Morgunblaðið - 28.05.2002, Blaðsíða 17

VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 28. MAÍ 2002 17
HAGNAÐUR af rekstri samstæðu
SR-mjöls hf. nam 500 milljónum
króna á fyrsta ársfjórðungi 2002.
Hagnaður fyrir afskriftir, fjár-
magnsliði og áhrif hlutdeildarfélaga
nam 587 milljónum króna.
Rekstrartekjur námu 3,2 milljörð-
um króna á tímabilinu en rekstr-
argjöld námu 2,6 milljörðum. Hrein-
ar fjármunatekjur námu 103
milljónum króna og eru aðallega til-
komnar vegna styrkingar íslensku
krónunnar, segir í tilkynningu.
Hlutdeild í hagnaði hlutdeildar-
félaga nam 67 milljónum.
Þá nam veltufé frá rekstri 597
milljónum króna á tímabilinu.
Eigið fé félagsins var rúmir 3,6
milljarðar í marslok og eiginfjár-
hlutfallið reyndist 36%, en það var
41% í byrjun árs. Veltufjárhlutfallið
var 0,95 í lok mars en 0,89 um ára-
mót.
Reikningsskil tímabilsins eru
verðleiðrétt sem fyrr. Að öðrum
kosti hefði hagnaður ársfjórðungs-
ins verið 27 milljónum króna lægri
og eigið fé félagsins hefði verið 52
milljónum króna lægra.
Mesta magn í sögu félagsins
Verksmiðjur SR-mjöls hf tóku á
móti 210 þúsund tonnum af hráefni,
sem er mesta magn í sögu félagins,
en það er 61 þúsund tonnum meira
en á sama tímabili árið áður. Heild-
arframleiðsla mjöls nam um 36 þús-
und tonnum og lýsis um 13 þúsund
tonnum.
Í tilkynningu segir að verð á mjöli
og lýsi hafi haldist nokkuð stöðugt
það sem af er þessu ári. Um horf-
urnar segir að þróun veiða Suður-
Ameríkuríkja hafi áfram mikil áhrif
á afurðamarkaði. Ekki sé fyrirsjáan-
legt að olíuverð lækki á næstunni og
það muni hafa neikvæð áhrif á
reksturinn. Hins vegar bendi spár
fiskifræðinga ekki til annars en að
loðnustofninn sé sterkur og það gefi
tilefni til bjartsýni um veiðar úr
þessum stofni næsta fiskveiðiár.
SR-mjöl hagnast um hálfan
milljarð á fyrsta ársfjórðungi
Landsafl
með
hagnað
REKSTRARTEKJUR Landsafls á
fyrsta fjórðungi ársins námu samtals
174 millj.kr og hagnaður fyrir fjár-
munatekjur og fjármagnsgjöld nam
92 millj.kr. Að teknu tilliti til reikn-
aðs tekjuskatts er hagnaður tíma-
bilsins 101 millj.kr. Samkvæmt efna-
hagsreikningi í lok mars 2002 námu
heildareignir félagsins 5.954 millj.kr.
og bókfært eigið fé í nam 1.162
millj.kr. Veltufé frá rekstri á tíma-
bilinu var 55 millj.kr. og handbært fé
frá rekstri var 179 millj.kr.
„Afkoma tímabilsins er vel viðun-
andi að mati stjórnenda Landsafls
hf. Stóran hluta afkomunnar má hins
vegar rekja til jákvæðs fjármagns-
kafla en gengishagnaður félagsins af
erlendum langtímalánum nam 63
millj.kr. á tímabilinu. Félagið beitir
verðleiðréttum reikningsskilum í
árshlutauppgjörinu.
Horfur í rekstri félagsins á árinu
2002 eru ágætar þrátt fyrir aukið
framboð leiguhúsnæðis. Endanleg
niðurstaða mun þó meðal annars
ráðast af skilyrðum á fjármagns-
mörkuðum og gengisskráningu ís-
lensku krónunnar,“ segir í frétt frá
félaginu.
Landsafl hf. er fasteignafélag sem
sérhæfir sig í eignarhaldi, umsýslu,
rekstri og útleigu fasteigna.
Landsafl hf. er í eigu ÍAV hf.,
Landsbankans-fjárfestingar hf. og
Eignarhaldsfélagsins Alþýðubank-
inn hf.
Aukinn
hagnaður
HAGNAÐUR af rekstri Fiskmark-
aðs Íslands hf. fyrstu þrjá mánuði
ársins var 34,8 milljónir króna á
tímabilinu en var 23,7 milljónir fyr-
ir sama tímabil árið á undan.
Velta félagsins var 149,2 milljónir
króna. Hinn 31. desember 2001 var
Fiskmarkaður Suðurlands ehf.
sameinaður Fiskmarkaði Íslands
hf. og er rekstur félagsins í Þor-
lákshöfn því í fyrsta skipti inn í
rekstrarreikningi Fiskmarkaðar Ís-
lands hf.
Á tímabilinu rak félagið uppboðs-
markað fyrir fisk á Akranesi, Arn-
arstapa, Grundarfirði, Ólafsvík,
Reykjavík, Rifi, Stykkishólmi og
Þorlákshöfn. Seld voru 13.095 tonn
af fiski fyrir 2.480 millj. kr. og var
meðalverð á kíló kr. 189,4. Á sama
tímabili árið áður voru hjá Fisk-
markaði Íslands hf. seld 13.078
tonn af fiski fyrir 2.098 millj. kr. og
var meðalverð á kíló 160,43.
Fiskmarkaður Íslands hf. hefur
ákveðið að verðleiðrétta ekki reikn-
ingsskil sín frá og með 1. janúar
2002. Í árshlutareikningi þessum er
því hvorki reiknuð verðbreytinga-
færsla né fastafjármunir endur-
metnir. Samanburðartölum frá
fyrra ári hefur ekki verið breytt.
♦ ♦ ♦