Morgunblaðið - 23.10.2002, Síða 14

HÖFUÐBORGARSVÆÐIÐ
14 MIÐVIKUDAGUR 23. OKTÓBER 2002 MORGUNBLAÐIÐ
NÝJAR hugmyndir að deiliskipulagi
Rafha-reitsins svokallaða í Hafnar-
firði voru kynntar á fundi í Hafnar-
borg á mánudag. Hugmyndirnar fela
í sér að íbúðum er fækkað úr 126 í 95
en íbúar telja ekki komið nægjan-
lega mikið til móts við óskir sínar.
Í febrúar síðastliðnum voru íbúum
í grennd við umræddan reit kynntar
tillögur að deiliskipulagi hans sem
gerðu ráð fyrir fjórum fimm hæða
fjölbýlishúsum. Þessar tillögur
mættu mikilli andstöðu en eftir
nokkrar breytingar voru þær sam-
þykktar til auglýsingar.
Að sögn Hafdísar Hafliðadóttur
skipulagsstjóra lét Skipulags- og
byggingasvið bæjarins vinna nýjar
tillögur í kjölfar þeirra athugasemda
sem bárust á auglýsingatímanum en
þær lúta að því að umfang bygging-
anna er minnkað og íbúðum fækkað.
Það er arkitektastofan Batteríið sem
hefur hönnum reitsins með höndum.
„Menn eru að reyna að finna út úr
hvernig eigi að bregðast við því og
það er ekki komin niðurstaða í því
ennþá,“ segir hún.
Hún segir tvær umræðutillögur
hafa verið kynntar á fundinum á
mánudag en þær geri ráð fyrir að
íbúðum sé fækkað úr 126 í 95. Önnur
tillagan geri ennþá ráð fyrir fjórum
fjölbýlishúsum sem yrðu fjögurra til
fimm hæða en fimmta hæðin yrði
einungis í formi þakíbúðar. Þá sé
fremsta blokkin á reitnum einni hæð
lægri eða þriggja til fjögurra hæða.
Hin tillagan sýni þrjár byggingar á
reitnum í stað fjögurra en á hinn
bóginn séu þessi þrjú hús öll fullar
fimm hæðir.
Hafdís undirstrikar að ennþá sé
einungis um vangaveltur að ræða og
ekkert hafi verið samþykkt í þessum
efnum. Málið var til umræðu á fundi
Skipulags- og byggingaráðs í gær en
afgreiðslu þess var frestað.
Ekki nægilega
róttækar breytingar
Elín Gylfadóttir, íbúi við Öldugötu
í Hafnarfirði sem liggur að reitnum,
var meðal fundargesta á mánudag.
„Ég held að það sé óhætt að segja að
það hafi verið almenn óánægja með-
al íbúa á þessum fundi,“ segir hún.
„Það var talað um að þarna væri
hreinlega verið að draga okkur á
asnaeyrunum því þetta eru nánast
sömu tillögurnar og áður.“
Hún segir íbúum ekki finnast
nógu róttækar breytingar hafa verið
gerðar á tillögunum, sérstaklega
hvað varðar íbúðafjöldann. „Fólk
hefur áhyggjur af umferð, hávaða-
mengun og öðru sem af þessu hlýst.
Menn velta því til dæmis fyrir sér
hvað gerist þegar umferðarþunginn
eykst á Lækjargötunni og það kem-
ur að því að það þarf að breikka
hana, sem er nokkurn veginn fyr-
irsjáanlegt. Verður þá fyllt upp í
tjörnina? Það eru svona hlutir sem
fólk er að velta fyrir sér.“
Hún segir tillögu hafa komið fram
á fundinum frá einum íbúanna um að
sameina þessar tvær hugmyndir í
eina og hafa blokkirnar þrjár en þó
hæðinni lægri. „Það væri lending
sem ég held að fólk gæti sætt sig við
þótt það sé ekkert hamingjusamt
með þetta. Þar væri sannarlega farið
bil beggja.“
Nýjar hugmyndir um skipulag Rafha-reitsins kynntar fyrir íbúum
Teikning/Batteríið
Önnur hugmyndanna sem kynntar voru á fundinum á mánudag en hún gerir ráð fyrir fjórum fjölbýlishúsum sem
yrðu þrjár til fimm hæðir. Hin tillagan gerði ráð fyrir þremur húsum sem yrðu fullar fimm hæðir hvert.
Íbúðum fækkað og hús lækkuð
Hafnarfjörður
BYGGINGARLEYFI, sem
skemmtistaðnum Kaupfélaginu
var veitt í nóvember í fyrra fyr-
ir starfsemi sinni á Laugavegi
3, hefur verið fellt úr gildi. Í úr-
skurði úrskurðarnefndar skipu-
lags- og byggingarmála segir að
ákvörðun hafi verið haldin veru-
legum annmörkum. Hún hafi
ekki átt sér stoð í deiliskipulagi
svæðisins auk þess sem hún
hafði í för með sér óviðunandi
röskun á högum kærenda.
Það voru Félagsíbúðir iðn-
nema sem kærðu málið til
nefndarinnar en félagið hefur
rekið leiguíbúðir fyrir iðnnema
á Laugavegi 5. Segir í frétta-
tilkynningu frá stjórn félagsins
að íbúðirnar hafi staðið auðar í
tæpt ár vegna hávaðamengunar
frá Kaupfélaginu. Nú sé hins
vegar unnið að því að koma
íbúðunum í útleigu á ný.
Í forsendum úrskurðar-
nefndarinnar segir meðal ann-
ars að byggingarleyfið hafi í
upphafi ekki verið reist á lög-
mætum grundvelli og máls-
rannsókn vegna þess hafi verið
áfátt. „Þá hafi ákvörðunin ekki
getað átt sér stoð í deiliskipu-
lagi svæðisins að óbreyttu. Að
auki hafi hún haft í för með sér
óviðunandi röskun á högum
kærenda. Þykja þessir ágallar
svo verulegir að fella beri hið
umdeilda ákvæði úr gildi.“
Byggingar-
leyfi fellt
úr gildi
Miðborg
SKÆR barnasöngur hljómar af öll-
um svölum og upp af gólfinu. Það
er lagið Óskasteinninn sem fyllir
salinn samkvæmt vali fimm ára
leikskólabarna úr hverfinu og er
ekki annað að heyra en að allur
textinn sé á sínum stað. Borg-
arstjórinn og vinir hennar hafa hins
vegar valið Kvæðið um fuglana en
þegar skólastjórinn tilkynnir að Ég
er vinur þinn úr Disney-myndinni
Leikfangasögu hafi orðið hlut-
skarpast í kosningu krakkanna
sjálfra fer kurr um salinn.
„Jessssss,“ heyrist í öllum hornum
og það vantar ekki undirtektirnar
þegar söngurinn hefst. Það er
greinilega fútt í því að syngja þetta
lag.
Við erum stödd í Laugarnesskóla
á morgunsöngstund en þennan dag
eru nákvæmlega 51 ár frá því að
ákveðið var að taka morgunsöng-
inn upp í skólanum. Að þessu sinni
blaktir íslenski fáinn að húni utan
við skólann enda hátíð í bæ. Það er
verið að halda upp á útkomu söng-
bókar og geisladiska með undirleik
við öll lögin í bókinni en ráðist var í
útgáfuna í tilefni af 50 ára afmæli
morgunsöngsins í fyrra.
Átti að auka aga
í skólanum
„Það er með ólíkindum hvað
þessi viðburður hefur eflst í gegn
um árin,“ segir Helgi Grímsson
skólastjóri og upplýsir að morg-
unsöngnum var komið á laggirnar
til að auka aga og skapa hefðir í
skólanum.
Það var Ingólfur Guðbrandsson,
þáverandi kennari í skólanum, sem
lagði eftirfarandi til á fundi í Kenn-
arafélagi Laugarnesskóla 22. októ-
ber 1951: „Fundurinn leggur til að
það nýmæli verði tekið upp í skól-
anum að nemendur komi saman
daglega í sal skólans til söngs. Skal
ríkt eftir því gengið að allir nem-
endur komi þar fram af fyllstu virð-
ingu og háttvísi.“
Ingólfur sjálfur stjórnaði svo
morgunsöngnum fyrstu árin af
mikilli röggsemi. „Það var mikil
harka í þessu og bekkir jafnvel kall-
aðir upp á svið og látnir syngja ein-
söng ef þeir stóðu sig ekki í ag-
anum,“ segir Helgi og brosir.
Þó ekkert sé hægt að kvarta und-
an aganum hjá börnunum í dag við
sönginn má þó segja að umgjörðin
sé öllu nútímalegri og þótt yngstu
skólastrákarnir eigi svolítið erfitt
með að standa í beinni röð á meðan
sungið er fá þeir ekkert bágt fyrir.
Ekki bara kall á skrifstofu
sem skammar krakkana
Enda segir Helgi að morg-
unsöngurinn uppfylli mörg önnur
markmið en bara að halda aga þótt
það sé vissulega ennþá stór þáttur.
„Þetta skapar samkennd því við
komum hér öll saman á hverjum
degi. Þetta kennir okkur líka fjöl-
mörg sönglög og eflir sönglistina
sem er mjög gott því söngurinn er
ekki eins ríkur þáttur í tónmennta-
kennslu og hann var áður. Svo er
þetta ómetanlegt tækifæri fyrir
skólastjóra að vera sýnilegur í skól-
anum en ég stjórna morg-
unsöngnum. Maður er ekki bara
einhver kall sem er lokaður inni á
skrifstofu og kallað er til þegar
þarf að skamma einhvern. Þannig
að þetta er eitt dýrmætasta tæki
sem skólastjóri hefur til að vera í
jákvæðum samskiptum við nemend-
urna.“
Sem fyrr segir völdu krakkarnir
í skólanum lag til að syngja þennan
daginn og var það gert með lýðræð-
islegri kosningu. Að sögn Helga er
svo ekki alla jafna.
„Það er tónmenntakennarinn,
Sigríður Ása Sigurðardóttir, sem
velur lögin og hún reynir að hlera
hvaða lög börnunum finnst gaman
að syngja. Á hinn bóginn erum við
líka að kenna þeim ákveðna söngva
og reynum þess vegna að hafa góða
blöndu. Stundum þarf að kenna
þeim lögin og þá er söngurinn svo-
lítið lágróma til að byrja með. En
þau eru langoftast mjög dugleg að
syngja.“
Útgáfuhátíð í tilefni af 50 ára afmæli morgunsöngsins í Laugarnesskóla
„Langoftast
mjög dugleg
að syngja“
Laugarneshverfi
Morgunblaðið/Jim Smart
Morgunsöngnum var komið á laggirnar til að efla aga í skólanum enda þarf vænan skammt af slíku til að geta
staðið kyrr í röð á meðan á söngstundinni stendur. Krakkarnir virtust þó ekkert eiga í vandræðum með það.
Það vantaði ekkert upp á undirtektirnar hjá krökkunum, sérstaklega ekki
þegar Vinalagið úr Disney-myndinni Leikfangasögu var sungið. Að þessu
sinni var lagið valið með lýðræðislegri kosningu krakkanna í skólanum.