Morgunblaðið - 06.06.2002, Blaðsíða 18

SUÐURNES
18 FIMMTUDAGUR 6. JÚNÍ 2002 MORGUNBLAÐIÐ
Útsölustaðir í Reykjavík og nágrenni: Libia Mjódd, Snyrtistofa Hönnu Kristínar Skeifunni,
Laugarnes Apótek, Nana Hólagarði, snyrtivörudeildir Hagkaups Kringlunni, Skeifunni, Spönginni,
Zitas Firði, Hafnarfirði.
Landið: Gallery Förðun Keflavík, Árnes Apótek Selfossi, Apótek Vestmannaeyja, Húsavíkurapótek,
snyrtivörudeild Hagkaups, Akureyri, Silfurtorg Ísafirði.
Kynning í Smáralind
fimmtudag, föstudag og laugardag.
Falleg strandtaska að gjöf þegar keypt er fyrir 2.500 kr. í sólarlínunni
Marbert
sólarlínan er fyrir allar húðgerðir. Sólarlínan inniheldur
bæði UVA vörn sem ver húðina gegn skaðlegum geislum sólar sem fara
í dýpstu lög húðarinnar og UVB vörn sem verndar gegn sólargeislum
sem valda bruna í húðinni. Öll sólarlínan er rotvarnarefnalaus
(paraben free) en rotvarnarefni valda
mörgum ofnæmi.
LOKIÐ verður byggingu sýningar-
húss Saltfiskseturs, byggður fjögurra
deilda leikskóli og komið upp bráða-
birgðakennslustofum við Grunnskóla
Grindavíkur. Þetta er meðal atriða í
málefnasamningi nýs meirihluta í
bæjarstjórn Grindavíkur.
Fulltrúar Sjálfstæðisflokksins og
Samfylkingarinnar í bæjarstjórn
Grindavíkur hafa undirritað málefna-
samning vegna meirihlutasamstarfs
flokkanna á komandi kjörtímabili.
Málefnasamningurinn var lagður fyr-
ir félagsfundi hjá flokkunum í gær-
kvöldi.
Flokkarnir skipta þannig með sér
verkum að D-listinn fær formann
bæjarráðs og ræður bæjarstjóra út
kjörtímabilið og S-listinn fær forseta
bæjarstjórnar og fulltrúa í stjórn
Sambands sveitarfélaga á Suðurnesj-
um. Meðal annara embætta má nefna
að D-listinn fær fulltrúa í stjórn Hita-
veitu Suðurnesja og S-listinn fulltrúa
í stjórn Heilbrigðiseftirlits Suður-
nesja. Hvor listi um sig tekur við for-
mennsku í sex nefndum.
Reiknað er með að Hörður Guð-
brandsson, efsti maður Samfylking-
arinnar, verði kjörinn forseti bæjar-
stjórnar og Ómar Jónsson, efsti
maður Sjálfstæðisflokksins, verði for-
maður bæjarráðs. Ekki liggur fyrir
hver verður bæjarstjóri. Ómar segir
að það mál sé í athugun. Hans vilji er
að það verði heimamaður en tekur
fram aðspurður að bæjarfulltrúar
flokksins fari ekki í bæjarstjórastól-
inn.
Fjölskylduvænn bær
„Samstarfsflokkarnir leggja
áherslu á að Grindavík verði fjöl-
skylduvænn bær þar sem áhersla er
lögð á uppbyggingu í skóla-, íþrótta-
og félagsmálum,“ segir meðal annars
í stefnuyfirlýsingunni. Þar segir einn-
ig: „Sérstaða Grindavíkur felst í þeim
mikla sjávarútvegi sem rekinn er í
bænum ásamt þeim mikla jarðhita
sem er í nágrenni bæjarins og þeim
möguleikum sem hann gefur. Staðið
verður vörð um undirstöðuatvinnu-
vegi bæjarins en jafnframt leitað leiða
til að auka fjölbreytni í atvinnumál-
um. Samstarfsflokkarnir ætla jafn-
framt að reka ábyrga fjármálastefnu
sem veiti svigrúm til áframhaldandi
uppbyggingar bæjarfélagsins,“ segir
meðal annars í þeim drögum sem lögð
voru fyrir flokksfundina í gærkvöldi.
Fram kemur í samtali við Ómar og
Hörð að fyrst á verkefnaskrá nýrrar
bæjarstjórnar er að ljúka byggingu
húss fyrir Saltfisksetur Íslands og
opna saltfisksýningu í haust. Fram-
kvæmdir standa yfir og þær kosta um
140 milljónir kr. Þá verði gengið í það
að ljúka undirbúningi og byggja nýj-
an fjögurra deilda leikskóla í stað
leikskólans við Dalbraut. Áætlað er
að það kosti um 130 milljónir kr. Þá
verði komið upp kennslustofum í
bráðabirgðahúsnæði við Grunnskóla
Grindavíkur. Byrjað verður á því
verki í sumar en þeir félagar telja
ólíklegt að hægt verði að koma
kennslustofunum upp fyrir haustið.
Kostnaður er áætlaður um 20 millj-
ónir. Nemendum er að fjölga í skól-
anum en þar sem fyrirhugað er að
byggja nýjan skóla í nýju skólahverfi
er gripið til þess ráðs að leysa hús-
næðisvanda núverandi grunnskóla til
bráðabirgða.
Ómar og Hörður segja að þetta séu
fjárfrekar framkvæmdir. Þá bíði
einnig ýmis verkefni í höfninni, að
bæta hafnaraðstöðu fyrir loðnuskipin
og dýpka. Verði ráðist í þau verk á
kjörtímabilinu.
Meðal annarra mála sem fram
koma í málefnasamningi og Hörður
og Ómar vekja athygli á er að hafinn
verður undirbúningur að byggingu
þjónustuíbúða fyrir aldraða við hjúkr-
unarheimilið Víðihlíð. Óskað verður
eftir viðræðum við heilbrigðisráðu-
neytið um að Grindavíkurbær gerist
reynslusveitarfélag í rekstri heilsu-
gæslunnar. Hörður og Ómar segja
nauðsynlegt, hvað sem út úr þeim við-
ræðum kemur, að gera átak í að bæta
þjónustu heilsugæslunnar. Því er lýst
yfir að meirihlutinn muni fylgja fast
eftir samningi sem gerður var við
sýslumann um löggæsluna í bænum.
Verður meðal annars óskað eftir
fundi með sýslumanni til að fara yfir
málin.
Stofnuð verður viðhalds- og tækni-
deild sem á að sjá um eignir bæjarins
og þá þjónustu við bæjarbúa sem ekki
er boðin út. Hugmyndin er að tveir
menn verði ráðnir til þessa verkefnis í
upphafi.
Efnt verður til samkeppni um
skipulag gamla bæjarins. Nýi meiri-
hlutinn leggur þunga áherslu á að
staðið verði við áform um lagningu
Suðurstrandarvegar. Loks má nefna
að skipulags- og byggingarnefnd er
falið að gera tillögu um framtíðarskip-
an umferðar um Víkurbraut með það
að markmiði að draga úr hraðakstri.
Sjálfstæðismenn og framsóknar-
menn hafa verið í meirihlutasamstarfi
í Grindavík í 20 ár, fyrir utan tvö ár
um miðbik liðins kjörtímabils þegar
Framsóknarflokkurinn vann með
Samfylkingunni. Liðnar kosningar og
meirihlutamyndun að henni lokinni
markast nokkuð af þeim átökum sem
urðu á kjörtímabilinu. „Þetta var eini
kosturinn sem var óreyndur,“ segir
Ómar þegar hann var spurður um
ástæður þess að þessir flokkar tóku
nú höndum saman um stjórn bæjar-
ins og Hörður bætir því við að í stöð-
unni hafi þetta verið eini möguleikinn
til að mynda meirihluta sem hefði
fimm bæjarfulltrúa af sjö á bak við
sig.
Forystumenn þessara tveggja
flokka hafa tekist á í fráfarandi bæj-
arstjórn en þeim ber saman um að
vinnan við myndun meirihlutans og
gerð málefnasamnings hafi gengið
mjög vel, þeir hafi náð mjög vel sam-
an og væru með líkar skoðanir á
mörgum málum. Ráðist var í miklar
og fjárfrekar framkvæmdir á liðnu
kjörtímabili og standa sumar enn yfir.
Hörður segir mikilvægt nú að fara
varlega í fjármálum bæjarins og um
það hafi verið samhljómur milli þess-
ara tveggja framboða í kosningabar-
áttunni.
Fulltrúar Sjálfstæðisflokks og Samfylkingar hafa undirritað málefnasamning
Bætt við hús-
næði leikskóla
og grunnskóla
Morgunblaðið/Helgi Bjarnason
Hörður Guðbrandsson, sem verður forseti bæjarstjórnar, og Ómar
Jónsson, verðandi formaður bæjarráðs, ná vel saman á skólalóðinni.
Grindavík
SUMARIÐ er tími söngva ekki
síður en veturinn. Gítar er gjarn-
an með í för þegar halda á í
ferðalög innanlands og nú á tím-
um menningartengdrar ferðaþjón-
ustu hefur aukin áhersla verið
lögð á tónlist og söng. Starfssyst-
urnar Sigríður Aðalsteinsdóttir
óperusöngkona og Dagný Jóns-
dóttir, óperusöngkona og söng-
kennari, ætla nú í júnímánuði að
aðstoða íbúa Reykjanesbæjar og
aðra áhugasama Suðurnesjamenn
að koma röddinni í lag fyrir sum-
arfríin.
Sigríður og Dagný ætla að
halda tvö söngnámskeið og hefj-
ast þau mánudaginn 10. júní í tón-
menntaaðstöðu Holtaskóla í Kefla-
vík. Ekki hefur áður verið boðið
upp á slík sumarnámskeið en þær
stöllur segja fulla þörf fyrir þau.
„Viðbrögðin hafa verið góð og
þátttakendur eru alveg niður í 10
ára. Við munum svo meta það
hvort þörf er á fleiri námskeiðum
og vonandi verður þetta árviss
viðburður hér í Reykjanesbæ,“
sagði Sigríður í samtali við Morg-
unblaðið. Dagný bætti við að hún
vissi um marga sem langaði að
læra að syngja en hefðu ekki lagt
í að fara í Tónlistarskóla. „Nám-
skeið sem þetta er mjög gott fyrir
þá sem vilja prófa sig áfram í
söngnum og komast að því hvern-
ig söngurinn á við þá. Það eru
líka margir sem ekki vilja koma
fram og það verið ragt við að fara
í söngnám í Tónlistarskólum.“
Upplyfting fyrir bæjarfélagið
Á söngnámskeiðunum, sem
byggjast á einkatímum fyrir
hvern og einn, mun Dagný taka
fyrir undirstöðuatriði söngsins og
söngtæknina en Sigríður aðstoðar
þátttakendur við rétta líkams-
stöðu, túlkun og framkomu.
Einhverjum þykir eflaust skrít-
ið að vera að bjóða upp á nám-
skeið á þessum tíma, þegar alla
sundlaugar og almenningsgarðar
hafa fyllst af sólþyrstu fólki og
tími ferðalaga framundan. „Alls
ekki,“ sagði Sigríður. „Það er
nefnilega oft þannig að fólk hefur
einmitt ekki tíma fyrir námskeið
á veturna því þá er yfirleitt svo
mikið að gera hjá öllum. Það eru
heldur ekki nærri allir sem fara í
ferðalög í sumarfríinu sínu og
hafa því nægan tíma til fyrir
skemmtileg námskeið. Mér finnst
líka gott að bæjarfélagið skuli fá
upplyftinu á þessu sviði yfir sum-
arið og söngnámskeiðið er góð
viðbót við þau menningar-
námskeið sem nú bjóðast í
Reykjanesbæ.“
Koma
röddinni
í lag
fyrir fríið
Morgunblaðið/Svanhildur Eiríksdóttir
Söngkonurnar Dagný Jónsdóttir og Sigríður Aðalsteinsdóttir standa
fyrir söngnámskeiðum í sumar og auka fjölbreytni menningarlífsins.
Reykjanesbær
ÁKVEÐIÐ hefur verið að efna til
söglagakeppni í tilefni Ljósanætur
2002, menningarhátíðarinnar sem
haldin verður í Reykjanesbæ í byrj-
un september.
Markaðs-, atvinnu- og menningar-
svið Reykjanesbæjar stendur fyrir
sönglagakeppninni. Nefndin óskar
eftir að fá lag og texta sem getur orð-
ið einkennislag fyrir menningarnótt
bæjarins sem orðin er að árlegum
viðburði. Verðlaunum er heitið. Í til-
kynningu kemur fram að tillögum á
að skila til skrifstofu menningarfull-
trúa Reykjanesbæjar, fyrir 6. ágúst
næstkomandi.
Efnt til söng-
lagakeppni
Ljósanætur
Reykjanesbær
BIFREIÐ hafnaði utan vegar og
valt á Sandgerðisvegi um klukkan
fimm að morgni þriðjudags. Kona
sem ók bílnum kvartaði undan
eymslum í hægri öxl og var flutt með
sjúkrabíl á Heilbrigðisstofnun Suð-
urnesja, samkvæmt upplýsingum
lögreglunnar. Bíllinn er mikið
skemmdur.
Slasaðist í út-
afkeyrslu
Sandgerðisvegur
VERIÐ er að setja upp steinda
glugga í kór safnaðarheimilisins í
Sandgerði. Gluggarnir verða form-
lega afhentir við guðsþjónustu í
heimilinu næstkomandi sunnudag,
klukkan 14.
Jóhanna Sigurjónsdóttir gefur
safnaðarheimilinu sjö steinda glugga
sem Halla Haraldsdóttir myndlistar-
maður í Keflavík hannaði.
Að athöfn lokinni býður sóknar-
nefnd Hvalsneskirkju kirkjugestum
að þiggja kaffiveitingar.
Steindir gluggar
afhentir
Sandgerði
♦ ♦ ♦
♦ ♦ ♦