Morgunblaðið - 29.06.2002, Blaðsíða 68

Morgunblaðið/Snorri Aðalsteinsson
Eftir töluverð átök er stórlúðan komin um borð og þeir eru að vonum
kátir félagarnir Hörður Freyr og Unnsteinn skipstjóri.
Veiðar smábáta frá Hornafirði
hafa gengið vel að undanförnu en
þar eru allir á kvóta utan einn bátur.
Bátarnir hafa verið að fá 1.200 til
1.500 kíló í róðri og einn og einn hef-
ur fengið enn meiri afla eða á þriðja
tonnið.
ÞAÐ hljóp á snærið hjá
Unnsteini Þráinssyni trillu-
karli á Höfn og félaga
hans, Herði Frey Bjarna-
syni, þegar þeir drógu
lúðulóðina sína í vikunni
suðaustur úr Hrollaugs-
eyjum. Heljarferlíki, 218
kílóa lúða, var á einum
króknum og veitti ekki af
tveimur fílefldum karl-
mönnum til að ná flykkinu
um borð. Aðra mun minni
höfðu þeir einnig upp úr
krafsinu, 26 kíló að þyngd.
Unnsteinn rær að öllu
jöfnu einn á handfærum á
bát sínum Sigga Bessa SF
97, en lúðulóðina hefur
hann lagt sér til ánægju og
yndisauka svona síðla dags.
Hörður Freyr Bjarnason
hefur séð um að stokka lín-
una fyrir Unnstein, þegar
hann rær með línu. Í þetta
sinn ákvað Hörður Freyr
að skella sér með.
Lúðurnar fóru báðar á
fiskmarkað á Hornafirði.
Fyrir stærri lúðuna feng-
ust 360 krónur á kílóið eða
um 78.500 krónur en kíló-
verð á þeirri smærri var
mun hærra eða 610 krónur
kílóið. Fyrir hana fengust
því alls tæplega 16.000
krónur. Fyrir þessa tvo
fiska fengust því nærri
100.000 krónur.
Þess má geta að Unnsteinn er
þriðji starfandi ættliðurinn sem
trillukarl. Faðir hans, Þráinn, og afi,
Sigurður Jónsson, róa báðir á trillu.
Bátur Unnsteins er nefndur eftir afa
hans sem kallaður er Siggi Bessa.
Hljóp á snærið
Lúðan við síðuna skammt frá Hrollaugs-
eyjum. Hún reyndist 218 kíló að þyngd.
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 29. JÚNÍ 2002 VERÐ Í LAUSASÖLU 190 KR. MEÐ VSK.
VANSKIL Landspítala – háskóla-
sjúkrahúss (LSH) og Sjúkrahúsa-
apóteksins ehf. við birgja innan Sam-
taka verslunarinnar – FÍS nema
a.m.k. 520 milljónum króna án drátt-
arvaxta. Þetta kemur fram í bréfi
sem samtökin sendu Magnúsi Pét-
urssyni, forstjóra LSH, en afrit var
m.a. sent fjármálaráðherra og heil-
brigðisráðherra. Magnús segir þetta
vera mikið áhyggjuefni og vanda-
málið verði að leysa sem fyrst. „Það
verður auðvitað ekki gert öðruvísi en
með fjármagni. Þetta er verulegt
áhyggjuefni, ekki síst þar sem stefna
sjúkrahússins er að eiga góð sam-
skipti við birgja sína,“ segir hann.
Skýlaus krafa að
skuldastaða verði löguð
Í bréfinu segir að samtökin viti
dæmi þess að allt að níu mánaða
gamlir reikningar hafi ekki fengist
greiddir. „Samkvæmt könnun sem
skrifstofa Samtaka verslunarinnar
gerði í síðustu viku meðal aðildarfyr-
irtækja sinna, sem eiga viðskipti við
LHS og Sjúkrahúsaapótekið ehf.,
nema heildarvanskil sjúkrahússins
(skuld eldri en tveggja mánaða) við
þessi fyrirtæki nú a.m.k. 520 millj-
ónum króna, án dráttarvaxta.
Það þarf ekki að hafa um það mörg
orð hversu alvarleg þessi staða er.
Það er ekki undir neinum kringum-
stæðum hægt að ætla fyrirtækjunum
að sætta sig við slíkan viðskiptamáta
af hálfu opinberrar stofnunar og
hlutafélags sem er alfarið í eigu hins
opinbera […] Það hlýtur því að vera
skýlaus krafa Samtaka verslunar-
innar – FÍS, f.h. þeirra aðildarfyr-
irtækja sinna sem hlut eiga að máli,
að LSH og Sjúkrahúsaapótekið ehf.,
í samvinnu við þau ráðuneyti sem
hafa með málið að gera, komi skulda-
stöðu sinni gagnvart þessum fjöl-
mörgu fyrirtækjum í sómasamlegt
horf,“ segir í bréfinu.
Íhuga alvarlega önnur úrræði
Þá segir að verði ekki ráðin bót á
þessu ástandi hið allra fyrsta hljóti
samtökin að íhuga alvarlega öll önn-
ur úrræði sem tiltæk séu til að ná
fram rétti fyrirtækjanna.
Jón Kristjánsson heilbrigðisráð-
herra segir að greiðslustaða sjúkra-
hússins hafi verið lagfærð á árinu.
„En við erum að ræða þetta bréf og
láta kanna hvaða leiðir séu til úr-
bóta,“ segir hann. Ráðherra segir að
málið sé ekki á því stigi að hann geti
tjáð sig um hvort málið kalli á auknar
fjárveitingar til sjúkrahússins.
Að sögn Magnúsar Péturssonar er
vandinn sá að þrátt fyrir að raun-
útgjöld spítalans hafi dregist saman
hafi verið halli á rekstri hans vegna
ónógra fjárveitinga. „Þannig hefur
hlaðist upp greiðsluhalli á a.m.k.
þremur árum. Hann er langt yfir því
sem telst eðlilegt í viðskiptum,“ segir
Magnús. Hann segir að þetta sé sam-
eiginlegt úrlausnarefni stjórnenda
sjúkrahússins og stjórnvalda.
Engar uppsagnir vegna
aðhaldsaðgerða
Eins og fram kom í Morgun-
blaðinu sendi stjórn LSH heilbrigð-
isráðherra í gær tillögur að sparnað-
araðgerðum. Rekstraruppgjör
sjúkrahússins fyrir fyrstu fimm
mánuði ársins sýnir að útgjöld námu
319 milljónum króna umfram fjár-
heimildir, eða sem nemur 3,3%.
Magnús segir að í þeim felist ekki
uppsagnir starfsfólks. „Við sögðum
upp nokkrum hópi fólks um áramót-
in, en ætlun okkar með þessum fram-
kvæmdum er að styrkja framkvæmd
á ráðningarmálum, þannig að ekki
verði ráðið nýtt starfsfólk nema í al-
gjörum undantekningartilvikum ef
nauðsyn krefur,“ segir hann.
Aðhaldsaðgerðirnar lúta að flest-
um þáttum sem lúta að starfsmönn-
um, t,d. ráðningar, launasetningar,
vaktir og aksturssamningar. Annar
þáttur málsins hefur með innkaup,
lyfjanotkun, rekstrarvörukaup og
fleira af þeim toga að gera.
Reynt að skerða ekki þjónustu
Magnús segir að reynt verði að
haga aðgerðunum þannig að þjón-
usta verði sem minnst skert. Að sögn
Magnúsar hefur LSH lækkað út-
gjöld sín til rekstrar undanfarin ár.
Heilbrigðisráðherra segist ekki geta
tjáð sig um sparnaðartillögurnar,
þar sem þær höfðu ekki borist hon-
um í gær.
Athugasemdir Samtaka verslunarinnar – FÍS
Vanskil LSH við birgja
yfir hálfur milljarður
FLUGMÁLASTJÓRN hefur synjað
um útgáfu heilbrigðisvottorðs til
Árna G. Sigurðssonar flugstjóra
samkvæmt bréfi sem Jón Þór
Sverrisson yfirlæknir ritar undir og
dagsett er 24. júní sl. Í greinargerð
sem lögmaður flugstjórans ritar og
birt er í heild í Morgunblaðinu í dag
eru gerðar alvarlegar athugasemdir
við niðurstöðuna af hálfu Árna.
Segir ennfremur að hún hafi verið
kærð til kærunefndar auk þess sem
ýmis önnur úrræði séu í undirbún-
ingi eða til athugunar, meðal annars
málsókn vegna málsmeðferðar
Flugmálastjórnar á árinu 2001,
kvartanir til umboðsmanns Alþing-
is, Persónuverndar, landlæknis og
siðanefndar lækna. Síðar verði hug-
að að málsókn vegna niðurstöðu
Jóns Þórs.
Lögmaður flugstjórans segir í
greinargerðinni að heilsufar Árna
hafi ekki breyst frá úrskurði þriggja
lækna kærunefndar frá maí 2001
nema til batnaðar. Engin rök séu
því fyrir því að breyta úrskurði
kærunefndar.
Flugstjóra synjað um útgáfu
heilbrigðisvottorðs
Niðurstaða Flug-
málastjórnar kærð
til kærunefndar
 Greinargerð/50
UM 65 einstaklingar eru á biðlista
eftir starfi hjá Atvinnu með stuðningi
(ams) í Reykjavík, úrræði sem er ætl-
að til að aðstoða fatlaða einstaklinga
við að komast út á almennan vinnu-
markað. Árni Már Björnsson, for-
stöðumaður verkefnisins, sem heyrir
undir Svæðisskrifstofu Reykjavíkur,
segir að ekki sé unnt að stytta biðlista
fyrr en starfsmönnum við verkefnið
verði fjölgað. Atvinna með stuðningi
var í fyrstu tilraunaverkefni en óljóst
er undir hvaða stofnun það muni
heyra í framtíðinni.
Atvinna með stuðningi
í Reykjavík
Ekki hægt
að vinna á
biðlistum að
óbreyttu
 Árangur góður/34
Kanna yfir-
byggingu-
skíðabrekku
HUGMYNDIR um að koma upp yfir-
byggðri skíðabrekku í hlíðum fjalls-
ins Þorbjarnar við Grindavík eru í
athugun. Hugmyndin er að mark-
aðssetja brekkuna fyrir ferðafólk
og til æfinga fyrir afreksfólk. Gert
er ráð fyrir 3 brautum í húsinu,
einni 110 metra langri, skíðalyftu og
aðstöðu til að framleiða skíðasnjó.
 Vilja gera/14
♦ ♦ ♦