Morgunblaðið - 29.06.2002, Blaðsíða 29
MENNTUN
MORGUNBLAÐIÐ LAUGARDAGUR 29. JÚNÍ 2002 29
Í sumar starfa og dvelja á Ís-landi um það bil hundrað ung-menni frá Norðurlöndunum ávegum Nordjobb. Einn frá
Álandseyjum, einn Grænlendingur,
níu Norðmenn, tíu Danir, 34 Svíar og
42 Finnar. Flest starfa þau um tvo til
þrjá mánuði hér, t.d. í bönkum, póst-
húsum eða á sjúkrahúsum, bónda-
bæjum eða við ýmiskonar útistörf.
Markmiðið með Nordjobb er að
styrkja norræna samvinnu og að ný
kynslóð fái að kynnast frændþjóðun-
um og styrkja skilning sinn á nor-
rænni tungu. Lítil hætta er á að ung-
mennunum í Nordjobb leiðist því
jafnframt vinnunni er boðið upp á
tómstundastarf og nokkur námskeið.
Áhersla er lögð á að þátttakendur
kynnist íbúum og menningu landsins
og myndi framtíðarsamband við það.
Tungumálanámskeið
Nordjobb á að stuðla að aukinni
tungumálakunnáttu þátttakenda, og
verða þátttakendur að geta gert sig
skiljanlega á einu af skandinavísku
tungumálunum: dönsku, norsku eða
sænsku. Þekkingar á öðrum norður-
landamálum, íslensku, færeysku,
grænlensku og finnsku, er ekki kraf-
ist. Nordjobb stendur að auki fyrir
stuttum tungumálanámskeiðum um
sumarið. Liðna helgi var tveggja
daga námskeið í íslensku á vegum
Nordjobb haldið í Hagaskóla og voru
53 á því, Sigríður Nanna Heimisdótt-
ir (Sigga Nanna) hannaði námskeiðið
og kenndi það. Hún er umsjónar- og
dönskukennari í Vesturbæjarskóla í
Reykjavík.
Námskeiðið er fyrst og fremst
byggt upp í kringum hugmyndina
um hagnýta íslensku.
„Veraldarvefur“, hvað er það, spyr
Sigga Nanna hópinn. Vissulega und-
arlegt orð, en einn nemandi segir:
„Internet“. Kennarinn fer yfir ým-
iskonar hagnýt orð: „Eigum við að
hittast?“ og eitthvað um að ferðast,
versla og loks ber sund á góma.
„Syndir þú oft?“ spyr hún einn, en
þar sem margir Svíar eru í salnum er
hlegið. Hvers vegna spyr hún um
syndir hans?
Íslendingar ætla svo margt
Næst eru sett upp dæmi um
hvernig maður bjargi sér í matvöru-
verslun, hvað árangursríkt sé að
segja við kjötborðið og hvað ávext-
irnir heita.
Námskeiðið hófst snemma á laug-
ardeginum þar sem nemendur
kynntu sig og gerðu nokkrar talæf-
ingar. Þeir fengu svo örstutt íslenskt
menningar- og sögulegt yfirlit.
„Íslensku orðin eru ekki framandi
nema fyrir Finna og Grænlendinga
sem hér eru,“ segir Sigga Nanna,
„en það er mikilvægt að æfa notkun á
t.d. sögninni ætla.“
Íslendingar ætla svo margt, þeir
ætla í bíó, í mat, í bæinn eða hvaðeina
annað og því er hagnýtt að kunna
notkun sagnarinnar. Á námskeiðinu
eru helstu þættir íslenskrar mál-
fræði kynntir.
Einn kaflinn fjallar svo um kveðj-
ur og almenna kurteisi: „Hvernig
hefur þú það?“ „Bara gott, en þú?“
„Hvað má bjóða þér?“ „Ég ætla að
fá … “. Og þannig hélt námskeiðið
áfram með það markmið að bæta
orðaforða nemenda og hjálpa þeim
til að bjarga sér í íslensku samfélagi.
Blaðamaður spjallaði við nokkra
nemendur og virtust þeir vera
ánægðir og framburður þeirra var
oft mjög góður. Einnig var lærdóm-
urinn strax kominn í notkun í mat-
arhléum.
Á námskeiðinu var einnig farið í
ýmsa tal- og hlutverkaleiki og spil,
og því lauk með ratleik um Reykja-
vík og eftir hann var hist á kaffihúsi
til að kveðjast og heiðra sigurvegar-
ana í ratleiknum.
Nordjobb á Íslandi
Nordjobb virðist vera áhrifarík
starfsemi. Virpi Jokinen er verkefn-
isstjóri Nordjobb á Íslandi, og segir
hún að Norrænu félögin í hverju
landi fyrir sig sjái um að útvega
vinnu og húsnæði, aðstoða vinnuveit-
endur við ráðningu starfsmanna og
sjá um tómstundadagskrána auk
þess að leysa ýmis praktísk atriði.
Nordjobb er rekið með styrk frá
Norrænu ráðherranefndinni, en fær
að auki styrki frá vinnuveitendunum,
ýmsum sjóðum og stofnunum.
Norræna félagið á Íslandi var
stofnað árið 1922, og er markmið fé-
lagsins að efla norrænt samstarf,
einkum í félags-, menningar- og um-
hverfismálum, og að miðla þekkingu
um norræna menningu og tengja
fólk og lönd. Í Norræna félaginu
starfa 27 deildir um allt land, þar á
meðal sérstök ungmennadeild, en
meðlimir hennar eru margir fyrrver-
andi Nordjobbarar.
NORDJOBB/ Markmiðið með Nordjobb er að styrkja norræna samvinnu og að ný kynslóð fái að kynnast frænd-
þjóðunum og styrkja skilning sinn á norrænni tungu. Um liðna helgi sat Gunnar Hersveinn námskeið í hagnýtri
íslensku sem Sigríður Nanna Heimisdóttir hannaði og kenndi. Á það mættu einnig 53 nordjobbarar.
Að bjarga
sér á íslensku
U.þ.b. hundrað ungmenni starfa
hér í sumar á vegum Nordjobb.
Um liðna helgi sátu mörg þeirra
hagnýtt íslenskunámskeið.
„Hvernig hefur þú það?“ „Ágætt, takk fyrir, en þú“
Ýmsar óvæntar hliðar orðanna geta skotið upp kollinum í íslensku.
TENGLAR
..............................................
www.nordjobb.net
nordjobb@norden.is
guhe@mbl.is
Morgunblaðið/Jim Smart
Hugmyndin með námskeiðinu er að nemendur verði óhræddir við að
nota íslenskuna til að bjarga sér. Sigríður Nanna kennari.
NORDJOBB er verkefni sem
Norrænu félögin á öllum Norð-
urlöndum standa fyrir.
Nordjobb gefur norrænum
ungmennum á aldrinum 18–25
ára kost á sumarstarfi í öðru
norrænu landi.
Nordjobb-verkefnið hefur
verið starfrækt frá árinu 1985.
Árlega halda hátt í 200 íslensk
ungmenni til starfa á Norður-
löndum og ríflega 100 norræn
ungmenni fá vinnu á Íslandi.
Á Íslandi eru nordjobbarar
að vinna á ýmsum vinnustöðum,
t.d. við garðyrkju, á heimilum
fyrir aldraða, sjúkrahúsum, í
bönkum og á sveitabæjum.
Nordjobb starfar á eftirfar-
andi hátt:
Vinnuveitandinn lætur vita
hvernig starfskrafti hann óskar
eftir.
Nordjobb finnur hentuga
umsækjendur og býður um-
sækjanda starfið í samráði við
vinnuveitanda. Nordjobb sér
um samskiptin við umsækj-
endur.
Nordjobb útvegar húsnæði.
Nordjobb tekur á móti nord-
jobbaranum og er honum innan
handar allt sumarið.
Nordjobb hjálpar til við að
sækja um íslenska kennitölu og
skattkort.
Nordjobb fylgir nordjobb-
aranum til vinnu fyrsta vinnu-
daginn.
Nordjobb býður nordjobb-
aranum og öðrum sem hafa
áhuga á upp á tómstunda-
dagskrá sem felur í sér m.a.
ódýrar ferðir, skemmtikvöld
o.m.fl.
Að ráða nordjobbara í vinnu
er eins og að ráða Íslending í
vinnu.
Það er engin þörf á atvinnu-
leyfi.
Laun, gjöld og hlunnindi eru
reiknuð eins og hjá Íslend-
ingum.
Nordjobbarar reynast vera
áhugasamt og duglegt fólk í
vinnu.
Margir vinnuveitendur leita
til Nordjobb sumar eftir sumar.
Letterstedtska Föreningen
starfar að því að stuðla að sam-
vinnu milli Norðurlanda í list-
um, vísindum og iðnaði.
Félagið er meðal annars með
sjóð, úr honum er úthlutað í nor-
ræn málefni og einnig gefur fé-
lagið út Nordisk Tidskrift. Það
hefur aðsetur í Stokkhólmi í Sví-
þjóð og heimasíðan er
www.letterstedtska.org .
Nordjobb
N
O
N
N
I
O
G
M
A
N
N
I
|
Y
D
D
A
/
s
ia
.i
s
N
M
0
6
7
2
3NÝJAR VÖRUR:
Powerstretch jakki
Verð 8.990 kr.
Flísvesti
Verð 6.490 kr.