Morgunblaðið - 21.06.2002, Page 8
FRÉTTIR
8 FÖSTUDAGUR 21. JÚNÍ 2002 MORGUNBLAÐIÐ
Norrænt vinabæjamót í Garðabæ
Vinir njóta nátt-
úru og menningar
NORRÆNT vina-bæjamót var settí Garðabæ í gær-
kvöldi, en búist er við
tæplega 400 fulltrúum
vinabæja Garðabæjar,
Birkerød í Danmörku,
Asker í Noregi, Eslöv í
Svíþjóð og Jakobstad í
Finnlandi. Mikill undir-
búningur hefur staðið yf-
ir undanfarnar vikur
vegna mótsins. Gestum
er mörgum boðið að gista
á heimilum Garðbæinga
og er öllum gestunum
boðið í kvöldmat á ís-
lenskt heimili. Hulda
Hauksdóttir, upplýsinga-
fulltrúi á bæjarskrifstof-
um Garðabæjar, sagði
okkur nánar frá vina-
bæjamótinu.
Hvernig hefur undirbúningur
mótsins gengið?
„Allt hefur gengið mjög vel,
enda njótum við hjálpar margra,
sérstaklega félaga í Norræna
félaginu í Garðabæ. Undirbún-
ingurinn hefur staðið lengi,
enda er um stóran viðburð að
ræða. Vinabæirnir skiptast á að
halda mótið. Garðabær hélt það
1992, en það var síðast haldið í
Birkerød fyrir tveimur árum.“
Hvað eigið þið von á mörgum?
„Samtals eru um 360 gestir
væntanlegir til okkar. Þeir eru
ýmist fulltrúar norrænna félaga
í vinabæjunum, bæjarstarfs-
menn og aðrir bæjarbúar, eða
þátttakendur í barna- og ung-
lingamóti sem haldið er í
tengslum við vinabæjamótið, til
dæmis kóramót í samstarfi við
skólakórana í Hofstaðaskóla og
Flataskóla, skátamót í samvinnu
við skátafélagið Vífil og fim-
leikamót í samstarfi við Stjörn-
una. Barna- og unglingamótið
var styrkt af Norræna menning-
arsjóðnum.“
Þið leggið greinilega áherslu
á fjölbreytt tengsl vinabæjanna.
„Já, skipuleggjendur mótanna
hafa lagt á það ríka áherslu að
bjóða nýjum hópum að taka þátt
í mótinu. Það er nauðsynlegt til
þess að halda samstarfinu lif-
andi og gæta fjölbreytni. Með
barna- og unglingamótinu er
reynt að höfða sérstaklega til
ungu kynslóðarinnar og sýna
þeim mikilvægi þess að rækta
tengsl við vinabæina.“
Hvernig er dagskrá mótsins
uppbyggð?
„Yfirskrift mótsins í ár er Ís-
land – náttúra og menning. Á
mótinu viljum við leggja áherslu
á að þátttakendur nái að kynn-
ast landinu og mannlífinu sem
Garðabær býður. Á laugardag
er málstofa þar sem fullrúar
vinabæjanna ræða sameiginleg
mál og norræn mál, ásamt skoð-
unarferðum og gönguferðum í
nágrenni Garðabæjar.
Einnig er nauðsynlegt að fólk
skemmti sér saman og bjóðum
við til vinabæjakvöldvöku í
kvöld, föstudagskvöld, og hátíð-
arkvöldverðar á laug-
ardag fyrir gesti og
gestgjafa. Mótinu
lýkur með messu í
Vídalínskirkju á
sunnudag.“
Hverju er það að þakka að
vinabæjasamstarfið er svo blóm-
legt í Garðabæ?
„Því er sérstaklega norrænu
félögunum að þakka. Þar höfum
við og vinabæir okkar haft úr-
valsfólk sem sýnt hefur sam-
starfinu mikla rækt. Það skiptir
máli að sveitarfélagið er ekki
mjög stórt og persónuleg tengsl
bæjarbúa eru mikil. Með þeim
hætti næst samstaða meðal bæj-
arbúa um starf af þessu tagi.“
Hefur Garðabær átt í vina-
bæjasamstarfi lengi?
„Já, við tókum upp vinabæja-
samband við Birkerød árið 1966,
og fyrstu fulltrúar Garðabæjar
fóru á vinabæjamót þar árið
1968. Síðan hafa margir
Garðbæingar kynnst fjölda fólks
frá hinum vinabæjunum og
eignast góða vini þar á meðal.
Elsti gesturinn sem við eigum
von á hingað er níræð heiðurs-
kona frá Birkerød, sem eflaust
hitti Garðbæingana fyrir rúmum
þrjátíu árum.“
Á samstarf af þessu tagi enn
erindi í samfélaginu?
„Já, mikil ósköp. Þrátt fyrir
neikvæðar raddir um minnkandi
vægi Norðurlandasamstarfs
sjáum við engin þreytumerki á
samstarfi vinabæjanna, en að
sjálfsögðu verður að sinna starf-
inu af alúð og brydda upp á nýj-
ungum og afla nýrra fylgis-
manna. Með samstilltu átaki
blómstrar starf af þessu tagi.“
Eru viðburðir mótsins öllum
opnir?
„Já, sannarlega eru allir vel-
komnir. Ég vil sérstaklega
benda áhugasömum á hand-
verksmarkað á Garðatorgi á
laugardaginn, þar sem von er á
handverksfólki hvaðanæva að.
Einnig eru kórtónleikar í tón-
listarskólanum sama dag kl. 4.
Loks eru tvær fimleikasýningar
og keppni hjá fimleikadeild
Stjörnunnar og fim-
leikafélögum frá vina-
bæjunum, seinni part-
inn í dag, föstudag, og
einnig á sunnudag kl.
3 í Ásgarði, og eru all-
ir velkomnir að sjá viðburðina.
Við hvetjum alla Garðbæinga
eindregið til að mæta og bjóðum
að sjálfsögðu alla aðra velkomna
í heimsókn til okkar.“
Að lokum er minnt á vina-
bæjakvöldvökuna í kvöld á Víf-
ilsstaðatúni sem hefst kl. 8 og er
öllum opin. Þar gefst kjörið
tækifæri til að hitta norræna fé-
laga og eignast nýja vini.
Hulda Hauksdóttir
Hulda Hauksdóttir er fædd í
Reykjavík 1973. Hún lauk stúd-
entsprófi frá Menntaskólanum í
Reykjavík 1993 og BA-prófi í
sænsku og ensku frá Háskóla Ís-
lands, ásamt leiðsögumannaprófi
frá Leiðsögumannaskóla Íslands.
Hún hefur starfað sem leið-
sögumaður og flugfreyja. Und-
anfarið ár hefur Hulda Hauks-
dóttir starfað sem upplýsinga-
fulltrúi á Bæjarskrifstofum
Garðabæjar. Hulda er í sambúð
með Gylfa Magnúsi Jónassyni
tækniteiknara.
Tækifæri til
að eignast
norræna vini
Er ég nokkuð að skrökva mr. Santer, kostar ekki ein með öllu 8–10 milljarða?