Morgunblaðið - 05.07.2002, Side 6

FRÉTTIR
6 FÖSTUDAGUR 5. JÚLÍ 2002 MORGUNBLAÐIÐ
Tvöfaldur hraði – lægra verð
H Á H R A Ð A S Í T E N G I N G V I Ð N E T I Ð
Lágmarkshraði 512 Kb/s.
Þú þolir enga bið: Hringdu strax í síma 800 1111.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
SS
1
82
41

06
/2
00
2
JÓN Kristjánsson, heilbrigðis- og
tryggingamálaráðherra, og Úlfar
Hauksson, formaður Rauða kross
Íslands, undirrituðu í gær samning
heilbrigðisráðuneytisins og Rauða
krossins um rekstur Sjúkrahótels
Rauða kross Íslands á Rauðarárstíg
í Reykjavík. Samningurinn er til
þriggja ára og tekur við af samningi
sem gerður var í lok árs 2000 um
fjölgun legurýma til reynslu í eitt ár.
Jón og Úlfar lýstu báðir yfir
ánægju yfir þessum áfanga en að-
dragandi samnings var nokkuð
langur. Jón sagði að visst brautryðj-
endastarf væri unnið með rekstri
sjúkrahótelsins. „Það er mín skoðun
að öll þróun í heilbrigðismálum
styðji það að þessa starfsemi eigi að
auka og efla. Hátæknispítalarnir
eru nú þannig úr garði gerðir að
þeir eru miklir og dýrir vinnustaðir
og flókið kerfi sem eðlilegt er. Þann-
ig að það er flest sem styður það að
fólk sé útskrifað fljótt og fari síðan í
annað umhverfi meðan það er að
jafna sig eftir miklar aðgerðir,“
bætti hann við, en sjúkrahótelinu er
ætlað að mæta þörfum sem skapast
hafa með styttri legutíma á sjúkra-
húsum. Einnig er get ráð fyrir að
sjúkrahótelið sé dvalarstaður ein-
staklinga sem séu til rannsóknar
eða meðferðar og eiga þess ekki
kost að dvelja í heimahúsum sökum
fjarlægðar eða heimilisaðstæðna.
Jón sagðist telja að þróun í þessa
átt ætti eftir að halda áfram á næstu
árum og sagði að undirritun samn-
ingsins táknaði að heilbrigðisyfir-
völd hygðust sækja fram á þessu
sviði. „Ég vona að þessi undirritun
verði heilbrigðiskerfinu til heilla og
er sannfærður um það,“ lýsti hann
yfir.
Samkvæmt samningnum sér
Rauði krossinn um daglega stjórnun
og skipulagningu starfs á sjúkrahót-
elinu. Landspítali – háskólasjúkra-
hús sér auk þess um hjúkrunarþjón-
ustu á hótelinu, það er að segja
læknir eða sjúkrastofnun sem hefur
gest hótelsins til meðferðar hverju
sinni ber ábyrgð á dvöl gestins á
hótelinu hvað læknismeðferð varð-
ar.
Heilbrigðisráðuneytið greiðir 61,4
milljónir árlega vegna samningsins
en Rauði krossinn leggur til hús-
næðið. Samningurinn tekur til
reksturs fjörutíu rýma að jafnaði á
Sjúkrahóteli Rauða krossins.
Þess má geta að Rauði kross Ís-
lands hefur rekið sjúkrahótel frá
árinu 1974, einkum fyrir lands-
byggðarfólk sem sækir sjúkraþjón-
ustu í Reykjavík en þarf ekki að
dvelja á sjúkrahúsi.
Samningur undirritaður um rekstur Sjúkrahótels RKÍ
Starfsemi sem ber
að auka og efla
Morgunblaðið/Jim Smart
Úlfar Hauksson og Jón Kristjánsson undirrita samkomulagið.
FYRSTA helgin í júlí, sem
oftast hefur verið mesta
ferðahelgi ársins á eftir versl-
unarmannahelginni, fer nú í
hönd. Búist er við að lands-
menn flykkist í ferðalög í þús-
undatali.
Nemendur í verkfræðideild
Háskóla Íslands standa fyrir
hátíð að Skógum undir Eyja-
fjöllum. 500 miðar eru seldir,
en á dagskránni eru göngu-
ferð, brekkusöngur og grill-
veisla. Til stóð að hafa flug-
eldasýningu í kvöld, en ekki
fékkst leyfi fyrir henni hjá
sýslumanninum á Hvolsvelli.
Björgunarsveit skáta verður
til taks alla helgina.
Bergþór Kristleifsson í
Húsafelli segist búast við
töluverðri aðsókn um helgina.
Einungis fjölskyldufólki verð-
ur hleypt inn á svæðið og
bæði björgunarsveit og lög-
regla sjá til þess.
Ekki von á mörgum
í Þórsmörk
Hjá Ferðafélagi Íslands
fengust þær upplýsingar að í
Langadal í Þórsmörk verði
lokuð samkoma á vegum fé-
lagsins. Finnbogi Ómarsson,
skálavörður í Húsadal, segist
ekki eiga von á miklum fjölda.
„Þetta hefur farið stigminnk-
andi frá 1999. Í fyrra voru
hér um 150 manns,“ segir
hann. Hann bætir við að sér
sýnist að unglingaferðir séu
smám saman að leggjast af
og fjölskylduferðum að fjölga.
Á Siglufirði stendur Þjóð-
lagahátíðin yfir. Þar er boðið
upp á 17 námskeið fyrir börn
og fullorðna, auk fyrirlestra,
tónleika og leiksýningar.
Annað kvöld verður haldin
uppskeruhátíð í Nýja bíói,
þar sem afrakstur námskeið-
anna verður sýndur. Hátíð-
inni lýkur með helgistund í
skógræktinni á sunnudaginn.
Land lagt
undir fót
ÚTSÖLUR sumarsins eru víðast
hvar að fara í fullan gang og í gær
mátti sjá margt fólk á helstu versl-
unarstöðum höfuðborgarsvæðisins.
Sumir voru komnir til að gera góð
kaup en aðrir voru að skoða úrval-
ið. Blaðamaður og ljósmyndari
komu við í Kringlunni, á Laugavegi
og í Smáralind og hittu fólk sem
var í verslunarhugleiðingum í góða
veðrinu.
Jenný Halldórsdóttir var í barna-
deildinni í versluninni Debenhams í
Smáralind. „Ég kom hingað í
morgun og er búin að fara hér um
allt. Ég er að leita að afmælisgjöf
og fötum á dóttur mína og hef þeg-
ar fundið heilan helling sem mér
líst á,“ sagði Jenný. Hún sagðist
ánægð með þann afslátt sem gefinn
væri á útsölunni, en sagðist ekki
hafa gert mikið af því að fara á út-
sölur. „Í þetta sinn beið ég þó eftir
að útsölurnar byrjuðu, en mér
finnst þær hefjast snemma í ár.“
Ha, er útsala?
Vinirnir Karl Friðrik Jörgensen
og Jón Gunnar Eysteinsson, 16 ára
frá Neskaupstað, voru að kaupa
sér skyrtur og fleira í verslun
TopShop í Smáralind. Aðspurðir
sögðust þeir ekki hafa neitt betra
að gera en að kaupa sér föt. Þá rak
í rogastans þegar blaðamaður
spurði þá hvort þeir teldu sig gera
góð kaup á útsölunni. „Ha, er út-
sala?“ sögðu þeir báðir. Þeir sögð-
ust ekki leggja sig fram um að
versla á útsölum. „Krakkar á okk-
ar aldri eru ekkert að hugsa um
hvað hlutirnir kosta, við eltum
bara tískuna,“ sagði Karl Friðrik.
Hægt að gera
góð kaup á Íslandi
Á Laugavegi var Susanne Bau-
mann frá Arizona í Bandaríkjunum
að skoða gallabuxur í versluninni
Vero Moda. Hún sagðist vera í fríi
á Íslandi og að þetta væri í fyrsta
sinn sem hún kæmi hingað. „Ég er
bara rétt að kíkja í búðirnar, en
mér líst ágætlega á úrvalið í þeim.
Mér sýnist verðið hér vera örlítið
hærra en í Bandaríkjunum, en hér
er þó hægt að gera góð kaup ef
maður vill, “ sagði Susanne.
Bíðum ekki sér-
staklega eftir útsölum
Í Kringlunni var fólk einnig að
kynna sér útsölurnar. Vinkonurnar
Tinna Barkardóttir og Sif Þórodds-
dóttir skoðuðu úrvalið í versluninni
Sautján. Þær sögðust vera ný-
komnar á staðinn, en höfðu þó þeg-
ar keypt sér snyrtivörur sem voru
ekki á útsölu að þeirra sögn. „Við
bíðum ekkert sérstaklega eftir út-
sölum þegar við kaupum okkur föt
eða annað. Það eru náttúrlega bara
sumarvörur á útsölunum.“
Skoðað og keypt
á fyrsta degi
sumarútsölu
Vinkonurnar Tinna og Sif voru rétt að byrja að skoða úrvalið.
Susanne Baumann kynnti sér
verð á gallabuxum.
Morgunblaðið/Jim Smart
Karl Friðrik Jörgensen og Jón Gunnar Eysteinsson að versla.
Jenný Halldórsdóttir leitaði að fötum á dóttur sína í Smáralind í gær.