Morgunblaðið - 29.06.2002, Blaðsíða 28

LISTIR
28 LAUGARDAGUR 29. JÚNÍ 2002 MORGUNBLAÐIÐ
SKEMMTIHÚSIÐ við Laufásveg var
þétt setið bandarískum ferðamönnum síðast-
liðið fimmtudagskvöld þar sem Þórunn Erna
Clausen leiddi þá inn í heim víkingaald-
arinnar í hlutverki Guðríðar Þorbjarnardótt-
ur í leikverki Brynju Benediktsdóttur, sem
á ensku heitir The Saga of Gudridur.
Þetta snjalla verk Brynju var frumsýnt í
Skemmtihúsinu í febrúar 1998 af Tristan E.
Gribbin sem flutti verkið á ensku. Tristan
hefur síðan leikið verkið víða, t.d. í Canada,
Írlandi, Grænlandi og Austurríki og nú í
sumar býður hún upp á sýningar í Los Ang-
eles. Íslensk frumsýning verksins, Ferðir
Guðríðar, var hins vegar í Norðurlandahús-
inu í Færeyjum sumarið 1998, með Ragn-
hildi Rúriksdóttur í hlutverki Guðríðar, og
sýndi hún verkið síðan áfram við góðar und-
irtektir í Skemmtihúsinu sama sumar.
Sænsk útgáfa verksins var frumsýnd í
Stokkhólmi haustið 1998, þar sem Bára
Lyngdal Magnúsdóttir lék Guðríði og fór
hún síðan með sýninguna í leikför til Finn-
lands. Þá lék Þórunn Lárusdóttir Guðríði í
ensku útgáfunni bæði í Skemmtihúsinu og í
Washington haustið 2000.
Höfundur verksins og leikstjóri, Brynja
Benediktsdóttir, hefur tekið þátt í öllum
þessum sýningum og því ferðast víða, ekki
síður en söguhetja hennar á víkingaöldinni.
Verkinu hefur verið afar vel tekið, enda er í
því sögð mikil og áhugaverð örlagasaga
merkrar konu, auk þess sem gefin er
skemmtileg innsýn inn í umbrotatímann í
kringum árið 1000 þegar kristinn siður
mætti heiðnum átrúnaði og skapaði átök
sem höfðu djúp áhrif á fólk og menningu.
Þórunn Erna Clausen er sem sagt fimmta
leikkonan sem bregður sér í hlutverk Guð-
ríðar Þorbjarnardóttur. Þórunn Erna er til-
töluleg nýútskrifuð leikkona (útskrifaðist
2001 frá Webber Douglas Academy of
Dramatic Art í London) sem segja má að
hafi komið sterkt inn í íslenkt leikhúslíf í
vetur. Hún lék í Syngjandi í rigningunni í
Þjóðleikhúsinu og í Rauðhettu í Hafnar-
fjarðarleikhúsinu, auk þess sem hún lék í
Lykill um hálsinn í Vesturporti. Þórunn
Erna hefur vakið athygli fyrir mikinn
„sjarma“ á sviðinu, örugga sviðsframkomu
og góðan textaflutning. Allt þetta einkennir
leik hennar í hlutverki Guðríðar og sér-
staklega er ástæða til að minnast á frábær-
an framburð hennar á enskunni, svo og er
hún glettilega skemmtileg þegar hún bregð-
ur fyrir sig þýsku og skoskum hreim þegar
hún talar fyrir munn aukapersóna í The
Saga of Gudridur. Greinilegt var að Þórunn
náði vel til áhorfenda á fimmtudagskvöldið,
bros ljómuðu á andliti gesta, jafnvel þótt
sumir hefðu á orði (í hléi) að sýningin væri
„very modern“ og var þar verið að vísa til
atriða sem gerðust úti á náðhúsi og vísuðu
til kynlífs (áhorfendur voru flestir í eldri
kantinum).
Hér er varla ástæða til að rifja upp sögu
Guðríðar Þorbjarnardóttur, hún og ævi
hennar ætti að vera Íslendingum vel kunn,
ekki bara af Grænlendinga sögu og Eiríks
sögu rauða heldur einnig af nýlegum bókum
þeirra Páls Bergþórssonar, Vínlandsgátan
(1997), og Jónasar Kristjánssonar, Veröld
víð (1998), en sú síðarnefnda er söguleg
skáldsaga um ævi Guðríðar. Verk Brynju
Benediktsdóttur er frumleg og skemmtileg
leið að ævi þessarar konu um leið og það
gefur góða innsýn inn í tímann sem hún
lifði. Í heild er sýningin mjög vel lukkuð,
það er í henni mikill kraftur, hraði og fjör
sem Þórunni Ernu tókst einstaklega vel að
koma til skila. Sýningin er sérstaklega ætl-
uð ferðamönnum en ætti ekki síður að höfða
til Íslendinga sem hafa áhuga á sögu lands
síns – og ekki síst til þeirra sem hafa áhuga
á kvennasögu.
Kraftmikill einleikur
LEIKLIST
Skemmtihúsið
Höfundur og leikstjóri: Brynja Benediktsdóttir. Að-
stoð við enska þýðingu: Tristan E. Gribbin. Leikari:
Þórunn Erna Clausen. Búningur: Filippía Elísdóttir.
Sviðsmynd og grímur: Rebekka Rán Samper. Hönn-
un lýsingar: Jóhann Bjarni Pálmason. Hljóð og tón-
list: Margrét Örnólfsdóttir.
Skemmtihúsið, Laufásvegi 22, 27. júní
THE SAGA OF GUDRIDUR
Þórunn Erna Clausen í hlutverki Guðríðar
Þorbjarnardóttur í The Saga of Gudridur.
Soffía Auður Birgisdóttir
Morgunblaðið/Kristinn
ÞJÓÐLAGATÓNLEIKAR verða
haldnir í Víðistaðastaðakirkju í
Hafnarfirði í dag. Mun þar
Kammerkór Kópavogs ásamt ein-
söngvurum og hljóðfæraleikurum,
undir stjórn portúgalska stjórn-
andans Paulo Lourenço flytja ís-
lensk og portúgölsk þjóðlög. Út-
setningar þjóðlaganna eru í
höndum Nuno Corte-Real og Þor-
kels Atlasonar.
„Í raun er þetta samstarfsverk-
efni milli mín og portúgalska tón-
skáldsins Nuno Corte-Real. Hann
hefur fengist við útsetningar á
portúgölskum þjóðlögum og ég á
íslenskum, og saman höfum við
skipulagt tónleika þar sem þessi
verk verða á efnisskránni,“ segir
Þorkell. „Fyrstu tónleikarnir eru
í Víðistaðakirkju, en svo verður
þessi efnisskrá með sömu flytj-
endum einnig flutt á tónleikum á
Þjóðlagahátíðinni á Siglufirði á
mánudag, sem eru setningar-
tónleikar hátíðarinnar.“
Farið verður með sömu efnis-
skrá á tónlistarhátíð í Aveiro í
Portúgal í vor, en þar mun Gunn-
steinn Ólafsson stjórna portú-
gölskum flytjendum. „Ég og
Corte-Real vorum í námi um leið
í Rotterdam í Hollandi. Við höfð-
um báðir fengist við útsetningar
á þjóðlögum landa okkar og rætt
heilmikið um þær og tónlist al-
mennt. Þá kom þessi hugmynd
upp hjá honum, að gera sameig-
inlegt þjóðlagaverkefni fyrir bæði
löndin,“ segir Þorkell. „Síðan
æxlaðist það þannig að ég hafði
samband við Gunnstein Ólafsson,
sem var um leið áhugasamur um
verkefnið, og hingað erum við því
komnir.“
Þorkell segist fást við tvenns
konar þjóðlög í útsetningum sín-
um. „Annars vegar eru þetta
þjóðlög sem eru mjög gömul og
textarnir sérstaklega. Hins vegar
eru þetta yngri lög úr þjóðlaga-
safni Bjarna Þorsteinssonar og
öðrum söfnum sem ég hef fundið.
Ég hef leitast við að hafa útsetn-
ingarnar í þannig stíl að þær séu
hvorki þungar né mjög ómstríðar,
og þannig reynt að gera lögin að-
gengileg og skemmtileg áheyrn-
ar. Það sama má segja um portú-
galska hlutann, þarna eru mjög
lýrísk og falleg lög á ferðinni.“
Flytjendur auk Kammerkórs
Kópavogs sem koma fram á tón-
leikunum í dag eru þau Þórunn
Pétursdóttir, sópran, Björn Þór
Guðmundsson, tenór, Manfred
Lemke, bassi, Hildigunnur Hall-
dórsdóttir, fiðla, Daníel Þor-
steinsson, píanó, Hávarður
Tryggvason, kontrabassi, og
Bryndís Snorradóttir, blokk-
flauta.
Tónleikarnir í Víðistaðakirkju í
dag hefjast kl. 17, en tónleikarnir
á Siglufirði á mánudag hefjast kl.
21.
Morgunblaðið/Árni Sæberg
Nuno Corte-Real, Paulo Lourenço og Þorkell Atlason koma allir að tónleikunum í Víðistaðakirkju í dag.
Ísland og Portúgal mætast
STJÓRN Sinfón-
íuhljómsveitar Ís-
lands hefur endur-
ráðið Þröst
Ólafsson sem
framkvæmda-
stjóra hljómsveit-
arinnar til næstu
fjögurra ára en
hann hefur gegnt
stöðunni undan-
farin fjögur ár.
Þá hefur
menntamálaráð-
herra, að fengnum
tilnefningum,
skipað nýja stjórn
Sinfóníuhljóm-
sveitar Íslands. Í
henni eru áfram eftirtaldir: Þor-
kell Helgason formaður, fulltrúi
menntamálaráðuneytis, Hilmar
Oddsson, fulltrúi Reykjavíkur-
borgar, Dóra Ingvadóttir, fulltrúi
Ríkisútvarpsins og
Sigurður Þorbergs-
son, fulltrúi starfs-
mannafélags SÍ, en
úr stjórninni víkur að
eigin ósk Jón Þórar-
insson og í hans stað
kemur Júlíus Vífill
Ingvarsson sem
fulltrúi fjármálaráðu-
neytis.
Jón Þórarinsson
tónskáld hefur setið í
stjórn Sinfóníuhljóm-
sveitarinnar óslitið í
20 ár en hefur auk
þess verið í forystu-
sveit hljómsveitar-
innar frá upphafi eða
meira en í hálfa öld. Hann var
fyrsti stjórnarformaður hennar á
árunum 1950–53 auk þess að vera
framkvæmdastjóri hennar um
árabil.
Sinfóníuhljómsveit Íslands
Þröstur
endurráðinn
Þröstur
Ólafsson
MAGNÚS Sigurðarson opnar
einkasýningu í Gall-
eri@hlemmur.is að Þverholti
5 í dag, laugardag.
Sýningin nefnist Sogið, en
viðfangsefni innsetning-
arinnar liggur, að því er segir
í tilkynningu, á sviðum nær-
ingarfræði og pappírs-
ákefðar.
Verkið á bakgrunn og rót í
fornri tilvitnun þar sem hinn
rómverski Rabbi Akiba tjáði
sínum besta nemanda, þá er
honum var haldið í fangelsi:
„Sonur minn, meira en kálf-
urinn sækist eftir því að sjúga
óskar kýrin eftir því að gefa.“
Magnús hefur haldið fjölda
einka- og samsýninga bæði
hér heima og erlendis.
Opnunin hefst klukkan 17
og eru allir boðnir velkomnir
og hvattir, að því er sagt er í
tilkynningu, til að hafa regn-
föt með sér.
Sýningin er opin fimmtu-
daga til sunnudaga frá kl. 14
til 18 og stendur hún til 20.
júlí.
Magnús Sigurðarson kynnir gestum
pappírsákefð í gallerí@hlemmur.is
Sogið á Hlemmi
Sýningu lýkur
Listasafn ASÍ
Sýningu á verkum listamannanna
Guðbjargar Lindar Jónsdóttur, Guð-
rúnar Kristjánsdóttur og Kristínar
Jónsdóttur frá Munkaþverá í Lista-
safni ASÍ lýkur á morgun.
Listasafn ASÍ, Freyjugötu 41, er
opið alla daga nema mánudaga frá
kl. 14 til 18 . Aðgangur er ókeypis.
Fimm
listamenn í
Slunkaríki
FIMM myndlistarmenn standa fyrir
sýningunni Önnur í Slunkaríki, Ísa-
firði, en sýningin opnar í dag, laug-
ardag.
Í tilkynningu segir að grunur leiki
á að sýningin verði afskaplega vatns-
kennd.
Myndlistarmennirnir sem að sýn-
ingunni standa eru Birta Guðjóns-
dóttir, Fjölnir Björn Hlynsson, Guð-
laugur Valgarðsson, Ída Sigríður
Kristjánsdóttir og Rósa Sigrún
Jónsdóttir.
Sýningin stendur til 14. júlí.
Elsa Rodrigu-
es í Tukt
UNG listakona frá Lissabon, Elsa
Rodrigues, opnar einkasýningu í
Gallerí Tukt í dag kl. 16.
Elsa byrjaði á undirbúningi verk-
anna þegar hún dvaldi á Íslandi á
síðasta ári. Hún sýnir ljósmyndir þar
sem hún notar sjálfa sig sem efnivið
til að túlka viðfangsefnið. Í gegnum
linsuna reynir hún að endurspegla
hvað hún hugsar og skynjar. Sýn-
ingin stendur til 14. júlí og eru allir
velkomnir.
Jómfrúnni: Reynir Sigurðsson
víbrafónleikari og Jón Páll Bjarna-
son gítarleikari leika.
Tónleikarnir hefjast kl. 16 og standa
til kl. 18. Leikið verður utandyra á
Jómfrúrtorginu ef veður leyfir, en
annars inni á Jómfrúnni.
Aðgangur er ókeypis.
Vivaldi, Borgarnesi: Tríóið Jazz-
andi spilar. Sigurjón Alexandersson
(Sjonni) gítarleikari, Sigurdór Guð-
mundsson bassaleikari og trommu-
leikarinn Kristmundur Guðmunds-
son. Leiknir verða bæði þekktir og
óþekktir djassópusar. Einnig verður
frumsamin tónlist leikin.
Hljómsveitin hefur leik kl. 22.
Í DAG
 Sjá einnig Staður og stund á mbl.is
♦ ♦ ♦
♦ ♦ ♦