Morgunblaðið - 21.06.2002, Page 48

48 FÖSTUDAGUR 21. JÚNÍ 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
RUT Gunnarsdóttir skrifar bréf til
Morgunblaðsins föstudaginn 14. júlí
sl. undir fyrirsögninni: „Nokkrar
staðreyndir í Sólheimamálinu“.
Þar sem fátt er um staðreyndir í
bréfinu þykir undirrituðum rétt að
benda á eftirfarandi:
1. Vitnað er til systrasamtaka Sól-
heima Camphill-hreyfingarinnar og
fullyrt að þar sé engin stjórn og eng-
inn formaður.
Staðreyndin er hins vegar sú að
fyrir hvert og eitt Camphill-samfélag
er stjórn skipuð utanaðkomandi ein-
staklingum og þar af leiðandi for-
maður. Þar er hins vegar ekki fjöl-
skipað fulltrúaráð, eins og á Sól-
heimum.
2. Í bréfi Rutar kemur fram að for-
maður leggi fram lista yfir þá sem
hann vilji hafa í fulltrúaráðinu og
Prestastefna samþykki lista, að
mestu án athugasemda að því er virð-
ist.
Þegar fulltrúaráð Sólheima var
stofnað með nýrri skipulagsskrá var
óskað eftir að biskup Íslands gerði
tillögur um skipan fyrsta fulltrúaráðs
Sólheima. Eftir það gerir fulltrúaráð-
ið, sem skipað er 21 fulltrúa, tillögu
til Prestastefnu um skipan nýs full-
trúaráðsmanns sem staðfestir eða
hafnar tillögunni. Rangt er því farið
með þessa „staðreynd“. Þá er það
rangt að stjórnin kjósi formann, það
gerir fulltrúaráðið á aðalfundi Sól-
heima.
3. Meirihluti núverandi fulltrúa-
ráðsmanna hefur setið í stjórn Sól-
heima og eða gegnt öðrum trúnaðar-
störfum fyrir Sólheima sumir í
áratugi. Það er því ekki rétt að þeir
þekki ekki til starfa Sólheima.
4. Gerð er grein fyrir ráðstöfun
fjármuna Sólheima í ársreikningum
Sólheima. Þeir reikningar hafa verið
samþykktir án athugasemda og
sendir hlutaðeigandi yfirvöldum sem
ekki hafa gert athugasemdir. Að
þjófkenna fólk, eins og gert er með
svo ósmekklegum hætti í bréfi Rutar,
lýsir eingöngu hugarfari bréfritara.
5. Bréfritari telur að það skipti
ekki sköpun fyrir fatlaða íbúa Sól-
heima að þar sé rekið gistiheimili,
sem skilar tapi ár eftir ár.
Sem betur fer hefur rekstur þess
verið jákvæður flest ár. Rekstur
gistiheimilis hefur ómælda þýðingu
fyrir alla íbúa Sólheima, eins og ann-
ar atvinnurekstur á Sólheimum, m.a.
hafa íbúar Sólheima átt þess kost að
dvelja ókeypis erlendis vegna skipti-
heimsókna erlendra hópa.
6. Bréfritari telur að það skipti
fatlaða íbúa Sólheima litlu hvar vist-
menningarhús rísi.
Umhverfismál eru eitt af höfuð-
viðfangsefnum Sólheima og hefur
svo verið frá fyrstu tíð. Það skiptir
því íbúa Sólheima miklu að vistmenn-
ingarmiðstöð rísi á Sólheimum. Að
byggja ekki vistmenningarhús að
Sólheimum vegna þess að hluti íbú-
anna er fatlaður eru fordómar og nið-
urlægjandi ummæli um fatlaða íbúa
Sólheima. Sesseljuhús hefur frá upp-
hafi verið hugsað sem fjölnota bygg-
ing með þarfir allra íbúa Sólheima í
huga.
7. Í bréfinu er látið að því liggja að
væntanlega kirkjubygging á Sól-
heimum sé að stærð á við Skálholts-
kirkju. Grunnflötur kirkjubyggingar
eru 200 fm eða álíka og meðalstórt
einbýlishús. Í flestum stærri sam-
félögum, sem starfa að sömu málefn-
um og Sólheimar, er litið á kirkju
sem sjálfsagða þjónustubyggingu við
íbúa viðkomandi staða. Oft eru þær
ein fyrsta byggingin sem reist er og
jafnan notuð fyrir margs konar starf-
semi, svo sem tónlistarkennslu og
tónleikahald.
Bréf Rutar eru almennar hugleið-
ingar, en þar er því miður fátt um
staðreyndir, nema rétt er farið með
nafn stjórnarformanns Sólheima.
Íbúar Sólheima hafa ekki kynnst
„Sólheimasamtökum“ né orðið varir
við tilvist þeirra. Hins vegar er starf-
andi Foreldra- og vinafélag Sólheima
sem lagt hefur starfinu margt gott
til, sem ástæða er til að þakka.
Með kveðju frá Sólheimum.
AGNAR GUÐLAUGSSON,
starfsmaður á Sólheimum.
Nokkrar stað-
reyndir um „stað-
reyndir“ í Sól-
heimamálinu
Frá Agnari Guðlaugssyni:
Í KASTLJÓSI sjónvarpsins sl. mið-
vikudagskvöld tjáði forsætisráð-
herra Íslands sig loksins um heim-
sókn kínverska forsætisráðherrans,
sem mikill styr hefur staðið um. Á
þessari ögurstund umræðunnar er
hr. Davíð Oddsson, umbjóðandi ís-
lensks almennings, spurður um yf-
irlýsingu fjölmargra Íslendinga sem
þá er væntanleg í „blað allra lands-
manna“ þar sem þeir biðjast afsök-
unar á framgöngu íslenskra stjórn-
valda. Margir hafa túlkað orð for-
sætisráðherra í mín eyru síðan og
jafnvel sagt að orð hans beri vott um
mikinn og jafnvel ólæknandi vald-
hroka, sem gjarnan leggst á valds-
menn sem eigi sjá útúr augunum fyr-
ir eigin ágæti. Þessu vil ég ekki sæta.
Ég bið því Morgunblaðið, sem ég
treysti best, til að endurflytja orð
forsætisráðherra hér á síðum blaðs-
ins. Þá mun öllum vera ljóst hvernig
í málinu liggur. Því ekki má það við-
gangast að óprúttnir menn væni for-
sætisráðherra okkar um valdhroka
og miðstýringu hugsana eins og Sov-
étríkin voru þekktust fyrir.
VIÐAR EGGERTSSON,
Þingholtsstræti 24,
101 Reykjavík.
Orð forsætisráðherra
Frá Viðari Eggertssyni: