Morgunblaðið - 23.10.2002, Side 9

Morgunblaðið/Gunnlaugur Árnason
Fæða hákarlsins er fjölbreytt, það kom vel í ljós þegar skorið var á maga hans. Á myndinni halda þeir félagar, Jör-
undur Svavarsson, Halldór Pálmar Halldórsson og Hildibrandur bóndi, á sýnum úr ýmsum dýrategundum sem
fundust í maga hákarlsins, eins og hrognkelsi, selshamur, selshreifar og fiskar í heilu lagi.
MARGIR telja að afurðir sem unnar
eru úr hákarli eins og úr lifur og
brjóski hafi jákvæð áhrif á ýmsa
menningarsjúkdóma sem hrjá
mannkynið. Stöðugt fleiri leita sér
hjálpar með því að borða töflur sem
unnar eru úr hákarli og telja að þær
geri sér gott t.d. gegn krabbameini.
En eru einhverjar sannanir fyrir
lækningamætti hákarlsins? Svo er
ekki enn.
Nú eru hafnar rannsóknir á efna-
samsetningu dýrsins. Rannsóknirn-
ar hófust í fyrra hjá Líffræðistofnun
Háskóla Íslands í samvinnu við vís-
indamenn í Kanada, Bandaríkjun-
um, Taívan og í fleiri löndum. Á dög-
unum voru staddir í Bjarnarhöfn
tveir menn frá Líffræðistofnun í
þeim tilgangi að taka sýni úr hákörl-
um sem þangað höfðu borist. Jör-
undur Svavarsson, annar þeirra,
sagði að hákarlinn væri mjög merki-
leg skepna og væri löngu kominn
tími til að rannsaka hann nánar.
Rannsókn þeirra felst í því að taka
ýmiss konar sýni úr hákörlum sem
verða síðan rannsöknuð meira, hér
heima og erlendis. Það sem verið er
að kanna eru lifnaðarhættir hákarls-
ins, leitað er upplýsinga um tímgun-
arhætti hans, fæðu hans, mengandi
efni í dýrinu og sníkjudýr sem á
hann sækja. Eins verða skoðuð
erfðaefni og reynt að finna skyld-
leika þessara einstaklinga við aðra
hákarla sem lifa í fjarlægari höfum
og einnig við önnur dýr.
Samstarf við erlenda
vísindamenn
Jörundur segir að Líffræðistofnun
sé í samstarfi við vísindamenn í öðr-
um löndum og sýni eru send út til
rannsókna. Þegar upp verður staðið
verða fjölmargir aðilar búnir að
skoða sýnin í margvíslegum tilgangi.
Jörundur segir ennfremur að í há-
karli finnist ekki æxlisvöxtur þ.e.
krabbameinsfrumur. Það þykir mjög
merkilegt og nauðsynlegt að rann-
saka erfðaefnin betur og vita hvort
niðurstöðurnar geti ekki leitt til þess
að ráð verða fundin sem hafa lækn-
andi áhrif eða fyrirbyggjandi m.a. á
krabbamein.
Rannsóknirnar hafa staðið í meira
en ár og tekin hafa verið sýni úr 20
hákörlum sem hafa veiðst víða í
kringum landið og lent í höndum
Hildibrandar í Bjarnarhöfn. Að sögn
Jörundar hefði þetta verkefni ekki
orðið að veruleika nema með tilstilli
Hildibrandar, sem hefur verið lykil-
maður við að útvega hákarla til rann-
sóknanna.
Rannsaka
hákarlinn í
Bjarnarhöfn
Stykkishólmi. Morgunblaðið.
FRÉTTIR
MORGUNBLAÐIÐ MIÐVIKUDAGUR 23. OKTÓBER 2002 9
HARÐUR árekstur tveggja
bifreiða varð snemma í gær-
morgun á Vesturlandsvegi við
Grafarvog en alvarleg slys urðu
ekki á ökumönnunum sem voru
einir hvor í sínum bíl.
Tildrög slyssins voru þau að
annar bíllinn fór yfir á öfugan
vegarhelming með þeim afleið-
ingum að hann lenti á aðvífandi
bíl sem kom úr gagnstæðri átt.
Sá síðarnefndi skall á ljósa-
staur og varð að fjarlægja báða
bíla með krana.
Vesturlandsvegi var lokað í
klukkustund meðan lögreglan
athafnaði sig á vettvangi og var
umferð beint um Hafravatns-
veg uns henni var hleypt á að
nýju. Hlutust af talsverðar taf-
ir.
Harður
árekstur
á Vestur-
landsvegi
Mörkinni 3, sími 588 0640
Opið mán.-fös. kl. 11-18,
lau. kl. 11-15
Húsgögn
Sérpantanir
Samkvæmisdress,
stuttir og síðir kjólar
Engjateigi 5, sími 581 2141.
Opið virka daga frá kl. 10.00—18.00, laugardaga frá kl. 10.00—15.00.
Glæsileg gjöf!
Súkkulaði-, krydd- og
piparkvarnir frá
WILLIAM BOUNDS