Morgunblaðið - 05.07.2002, Qupperneq 29

LISTIR
MORGUNBLAÐIÐ FÖSTUDAGUR 5. JÚLÍ 2002 29
FROSTI Friðriksson hefur opnað
sýningu í rými undir stiganum í i8.
Frosti (f. 1968) útskrifaðist frá
Listaháskóla Íslands fyrir tveimur
árum. Verkið sem hann sýnir undir
stiganum nefnist „Útibú“ og fylgir
því eftirfarandi texti frá listamann-
inum:
„Ég undirritaður hef verið
staddur á Indlandi undanfarna 3
mánuði og hygg á að dvelja þar að-
eins lengur. Á vegi mínum hafa
orðið talsvert margir betlarar, mis-
jafnlega á sig komnir. Ég var fljót-
ur að komast að því að það er úti-
lokað fyrir mig að verða við beiðni
þeirra allra. Því brá ég á það ráð
að opna fyrir þá lítið útibú hér á
Klapparstígnum og fá í lið með
mér íslenska listunnendur. Það
væri gaman ef hérna safnaðist dá-
góð summa, því þá hefði ég nóg að
gera næstu vikurnar við að koma
framlagi ykkar í rétta hendur. Lát-
um nú listina gott af sér leiða.“
i8 er opið þriðjudaga til laug-
ardaga frá kl. 13–17 og stendur
sýningin til 26. júlí.
Frá ferðalagi listamannsins Frosta Friðrikssonar um Indland.
„Útibú“ fyrir betlara
HANDVERK og hönnun mun nú í
sumar og haust ferðast um landið
með sýningu sem byggist á fimm
sýningum sem Handverk og hönnun
hélt í sýningarsal sínum í Aðalstræti
12 á síðasta ári. Verkefnið hlaut
Menningarverðlaun DV 2002 í list-
hönnun fyrir þessar sýningar.
Á sýningunni er fjölbreytt hand-
verk og listiðnaður eftir 25 aðila og
hefst sýningarferðalagið í Edinborg-
arhúsinu á Ísafirði í dag
kl. 17. Sýningin verður opin alla
daga frá 15–18 og stendur til sunnu-
dagsins 14. júlí. Næsti áfangastaður
er Ólafsvík og þar mun sýningin
opna 10. ágúst. Í haust og vetur
verður sýningin m.a. í Reykjanesbæ,
Akureyri, Skriðuklaustri og Hvera-
gerði.
Heimasíða Handverks og hönnun-
ar er á slóðinni: www.handverkog-
honnun.is
Farand-
sýning 25
listamanna
SÉRA Rolf Leiderstad hefur
stjórnað djasssveitinni Jazzin Dukes
síðan 1994 og hefur sveitin leikið
jafnt á djassklúbbum og í kirkjum.
Einsog nafn sveitarinnar ber með
sér eru verk eftir Duke Ellington
jafnan á dagskrá og á tónleikum
þeirra í Neskirkju sl. þriðjudags-
kvöldið voru öll verkin úr söngbók
Ellingtons. Áður en kórinn kom til
sögunnar voru tveir gamlir Elling-
ton-dansar leiknir: Ring Dem bells
(1930) og Drop Me Off At Harlem
(1933). Kórinn sté á svið er helgi-
söngvarnir hófust. Fyrstu þrír voru
úr fyrsta helgikonsert Ellingtons. Í
In The Beginnin God blés Rune
Falck í baritón a la Harry Carney,
þótt hljómurinn væri ekki eins vold-
ugur. Rune var þekktur hér á árum
áður, en hann lék með Arne Domn-
erus, en með honum hljóðritaði hann
frá 1958. Rune blés of lítið í baritón-
inn á þessum tónleikum því hann er
miklu betri baritónsaxófónleikari en
tenóristi. Þá kom Come Sunday
(upphaflega úr Black, Brown And
Beige-svítu Ellingtons frá 1945) þar-
sem Johnny Hodges nálgaðist guð-
dóminn öðrum betur í ódauðlegum
altósóló sínum. Séra Erling blés mel-
ódíuna a la Tommy Dorsey og síðan
tók Ain’t But The One við í djömp-
stíl. Þá hljómaði The Majesty Of
Good úr síðasta helgikonsert Elling-
tons með léttri sveiflu uns kórinn
söng Heaven, einn yndislegasta
helgisöng er Ellington skrifaði. Sá
söngur er ævarandi tengdur Svíþjóð
því Alice Babs söng hann meistara-
lega með hljómsveit Ellingtons. Ver-
aldlegt millispil var á milli helgiatrið-
anna, Caravan, sem básúnuleikari
Ellingtons, Juan Tizol, samdi og
meistarinn lagði smiðshöggið á og
Saturday Night Function, sem
Barney Bigard samdi og Ellington
gekk frá. Í Caravan var brassið blás-
ið með dempurum, en þeir léku stórt
hlutverk í Ellington-bandinu, og í
lokin var farið útí dixíland. Í Al-
mighty Good úr öðrum helgikons-
ertnum mátti heyra Rune Falk á
baritóninn og síðan söng kórinn með
sveitinni þrjá kafla úr Frelsissvítu
Ellingtons sem er hluti helgikonsert-
anna. Tónleikunum lauk á ópus Billie
Strayhorns og kynningarlagi Elling-
ton-sveitarinnar; Take The A Train,
þarsem Reynir Jónasson þandi nikk-
una með sextettnum.
Þetta var ljúf kyrrðarstund með
notalegum Ellington-sextett og fjór-
tán manna kór. Erling Thorkelsson
hefur útsett tónlistina með það fyrir
augum að fara með hana um sveitir
Svíþjóðar og flytja í kirkjum með
misjöfnum kórum. Þetta er ekki
metnaðarfullt verk einsog útsetning
Dananna Høybye og Pedersens á
helgisöngum Ellingons, sem Kór
Langholtskirkju og Stórsveit
Reykjavíkur fluttu að hluta í vetur,
þó sú útgáfa blikni við hliðina á hinni
einu sönnu Ellington-útgáfu.
Það er alltaf gaman að heyra
Höskuld Björnsson, en hann hefur
búið í Svíþjóð í áratugi og m.a. leikið
þar með mönnum á borð við Buddy
DeFranco. Hann hélt ryþmanum
leikandi léttum ásamt Langborn gít-
arleikara sem var þokkalegur sólisti
á sveiflunótum einsog þeir félagar
allir utan trompetleikarinn norski
sem hafði greinilega hlustað á
trompetmeistara bíboppsins.
Notalegur Ellington
DJASS
Neskirkja
Ronny Farsund trompet, Erling Thorkel-
son básúnu, Rune Falk, tenór- og bari-
tónsaxófóna og klarinett, Christer Lang-
born gítar, Rolf Leidestad píanó og
Hjörleifur Björnsson bassa. Kór Nes-
kirkju söng undir stjórn Reynis Jónas-
sonar sem jafnframt var gestur hljóm-
sveitarinnar á harmonikku.
JAZZIN DUKES
Vernharður Linnet
COLORADO-
draumurinn er
eftir danska met-
söluhöfundinn
Jane Aamund.
Bókin er sönn
ástarsaga og
segir Jane frá
baráttu sinni fyrir
ástinni, sem hel-
tekur hana. ,,Það verður bylting,
þegar ástin heltekur mann um miðj-
an aldur. Maður er algerlega á valdi
tilfinninganna. Löngunin til að upp-
lifa nýjar hliðar á ástinni og gefa sig
annarri manneskju á vald. Hverjar
svo sem afleiðingarnar verða,“ seg-
ir hún.
Jane Aamund er einn söluhæsti
rithöfundurinn í heimalandi sínu.
Útgefandi er PP-forlag. Bókin er
352 bls. Verð: 1.250 kr.
Ástarsaga