Morgunblaðið - 29.06.2002, Blaðsíða 18
VIÐSKIPTI/ATHAFNALÍF
18 LAUGARDAGUR 29. JÚNÍ 2002 MORGUNBLAÐIÐ
VÖRUSKIPTI við útlönd voru hag-
stæð um 2,6 milljarða í maí sl. en í
sama mánuði í fyrra voru þau óhag-
stæð um 3,6 milljarða miðað við sama
gengi. Vöruskiptajöfnuður í maí batn-
aði því um tæpa 6,3 milljarða á milli
ára.
Útflutningur í maímánuði nam 18,2
milljörðum króna en innflutningur
15,6 milljörðum. Útflutningur er ríf-
lega 3,3 milljörðum króna meiri nú en
í maí í fyrra, miðað við gengi ársins
2002. Innflutningur hefur hins vegar
minnkað um 2,9 milljarða.
Vöruskiptajöfnuðurinn
20 milljörðum betri í ár
Á fyrstu fimm mánuðum ársins
voru vöruskipti við útlönd hagstæð
um 10,7 milljarða króna en á sama
tímabili árið áður voru þau óhagstæð
um 9,2 milljarða, miðað við sama
gengi. Vöruskiptajöfnuðurinn á
fyrstu fimm mánuðunum batnaði því
um 19,9 milljarða á milli ára.
Fyrstu fimm mánuði ársins í ár
nam útflutningur 92,1 milljarði króna
en innflutningur nam 81,5 milljörðum
króna.
Útflutningur var 11,1 milljarði
meiri nú en á sama tímabili árið áður,
eða 14% meiri á föstu gengi. Aukn-
ingu vöruútflutnings má helst rekja
til aukins útflutnings á sjávarafurð-
um, aðallega frystum flökum, fisk-
mjöli og heilum frystum fiski. Einnig
hefur útflutningur á lyfjavörum og
lækningatækjum aukist. Á móti kem-
ur að mun minna hefur verið selt af
skipum úr landi en á síðastliðnu ári.
Innflutningur var 8,8 milljörðum
króna minni á fyrstu fimm mánuðum
ársins en á sama tímabili í fyrra, eða
10% minni á föstu gengi. Samdráttinn
má að stærstum hluta rekja til minni
innflutnings á fjárfestingarvörum og
hrá- og rekstrarvörum, að því er segir
í frétt frá Hagstofu Íslands.
Vöruskipti
hagstæð um 2,6
milljarða í maí
!"#$
&
.
$ *
/
0
1
!
"!# 0
$
-
$2 3! !!
/ 4
$
$! * $ *
$
$!
%
+$4
!!
!
! 5
$2
!6
/
&! ' (
"&!#""2#
7!""(2'
7!""82&
"!7(928
7"!:''2"
7(92'
"!78"2"
8!;;92(
'!8;(29
"!88:28
"!"9"2(
&!#&:2&
";!''#2"
7!7:72"
88&2;
"!7&827
7(!:##2#
'(#2;
"!"':28
8!&:"2"
7!9(;27
97(2#
7!8;;2(
#!::(2'
!
! "
<727=
>(2:=
<892'=
<:(2'=
# "
?72&=
<""2(=
>'&2"=
<"82#=
<:2;=
<7"29=
<8(2:=
?
<"&2&=
$%&'(
)*
+
,
*-$+.
LIND ehf., sem er dótturfyrirtæki
Danól hf., hefur tekið við sölu og
dreifingu á Smirnoff, Baileys, Gord-
on’s og fleiri þekktum áfengisteg-
undum frá Diageo, sem er stærsta
áfengisfyrirtæki heims. Umboðið
var áður hjá Karli K. Karlssyni hf.
Diageo, sem áður hét Guinness
UDV, framleiðir meðal annars
áfengistegundirnar Smirnoff-vodka,
Gordon’s- og Tanqueray-gin, Johnny
Walker-, Dimple- og Bell’s-viský,
Baileys-líkjör og Guinness-bjór. Sala
á vörutegundum Diageo hér á landi
nam um 700 milljónum króna á árinu
2001.
Októ Einarsson, markaðsstjóri
Danól, og Birgir Hrafnsson, fram-
kvæmdastjóri Lindar, segja að með
þessu, til viðbótar við kaup Lindar á
Ölgerð Egils Skallagrímssonar, fari
markaðshlutdeild Lindar í um 30%
af áfengismarkaði á Íslandi. Það geri
fyrirtækið langstærst á íslenska
markaðnum.
Lind var stærsti seljandi áfengis í
gegnum ÁTVR árið 2001 með tæp-
lega 22% hlutdeild, byggt á sölutöl-
um ÁTVR. Markaðshlutdeild í ein-
stökum flokkum var um þriðjungur í
rauðvíni, 29% í hvítvíni, um 8% í bjór
og 11% í sterkum vínum. Ársveltan í
fyrra nam rúmum 1,1 milljarði króna
en áætlað er að velta ársins 2002
verði 1,55 milljarðar króna og árið
2003 verði veltan komin í 2 milljarða.
„Áhrifin á fyrirtækið eru mikil og
þetta umboð styrkir okkur verulega
hjá veitingahúsum og börum. Okkur
hefur vantað heildstæða línu í sterk-
um drykkjum. Þarna fáum við mörg
leiðandi vörumerki í heiminum,“
segir Októ.
Sameining við Ölgerðina á döfinni
Ekki hefur verið endanlega geng-
ið frá samruna Lindar og Ölgerðar
Egils Skallagrímssonar en beðið er
niðurstöðu úr áreiðanleikakönnun,
sem er væntanleg á næstu dögum.
Hins vegar hefur samruni fyrirtækj-
anna verið samþykktur af birgjum,
vöruúrval víntegunda hefur verið
samræmt og vörudreifing og birgða-
hald fyrirtækjanna eru orðin sam-
eiginleg.
Októ og Birgir segja sameiningu
Lindar og Ölgerðarinnar mjög væn-
lega. Markmiðið með slíkri samein-
ingu yrði að skapa alhliða drykkjar-
vörufyrirtæki, sem bjóði upp á létt
og sterk vín, bjór og gosdrykki. Lind
hafi skapað sér sterkan markað í
léttvínum og hafi nú, með Diageo-
umboðinu, styrkt stöðu sína í sterk-
um vínum. Styrkur Ölgerðarinnar
liggi hins vegar í bjór og gosdrykkj-
um.
„Samlegðaráhrifin yrðu einnig
veruleg í sölu, markaðssetningu og
dreifingu, yfirstjórn og húsnæðis-
málum,“ segir Októ en þegar er farið
að huga að því að koma allri starf-
seminni, þ.e. Ölgerðinni, Lind og Da-
nól, undir eitt þak.
Lind tekur við
dreifingu á Smirn-
off og Baileys
Morgunblaðið/Árni Sæberg
Sparisjóður
Kaupþings og
nb.is orðnir
hlutafélög
NB.is/sparisjóður er nú orðinn hluta-
félag og einnig Sparisjóður Kaup-
þings. Þetta var samþykkt samhljóða
á fundum stofnfjáreigenda þessara
tveggja sparisjóða í gær.
Kaupþing keypti á sínum tíma
bróðurpart stofnfjár Sparisjóðs Ön-
undarfjarðar þegar sparisjóðir á
Vestfjörðum voru sameinaðir og varð
þá Sparisjóður Kaupþings til. Hann
þjónar einungis fyrirtækjum. Á sama
hátt keypti SPRON allt stofnfé í
Sparisjóði Súðavíkur sem sameinað-
ist rekstri Sparisjóðs Vestfirðinga
einnig. Nafni Sparisjóðs Súðavíkur
var síðan breytt í nb.is/sparisjóður og
heimili og varnarþing flutt til Reykja-
víkur.
Stofnfjáreigendur nb.is voru m.a.
SPRON og starfsmenn nb.is. Þessir
aðilar eru nú orðnir hluthafar í nb.is
hf. Stofnfjáreigendur í Sparisjóði
Kaupþings voru Kaupþing, SPRON,
starfsmenn og fleiri.
HEILBRIGÐISRÁÐHERRA tók í
gær formlega í notkun nýtt húsnæði
ÍSAGA ehf. til framleiðslu á svoköll-
uðum lyfjalofttegundum við Breið-
höfða í Reykjavík. Með tilkomu nýju
aðstöðunnar uppfyllir ÍSAGA nú all-
ar kröfur sem heilbrigðis- og trygg-
ingaráðuneytið gerir til framleiðslu
slíkra lofttegunda, að því er fram
kemur í fréttatilkynningu frá
ÍSAGA.
ÍSAGA ehf. er hluti af alþjóðafyr-
irtækinu Linde Group og með til-
komu nýja húsnæðisins er fram-
leiðsluaðstaða heilbrigðissviðs
fyrirtækisins, AGA Linde Health-
care, orðin fyllilega sambærileg við
aðstöðu systurfyrirtækjanna. Breyt-
ingarnar hafa komið til framkvæmda
í áföngum eftir að sett var reglugerð
fyrir nokkrum árum um að loftteg-
undir, sem notaðar eru til lækninga,
skuli flokkast sem lyf og framleiðsla
þeirra því vera leyfisskyld.
Starfsmenn ÍSAGA ehf. eru nú 26
talsins en fyrirtækið var stofnað árið
1919 í tengslum við vitavæðingu
landsins, með aðstoð gasframleið-
andans AGA í Svíþjóð. Fyrirtækið
var ýmist að hluta eða að öllu leyti í
eigu Íslendinga frá stofnun þess til
1991. Þá eignaðist sænska AGA
fyrirtækið en 1999 keypti þýska
fyrirtækið Linde Gas sænska AGA
og þar með einnig ÍSAGA ehf. Linde
Gas, sem er hluti af Linde Group, er
með starfsemi í um 50 löndum og
vinna hjá því um 18 þúsund starfs-
menn. Linde Group í heild er hins
vegar með yfir 46 þúsund starfs-
menn.
ÍSAGA ehf. er eina fyrirtækið
sinnar tegundar á Íslandi og áður en
reglugerðin tók gildi var enginn
greinarmunur gerður á lofttegund-
um og umbúðum sem notaðar voru í
heilbrigðiskerfinu og í almennum
iðnaði. Auk súrefnis framleiðir
ÍSAGA ehf. köfnunarefni og koldíox-
íð en flytur inn lofttegundir eins og
asetýlengas, argon og glaðloft. Aðal-
aðsetur ÍSAGA er að Breiðhöfða auk
þess sem fyrirtækið er með sex af-
greiðslustaði víðsvegar um landið.
Koldíoxíðframleiðslan er að Hæðar-
enda í Grímsnesi.
Nýtt húsnæði ÍSAGA ehf.
Morgunblaðið/Þorkell
Jón Kristjánsson heilbrigðisráðherra tók nýja verksmiðju ÍSAGA í notkun.
SPARISJÓÐUR Reykjavíkur og ná-
grennis (SPRON) hefur selt kr.
52.307.693 að nafnverði hlutafjár í
Kaupþingi banka hf. á verðinu kr.
13,00. Söluverðmætið er því um 680
milljónir króna. Eignarhlutur
SPRON eftir söluna nemur kr.
152.331.722.
SPRON er stærsti beini eignar-
aðili í Kaupþingi banka hf. og á nú
9,35% hlutafjár. Sparisjóðurinn hef-
ur samtímis gert samning um endur-
kaupsrétt á þessum bréfum og er
rétturinn virkur til 10. október 2002.
Sparisjóðsstjóri SPRON, Guð-
mundur Hauksson, er jafnframt
stjórnarformaður Kaupþings banka
hf. Hann segir í samtali við Morgun-
blaðið að ástæðan fyrir sölunni sé að
SPRON sé að renna stoðum undir
eiginfjárstöðu sína m.t.t. reglna um
eiginfjárhlutfall fjármálastofnana,
svokallað CAD-hlutfall. „Við ætluð-
um auðvitað að gera það með því að
hlutafjárvæða SPRON í dag. En úr
því sú leið tókst ekki, eigum við nóg
af eignum sem létta á þessari eig-
infjárstöðu til að við getum uppfyllt
þau mörk sem við viljum ná. Eig-
infjárhlutfallið er langt yfir lágmarki
en við viljum standa við okkar eigin
markmið,“ segir Guðmundur. Hann
segir að salan á bréfunum í Kaup-
þingi tengist deilum stjórnar og
stjórnenda SPRON við hluta stofn-
fjáreigenda ekkert að öðru leyti.
SPRON selur hluta-
bréf í Kaupþingi
KAUPÞING spáir 0,3% hækkun á
vísitölu neysluverðs milli júní og júlí
en Búnaðarbanki Íslands og SPRON
spá 0,2% hækkun.
Stærstu einstöku þættir í hækkun
vísitölunnar samkvæmt spá SPRON
verða hækkanir á húsnæðislið, ferð-
um og flutningum. Búnaðarbankinn
gerir ráð fyrir óbreyttu húsnæðis-
verði en áframhaldandi hækkun á
verði á innlendri matvöru. Kaupþing
gerir ráð fyrir að verð matvöru
standi í stað en að húsnæðisliður
vísitölunnar og bensínverð hækki.
Hagstofa Íslands birtir nýja vísi-
tölu neysluverðs 10. júlí.
Spár fjármálafyrirtækja
0,2–0,3% hækkun á
neysluverðsvísitölu
VÞÍ verður
Kauphöll
Íslands
HINN 1. júlí nk. tekur Verðbréfa-
þing Íslands upp nafnið Kauphöll Ís-
lands. Nafnbreytingin hinn 1. júlí
mun sjást á heimasíðu, yfirlitum og
öllum þeim stöðum sem við verður
komið strax eftir helgi en viðskipta-
vinir þingsins munu þó í einhverjum
tilvikum verða varir við „Verðbréfa-
þing“ í samskiptum við þingið fyrst
um sinn eftir nafnbreytingu.
Til að styrkja ímyndina
Í tilkynningu frá VÞÍ eru fjöl-
miðlar, kauphallaraðilar, upplýs-
ingaveitur og aðrir markaðsaðilar
vinsamlega beðnir um að taka heitið
„Kauphöll Ísland“ í notkun frá og
með næsta mánudegi og huga að
breytingum sem gera þarf til að það
megi takast.
„Er það von þingsins að þessi
breyting gangi áreynslulaust fyrir
sig og að nýja heitið verði til þess að
styrkja ímynd Kauphallarinnar í
huga viðskiptavina og almennings,“
segir m.a. í tilkynningu frá Verð-
bréfaþingi Íslands sem senn verður
Kauphöll Íslands.
♦ ♦ ♦