Morgunblaðið - 10.07.2002, Blaðsíða 17

VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 10. JÚLÍ 2002 17
BEIÐNI um gjaldþrotaskipti Ís-
lenskrar útivistar ehf., sem rekur
útivistarverslunina Nanoq í Kringl-
unni, var lögð fram í Héraðsdómi
Reykjavíkur í gær en versluninni
hefur verið lokað, eins og fram kom í
Morgunblaðinu í gær.
Fasteignafélagið Þyrping, sem er
að meirihluta í eigu Kaupþings, á allt
hlutafé í félaginu en er jafnframt
meðal kröfuhafa á félagið.
Íslensk útivist ehf. var árið 1999 í
eigu Eignarhaldsfélagsins Hofs og
Einars Sigfússonar. Félagið var
stofnað um rekstur verslunarinnar
Nanoq, sem var opnuð í Kringlunni í
október 1999.
Nokkrum mánuðum fyrir opnun
verslunarinnar var Íslensk útivist
sameinuð Skátabúðinni við Snorra-
braut og þá bættist Hjálparsveit
skáta í Reykjavík við sem einn eig-
enda félagsins.
Tæpum þremur árum síðar, fyrir
rúmum mánuði, var tilkynnt að tæp-
lega 70% eignarhlutur í félaginu
hefði verið seldur Guðmundi Ágústi
Péturssyni, eiganda GÁ Péturssonar
hf. og Sportmanna ehf. Nánar tiltek-
ið var um 68,5% eignarhlut að ræða
og salan var með fyrirvara um for-
kaupsrétt Fasteignafélagsins Þyrp-
ingar hf., sem átti þau 31,5% sem út
af stóðu. Þyrping ákvað síðar að nýta
sér forkaupsrétt sinn.
Seljendur hlutarins voru Jón og
Sigurður Gísli Pálmasynir, Einar
Sigfússon, Hjálparsveit skáta í
Reykjavík og Þorbjörn Stefánsson,
framkvæmdastjóri félagsins.
Vantaði mikið upp á að
endar næðu saman
Halldór Jónsson hdl. er lögmaður
Þyrpingar. Hann segir að hópur
kröfuhafa hafi í raun staðið að kaup-
um hlutarins í Íslenskri útivist. Und-
anfarið hafi þessi hópur reynt til
þrautar að finna grundvöll til áfram-
haldandi rekstrar félagsins. Niður-
staðan hafi hins vegar orðið sú að fé-
laginu yrði ekki bjargað og ákveðið
hafi verið að Þyrping færi með það í
gjaldþrot.
„Það er mikil synd að þetta skuli
ekki hafa tekist en það var alveg út-
séð með það núna um helgina að það
tækist en verulega fjármuni vantaði
upp á að endar næðu saman,“ segir
Halldór.
Um hvort búast megi við því að
salan á meirihluta hlutafjárins verði
látin ganga til baka við skipti þrota-
búsins segir hann að það sé ekki inni
í myndinni.
„Þessi aðgerð, að ganga inn í
kaupin á hlutabréfunum, var ekki
hugsuð sem fjárfesting enda stendur
Þyrping ekki í svona fjárfestingum.
Þyrping átti þarna 31,5% í félaginu
og þau hlutabréf voru að nokkru
leyti tilkomin vegna gamalla skulda
sem hafði verið skuldbreytt frá fyrri
tíma. Þyrping átti þarna forkaups-
rétt en var jafnframt meðal kröfu-
hafa.
Þegar því var lýst yfir að allir aðr-
ir hluthafar í Íslenskri útivist seldu
tilteknum kröfuhafa öll hlutabréf sín
virtist sem einn kröfuhafinn væri
skyndilega kominn með yfirburða-
stöðu í félaginu og Þyrping ákvað að
ganga inn í kaupin.
Það kom svo upp úr kafinu að
þessi aðili var ekki einn heldur leiddi
hann hóp kröfuhafa og var honum í
kjölfarið veitt umboð til að gera allt
sem hann taldi sig þurfa og hugðist
Þyrping hf. taka jafnan þátt í nið-
urfærslu krafna, enda stendur Þyrp-
ing í sömu sporum og margir aðrir
kröfuhafar, að tapa mjög miklum
peningum.
Þetta var ákjósanleg leið sem
hann reyndi að leggja upp með en
hún gekk því miður ekki upp.
Þá var ákveðið að Þyrping færi
með félagið í gjaldþrot.“
Halldór segir ástæður þess að
ekki tókst að bjarga félaginu fyrst og
fremst mega rekja til slæmrar
skuldastöðu þess en einnig til þess
að ekki var hægt að fara fram á það
við erlenda birgja að þeir lækkuðu
kröfur sínar á hendur félaginu. Þá
hefði rekstrargrundvöllur fyrirtæk-
isins ekki þótt nægilega góður þrátt
fyrir skýlausan vilja allra þeirra sem
að komu til að lækka kröfur sínar
auk þess sem til stóð að leggja aukið
fé í félagið.
Þrátt fyrir ungan aldur félagsins
þá nemur tap þess á annað hundrað
milljónum króna, eins og sagði í
Morgunblaðinu í gær. Tap hefur ver-
ið af rekstrinum frá upphafi og þrátt
fyrir að rekstur Nanoq hafi skilað
talsverðum tekjum þá hafa þær ekki
nægt til að standa undir rekstrar-
kostnaði og umfangsmikilli mark-
aðssetningu. Um 30 manns voru í
fullu starfi hjá Íslenskri útivist en
alls voru um 60 manns á launaskrá.
Beiðni um gjaldþrotaskipti Íslenskrar útivistar
Reynt var til þrautar að
halda rekstri áfram
Morgunblaðið/Arnaldur
Nanoq í Kringlunni hefur verið lokað vegna gjaldþrotaskipta.
ATHYGLI hefur vakið að Íslandsbanki hefur
auglýst útlán sín síðustu daga, en það er
nokkur breyting frá því sem verið hefur að
undanförnu að bankar auglýsi eftir lántak-
endum. Í samtali við Morgunblaðið sagði
Valur Valsson, forstjóri Íslandsbanka, að
bankinn teldi að stuttu samdráttarskeiði í
efnahagsmálum væri að ljúka og að fram-
undan væri hóflegur vöxtur í efnahagslíf-
inu. „Útlánastefna bankans tekur eðlilega
mið af efnahagsástandinu,“ sagði Valur,
„og eftir stíft aðhald í útlánum á síðasta
ári teljum við nú tímabært að skipta um
gír. Við höfum lækkað vexti bæði á
skammtímalánum og langtímalánum og
erum almennt með lægri vexti en keppi-
nautarnir. Þá erum við jafnframt byrjuð að
auglýsa lán á nýjan leik. Útlán hafa
minnkað frá áramótum, til dæmis um 2%
á fyrsta ársfjórðungi. Ástæðan er fyrst og
fremst styrking íslensku krónunnar, sem
hefur í för með sér að útlán okkar í er-
lendri mynt lækka þegar þeim er umbreytt
í íslenskar krónur. En eftirspurn eftir lán-
um hefur jafnframt verið tiltölulega lítil,
en við teljum líklegt að hún fari nú vaxandi
með batnandi efnahag.“ Spurður að því
hvort þetta þýði að frekari vaxtalækkun sé
framundan sagði Valur að varðandi
skammtímavextina hafi bankinn talið
skynsamlegt að fylgja Seðlabankanum og
að það verði gert áfram. Langtímavextir,
þ.e. verðtryggðu lánin, hafi verið lækkuð
fyrir um það bil mánuði. „Keppinautarnir
hafa ekki fylgt þeirri lækkun eftir, þannig
að við bíðum með frekari skref og sjáum
hvað gerist á markaðnum,“ sagði Valur.
Íslandsbanki
auglýsir eftir
lántakendum
BANDARÍSKI lyfjarisinn Merck &
Co. hefur á síðustu þremur árum
fært 12,4 milljarða Bandaríkjadala
til tekna án þess að hafa fengið þá
greidda. Þetta kemur fram í til-
kynningu Mercks til bandaríska
verðbréfaeftirlitsins, SEC, en fjár-
hæðin, sem nemur tæpum 1.100
milljörðum íslenskra króna, er um
10% af bókfærðum tekjum Mercks
á tímabilinu.
Upplýsingar um tekjufærslu af
þessu tagi komu fyrst fram í yf-
irlýsingu Mercks til verðbréfaeft-
irlitsins í apríl síðastliðnum, en þá
var ekki skýrt frá því um hve háa
fjárhæð væri að ræða. Ekki hefur
komið fram að verðbréfaeftirlitið
geri athugasemdir við þær aðferð-
ir sem Merck hefur beitt við tekju-
færslu. Forsvarsmenn fyrirtækis-
ins segja að hún sé ekki óeðlileg og
benda í því sambandi meðal annars
á að hún hafi ekki áhrif á niður-
stöðutölu rekstrareikningsins, þ.e.
hagnaðinn sjálfan, því gjaldfærsla
komi á móti tekjufærslunni.
Færslan kemur í gegnum dótt-
urfélag Mercks, Medco, sem er fé-
lag sem heldur utan um lyfjastyrki
fyrir vinnuveitendur og trygginga-
félög og gerir samninga um magn-
innkaup til að ná niður lyfjaverði.
Medco færði til tekna hjá sér hluta
sjúklinga af lyfjakostnaði, jafnvel
þó sá hluti kostnaðarins færi beint
til lyfjaverslana en ekki í gegnum
Medco.
Merck er eitt af fjórum stærstu
fyrirtækjum Bandaríkjanna á
þessu sviði, en af hinum þremur er
eitt sem færir þessar greiðslur
sjúklinga með sama hætti og
Merck. Hin tvö færa þær ekki til
tekna, en öll fjögur félögin segjast
fylgja viðurkenndum reiknings-
skilaaðferðum.
Í The Wall Street Journal segir
að Merck hafi haldið því fram að
fyrirtækið taki í sumum tilvikum á
sig ákveðna ábyrgð á hluta sjúk-
lings og því sé tekjufærslan eðlileg.
Hins vegar segir blaðið að í til-
kynningu Mercks til verðbréfaeft-
irlitsins segi að fyrirtækið standi
ekki frammi fyrir lánaáhættu sem
kynni að leiða til þess að það þyrfti
að greiða hluta sjúklingsins standi
hann ekki í skilum.
The Wall Street Journal segir að
ávinningur Mercks af þessari
tekjufærslu sé ekki augljós. Fyrir-
tækið er að hefja frumútboð á 20%
hlut í Medco og með auknum
tekjum, þegar gjöldin hækka jafnt
tekjunum, minnkar framlegðar-
hlutfallið, en margir fjárfestar
vilja sjá sem hæst framlegðarhlut-
fall. Á hinn bóginn þýða háar
tekjur og lágt framlegðarhlutfall
að fyrirtækið skilar viðskiptavin-
um sínum hærri hluta af ávinn-
ingnum af magninnkaupunum en
ella. Þetta getur því litið vel út í
augum þeirra sem kaupa þjónustu
fyrirtækisins, en síður í augum
væntanlegra fjárfesta.
Í USA Today kemur fram að
endurskoðendur telji tekjufærslu
Merck á gráu svæði. Rætt er við
Vincent Love hjá Félagi löggiltra
endurskoðenda í New York-ríki og
hann segir að hann teldi æskilegra
að Merck færði greiðslur sjúkling-
anna ekki til tekna, en að þetta sé
ekki eins alvarlegt og sést hafi í
nýlegum hneykslismálum.
Deilt um bókhald bandaríska lyfjarisans Merck
Tekju-
færsla en
engin
greiðsla
Fréttir um meint bókhaldsmisferli Merck hafa slæm áhrif á markaðinn. SKYGGNIR hf. hefur opnað útibú í Rotter-
dam í Hollandi. Markmiðið er að auka
þjónustu við viðskiptavini fyrirtækisins í
Evrópu og stefnt er að aukinni markaðs-
sókn á svæðinu. Skyggnir sérhæfir sig í
alhliða rekstrarþjónustu og hýsingu
tölvukerfa. Meðal viðskiptavina Skyggnis
í Evrópu eru Eimskip, Flugleiðir, Gelders
Spectra Shipping, Giske Shipping, Island
Tours, Malenstein AIR o.fl. Skyggnir rekur
um 20 þjónustustaði í Evrópu, m.a. í
Amsterdam, Kaupmannahöfn, London,
Tromsö og Helsinki. Verkefnastjóri úti-
búsins er Guðmundur Thorberg en hann
hefur starfað hjá Skyggni frá stofnun fyr-
irtækisins. Viðskiptavinir Skyggnis eru
orðnir yfir 60 talsins. Í umsjón Skyggnis
eru um 2.500 útstöðvar í 17 löndum.
Skyggnir hf. var stofnaður í desember
2000 þegar tölvudeildir Flugleiða hf.,
Eimskips hf. og TölvuMynda hf. voru sam-
einaðar. Allir starfsmenn tölvudeilda fyr-
irtækjanna voru endurráðnir hjá hinu nýja
fyrirtæki. Eigendur fyrirtækisins eru
stofnendur þess, Flugleiðir hf., Eimskip
hf. og TölvuMyndir hf. Í dag eru starfs-
menn Skyggnis tæplega 60 talsins og er
framkvæmdastjóri fyrirtækisins Svavar G.
Svavarsson.
Skyggnir opnar
útibú í Hollandi