Morgunblaðið - 21.06.2002, Blaðsíða 2

FRÉTTIR
2 FÖSTUDAGUR 21. JÚNÍ 2002 MORGUNBLAÐIÐ
Íslensk valkyrja vekur athygli
í Bandaríkjunum / C1
Þjálfari hjá Flensburg segir
Ólaf bestan í heiminum / C1
8 SÍÐUR Fylgstu
með
nýjustu
fréttum
www.mbl.is
4 SÍÐUR

Há og harðger / B1

Snilligáfa / B4

Grimmt eðlið / B6

Auðlesið efni/ B8
Sérblöð í dag
SKÝIN geta verið ótrúlega fjöl-
breytt og skemmtilegt að fylgjast
með þeim, sérstaklega þegar sólin
nær að lýsa í gegnum þau. Und-
anfarna daga hefur verið vinda-
samt á Suðurlandi og þessi ský
sem dönsuðu um himininn brugðu
sér í margvíslegar myndir þar
sem ljós og skuggi léku stórt hlut-
verk. Gert er ráð fyrir hægvirði
víðast hvar á landinu næstu daga
og á jafnvel að sjást til sólar í
sumum landshlutum.
Morgunblaðið/Jónas Erlendsson
Átök dags
og nætur
yfir Graf-
arhöfða
ALFREÐ Þorsteinsson mun áfram gegna for-
mennsku í stjórn Orkuveitu Reykjavíkur en Stein-
unn Valdís Óskarsdóttir hefur verið kjörin vara-
formaður stjórnarinnar. Þá tekur Steinunn við
formennsku í skipulags- og byggingarnefnd af
Árna Þór Sigurðssyni en kosning fór fram í nefnd-
ir og ráð borgarinnar á borgarstjórnarfundi í gær.
Fékk Reykjavíkurlistinn formenn í öllum ráðum
og nefndum í krafti meirihluta síns. Skipað er í
embættin til fjögurra ára.
Auk Alfreðs og Steinunnar voru Tryggvi Frið-
jónsson af R-lista og Björn Bjarnason og Guð-
laugur Þór Þórðarson D-lista kjörnir í stjórn
Orkuveitu Reykjavíkur.
Auk Steinunnar voru kjörnir í skipulags- og
byggingarnefnd Óskar Vilmundur Ólafsson, Anna
Kristinsdóttir og Björn Ingi Hrafnsson R-lista og
Hanna Birna Kristjánsdóttir, Guðlaugur Þór
Þórðarson og Kristján Guðmundsson af D-lista.
Björk Vilhelmsdóttir var kjörinn formaður félags-
málaráðs en með henni í ráðinu sitja Dagný Jóns-
dóttir og Stefán Jóhann Stefánsson fulltrúar R-
lista og Guðrún Ebba Ólafsdóttir og Margrét Ein-
arsdóttir fulltrúar Sjálfstæðisflokks.
Stefán Jón Hafstein er formaður fræðsluráðs og
menningarmálanefndar. Aðrir nefndarmenn í
fræðsluráði eru Vigdís Hauksdóttir og Katrín
Jakobsdóttir af R-lista og Hanna Birna Kristjáns-
dóttir og Guðrún Ebba Ólafsdóttir D-lista. Árni
Þór Sigurðsson er formaður hafnarstjórnar og
samgöngunefndar. Með honum í hafnarstjórn
sitja Helgi Hjörvar og Jóhannes Bárðarson af R-
lista og Vilhjálmur Þ. Vilhjálmsson og Kjartan
Magnússon af D-lista. Í samgöngunefnd sitja auk
Árna Steinunn Valdís Óskarsdóttir og Haukur
Logi Karlsson fulltrúar Reykjavíkurlista og
Kjartan Magnússon og Gísli Marteinn Baldursson
fulltrúar sjálfstæðismanna.
Þorlákur Björnsson var kjörinn formaður leik-
skólaráðs en í ráðinu sitja einnig Sigrún Elsa
Smáradóttir og Björk Vilhelmsdóttir af R-lista og
Guðlaugur Þór Þórðarson og Jórunn Frímanns-
dóttir fulltrúar D-lista. Kolbeinn Proppé er for-
maður umhverfis- og heilbrigðisnefndar og auk
hans sitja í nefndinni Sigrún Elsa Smáradóttir og
Hallur Hallsson af R-lista og Jórunn Frímanns-
dóttir og Marta Guðjónsdóttir D-lista. Anna Krist-
insdóttir er formaður íþrótta- og tómstundaráðs
og leysir því Steinunni Valdísi þar af hólmi. Ásamt
henni sitja nú í ráðinu Kolbeinn Proppé og Ingvar
Sverrisson af R-lista og sjálfstæðismennirnir
Kjartan Magnússon og Benedikt Geirsson.
Formenn nokkurra annarra nefnda og stjórna
eru Gréta Baldursdóttir, formaður barnavernd-
arnefndar, Marsibil Sæmundsdóttir er formaður
jafnréttisnefndar, Rúnar Geirmundsson, formað-
ur framtalsnefndar, Stefán Jóhann Stefánsson er
formaður stjórnar Innkaupastofnunar og Sigrún
Elsa Smáradóttir er formaður samstarfsnefndar
um lögreglumálefni.
Töluverðar breytingar urðu
í nefndaskipan borgarinnar
HEILDARTEKJUR ríkissjóðs
hækkuðu um sex milljarða króna
eða 6,5% á fyrstu fimm mánuðum
þessa árs frá sama tímabili í fyrra og
námu 92 milljörðum króna. Skatt-
tekjur ríkissjóðs hækkuðu minna
eða um 5,5%, en til samanburðar má
geta þess að almennar verðbreyt-
ingar námu 8% fyrstu fimm mánuði
ársins, að því er fram kemur í nýju
vefriti fjármálaráðuneytisins, fjr.is.
Fram kemur að handbært fé frá
rekstri á þessu tímabili var neikvætt
um 8,9 milljarða kr. en 5,1 milljarð-
ur kr. á sama tíma í fyrra og hreinn
lánsfjárjöfnuður var neikvæður um
8,2 milljarða nú en 7,2 í fyrra.
Helstu skýringar á heldur lakari
greiðsluafkomu eru sagðar umtals-
verð útgjaldaaukning til heilbrigð-
is-, félags- og tryggingamála, auk
vaxta.
„Útgjöld til félagsmála eru 58,7
milljarðar og vega tæp 60% af heild-
arútgjöldum ríkissjóðs. Þar munar
mestu um heilbrigðismál, eða um
24,4 milljarða, sem hækka um 3,1
milljarð króna frá fyrra ári. Þá
hækka greiðslur til almennrar
stjórnsýslu um 1,8 milljarða og til
fræðslumála um 1,2 milljarða. Al-
mannatryggingar hækka einnig um
1,2 milljarða, eða sem nemur 7%, en
það er hlutfallslega lægra en hjá
öðrum málaflokkum,“ segir í frétta-
bréfinu.
Afkoma ríkissjóðs fyrstu fimm mánuði ársins
Heilbrigðisútgjöld hækk-
uðu um 3,1 milljarð
ÍSLENSKA liðið í opna flokknum á
Evrópumótinu í brids er ásamt Hol-
lendingum í 4.–5. sæti af 38 þjóðum
með 246 stig eftir 14 umferðir. Ís-
lendingar unnu alla þrjá leiki sína í
gær, Portúgala og Svisslendinga
19:11 og Slóvena 16:14.
Ítalir eru langefstir með 299 stig
en þeir unnu alla leiki sína í gær.
Norðmenn eru í 2. sæti með 269 stig,
Búlgarar hafa 254 stig, Frakkar,
Pólverjar og Rússar eru í 6.–8. sæti
með 245 stig.
Í kvennaflokki tapaði íslenska liðið
14:16 fyrir Tyrkjum og 13:17 fyrir
Færeyjum í 3. og 4. umferð í gær og
er í 8. sæti af 23 þátttökuþjóðum með
46 stig.
Ísland í 4.–5.
sæti á EM
í brids
EINN af varðstjórum lögreglunnar í
Reykjavík var í gær formlega áminnt-
ur vegna tölvupósts sem hann sendi
til útlendrar konu sem hafði mótmælt
aðgerðum stjórnvalda gegn Falun
Gong-iðkendum.
Svarið var á ensku og í lauslegri
þýðingu hljómaði það svo: „Skiptu
þér ekki af því sem þér kemur ekki
við og þess má geta að núna ert þú
komin á listann,“ en með því vísaði
varðstjórinn til listans sem stjórnvöld
höfðu yfir þá sem átti að meina land-
göngu.
Karl Steinar Valsson, aðstoðaryfir-
lögregluþjónn í Reykjavík, segir ljóst
að tölvupóstur sem sendur er af net-
þjóni lögreglustjórans í Reykjavík sé
sendur í nafni embættisins. Svar
varðstjórans hafi verið fullkomlega
óviðeigandi auk þess sem þetta væri
brot á reglum um notkun á innra neti
embættisins. Varðstjórinn hafi engar
skýringar getað gefið á framferði sínu
og því verið formlega áminntur í sam-
ræmi við reglur þar að lútandi fyrir
opinbera starfsmenn. Ef um ítrekuð
brot er að ræða getur áminning af
þessu tagi verið undanfari þess að við-
komandi verði vikið úr starfi.
Varðstjóri
áminntur
vegna
tölvupósts
MÓÐURFÉLAG líftæknifyrirtækis-
ins Urðar, Verðandi, Skuldar ehf.,
Iceland Genomics Corporation (IGC),
tilkynnti í gær að undirritaður hefði
verið samstarfssamningur við banda-
ríska líftæknifyrirtækið Myriad
Genetics.
Samstarfið gengur út á að staðsetja
erfðavísi sem veldur krabbameini.
Andvirði samningsins er ekki gefið
upp en í tilkynningu kemur fram að
IGC muni m.a. veita áfangagreiðslur
vegna rannsóknarsamstarfsins og fá
greidda þóknun vegna afurða sem
þróaðar verða á grundvelli rannsókna
á erfðavísinum.
Móðurfélag Urðar,
Verðandi, Skuldar ehf.
Samið við
bandarískt
líftækni-
fyrirtæki
♦ ♦ ♦
♦ ♦ ♦
TVÖ innbrot voru tilkynnt til lög-
reglunnar í Reykjavík í gær, annað í
íbúðarhús í Mosfellsbæ en hitt í hús
við Laufásveg. Bæði voru innbrotin
framin um hábjartan dag.
Að sögn lögreglunnar var í báðum
tilvikum farið inn um glugga og á
öðrum staðnum þurfti stiga til að
komast inn. Í öðru tilvikinu höfðu
þjófarnir á brott með sér tvær kipp-
ur af bjór, rauðvínsflösku, síma og
snyrtivörur en í hinu var talsverðu
magni af geisladiskum, geislaspilara
og myndavél stolið.
Lögreglan vissi ekki hvort þeir
sömu hefðu verið að verki í báðum
tilfellum en málið er í rannsókn.
Tvö innbrot um
bjartan dag