Morgunblaðið - 29.06.2002, Blaðsíða 12

HÖFUÐBORGARSVÆÐIÐ
12 LAUGARDAGUR 29. JÚNÍ 2002 MORGUNBLAÐIÐ
ÍBÚAR nokkurra gatna í
Hlíðunum og víðar þurfa
þessa dagana að notast við
brýr og planka til að komast
leiðar sinnar á tveimur jafn-
fljótum því að þar er nú
unnið að endurnýjun veitu-
kerfa og gangstétta. Gert er
ráð fyrir að framkvæmdun-
um verði lokið í september.
Að sögn Höskuldar
Tryggvasonar, tæknifræð-
ings hjá Gatnamálastofu
Reykjavíkurborgar, standa
þrír aðilar að framkvæmd-
unum, Orkuveita Reykjavík-
ur, sem er að endurnýja
heitavatnslagnir, kalda-
vatnslagnir og rafmagns-
lagnir, Landssíminn, sem er
að endurnýja þær lagnir
sem að honum snúa og
leggja Breiðbandið, og loks
Gatnamálastofa sem gengur
frá gangstéttum að nýju.
Hann segir unnið kerfis-
bundið að slíkri endurnýjun
í borginni.
Unnið er jafnhliða í þrem-
ur áföngum að þessu sinni.
Fyrsti áfanginn tekur til
hluta Stigahlíðar og
Hraunteigs, annar áfanginn
til nyrðri partsins af Stiga-
hlíð, Grænuhlíðar, Bogahlíð-
ar og að hluta til Hamra-
hlíðar og loks er þriðji
áfanginn í Akurgerði og
Breiðagerði.
Vart hefur orðið við rott-
ur í Hlíðunum í kjölfar
framkvæmdanna. Að sögn
Guðmundar Björnssonar,
rekstrarstjóra hjá Mein-
dýravörnum Reykjavíkur-
borgar sést alltaf til rottna í
kjölfar slíkra framkvæmda.
„Það er alltaf hætta á að
það sjáist einhver dýr yfir
sumartímann þegar verið er
að framkvæma og opna ein-
hverjar lagnir, hvort sem
það er við heimahús eða úti
í götu. Með því er verið að
opna niður til þeirra og
veita þeim leið upp.“
Hann segir þó engar plág-
ur koma upp í kringum slík-
ar framkvæmdir enda sé
eitrað í alla holræsabrunna
yfir sumartímann til að
reyna að halda þessu niðri.
Aðeins ein tegund rottna
er hér á landi, hin brúna
rotta, að sögn Guðmundar.
„Hún er í holræsunum og
þetta er alltaf bundið við
þau og ef rotta sést einhvers
staðar úti við þá er und-
antekningarlítið bilun eða
framkvæmdir einhvers stað-
ar nálægt.“
En hvað er fólki ráðlagt
að gera þegar það verður
vart við rottur á ferli? „Fólk
á endilega að láta okkur vita
ef rotta sést svo hægt sé að
halda þessu í lágmarki. Við
sinnum öllum kvörtunum og
gerum allt sem við getum til
að halda þeim niðri.“
Endurnýjun lagna og
gangstétta lýkur í haust
Hlíðar
Morgunblaðið/Sverrir
Íbúar gatnanna bíða þess sjálfsagt með óþreyju að mokað
verði yfir skurðina á ný en áætluð verklok eru í september.
Vart við rottur í kjölfar framkvæmdanna
HÓPUR opinmynnts smáfólks situr í einni stofunni
í Austurbæjarskóla og hlýðir af athygli á mál þess
sem talar. Enda kannski eins gott að vera stilltur
því ræðumaðurinn er sjálf löggan sem ásamt kenn-
ara úr Umferðarskólanum er að útskýra fyrir
krökkunum umferðarreglurnar.
Þetta er síðasti dagurinn í Umferðarskólanum í
sumar en síðan 12. júní hafa umferðarkennarar og
löggur ferðast á milli skóla í borginni og leitt fimm
og sex ára gömul börn í allan sannleikann um
hvernig manni ber að hegða sér í umferðinni.
Á meðan á kennslunni stendur bregða þær Krist-
ín Brandsdóttir rannsóknarlögreglumaður og
Helga Svavarsdóttir kennari upp skjámyndum af
persónum sem margar hverjar eru börnunum að
góðu kunnar úr bókum, sem Umferðarskólinn hef-
ur sent þeim heim. Þarna má til dæmis sjá geim-
veruna Jóa mjóa, sem kann bara geimreglurnar en
ekki nokkurn skapaðan hlut í umferðarreglunum
og á það því til að stoppa ekki áður en hann fer yfir
götu heldur ana út á hana sem allir vita að getur
haft ansi slæmar afleiðingar.
Allir með liðamótin
í hálsinum í lagi
Pjakkur einn úr hópi áheyrenda getur staðfest
þetta svo um munar: „Einu sinni þegar ég var að
fara með systur minni að kaupa í búðinni þá datt ég
á götuna og það var næstum því bíll búinn að keyra
á mig,“ segir hann og það er greinilegt að honum
er mikið niðri fyrir. „Stoppaðirðu áður en þú fórst
yfir?“ spyr Kristín lögga um hæl. „Nei, ég vissi
ekkert að ég ætti að gera það,“ segir stráksi heið-
arlegur. „Þá er nú rosalega gott að þú ert kominn
hingað í Umferðarskólann til okkar,“ segja þær
Kristín og Helga með þunga.
Þetta leiðir til frekari umræðna um mikilvægi
þess að líta til beggja hliða áður en gengið er út á
götu og eftir skyndikönnun kemur í ljós að allir í
stofunni geta auðveldlega hreyft höfðuðið bæði til
hægri og vinstri.
Það er ekki laust við að krökkunum finnist svo-
lítið asnalegt þegar fullorðna fólkið tekur upp á því
að spyrja hvort bílar megi vera inni á leikvellinum.
„Auðvitað ekki!“ er viðkvæðið úr hópnum og þá er
heldur ekkert erfitt að skilja að krakkar mega ekki
vera á götunni og bílastæðum að leika sér.
Fær prófið aftur þegar
hann er orðinn sjö ára!
Talið berst að öðrum og ekki síður mikilvægum
reglum, nefnilega hjólareglunum, þar sem stóra
reglan gengur út á að allir verði að vera með hjálm
þegar þeir hjóla. „Einu sinni var Halldóra með eng-
an hjálm og datt og meiddi sig hérna,“ segir lítil
snót og bendir á kollinn á sér og það er greinilegt
að Halldóra þessi á alla samúð þeirrar stuttu vegna
meiðslanna.
Önnur mikilvæg hjólaregla er að hjóla ekki of
hratt og einn strákurinn hefur heldur betur sögu
að segja af því hvað getur gerst þá: „Það var einu
sinni strákur sem keyrði of hratt tvisvar og hann
fær ekki prófið aftur fyrr en hann er orðinn sjö
ára!“ Fleiri mikilvæg atriði ber á góma þennan
klukkutíma sem skólinn stendur yfir á borð við bíl-
belti, umferðarljós og hættulegar vinnuvélar. Skól-
inn endar svo á mynda- og leikbrúðusýningu um
Siggu og Skessuna sem uppgötvaði við illan leik að
umferðargötur eru ekki besti staðurinn til að setj-
ast niður og borða nestið sitt. Áður en nemend-
urnir kveðja eru þeir leystir út með umferðarmynd
og löggulímmiða og halda öllu fróðari heim á leið.
Ungir nema umferðarreglurnar
Austurbærinn
Helga Svavarsdóttir sýnir krökkunum hvernig
best er að ganga upp við grindverk í stað þess
að vera alveg út við götuna.
Kristín Brandsdóttir rannsóknarlögreglumað-
ur hefur svolitlar áhyggjur af þeim börnum
sem hjóla mjög hratt niður brekkur.
Morgunblaðið/Arnaldur
Þessir herramenn geta sjálfsagt staðfest að það er bæði gaman og gagnlegt í Umferðarskólanum.
HIÐ árlega Hafnarfjarðar-
meistaramót í dorgveiði verð-
ur haldið næstkomandi
þriðjudag við Flensborgar-
bryggju. Keppnin hefur notið
vaxandi vinsælda og í fyrra
voru þátttakendur rúmlega
300 talsins.
Keppnin er ætluð börnum á
aldrinum 6 til 12 ára og er op-
in öllum á þessum aldri. Þeir
sem ekki eiga veiðarfæri geta
fengið tól og tæki lánuð á
keppnisstað og einnig verður
hægt að fá beitu og leiðbein-
ingar hjá starfsmönnum.
Verðlaun verða veitt fyrir
stærsta fiskinn og flestu
fiskana. Keppnin hefst um kl.
13.30 og lýkur um kl. 15 og á
meðan á henni stendur verða
leiðbeinendur íþrótta- og
leikjanámskeiða með öfluga
gæslu auk þess sem Björgun-
arsveit Hafnarfjarðar verður
með björgunarbát á sveimi.
Það er Æskulýðs- og tóm-
stundaráð Hafnarfjarðar sem
stendur fyrir keppninni en
Veiðibúðin við lækinn styrkir
hana.
Keppni í
dorgi við
Flens-
borgar-
bryggju
Hafnarfjörður
BÆJARRÁÐ Hafnarfjarðar
hefur samþykkt að veita
Norðurbakka ehf. skamm-
tímalán að upphæð 5,6 millj-
ónir til að félagið geti staðið
skil á skammtímakröfum
sem hvíla á því. Kröfurnar
eru til komnar vegna kostn-
aðar sem féll á Norður-
bakka fyrstu fimm mánuði
ársins.
Í bókun bæjarráðs kemur
fram að aðrir hluthafar hafi
fyrir sitt leyti samþykkt að
veita félaginu samsvarandi
fjárhæðir að láni en fyrir ut-
an Hafnarfjarðarbæ standa
J&K eignarhaldsfélag ehf.
og Þyrping hf. að félaginu.
Þá óskar bæjarráð eftir
upplýsingum frá embætti
bæjarverkfræðings og fjár-
málastjóra um hvaða rann-
sókna- og framkvæmda-
kostnaður hafi fallið á
bæjarfélagið vegna samn-
inga þess við Norðurbakka.
Fær lán
frá bæn-
um vegna
skulda
Hafnarfjörður
Norðurbakki ehf.
ÞESSIR krakkar og félagar
þeirra plöntuðu 2200 trjá-
plöntum við Arnarhamar
skammt frá Grundarhverfi á
Kjalarnesi á dögunum. Það
var Skógræktarfélag Kjalar-
ness sem stóð fyrir gróður-
setningunni en Landsvirkjun
útvegaði félaginu vinnuhóp til
verksins. Auk þess að bæta
trjáplöntunum við græna
trefilinn svokallaða, sem ligg-
ur þarna um, girti hópurinn
svæðið af til að varna því að
sauðfé fari inn á svæðið en að
sögn Lilju Guðmundsdóttur,
formanns Skógrækarfélags-
ins, hefur nokkuð borið á því
að sauðfé sé til ama á gróðr-
arsvæðinu.
Morgunblaðið/Arnaldur
Girðingarvinna á Kjalarnesi.
Gróður og girðingar
Kjalarnes
♦ ♦ ♦
LEIT að svæði í Garðabæ,
sem henta myndi fyrir hunda-
eigendur til að sleppa hund-
um sínum lausum, hefur ekki
borið árangur. Þau svæði sem
rætt hefur verið um í þessu
sambandi þykja ekki hentug
auk þess sem landeigendur
hafa ekki viljað láta land sitt
undir slíkt frísvæði.
Einar Sveinbjörnsson,
fulltrúi Framsóknarflokksins
í bæjarstjórn, flutti í janúar
tillögu um að hafin yrði leit að
frísvæði fyrir hunda. Skipu-
lagsnefnd bæjarins var sett í
að leita að slíku svæði og voru
tveir staðir í landi Setbergs til
umræðu í því sambandi, ann-
ars vegar ofan við golfvöllinn
og hins vegar í Oddsmýrar-
dal. Í bréfi skipulagsfulltrúa,
sem lagt var fram í bæjarráði
í vikunni, kemur fram að eftir
viðræður við landeigendur sé
ljóst að þeir hafi ekki áhuga á
að láta land sitt í þessu augn-
miði. Hefur nefndin engar
aðrar tillögur um opið stórt
svæði sem henta myndi.
Að sögn Guðjóns Erlings
Friðrikssonar bæjarritara
hefur málið komið af og til
upp í bæjarkerfinu enda hafi
hundaeigendur ýtt á eftir að-
gerðum í þessu sambandi.
„Nú liggur fyrir umsögn þar
sem menn finna þessu ekki
stað. Þau svæði sem hafa ver-
ið nefnd þykja ekki henta þar
sem þau eru ekki nógu af-
mörkuð og eru almenn úti-
vistasvæði.“ Samkvæmt nið-
urstöðu skipulagsnefndar sé
þannig ekki útlit fyrir að mál-
inu verði haldið áfram.
Ekkert frísvæði fyrir hunda
Garðabær