Morgunblaðið - 06.06.2002, Side 2

FRÉTTIR
2 FIMMTUDAGUR 6. JÚNÍ 2002 MORGUNBLAÐIÐ
Fylgstu
með
nýjustu
fréttum
www.mbl.isRivaldo sektaður fyrir látbragðs-
leikinn gegn Tyrkjum / C1
Írar og Bandaríkjamenn í sviðsljós-
inu á HM / C1, C2, C3, C4
4 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
UM 3.300 manns bíða eftir skurðlækningum á
Landspítala – háskólasjúkrahúsi og er meðal-
biðtími allt að tvö ár. Jónas Magnússon, sviðs-
stjóri lækninga á skurðlækningasviði, segir að
getan sé fyrir hendi til að láta þessa lista hverfa,
sé til þess pólitískur vilji og spítalanum útvegað
nægilegt rekstrarfé.
Jónas Magnússon segir að um 10.000 til
12.000 aðgerðir séu gerðar á LSH á ári, en um
15.000 aðgerðir að meðtöldum aðgerðum á
kvennadeild. Um helming aðgerða í sumum
greinum beri brátt að og sé ekki á biðlista en
þegar á heildina sé litið sé meira en helmingur
aðgerða af biðlista. Að sögn Jónasar eru fyrst
og fremst þrír biðlistar til trafala; vegna bækl-
unarlækninga, almennra skurðlækninga og
augnlækninga.
Alls eru 675 á biðlista vegna bæklunarlækn-
inga og þar af hafa 490 verið lengur en þrjá
mánuði á lista, en í janúar voru 799 í heild á bið-
lista. Í maí voru 174 á lista vegna gerviliðaað-
gerðar á hné og 171 vegna gerviliðaaðgerðar á
mjöðm. Jónas segir að um sé að ræða einhverj-
ar þjóðhagslega bestu aðgerðir sem til séu, en
talið sé að það að skipta um augastein sé hag-
kvæmari aðgerð. Fólk sem komist á fætur
vegna þessara aðgerða komist hugsanlega út af
öldrunarstofnunum eða úr hjúkrun auk þess
sem það þurfi minna af verkjalyfjum og njóti
lífsins mun betur. Vegna endurbóta á skurð-
stofum hafi dregið úr aðgerðum í fyrra en bækl-
unardeildin sé nú öll í Fossvogi og ekki hafi enn
tekist að koma nægilega mörgum rúmum undir
bæklunarlækningar. Fullur hugur sé innan
spítalans til að eyða biðlistanum en um 45 rúm
þurfi til að ráða við hann. Ef hægt væri að
manna deildir og hafa skurðstofurnar í gangi
eftir þörfum gæti biðlistinn horfið á einu til einu
og hálfu ári og þá væri hægt að gera aðgerðir á
fólki án nokkurrar biðar, en nú biðu 57% sjúk-
linga lengur en sex mánuði. Hafa bæri í huga að
í bæklunarlækningum væri mjög mikið af
bráðatilfellum og því væri ekki hægt að vinna
þar eins hratt niður biðlistann og í öðrum grein-
um, en fyrir vikið mætti reikna með allt að árs
bið.
Allt of langur biðlisti
Um 700 manns bíða eftir almennum skurð-
lækningum og þar af 328 vegna vélindabak-
flæðis og þindarslits. Rúmlega 580 hafa verið
lengur en þrjá mánuði á lista og hefur biðlistinn
lengst en 295 voru á lista vegna vélindabak-
flæðis og þindarslits í maí í fyrra. Jónas segir að
þessi listi sé allt of langur, en 83% bíði lengur en
í hálft ár og meðalbiðtíminn sé eitt og hálft til
tvö ár. Þessi biðlisti sé samt nýlegri en bækl-
unarbiðlistinn og forgangsverkefni sé að laga
þann síðarnefnda þó best væri að losna við
báða. Bakflæði megi samt halda þokkalega
niðri með lyfjum en sama eigi ekki við um þá
sem bíði eftir bæklunarlækningum. Hins vegar
sé ákveðin þversögn í þessu því lyfjakostnaður-
inn í tvö ár slagi upp í aðgerðarkostnaðinn.
Í maí í fyrra voru 680 á biðlista vegna augn-
lækninga en í maí í ár voru 866 á listanum og
þar af hafði 661 beðið í meira en þrjá mánuði.
Jónas segir að þetta sé visst áhyggjuefni og á
því þurfi að taka, en í flestum tilvikum þurfi fólk
ekki að leggjast inn á spítala vegna þessara að-
gerða. Hins vegar sé rekstrarféð, sem hafi verið
eyrnamerkt í augnlækningar, búið.
Jónas áréttar að starfsmenn eigi enga ósk
heitari en eyða þessum biðlistum, því þeir hjálpi
spítalanum ekki neitt og séu ekki stjórntæki til
að knýja út peninga. Hann segir að endurskipu-
lagningu sviðsins ætti að verða lokið um áramót
og þá ættu allar forsendur að vera fyrir hendi til
að vinna á biðlistunum, svo framarlega sem
nægjanlegt rekstrarfé fáist.
Um 3.300 manns á biðlista eftir aðgerðum á Landspítala – háskólasjúkrahúsi
Meðalbiðtími
eftir aðgerð er
allt að tvö ár
NÚ stendur sigtíminn sem hæst í
fuglabjörgum landsins. Í Grímsey
er sigið í björg eftir eggjum hvert
vor og hefur svo verið frá því eyjan
byggðist.
Ljósmynd/Haukur Snorrason
Sigið í björg
í Grímsey
HALDA skal skrá yfir nöfn og kenni-
tölur einstaklinga sem fá gat í eyrna-
snepil samkvæmt reglum um húð-
götun í eyra sem samþykktar voru
einróma á fundi umhverfis- og heil-
brigðisnefndar Reykjavíkurborgar í
síðustu viku.
Þá verða einstaklingar 18 ára og
yngri framvegis að sækja um skrif-
legt leyfi til forráðamanna hyggist
þeir fá sér göt í eyru.
Að sögn Árnýjar Sigurðardóttur,
heilbrigðisfulltrúa hjá Umhverfis- og
heilbrigðisstofu Reykjavíkur, er til-
gangurinn sá að hægt sé að rekja
smit komi slíkar aðstæður upp.
Í reglunum eru einnig hertar kröf-
ur um hreinlæti og upplýsingaskyldu
þeirra sem sjá um húðgötun.
Umhverfis- og
heilbrigðisnefnd
Reykjavíkur
Fólk með gat
í eyra á sér-
stakan lista

Skrá einstaklinga/25
EIGENDASKIPTI hafa orðið
á veitinga- og söguskipinu
Thor, áður varðskipið Þór, og
eru núverandi eigendur að
kanna möguleika á því að leigja
það til útlanda.
Arnar Sigurðsson keypti
varðskipið Þór 1998 og starf-
rækti það sem veitingaskip á
Húsavík fyrsta sumarið auk
þess sem hann setti upp sögu-
sýningu um þorskastríðin og
Landhelgisgæsluna um borð.
Síðan fór hann með skipið til
Hafnarfjarðar en var með það í
Reykjavík í fyrrasumar. Hann
segir að hann hafi selt skipið vegna
persónulegra aðstæðna auk þess
sem reksturinn hafi ekki gengið
nógu vel. Það sé dýrt að eiga svona
skip og reka og verkefnið gangi ekki
upp án aðkomu hins opinbera eða
einhverra stöndugra fyrirtækja eða
einstaklinga. Slæmt sé að missa
skipið úr landi en hann treysti sér
ekki til að halda því einn og óstudd-
ur. Varðskipið Þór var í sviðsljósinu í
tengslum við útfærslu landhelginnar
og segir Arnar að þjóð- og sagnfræð-
ingar hafi haldið því fram að um hafi
verið að ræða mesta framfaraspor í
sögu þjóðarinnar og útfærsla land-
helginnar hafi haft meira efnahags-
legt gildi en annað fyrir landsmenn.
Á hátíðarstundum tali ráða-
menn oft um hvað menningar-
tengd þjónusta sé þýðingar-
mikil en stuðningurinn sé
aðeins í orði. Arnar segist hafa
boðið ríkinu að kaupa skipið en
boðinu hafi ekki verið svarað.
Helgi Hrafn Hilmarsson og
Siggeir Pétursson keyptu
skipið og hafa þeir í hyggju að
leigja það til útlanda, en það
var nýlega tekið upp í slipp.
Helgi Hrafn segir að ýmsir
möguleikar séu fyrir hendi en
ekkert hafi verið ákveðið. Ein
hugmyndin sé að leigja skipið
til siglinga á Thamesá í Englandi og
eins hafi verið rætt um að fara með
það til Ibiza á Spáni. Hann áréttar að
ekki hafi verið gengið frá neinum
verkefnum en til standi að leigja
skipið erlendu fyrirtæki og útlit sé
fyrir að það fari í leiguverkefni er-
lendis. Það verði samt áfram í eigu
Íslendinga og skráð á Íslandi.
Veitingaskipið Thor
hugsanlega leigt úr landi
Morgunblaðið/Árni Sæberg
Frá veitingasalnum í Thor.
 Símnotendur óbundnir af viðskiptum... / B1
 Hýsir vefi veðmálafyrirtækja / B4
 Risi á traustari fótum / B6
 Kvörtun Tals og Íslandssíma hafnað / B12
 Byggðastofnun leysir vart vandann / B12
GEORGE W. Bush Bandaríkjafor-
seti hefur útnefnt James Irvin Gads-
den næsta sendiherra Bandaríkj-
anna á Íslandi, að því er segir í
tilkynningu frá Hvíta húsinu. Gads-
den starfar nú í efnahags- og við-
skiptadeild bandaríska utanríkis-
ráðuneytisins. Gadsden var fulltrúi í
Evrópumáladeild utanríkisráðu-
neytisins frá árinu 1997 til 2001 og
starfaði í sendiráði Bandaríkjanna í
Búdapest frá 1994 til 1997. Útnefn-
ing Gadsdens er háð samþykki öld-
ungadeildar Bandaríkjaþings.
Bush útnefnir
nýjan sendi-
herra hér
♦ ♦ ♦
AÐ SÖGN Bergsveins Sampsted,
framkvæmdastjóra Íslenskrar get-
spár, er áætlað að fyrsti vinningur í
Víkingalottói verði á bilinu 250–300
milljónir þegar næsta miðvikudag.
Fyrsti vinningur gekk ekki út í gær
og er potturinn því fjórfaldur.
Fyrir tveimur vikum var 14 millj-
óna króna bónusvinningur seldur í
Snælandsvídeói í Núpalind í Kópa-
vogi. Að sögn Bergsveins hefur vinn-
ingshafi ekki enn gefið sig fram.
Fyrsti vinn-
ingur 250–
300 milljónir
Víkingalottó
♦ ♦ ♦