Morgunblaðið - 29.06.2002, Blaðsíða 14
SUÐURNES
14 LAUGARDAGUR 29. JÚNÍ 2002 MORGUNBLAÐIÐ
BÆJARYFIRVÖLD í Grindavík
taka vel í hugmynd einstaklinga
sem hafa áhuga á að byggja yfir-
byggða skíðabrekku í hlíðum fjalls-
ins Þorbjarnar. Verið er að vinna að
hagkvæmniathugun framkvæmdar-
innar. Ætlunin er að höfða til ferða-
fólks og skíðafólks.
Sævar Geirsson, tæknifræðingur
á Verkfræðistofunni Hamraborg, og
Þorbjörn Tjörvi Stefánsson rekstr-
arhagfræðingur hafa spurst fyrir
um lóð í norðvesturhlíðum fjallsins
Þorbjarnar til að byggja þar hús
með skíðabrekku.
Nálægð við ferðamannastað
er talin æskileg
Þorbjörn Tjörvi segir að áhuga-
samir aðilar, annar erlendur og hinn
innlendur, hafi komið inn á Verk-
fræðistofuna Hamraborg og beðið
um athugun á málinu. Hann segist
hafa unnið áður með Sævari, eig-
anda verkfræðistofunnar, og hafi
tekið að sér að kanna rekstrarfor-
sendur þessa verkefnis. Í bréfi
þeirra sem lagt hefur verið fram í
bæjarráði Grindavíkur kemur fram
að niðurstöðu athugunarinnar sé að
vænta í sumar og reynist hún já-
kvæð muni umbjóðandi þeirra
leggja fram formlega umsókn um
lóð.
Hugmyndirnar ganga út á það að
byggja hús með þremur skíðabraut-
um, aðalbrautin yrði tæplega 200
metrar í upphafi, með möguleika til
lengingar um 50 metra, og 30 metra
breið, auk 110 metra langrar æf-
ingabrautar og 90 metra snjóbretta-
svæðis, auk þjónustuhúss og bíla-
stæða.
Gert er ráð fyrir því að þarna
verði vélframleiddur snjór og hon-
um haldið við með þriggja gráðu
frosti með sömu aðferðum og í
frystiklefa. Þá verður komið fyrir
skíðalyftu í húsinu. Byggingar-
kostnaður er áætlaður um 400 millj-
ónir kr. Hugmyndin er að ferðafólk
jafnt og keppnisfólk geti farið þarna
á skíði alla daga ársins.
Þorbjörn Tjörvi segir að ýmsir
staðir hafi komið til athugunar,
meðal annars í höfuðborginni.
Æskilegt hafi verið talið að byggja
slíkt hús í fjallshlíð, til þess að unnt
væri að ná nauðsynlegum halla í
brautirnar án þess að vera með háar
súlur, og nærri fjölsóttum ferða-
mannastað til að auka líkur á að-
sókn. Því hafi verið staldrað við
Grindavík og haft samband við bæj-
aryfirvöld. Þorbjörn Tjörvi tekur
fram að framhaldið ráðist af niður-
stöðum hagkvæmniathugunar.
Hann lætur þess getið að málið hafi
verið kynnt fyrir forystumönnum í
íþróttahreyfingunni.
Ómar Jónsson, formaður bæjar-
ráðs Grindavíkur, segir að hug-
myndin sé að koma þessari aðstöðu
upp í suðvesturhlíðum Þorbjarnar,
vestan við nýja veginn sem liggur
frá Grindavík um Lágafell og að
Bláa lóninu. Þetta sé um það bil
miðja vegu milli Grindavíkur og
Bláa lónsins. Á sama svæði sé
áformað að skipuleggja sumarhúsa-
og smáhýsabyggð. Svæðið telst til
varnarsvæða en þar sem varnarliðið
á Keflavíkurflugvelli er hætt að nota
það hefur Grindavíkurbær nú
ákveðið að leita formlega eftir því
við varnarmálaskrifstofu utanríkis-
ráðuneytisins að landinu verði skil-
að og að Grindavíkurbær fái að ráð-
stafa því.
Spennandi verkefni
Ómar segir að verkefnið sé mjög
spennandi og ef það yrði að veru-
leika myndi það styrkja ferðaþjón-
ustuna sem bæjaryfirvöld legðu
áherslu á að byggja upp. „Ferðafólk
getur þá komið með skíðagallann og
sundskýluna, baðað sig í Bláa lón-
inu, farið á skíði, skoðað saltfisksýn-
inguna og notið annarrar þjónustu
sem hér er boðið upp á,“ segir
Ómar. Hann telur að vilji sé fyrir því
í bæjarstjórn Grindavíkur að styðja
við bakið á verkefninu með því að
láta aðstandendum þess í té lóð fyrir
húsin.
Bæjaryfirvöld taka vel í erindi tveggja ráðgjafa
Vilja gera yfirbyggða
skíðabrekku í Þorbirni
Grindavík
HITAVEITA Suðurnesja hf. og
Orkuveita Reykjavíkur hafa fengið
rannsóknarleyfi vegna jarðhitans í
Brennisteinsfjöllum en hvorugt fyr-
irtækið fær forgang að nýtingu
þeirrar orku sem rannsóknir kunna
að leiða í ljós að sé vinnanleg.
Brennisteinsfjöll eru norðaustan
Krýsuvíkur, við eða á sýslumörkum
Gullbringusýslu og Árnessýslu.
Hitaveita Suðurnesja óskaði eftir því
skriflega við iðnaðarráðuneytið fyrir
rúmum tveimur árum að fá rann-
sóknarleyfi á háhitasvæðinu þar og
var í því efni nokkrum mánuðum á
undan Orkuveitu Reykjavíkur. Er-
indið hefur verið ítrekað nokkrum
sinnum og hefur Hitaveitan nú feng-
ið svar, að því er fram kemur í
Fréttaveitunni, fréttabréfi fyrirtæk-
isins. Samkvæmt því fær Hitaveita
Suðurnesja rannsóknarleyfi, ásamt
Orkuveitu Reykjavíkur, en hvorugt
fyrirtækið fær forgang að nýtingu.
Hugsanleg tengsl
Albert Albertsson, aðstoðarfor-
stjóri Hitaveitunnar, segir að Hita-
veitan eigi samstarf við Hafnarfjarð-
arbæ, Garðabæ og Bessastaðahrepp
um rannsóknir á Trölladyngjusvæð-
inu og við Hafnarfjarðarbæ um
Krýsuvíkursvæðið. Háhitasvæðið í
Brennisteinsfjöllum liggi ekki langt
frá þessum svæðum og þótt margir
telji að á þeim séu sjálfstæð jarð-
hitakerfi sýni reynslan að ekki sé
hægt að fullyrða hvort tengst séu
milli þeirra og hversu neðarlega
nema með rannsóknum og vinnslu.
Slíkt hafi til dæmis komið í ljós varð-
andi Svartsengi og Eldvörp, svæði
sem fyrirfram hafi verið talin hafa
sjálfstæð jarðhitakerfi. Segir Albert
að Hitaveitan og umrædd sveitar-
félög telji því eðlilegt að rannsóknir
og nýting þessarra þriggja svæða
séu sem mest á hendi eins aðila, hver
svo sem hann sé.
Í bréfi ráðuneytisins er vakin at-
hygli á því að umsækjendur geti
sameinast um beiðni um að fá fyr-
irheit um forgang að nýtingarleyfi
og að ráðuneytið tæki slíka beiðni til
sjálfstæðrar skoðunar. Albert segist
skilja þessi orð þannig að verið sé að
hvetja orkuveiturnar tvær til að
sameinast um að sækja um nýting-
arleyfi og segir að slík afgreiðsla
hljóti að vekja furðu.
Orkuveita Reykjavíkur er að bora
á Hellisheiði en Albert telur að það
svæði sé svo langt í burtu að mun
minni líkur séu á tengslum þess við
Brennisteinsfjallasvæðið. Í þessu
sambandi getur hann þess að Hita-
veita Suðurnesja hafi á sínum tíma
afþakkað boð um jarðhitaréttindi á
spildum á Hellisheiði, vegna hættu á
að þau tengdust svæðum Orkuveitu
Reykjavíkur.
Fram kemur hjá Júlíusi Jónssyni,
forstjóra Hitaveitunnar, í fréttabréf-
inu, að næstu vikur verði notaðar til
að kanna hvernig bregðast eigi við
því vonlaust sé að tveir aðskildir að-
ilar verji hundruðum milljóna til
rannsókna á sama svæðinu án þess
að hafa vilyrði fyrir því að jákvæðar
niðurstöður leiði til nýtingarleyfis.
Ekki vilyrði um
forgang að nýtingu
Brennisteinsfjöll
ÍBÚAR við Gónhól í Njarðvík
hafa óskað eftir því að gatan
Bolafótur verði lögð bundnu
slitlagi og ýmsar aðrar lagfær-
ingar gerðar á nánasta um-
hverfi þeirra. Bæjarráð
Reykjanesbæjar hefur falið
bæjarstjóra verkefnið.
Tuttugu íbúar við Gónhól og
tveir við Holtsgötu skrifa undir
bréf til bæjarins þar sem gerð-
ar eru athugasemdir við nán-
asta umhverfi þeirra og óskað
úrbóta. Þar er meðal annars
farið fram á að lagt verði bund-
ið slitlag á Bolafót. Fram kem-
ur að rykmökk leggur af göt-
unni yfir hús fólksins og
smýgur um allt og ekki þýðir að
reyna að hengja út þvott. Telur
fólkið einnig nauðsynlegt að
hindra hraðakstur um götuna
og ýmsar akstursæfingar sem
þar eru stundaðar til að draga
úr slysahættu vegna þess að
börn séu oft að leik á svæðinu.
Tré með sláttuvörn
Íbúarnir biðja um að göngu-
stígur frá Bolafæti og upp á
Gónhól verði lagfærður og
ræktaðar upp aspir á norðan-
verðum hólnum, þar sem áður
hafi verið 3–4 metra há tré, en
tekið fram að í þetta sinn þurfi
þau að vera með sláttuvörn.
Gerðar eru athugasemdir við
fleiri atriði, til dæmis varðandi
breytingar á útsýni yfir Bolafót
og rekstur gáma-, palla- og
kamargeymslu með tilheyrandi
umferð allan sólarhringinn.
Að síðustu taka íbúarnir upp
sígilt umræðuefni Njarðvík-
inga með því að vekja athygli á
flugi yfir Njarðvík, segja að oft
og tíðum sé flogið þar yfir að
nauðsynjalausu.
Íbúar við Gónhól
kvarta til bæjarins
Vilja bund-
ið slitlag á
Bolafót
NjarðvíkHÚSNÆÐISFÉLAGIÐ Búmenn af-
henti í gær sex íbúðir til fé-
lagsmanna sinna í Garði. Er þar
með flutt í tíu Búmannaíbúðir í
Garðinum og átján á Suðurnesjum í
heild og annar eins fjöldi eða fleiri
er í byggingu eða á undirbúnings-
stigi.
Húsnæðisfélagið Búmenn er með
öfluga deild á Suðurnesjum, er
deildin sú næstfjölmennasta á land-
inu. Ásgeir Hjálmarsson, formaður
deildarinnar, segir að fyrir tveimur
árum hafi verið ákveðið að byggja
tíu íbúðir í Garði, fjórar hafi verið
afhentar fyrir tæpu ári og sex til
viðbótar við Kríuland í gær. Ásgeir
segir að félagið stefni að því að
byggja tíu íbúðir til viðbótar í sama
hverfi. Verktakinn hafi nú þegar
steypt upp fjórar en frekari fram-
kvæmdir bíði eftir lánsloforði
Íbúðalánasjóðs. Þá er hugmyndin
að byggja þjónusturými fyrir hverf-
ið, með sama fyrirkomulagi, í sam-
vinnu við Gerðahrepp. Þorgrímur
Stefánsson, byggingastjóri Bú-
manna, segir að fólkið eldist með
húsunum og því sé eðlilegt að huga
að þjónustu fyrir það. Þar gæti orð-
ið lágmarksaðstaða í upphafi en
þjónustan síðan aukist eftir þörfum
fólksins í hverfinu.
Byggt í Sandgerði,
Grindavík og Vogum
Búmenn eru búnir að afhenda
átta íbúðir í Sandgerði og hafa
fengið lánsloforð fyrir fjórum til
viðbótar. Fjórar íbúðir eru í bygg-
ingu í Grindavík og verða þær af-
hentar eigendum í haust og verið er
að byggja fjórar í viðbót á staðnum
þótt lánsloforð Íbúðalánasjóðs hafi
enn ekki fengist. Í Vogum hefur
fengist lánsloforð fyrir tíu íbúðum
og verða þær auglýstar í haust, að
sögn Daníels Hafsteinssonar fram-
kvæmdastjóra Búmanna. Eins og er
eru engin áform um byggingu húsa
fyrir Búmenn í Reykjanesbæ, lang-
stærsta sveitarfélaginu á Suður-
nesjum.
Búmenn er húsnæðisfélag fyrir
fólk yfir fimmtugt. Félagsmenn
kaupa sér búseturétt í íbúðunum
með kaupum á ýmist 10% eða 35%
byggingarkostnaðar. Afganginn
lánar Íbúðalánasjóður Búmönnum.
Íbúarnir greiða síðan rekstrar-
kostnað og húsaleigu sem sam-
svarar vöxtum og afborgunum af
lánum Íbúðalánasjóðs með jöfnum
mánaðarlegum afborgunum til Bú-
manna.
Þeir sem kaupa sér búseturétt
eru margir að minnka við sig hús-
næði en hluti fólksins er einnig að
láta drauminn loksins rætast, að
komast í gott húsnæði, að því er
Þorgrímur segir. Öll hús Búmanna
eru með góðu aðgengi, fáum þrösk-
uldum og breiðum dyrum, svo fólk
á að geta búið lengi í þeim. Með
þeim íbúðum sem Búmenn afhentu í
Garðinum í gær eru 128 Búmanna-
íbúðir í notkun á landinu öllu.
Ekki áhugi í
Reykjanesbæ
Ásgeir segir að ekki sé lát á
ásókn fólks að komast í íbúðir hjá
Búmönnum í Garði og segir hann
mikilvægt að halda áfram upp-
byggingunni. „Það er svo gott að
eiga heima hér og húsin eru vönd-
uð,“ segir hann spurður um ástæð-
una fyrir því og bætir því við að
fjarlægðirnar skipti minna máli en
áður. Fólk geti búið í Garðinum og
unnið hvar sem er á Suðurnesjum.
Nefnir hann að í tvær íbúðirnar
sem afhentar voru í gær hafi flutt
fólk sem lengi hafi verið búsett í
Keflavík.
Margir félagsmenn Búmanna eru
búsettir í Reykjanesbæ en þar eru
ekki áform um uppbyggingu. Segja
forsvarsmenn félagsins nauðsyn-
legt að bæjaryfirvöld á hverjum
stað séu velviljuð uppbyggingu af
þessu tagi, meðal annars þurfi fé-
lagið að eiga kost á lóðum á góðum
stöðum. Mikill áhugi hafi komið
fram hjá stjórnendum minni sveit-
arfélaganna á Suðurnesjum að
bjóða þennan valkost á stöðunum
og því hafi verið ráðist í verkefni
þar. Minni áhugi hafi reynst vera
hjá yfirvöldum í Reykjanesbæ og
því hafi félagið dregið sig í hlé þar
þótt margir áhugasamir fé-
lagsmenn í Búmönnum séu búsettir
þar.
Bragi Guðmundsson bygg-
ingameistari í Garði hefur byggt öll
húsin fyrir Búmenn í Garði. Íbúð-
irnar eru í parhúsum sem eru
fullfrágengin að innan jafnt sem
utan.
Húsnæðisfélagið Búmenn afhendir sex fjölskyldum nýtt húsnæði
Morgunblaðið/Helgi Bjarnason
Við athöfn í bílskúr eins hússins afhenti Bragi Guðmundsson byggingameistari eigendum nýju Búmannaíbúð-
anna í Garði blómvendi frá fyrirtækinu og öllum iðnaðarmönnunum sem komu að byggingu húsanna.
Ekkert lát á ásókn í íbúðir
Garður