Morgunblaðið - 29.06.2002, Blaðsíða 6

FRÉTTIR
6 LAUGARDAGUR 29. JÚNÍ 2002 MORGUNBLAÐIÐ
RÚMLEGA hundrað einstaklingar
eru stofnendur Heimssýnar, þver-
pólitískrar hreyfingar sjálfstæðis-
sinna í Evrópumálum, sem stofnuð
var á fimmtudagskvöld. Samtökin
telja það ekki samrýmast hagsmun-
um Íslendinga að gerast aðilar að
Evrópusambandinu (ESB) og
leggja áherslu á vinsamleg sam-
skipti og víðtæka samvinnu við aðr-
ar þjóðir í Evrópu og heiminum öll-
um.
Má sjá á listanum yfir stofnendur
fylgismenn allra flokka, þó stuðn-
ingsmenn Sjálfstæðisflokks og
Vinstrihreyfingarinnar græns fram-
boðs séu þar mest áberandi. Stein-
grímur Hermannsson, fyrrverandi
forsætisráðherra og formaður
Framsóknarflokksins, er einn stofn-
enda og situr hann í stjórn félags-
ins.
Samskipti við aðra heimshluta
ekki síður mikilvæg
„Skoðanir eru auðvitað mjög
skiptar á ýmsum þjóðmálum í þess-
um hópi en þetta fólk á það sameig-
inlegt að það telur það ekki sam-
rýmast hagsmunum íslensku
þjóðarinnar að við gerumst aðilar að
Evrópusambandinu,“ segir Ragnar
Arnalds, fyrrverandi ráðherra og
formaður samtakanna.
„Þeir sem eru andvígir aðild að
ESB eru stundum sakaðir um að
vera þröngsýnir. Við teljum að það
sé einmitt þröngsýni að mæna bara
á möguleikana í ESB, það sé nær að
líta til allra landa og horfa yfir allan
heiminn. Samskipti okkar og við-
skipti við aðra heimshluta eru ekki
síður mikilvæg. Með því að ganga
inn í ESB værum við að vissu leyti
að loka okkur þar af í tollabandalag-
inu ESB og gætum átt á hættu að
einangrast frá öðrum heimshlutum.
Við óttumst að áhrif Íslendinga
verði þar ákaflega smávaxin og þess
vegna verðum við að halda sjálf-
stæði okkar til að geta horft til allra
átta,“ segir Ragnar.
Ingvi Hrafn Óskarsson, formaður
Sambands ungra sjálfstæðismanna,
sem átti sæti í undirbúningsnefnd-
inni og setti stofnfundinn fyrir hönd
nefndarinnar, segir að mörgum hafi
þótt ákveðin slagsíða í umræðunni
um Evrópumál hér á landi og hafi
því verið ákveðið að stofna samtök
til að afstaða þeirra komi skýrar
fram. Ragnar segir að samtökin
muni fyrst og fremst beita sér að
upplýsingagjöf, enginn vafi leiki á
því að mikil þörf sé á fræðsluefni um
meginkjarna þessa máls. Hann seg-
ir að samtökin muni standa að ráð-
stefnu og vinna að vandaðri úttekt á
þessu máli.
„Þetta er auðvitað langstærsta og
viðamesta mál íslenskra stjórnmála
í dag, mál sem grípur inn í alla þætti
stjórnmálanna má segja,“ segir
Ragnar. Umfram allt sé þetta sjálf-
stæðismál, að ganga inn í ESB þýði
afsal á ýmsum þáttum fullveldisins
og að ákveðin réttindi glatist. „Ég
nefni sem dæmi að við getum ekki
gert viðskiptasamninga við önnur
ríki án milligöngu Evrópusam-
bandsins, samninga um fiskveiðar í
úthafinu og annað í þeim dúr. Sumir
tala um þetta eins og einhverja
þjóðernisrómantík, líkja þessu við
sjálfstæðisbaráttuna en það er nú
bara eðli málsins enda er það við-
urkennt að til þess að ganga í ESB
þyrftum við að breyta stjórnar-
skránni þar sem það felur í sér afsal
fullveldis,“ segir Ragnar.
Ólíklegt að Evrópumálin ráði
úrslitum við stjórnarmyndun
Ingvi Hrafn segist telja ólíklegt
að Evrópumálin muni ráða úrslitum
um stjórnarmyndun eftir næstu
kosningar en nokkuð hefur borið á
ágreiningi formanna stjórnarflokk-
anna hvað Evrópumálin varðar.
„Eins og staðan er í dag er enginn
stjórnmálaflokkur með aðild að
ESB á stefnuskrá sinni og harla
ólíklegt að meirihluti kjósenda muni
kjósa flokk með slíka stefnu,“ segir
hann.
Aðspurður um hvort samtökin
séu mótfallin því að hefja aðildarvið-
ræður til að sjá hvernig samning Ís-
land myndi fá segir Ingvi Hrafn
samtökin ekki hafa sérstaka stefnu
hvað það varðar. Þau vilji standa
fyrir umræðu til að koma á fram-
færi þeim mörgu hliðum sem aðild
að ESB hafi í för með sér, sérstak-
lega þeim slæmu sem ekki hafi mik-
ið verið fjallað um. „Að mínu viti
liggur alveg ljóst fyrir að við gætum
ekki samið okkur frá tilteknum at-
riðum í stefnu sambandsins. Við
munum í mesta lagi fá tímabundna
undanþágu frá þeim. Það liggur fyr-
ir hvað það þýðir til lengri tíma að
vera í ESB. Samningaviðræður og
tiltekinn samningur um aðild eru að
mestu leyti formsatriði varðandi
inngöngu. Það sem við þurfum að
gera upp við okkur er ekki hvort við
viljum einhvern ákveðinn samning
um ESB-inngöngu, því hann mun
ævinlega snúast um það að við
göngum inn í allar reglur sam-
bandsins. Spurningin er fyrst og
fremst hvort við viljum fara inn eða
ekki. Við semjum okkur ekki frá
neinum atriðum í stefnu ESB,“ seg-
ir Ingvi Hrafn.
EES-samningurinn verður
tekinn til endurskoðunar
Hin nýstofnuðu samtök taka held-
ur ekki afstöðu til EES-samnings-
ins. „Það er auðvitað ljóst að EES-
samningurinn kemur til endurskoð-
unar á einhverju stigi og þá verður
það sér mál. Stóra málið er hvort við
ætlum að ganga í ESB eða ekki,“
segir Ragnar sem segir að ESB eigi
á hættu að þróast yfir í sam-
bandsríki Evrópu. Ragnar greiddi
atkvæði gegn EES-samningnum á
sínum tíma, en þá var hann þing-
maður fyrir Alþýðubandalagið.
Ingvi Hrafn segir að þeir sjálf-
stæðismenn, sem eru meðal stofn-
enda samtakanna, styðji EES-
samninginn og vilji byggja á honum
í fyrirsjáanlegri framtíð enda hafi
hann reynst vel. „En teljum aftur á
móti að það séu margir svo miklir
ókostir við það að ganga inn í ESB
að það sé ekki ástæða til að skoða
það í nánustu framtíð.“
Varaformaður samtakanna er El-
ínbjörg Magnúsdóttir fiskverka-
kona, ritari er Páll Vilhjálmsson
blaðamaður og gjaldkeri er Eyþór
Arnalds framkvæmdastjóri. Í stjórn
samtakanna sitja einnig Steingrím-
ur Hermannsson, fyrrv. forsætis-
ráðherra, Sigurður Kári Kristjáns-
son lögmaður og Stefanía
Traustadóttir félagsfræðingur,
Reykjavík.
Í fréttatilkynningu hvetur stjórn
Heimssýnar alla áhugamenn sem
styðja vilja málstað samtakanna að
sækja um aðild að hreyfingunni með
símtali eða bréfi til einhvers fyrr-
nefndra stjórnarmanna eða með því
að senda tölvubréf á netfang sam-
takanna, umsokn@heimssyn.is.
Þverpólitísk samtök sjálfstæðissinna í Evrópumálum, Heimssýn, stofnuð
Samrýmist ekki hags-
munum Íslendinga að
gerast aðilar að ESB
Morgunblaðið/Golli
Andstæðingar aðildar að Evrópusambandinu, úr öllum flokkum, hafa
stofnað þverpólitísk samstök sem hafa það sem aðalmarkmið að berjast
gegn aðild Íslands að Evrópusambandinu. Ingvi Hrafn Óskarsson, for-
maður SUS, og Ragnar Arnalds, fyrrverandi ráðherra, tóku þátt í und-
irbúningi stofnunar samtakanna sem Ragnar er formaður fyrir.
RÚMLEGA eitthundrað einstaklingar rituðu
nafn sitt undir ávarp sem lagt var fram við
stofnun samtakanna. Þeir eru úr öllum stjórn-
málaflokkunum fjórum þó sjálfstæðismenn og
félagsmenn úr Vinstrihreyfingunni grænu
framboði séu þar mest áberandi. Ávarpið fer
hér á eftir:
„Íslendingar hafa á tæpri öld fest sig í sessi
sem sjálfstæð þjóð með öflugt atvinnu- og
menningarlíf þar sem velferð þegnanna er
tryggð. Einstakur árangur fámennrar þjóðar
væri óhugsandi nema fyrir það afl sem felst í
sjálfstæðinu. Við undirrituð leggjum áherslu á
vinsamleg samskipti og víðtæka samvinnu við
aðrar þjóðir í Evrópu og heiminum öllum en
teljum það ekki samrýmast hagsmunum Ís-
lendinga að gerast aðilar að Evrópusamband-
inu. Við hvetjum til opinnar umræðu um Evr-
ópu- og alþjóðasamstarf á þessum grunni og
höfum stofnað samtök sem bera heitið Heims-
sýn, hreyfing sjálfstæðissinna í Evrópumál-
um.“
Stofnfélagar eru:
Aðalsteinn Sigurðsson, fiskifræðingur
Andrés Rúnar Ingason, tæknimaður
Anna Ólafsdóttir Björnsson, sagnfræðingur/
hugbúnaðarprófanir
Ari Trausti Guðmundsson, jarðfræðingur
Arna Hauksdóttir, BA í sálfræði
Axel Kárason, nemi
Árni Bergmann, rithöfundur
Árni Gunnarsson, framkvæmdastjóri og vara-
þingmaður
Ármann Jakobsson, íslenskufræðingur
Benedikt Davíðsson, fv. forseti ASÍ
Birna Lárusdóttir, forseti bæjarstjórnar Ísa-
fjarðar
Bjarni Harðarson, ritstjóri
Bjarni Ragnar Brynjólfsson, verkfræðingur
Björg Einarsdóttir, rithöfundur
Björgvin Guðmundsson, formaður Heimdallar
Björn S. Stefánsson, dr. scient
Brynja Benediktsdóttir, leikari og leikstjóri
Brynjólfur Bjarnason, forstjóri
Bubbi Morthens, tónlistarmaður
Drífa Snædal, viðskiptafræðinemi
Einar Guðfinnsson, alþingismaður
Einar Laxness, sagnfræðingur
Elfar Aðalsteinsson, forstjóri
Elínbjörg Magnúsdóttir, fiskverkakona
Elma Guðmundsdóttir, blaðamaður
Elva Dögg Melsted, íslenskunemi
Erpur Þ. Eyvindarson, myndlistar- og tónlist-
armaður
Eyjólfur Eysteinsson, útsölustjóri
Eyrún Ingibjörg Sigþórsdóttir, framkvæmda-
stjóri
Eyþór Arnalds, framkvæmdastjóri
Gestur Svavarsson, íslenskufræðingur
Gísli Hauksson, hagfræðingur
Grímur Atlason, verkefnisstjóri
Grímur Hákonarson, kvikmyndagerðarmaður
Guðlaugur Þór Þórðarsson, borgarfulltrúi
Guðmundur H. Garðarsson, fyrrverandi al-
þingismaður
Guðmundur Hallvarðsson, alþingismaður
Guðný Halldórsdóttir, kvikmyndagerðarmað-
ur
Guðríður Sigurðardóttir, starfsþróunarstjóri
Guðrún Agnarsdóttir, læknir
Guðrún Hallgrímsdóttir, verkfræðingur
Guðrún Helgadóttir, rithöfundur
Guðrún Jónsdóttir, félagsráðgjafi
Gunnar Sæmundsson, varaform. Bændasam-
taka Íslands
Gunnarr Håkansson, nemi
Gunnlaugur Sævar Gunnlaugsson, fram-
kvæmdastjóri
Halldór Brynjúlfsson, bifreiðarstjóri
Hannes Hólmsteinn Gissurarson, prófessor
Haukur Ómarsson, framkvæmdastjóri
Haukur Þór Hauksson, formaður Samtaka
verslunarinnar
Helga Árnadóttir, tölvunarfræðinemi
Helga Vala Helgadóttir, leikkona/dagskrár-
gerðarmaður
Hinrik Kristjánsson, útgerðarmaður
Hjörleifur Guttormsson, náttúrufræðingur
Hjörtur J. Guðmundsson, sagnfræðinemi
Hrafn Gunnlaugsson, kvikmyndagerðarmaður
Hreinn Loftsson, hæstaréttarlögmaður
Hörður Guðbrandsson, bæjarfulltrúi
Hörður Ingimarsson, fv. bæjarfulltrúi
Illugi Gunnarsson, hagfræðingur
Ingibjörg Lind Karlsdóttir, íslenskunemi
Ingibjörn Árnason, nemi
Ingvar Gíslason, fyrrverandi menntamálaráð-
herra
Ingvi Hrafn Óskarsson, formaður SUS
Jakob Jakobsson, fyrrv. forstjóri Hafrann-
sóknarstofnunar
Jóhann Ísberg, ljósmyndari
Jóhannes Snorrason, flugmaður
Jóhannes Þorleifsson, nemi
Jón Bjarnason, alþingismaður
Jón Einarsson, lögfræðingur
Jónmundur Guðmarsson, bæjarstjóri
Karolína Einarsdóttir, nemi
Kjartan Ólafsson, fv. ritstjóri
Kolbrún Halldórsdóttir, alþingismaður
Konráð Gíslason, fyrrverandi kennari
Kristinn Pétursson, framkvæmdastjóri
Kristján Ísfeld, verkstjóri
Kristján Ra, framkvæmdastjóri
Kristján Þór Júlíusson, bæjarstjóri
Logi Þormóðsson, fiskvinnslumaður
Magnús Gunnarsson, viðskiptafræðingur
Margrét Guðmundsdóttir, námsráðgjafi
Matthías Björnsson, fv. loftskeytamaður
Orri Hauksson, verkfræðingur
Ólafur B. Thors, framkvæmdastjóri
Óskar Magnússon, forstjóri
Páll Vilhjálmsson, blaðamaður
Ragnar Arnalds, rithöfundur
Pétur Hafliði Marteinsson, knattspyrnumaður
Ragnar Böðvarsson, ættgreinir
Rósmundur Ingvarsson, fræðimaður
Salome Þorkelsdóttir, fyrrverandi forseti Al-
þingis
Signý Ormarsdóttir, menningarfulltrúi
Sigríður Gunnarsdóttir, guðfræðinemi
Sigríður Kristinsdóttir, sjúkraliði
Sigtryggur Björnsson, kennari í Landbúnað-
arháskólanum
Sigurður Hlöðversson, tæknifræðingur
Sigurður Kári Kristjánsson, lögmaður
Sjöfn Ingólfsdóttir, bókavörður
Sólrún Ólafsdóttir, bóndi
Sólveig Jakobsdóttir, dósent
Stefanía Óskarsdóttir, stjórnmálafræðingur
Stefanía Traustadóttir, félagsfræðingur
Steingrímur Hermannsson, fyrrverandi for-
sætisráðherra
Tryggvi Gíslason, skólameistari
Þór Whitehead, prófessor
Þuríður Pálsdóttir, söngkona
Stofnfélagar eru
úr öllum stjórn-
málaflokkum