Morgunblaðið - 29.06.2002, Blaðsíða 49

MINNINGAR
MORGUNBLAÐIÐ LAUGARDAGUR 29. JÚNÍ 2002 49
Með örfáum orðum
minnumst við Jóhanns
Guðmundssonar mágs
okkar, eða Jóa hennar
Siggu, eins og hann var
oftast kallaður í fjölskyldunni.
Jói var fremur hæglátur, stundum
jafnvel dulur, en hafði þó ákveðnar
skoðanir á flestum hlutum. Hann var
hjálpsamur, sístarfandi og einstakt
snyrtimenni sem glöggt má sjá í öllu
sem hann kom nærri.
Mörgum stundum eyddu Jói og
Sigga í að fegra og snyrta við sumar-
bústaðinn við Krókatjörn, en sá stað-
ur var honum sérstaklega kær.
Jói var mikill útivistarmaður og
náttúruunnandi og höfðu þau Sigga
unun af að ferðast um landið. Þótti þá
sjálfsagt að faðir okkar væri með í
för, en þeir náðu afar vel saman.
Þessar ferðir eru föður okkar dýr-
mætur sjóður minninga og fyrir það
viljum við sérstaklega þakka.
Jói var góður félagi og jafnan var
stutt í glensið hjá honum. Hann var
mikill Gaflari og fengum við systurn-
ar hér á mölinni t.d. gjarnan að heyra
hversu heppnar við vorum að komast
til Hafnarfjarðar þegar árnar fyrir
austan voru brúaðar.
JÓHANN
GUÐMUNDSSON
✝ Jóhann Guð-mundsson fædd-
ist í Hafnarfirði 28.
september 1944.
Hann lést á gjör-
gæsludeild Landspít-
alans við Hringbraut
19. júní síðastliðinn
og var útför hans
gerð frá Víðistaða-
kirkju 27. júní.
Engan grunaði að svo
skyndilegur endir yrði
bundinn á samveru-
stundirnar.
Missir systur okkar
er mikill og biðjum við
góðan Guð að styrkja
hana í sorginni.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virzt mig að þér taka,
mér yfir láttu vaka
þinn engil, svo ég sofi rótt.
(Þýð. Sveinbjörn Egilsson.)
Við og fjölskyldur
okkar vottum öllum aðstandendum
innilegustu samúð.
Ljúf minning lifir.
Erna, Ragna, Bjarni og Jóna.
Í dag kveðjum við góðan vin og fé-
laga, Hafnfirðinginn Jóhann Guð-
mundsson. Við höfum þekkst í tæpa
þrjá áratugi, allt frá því að Jóhann
vann hjá Guðbjarti Jónssyni í Hafn-
arprenti, en hann lést fyrr á þessu ári.
Í fjölmarga vetur spiluðum við viku-
lega saman fótbolta í KR-heimilinu,
en þar þótti Jóa gott að vera, þrátt
fyrir að vera eitilharður og sannur
Haukamaður.
Jóhann var einstaklega dagfars-
prúður maður og vandvirkur verk-
maður. Ávallt var gaman að hitta Jóa,
enda var hann ætíð í góðu skapi, var
jákvæður í garð allra og hafði ein-
staklega fallegt bros.
Okkur setti hljóða þegar fregnin
barst um andlát hans, en hann hafði
ekkert spilað undanfarnar vikur
vegna smáeymsla í baki, þannig að
við hlökkuðum til að hitta hann á
hausti komanda, enda var Jóhann
laginn og góður fótboltamaður sem
gaman var að leika með. Jóhann var
mikill reglumaður og okkur fannst
hann mjög vel á sig kominn líkamlega
og hann hreyfði sig á við 20 árum
yngri menn.
Jóhann skilur eftir sig stórt skarð í
vinahópnum eftir áratuga samveru,
en minningin um frábæran félaga lif-
ir. Við sendum ættingjum og aðstand-
endum innilegar samúðarkveðjur.
F.h. fótboltahópsins,
Sófus og Hilmar.
Mig langar að minnast hans Jóa
frænda í örfáum orðum. Jói var miklu
meira en bara frændi, hann var líka
góður vinur minn. Það sem fyrst
kemur upp í hugann er hversu góður
hann var og hversu vel hann reyndist
þeim sem stóðu honum nærri. Þrátt
fyrir aldursmun tókst snemma með
okkur traust vinátta sem ég bý æv-
inlega að. Á þessum árum áttum við
Jói okkur sameiginlegt áhugamál
sem við stunduðum af mikilli ástríðu.
Ég var ekki hár í loftinu þegar hann
bauð mér í fyrsta sinn með sér á völl-
inn, en það var aldrei eins og hann
færi með mig á leiki, við fórum saman
og mér leið eins og fullorðnum manni.
Ég er lánsamur að eiga svo margar
góðar minningar um Jóa.
Evrópuferðin er einhver ánægju-
legasti tími sem ég hef nokkru sinni
upplifað og þó að við höfum sést
sjaldnar í seinni tíð, þá var alltaf jafn
gott að hitta Jóa. Hann fylgdist ætíð
af áhuga með því sem ég tók mér fyr-
ir hendur og fannst réttilega eins og
hann ætti alltaf svolítið í mér. Ég á
eftir að sakna hans mikið og stund-
irnar sem við áttum saman eru mér
mjög mikils virði.
Óttar Freyr.
Sorgin er gríma gleðinnar. Og lindin, sem er
uppspretta gleðinnar, var oft full af tárum.
Og hvernig ætti það öðruvísi að vera? Þeim
mun dýpra sem sorgin grefur sig í hjarta
manns, þeim mun meiri gleði getur það
rúmað.
Er ekki bikarinn, sem geymir vín þitt,
brenndur í eldi smiðjunnar? Og var ekki
hljóðpípan, sem mildar skap þitt, holuð inn-
an með hnífum? Skoðaðu hug þinn vel, þeg-
ar þú ert glaður, og þú munt sjá, að aðeins
það, sem valdið hefur hryggð þinni, gerir
þig glaðan.
Þegar þú ert sorgmæddur, skoðaðu þá aftur
huga þinn, og þú munt sjá, að þú grætur
vegna þess, sem var gleði þín.
Sum ykkar segja: „Í heimi hér er meira af
gleði en sorg,“ og aðrir segja: „Nei, sorg-
irnar eru fleiri.“ En ég segi þér, sorgin og
gleðin ferðast saman að húsi þínu, og þegar
önnur situr við borð þitt, sefur hin í rúmi
þínu.
Þú vegur salt milli gleði og sorgar.
Jafnvægi nærð þú aðeins á þínum dauðu
stundum.
Þegar sál þín vegur gull sitt og silfur á
metaskálum, hlýtur gleðin og sorgin að
koma og fara.
(Úr Spámanninum eftir Kahlil Gibran.)
Elsku Jóhanna, Guðmundur, Sigga
og fjölskyldur, við sendum ykkur
okkar innilegustu samúðarkveðjur
vegna ykkar mikla missis.
Jóa frænda þökkum við samfylgd-
ina, minningarnar okkar eru margar
og góðar.
Vilborg, Elva og fjölskyldur.
✝ Þórína Sveins-dóttir fæddist á
Kóreksstöðum í
Hjaltastaðarþinghá
2. ágúst 1909. Hún
lést á Heilbrigðis-
stofnun Austurlands
á Egilsstöðum 21.
maí síðastliðinn.
Foreldrar hennar
voru hjónin Guðrún
Jónsdóttir frá Freys-
hólum og Sveinn
Björnsson bóndi á
Kóreksstöðum. Al-
systkini Þórínu voru
sex, Guðrún Björg,
Björn, Ester og Einar, sem öll
eru látin og tveir bræður sem
dóu í bernsku, Friðþjófur og
Friðjón. Seinni maður Guðrúnar
var Pétur Pétursson, póstur í
Njarðvík. Þau áttu fimm börn.
Tvö þeirra eru látin, þau Hulda
og Eiður, en á lífi
eru Hjalti, Ásthildur
og Brynjarr. Þórína
giftist Birni Gutt-
ormssyni bónda á
Ketilsstöðum í
Hjaltastaðarþinghá
árið 1932. Þau
bjuggu þar til ársins
1974 er þau fluttu
til Egilsstaða. Börn
þeirra eru; a) Sigur-
laug, gift Páli Pét-
urssyni. Þau eiga
tvö börn. b) Sveinn
var kvæntur Dag-
nýju Pálsdóttur,
skilin. Þau eiga tvö börn. c) Guð-
rún Ljósbrá, gift Hallgrími
Bergssyni. Þau eiga þrjá syni.
Langömmubörn Þórínu eru fjór-
tán.
Útför Þórínu var gerð frá Eg-
ilsstaðakirkju 1. júní.
Ferð þín er hafin.
Fjarlægjast heimatún.
Nú fylgir þú vötnum
sem falla til nýrra staða
og sjónhringar nýir
sindra þér fyrir augum.
En alnýjum degi
fær þú aldrei kynnst.
Í lind reynslunnar
fellur ljós hverrar stundar
og birtist þar
slungið blikandi speglun
alls þess er áður var.
(Hannes Pétursson.)
Elsku amma, nú ertu farin yfir í
annan heim eftir langa ævi. Minn-
ingar um góða og glaða ömmu rifj-
ast upp. Fyrstu minningar okkar
eru tengdar þér og afa á Ketilsstöð-
um. Þar áttum við barnabörnin ófá-
ar gleðistundir við leik og störf með
ykkur. Ferðir í fjósið, hænsnahúsið,
garðinn sem þú ræktaðir, upp á
brúsapallinn og at í hlöðunni. Ekki
má heldur gleyma gullabúinu sem
við áttum ofan við skálann og vað-
ferðir yfir Selfljótið sem alltaf var
beðið eftir að komast í. Ferðir í
Willys-jeppanum hans afa voru
einnig vel þegnar.
Eftir að þið fluttuð til Egilsstaða
voruð þið fyrst í stað búsett á neðri
hæð húss foreldra okkar og voru því
hæg heimatökin fyrir okkur og
kíkja í heimsókn og fá gott í gogg-
inn hjá ömmu. Aldrei var manni í
kot vísað, þvílíkar voru traktering-
arnar og helst á ömmu að skilja að
holdafar ættingjanna væri aldrei
nógu gott. Gjarnan var gripið í spil
eða teflt og oft slegið á létta strengi.
Amma var alltaf til í að taka þátt í
smá spaugi og ófá eru gullkornin
sem hrutu af vörum hennar. Þannig
minnumst við hennar helst, hlæj-
andi með spaugyrði á vörum.
Elsku amma, þakka þér fyrir all-
ar góðu samverustundirnar sem við
áttum með þér. Minning þín lifir í
hjörtum okkar.
Guðbjörg og Guttormur.
Þá er hún elsku Þórína mín farin
frá okkur, 92 ára. Mig langar að
minnast afasystur minnar í örfáum
orðum. Ég á margar minningar um
góðar samverustundir með Þórínu
frá því þau hjónin hún og Björn
bjuggu í blokkinni í Útgarði, Ár-
skógunum og Lagarásnum. Þessi
heimili voru alltaf einstaklega
snyrtileg og andrúmsloftið fullt af
hlýju og væntumþykju. Hún var
mjög gestrisin og á meðan hún
mögulega gat bakaði hún til að eiga
með kaffinu og alltaf var henni efst í
huga þegar maður kom að heim-
sækja hana hvort hún gæti ekki gef-
ið eitthvað að borða. Það voru alltaf
falleg blóm hjá Þórínu, hún hafði
gífurlegan áhuga á garðrækt og
hafði einstaklega fallegan garð þeg-
ar þau Björn bjuggu á Ketilstöðum
og það hefur eflaust verið eitt af
mörgu sem hún saknaði þaðan. Þór-
ína var góð manneskja, móðureðlið
var sterkt í henni og umhyggja
hennar var mikil gagnvart fjöl-
skyldunni og þeim sem hún um-
gekkst. Hún var dugleg og nú síðast
um páskana þegar ég hitti hana
gekk hún upp tröppur heima hjá
dóttur sinni, það þótti mér vel af sér
vikið af svo háaldraðri manneskju.
Hún hélt húmornum alla tíð og var
ótrúlega fljót að svara vel og
skemmtilega fyrir sig. Eitt sinn var
hún á gangi með hjúkrunarkonu,
þar sem verið var að þjálfa hana.
Hjúkrunarkonan spurði hvort hún
gæti ekki tekið aðeins stærri skref
en Þórína svaraði um hæl: „getur þú
ekki tekið aðeins minni skref sjálf?“
Það var svo stutt í brosið og hlát-
urinn. Ég er því þakklát að hafa
fengið að kynnast Þórínu, svo minn-
isstæðum karakter. Hún sagði við
mig núna um páskana að ég væri
mikið ljós, við urðum ásáttar um að
ég væri unga ljósið og hún væri
gamla ljósið. Nú er Þórína í stóra
ljósinu.
Með þakklæti,
Herdís.
ÞÓRÍNA
SVEINSDÓTTIR
Handrit afmælis- og minningargreina skulu
vera vel frá gengin, vélrituð eða tölvusett.
Sé handrit tölvusett er æskilegt, að disk-
lingur fylgi útprentuninni. Auðveldust er
móttaka svokallaðra ASCII-skráa, öðru
nafni DOS-textaskrár. Ritvinnslukerfin
Word og Wordperfect eru einnig auðveld í
úrvinnslu. Senda má greinar til blaðsins í
bréfasíma 569 1115, eða á netfang þess
(minning@mbl.is) — vinsamlegast sendið
greinina inni í bréfinu, ekki sem viðhengi.
Nánari upplýsingar má lesa á heimasíðum.
Það eru vinsamleg tilmæli að lengd greina
fari ekki yfir eina örk A-4 miðað við með-
allínubil og hæfilega línulengd – eða 2.200
slög. Höfundar eru beðnir að hafa skírnar-
nöfn sín en ekki stuttnefni undir greinunum.
RAÐAUGLÝSINGAR
NAUÐUNGARSALA
Uppboð
Uppboð mun byrja á skrifstofu embættisins á Bjólfsgötu 7,
Seyðisfrði, sem hér segir á eftirfarandi eign:
Austurvegur 3, Seyðisfirði, þingl. eig. Hótel Seyðisfjörður ehf., gerðar-
beiðendur Kaupfélag Eyfirðinga, Sparisjóður Hafnarfjarðar, sýslu-
maðurinn á Seyðisfirði og Tryggingamiðstöðin hf., miðvikudaginn
3. júlí 2002 kl. 14.00.
Sýslumaðurinn á Seyðisfirði,
28. júní 2002.
Nauðungarsala
Uppboð munu byrja á skrifstofu embættisins, Suðurgötu
1, Sauðárkróki, fimmtudaginn 4. júlí 2002, kl. 14.00, á eftir-
töldum eignum:
Skuggabjörg, Sveitarfélaginu Skagafirði, þingl. eign Sigríðar Jóhanns-
dóttur, gerðarbeiðandi er Lífeyrissjóður Norðurlands.
Vélaverkstæði, Ljótsstöðum, Sveitarfélaginu Skagafirði, talin eign
Trausta Fjólmundarsonar, gerðarbeiðendur eru Verkfærasalan ehf.,
Bændasamtök Íslands og Sandblástur og málmhúðun.
Sýslumaðurinn á Sauðárkróki,
27. júní 2002.
SMÁAUGLÝSINGAR
KENNSLA
Ungbarnanudd
Námskeið fyrir for-
eldra ungbarna byrj-
ar fimmtudaginn 4.7
kl. 13.00. Báðir for-
eldrar velkomnir.
Sérmenntaður kenn-
ari með yfir 12 ára reynslu.
Uppl. og innritun á Heilsusetri
Þórgunnu, Skipholti 50c, símar
896 9653, 552 1850 og 562 4745.
FÉLAGSLÍF
Sunnudagur 30. júní.
Klóarvegur milli Grafnings
og Hveragerðis. Forn þjóð-
leið. Afmælisganga. Munið
stimpilinn. 12 km leið, 5—6
klst. ganga. Brottför frá BSÍ kl.
10.30, komið við í Mörkinni 6.
Fararstjóri Björn Pálsson héraðs-
skjalavörður í Hveragerði.
Verð kr. 1.700/2.000.
Miðvikudagur 3. júlí.
Kvöldganga á Keili/Höskuld-
arvellir — Spákonuvatn —
Lækjarvellir. Brottför frá BSÍ kl.
19.30, komið við í Mörkinni 6.
Nokkur sæti laus í sumar-
leyfisferð til Grænlands
g í Svarfaðardal.
Munið fjölskylduferð í Þórs-
mörk 5.—7. júlí. Leikir, grill,
gönguferðir o.fl. Ganga yfir
Fimmvörðuháls sömu helgi.
Skráið ykkur tímanlega.
www.fi.is og bls. 619 í textavarpi
RUV.
30. júní
Í kringum Hvalvatn
Brottför frá BSÍ kl. 08:30. Verð kr.
1.700/1.900. Fararstjóri: Steinar
Frímannsson.
3. júlí
Trölladyngja
(Útivistarræktin)
Brottför á eigin bílum kl. 18:30
frá skrifstofu Útivistar.
Ekkert þátttökugjald.
5.—7. júlí
Fimmvörðuháls
(næturganga)
Brottför frá BSÍ kl. 17:00. Verð kr.
8.700/10.200 (í skála í Básum),
kr. 8.200/9.700 (í tjaldi í Bás-
um). Fararstjóri: Ingibjörg Ei-
ríksdóttir.
5.—7. júlí
Básar á Goðalandi
Helgarferð í Bása. Brottför frá
BSÍ kl. 17:00. Verð kr. 7.100/8.300
í skála, kr. 6.300/7.300 í tjaldi.
6.—7. júlí
Norðurárdalur – Hvítársíða
Brottför frá BSÍ kl. 8:30.
Verð kr. 7.200/8.200.
6. júlí
Eiríksjökull
Brottför kl. 8:00 frá BSÍ. Verð kr.
4.100/4.700. Fararstjórar: Hall-
grímur Kristinsson og Gunnar
Hólm Hjálmarsson.
6.—7. júlí
Fimmvörðuhálsganga
Brottför frá BSÍ kl. 8:30.
Verð kr. 7.700/9.200.
6.—10. júlí
Hesteyri — Aðalvík
Brottför frá Ísafirði kl. 9:00. Verð
kr. 16.900/19.900. Fararstjóri:
Guðmundur Gunnarsson.
7. júlí
Esjuganga (E-5) Þverfellshorn
og fram á Blikdalsbrúnir
Brottför frá BSÍ kl. 10:30. Verð kr.
1.500/1.700. Fararstjóri: Tómas
Þ. Rögnvaldsson.

Sveinstindur — Skælingar
Brottför frá BSÍ kl. 8:00. Verð kr.
19.400/22.600. Fararstjóri: Vignir
Jónsson. UPPSELT.
mbl.is
ATVINNA