafnarfjörður