Morgunblaðið - 06.06.2002, Side 35

Frumkvöðlar
Viðskiptaháskólinn á Bifröst hefur
verið frumkvöðull á nokkrum sviðum
í háskólastarfi. „Við vorum fyrsti há-
skólinn til að bjóða upp á vefbundið
fjarnám, við vorum í fararbroddi há-
skóla í Evrópu hvað varðar fartölvu-
væðingu, þráðlaus net og innleiðingu
upplýsingatækninnar í nám og
kennslu, þar erum við enn í fremstu
röð,“ segir hann. „Við höfum með
stofnun lögfræðideildarinnar brotið
blað í lagakennslu hérlendis, bæði
hvað varðar samkeppni í lögfræði-
kennslu sem og innleiðingu nýjustu
kennsluaðferða og kennslutækni í
laganám.“
Sönnun þess að verið sé að gera
rétta hluti, er að mati Runólfs, sú að
samkeppnisaðilar fylgi í kjölfar
þeirra, t.d. bæði hvað varðar far-
tölvuvæðingu og lögfræðinám. „Okk-
ur þykir hins vegar stundum spaugi-
legt að þá virðast menn stundum
telja sjálfum sér og jafnvel öðrum trú
um að þeir séu að finna upp hjólið.“
Framhaldsnám
Kraftar starfsfólks á Bifröst hafa
undanfarin misseri farið í uppbygg-
ingu grunnnáms. Nú er því ferli að
ljúka a.m.k. í bili. Næstu skref eru
uppbygging á mastersnámi við báðar
deildir háskólans og efling rann-
sókna.
Við viðskiptadeild stendur nú yfir
þróun á MBA-námi sem áformað er
að hefja að ári. Þar horfa menn eink-
um til þess að bjóða upp á 11 mánaða
lotubundið staðnám í miklum
tengslum við erlenda háskóla. Slíkt
fyrirkomulag hefur reynst vel er-
lendis og mun verða góður valkostur
við það hlutanám með vinnu sem aðr-
ir háskólar bjóða upp á á þessu sviði.
Við lögfræðideild er áformað sem
fyrr sagði að hefja tveggja ára mast-
ersnám haustið 2004.
„Í rannsóknum viljum við gera
stórátak,“ segir Runólfur. „Skólinn
vill bjóða fræðimönnum og háskóla-
kennurum frábæra aðstöðu til
kennslu og rannsókna. Þegar er hafin
vinna við slíkt og munum við síðar í
sumar kynna stór rannsóknarverk-
efni sem kennarar og fræðimenn inn-
an hans munu vinna að næstu árin.
Hvað varðar fjáröflun til slíkra verka
væntum við þess að ríkið geri rann-
sóknarsamning við okkur á svipuðum
nótum og við HÍ, auk þess sem við
gerum ráð fyrir að ná til okkar veru-
legu erlendu fjármagni til þessara
verka. Þá skulu menn ekki vanmeta
getu og vilja atvinnulífsins til að
stykja háskólarannsóknir.“
Starf rektors auglýst
Starf rektors Viðskiptaháskólans
verður auglýst í sumar og ræður há-
skólastjórn rektor til fjögurra ára í
senn. Rektor má mest gegna því
starfi í 8 ár samfellt. „Nú er fyrstu
þremur árum af mínu 4 ára tímabili
lokið. Samkvæmt reglum skólans
verður starfið auglýst í sumarlok, en
gengið frá ráðningu síðla hausts,“
segir Runólfur og að starfið sé það
skemmtilegasta og mest gefandi sem
hann hafi sinnt um ævina.
„Það er hins vegar fjandanum erf-
iðara og krefst þess að sá sem því
gegnir gefi sig allan í það og e.t.v.
meira til. Ég fór af stað með skil-
greinda áætlun og stór markmið.
Þetta hefur gengið frábærlega en
þegar hafa verið sett ný markmið í
framhaldi af hinum fyrri og nýjum
verkefnum hrundið af stað sem
tengjast þeim sem þegar er unnið að.
Þar má nefna þróun mastersnáms,
áform um sumarháskóla fyrir fólk í
atvinnulífinu, uppbyggingu rann-
sókna og aukna áherslu á alþjóðleika
í skólastarfinu.“
Framtíð skólans byggist á því
hversu vel tekst til næstu misserin.
Famtíðarsýn Runólfs fyrir Við-
skiptaháskólann er sú að innan 5 ára
verði á Bifröst um 800 manna há-
skólabær, þar sem saman fara
kennsla og rannsóknir í alþjóðlegu
háskólaumhverfi.
„Ég geri mér grein fyrir því að
enginn er ómissandi. Mig langar hins
vegar til að ljúka því starfi sem ég hóf
og geri því ráð fyrir að gefa kost á
mér til áframhaldandi starfa, fái ég til
þess stuðning innan skólans og hjá
háskólastjórn,“ segir hann að lokum.
MENNTUN
MORGUNBLAÐIÐ FIMMTUDAGUR 6. JÚNÍ 2002 35
MATUR og menning eru helstu ein-
kenni frönskunámskeiðs sem haldið
verður 25. júní til 1. júlí, og aftur 1.
júlí til 7. júlí næstkomandi. Þetta eru
íslensk námskeið í frönsku í Frakk-
landi fyrir Íslendinga á öllum aldri.
,,Nemendur þurfa aðeins að vera
léttir í lund og hafa ánægju af sam-
veru við annað fólk,“ segir Inga
Karlsdóttir íslenskukennari. Inga,
Valfríður Gísladóttir frönskukennari
og Ragnar Wessman matreiðslu-
meistari eru með námskeiðið.
Námskeiðin eru haldin á eyjunni
Île d’Oléron við vesturströnd Frakk-
lands. ,,Þetta er yndislegur staður
og umhverfið eins franskt og hugs-
ast getur,“ segir Inga, ,,kaffihús, litl-
ar götur, markaðir, sandur og sjór og
matarhefðir í hávegum hafðar.“
Námskeiðshaldarar ætla að
standa fyrir tveimur námskeiðum í
sumar og er áhersla lögð á virka
þátttöku hvers og eins. Námið fer
að mestu leyti fram á vettvangi og
farið er í námstengdar skoð-
unarferðir. Námið verður að teljast
góð tilbreyting frá hinu hefðbundna
námi með bókina á borðinu.
„Frönskunámið á að tengja nem-
endur við hina sterku, frönsku mat-
armenningu þannig að hér ætti
áhugafólk um mat líka að finna eitt-
hvað við sitt hæfi,“ segir Inga. Nem-
endur æfast mjög mikið í talmáli og
eftir viku eiga byrjendur að geta
bjargað sér við daglegar aðstæður
ferðamannsins.
Frönskunám í
Frakklandi
Valfríður Gísladóttir, Ragnar
Wessman matreiðslumeistari og
Inga Karlsdóttir eru með
frönskunámskeiðið.
TENGLAR
.....................................................
ik@ismennt.is
melsel5@centrum.is
guhe@mbl.is