Morgunblaðið - 23.10.2002, Qupperneq 15

AKUREYRI
MORGUNBLAÐIÐ MIÐVIKUDAGUR 23. OKTÓBER 2002 15
VALGERÐUR H. Bjarnadóttir for-
maður leikhúsráðs Leikfélags Akur-
eyrar sagðist á aðalfundi félagsins í
fyrrakvöld vera jafnsannfærð nú og
hún hafi verið í febrúar síðastliðnum
um að val leikhúsráðs á leikhús-
stjóra væri rétt og stæðist öll lög.
Þorsteinn Bachmann var valinn úr
hópi umsækjenda um stöðuna, en
annar umsækjandi, Hrafnhildur
Hafberg, kærði ráðninguna.
Valgerður sagði að sér þætti afar
leitt ef Leikfélag Akureyrar þyrfti
að gjalda þess að formaður leikhús-
ráðs væri jafnframt í forsvari fyrir
jafnréttismál í landinu og kannski
ekki síður þátttakandi í stjórnmála-
lífi bæjarins. Valgerður er fram-
kvæmdastýra Jafnréttisstofu og sit-
ur í bæjarstjórn fyrir
Vinstrihreyfinguna Grænt framboð.
Málatilbúnaður til kominn
vegna starfs og
stjórnmálaþátttöku
„Hugsanlega hefði þessi kæra
komið fram hver sem embættinu
gegndi, en á því leikur enginn vafi
að umfjöllunin um málið og hluti
málatilbúnaðarins af hálfu fjölmiðla
og hugsanlega líka þeirra sem um
málið fjalla á vegum hins opinbera,
er til kominn vegna starfs míns og
stjórnmálaþátttöku. Því get ég ekki
breytt héðan af,“ sagði Valgerður.
Hún sagðist hins vegar sannfærð
um að valið hefði verið rétt og stæð-
ist lög.
Nú færi í hönd meðferð dómstóla
á málinu og það myndi taka á sig,
aðra fulltrúa í leikhúsráði, stjórn LA
og starfsfólk og ekki síst leikhús-
stjórann. „Sumum kann að þykja
rétt að ég víki úr sæti formanns við
þessar aðstæður. Það þætti mér
hins vegar ákveðinn heigulsháttur,
eflaust léttir fyrir mig en ekki rétt
gagnvart leikfélaginu og starfsfólki
þess,“ sagði Valgerður. Hún kvaðst
vilja standa fast að baki þeim leik-
hússtjóra sem hún hefði tekið þátt í
að ráða og gaf því áfram kost á sér
til formennskunnar. Valgerður var
endurkjörin formaður leikhúsráðs á
fundinum sem og aðrir í stjórn. Hún
sagði stjórnina tilbúna að stýra
fleyinu til hafnar í gegnum flóknar
samningaviðræður sem framundan
væru við ríki og bæ um framlög til
félagsins, fjárhagskreppu, húsnæð-
isskort og dómsmál.
Valgerður nefndi að nýráðinn
leikhússtjóri tæki við góðu listrænu
búi, en hvað fjárhaginn varðar væri
ekki um að ræða neina drauma-
stöðu. Samningar rynnu út um ára-
mót og líkt og tíðkaðist á Íslandi
væri fólk langt á eftir síðustu stundu
í samningsgerðinni. Metnaðarfullt
leikár og afmælissýning hefðu kost-
að sitt og kassinn væri tómur. Erfitt
væri að gera áætlanir þegar ekki
lægi fyrir hvort til yrðu peningar
fyrir framkvæmdum og þá hve mikl-
ir.
Framundan eru framkvæmdir við
Samkomuhúsið, byggð verður ný
búningsaðstaða og einnig verður
sett lyfta í húsið. Framkvæmdirnar
ásamt lagfæringum umhverfis húsið
og viðhaldi á ytra byrði þess tækju
tíma og myndu raska starfseminni
verulega. Húsinu yrði lokað 1. apríl
á næsta ári og til loka þess árs.
Starfseminni yrði haldið uppi í öðr-
um húsum bæjarins á meðan.
Morgunblaðið/Kristján
Miklar framkvæmdir eru fyrirhugaðar við Samkomuhúsið og verður því af
þeim sökum lokað frá 1. apríl á næsta ári til ársloka.
Formaður leikhúsráðs Leikfélags
Akureyrar um val á leikhússtjóra
Sannfærð um
að valið var rétt
og stenst lög
Morgunblaðið/Kristján
Valgerður H. Bjarnadóttir, formað-
ur leikhúsráðs LA, telur að félagið
hafi goldið þess að hún sé í forsvari
fyrir jafnréttismál í landinu sem og
stjórnmálaþátttöku sína í bæj-
arstjórn.
VALGERÐUR Sverrisdóttir
iðnaðar- og viðskiptaráðherra
hefur skipað fimm manna verk-
efnisstjórn sem hefur það hlut-
verk að gera tillögu til ráðherra
um stefnumörkun byggðaáætl-
unar fyrir Eyjafjörð.
Í verkefnisstjórninni eiga
sæti Sigmundur Ernir Rúnars-
son ritstjóri, formaður, Björn
Snæbjörnsson, formaður Ein-
ingar-Iðju, Hilda Jana Gísla-
dóttir, kennari og fjölmiðla-
maður, Laufey Petrea
Magnúsdóttir, áfangastjóri
MA, og Jón Helgi Pétursson
sparisjóðsstjóri Grenivík.
Starfsmenn verkefnisstjórnar-
innar eru þeir Baldur Péturs-
son, iðnaðarráðuneyti og Guð-
mundur Guðmundsson,
Byggðastofnun.
Stefnumörkuninni á að fylgja
tillaga að framkvæmdaáætlun
þar sem fram kemur hver beri
ábygð á framkvæmd einstakra
verkefna, áætlun um kostnað
þar sem það á við og tímasetn-
ing einstakra verkefna.
Óskað er eftir því að verk-
efnastjórnin skili greinargerð
um framvindu verksins til ráð-
herra tvisvar á ári en miðað er
við að verkefninu ljúki í árslok
2004.
Stefnumörkun
byggðaáætlunar
fyrir Eyjafjörð
Fimm
manna verk-
efnisstjórn
skipuð
ÍBÚUM á Akureyri fjölgaði um
rúmlega 50 manns fyrstu níu mánuði
ársins, samkvæmt yfirliti frá Hag-
stofunni um búferlaflutninga. Að-
fluttir til bæjarins voru 890 á tíma-
bilinu en brottfluttir 836 og er
munurinn 54. Á Norðurlandi eystra
fækkaði íbúum en brottfluttir af
svæðinu voru 1.532 fyrstu níu mán-
uði ársins en aðfluttir 1.490 og er
munurinn 42.
Af tuttugu sveitarfélögum á Norð-
urlandi eystra fjölgaði íbúum í sex
sveitarfélögum á tímabilinu en fækk-
aði í öðrum sveitarfélögum, m.a. um
50 manns í Húsavíkurbæ. Íbúum í
Dalvíkurbyggð, Ólafsfirði, Sval-
barðsstrandarhreppi, Keldunes-
hreppi og Þórshafnarhreppi fjölgaði
á tímabilinu.
Aðfluttir í Dalvíkurbyggð voru
121 en brottfluttir 96 og er munurinn
25 manns. Í Ólafsfirði voru aðfluttir
52 en brottfluttir 48, í Svalbarðs-
strandarhreppi voru aðfluttir 38 en
brottfluttir 33 á tímabilinu. Í Hrís-
eyjarhreppi voru hins vegar brott-
fluttir umfram aðflutta 15 talsins, í
Þingeyjarsveit 14, í Hörgárbyggð 9, í
Grýtubakkahreppi 8, í Grímsey 5 og í
Eyjafjarðarsveit 4.
Búferlaflutningar fyrstu 9 mánuði ársins
Akureyringum
fjölgaði um rúm-
lega 50 manns
DJASSTRÍÓIÐ B3 leikur á heitum
fimmtudegi í Deiglunni fannað
kvöld, fimmtudagskvöldið 24. októ-
ber. Það er skipað Agnari Má Magn-
ússyni, orgel, Ásgeiri Ásgeirssyni,
gítar og Erik Qvick, trommur, en
þeir eru allir kennarar við Tónlistar-
skóla FÍH.
Tríóið hefur starfað saman í rúmt
ár og leikur hefðbundna djasstónlist
í bebop-anda. Tríóið lék á Jazzhátíð
Reykjavíkur í haust við góðar und-
irtektir að því er fram kemur í til-
kynningu um tónleikana og kemur
nú á næstunni út geisladiskur með
tónlist þess. Á næsta ári er svo áætl-
að að fara í tónleikaferð til Svíþjóðar
auk þess að taka upp nýjan geisla-
disk. Í tónleikaferð sinni norður leik-
ur tríóið á skólakynningum fyrir
framhalds- og háskólanemendur á
Akureyri og heldur stutt námskeið í
Tónlistarskólanum á Akureyri. Að-
göngumiðaverð á tónleikana í Deigl-
una er almennt 1.200 krónur, en
helmingi lægra fyrir félaga Jazz-
klúbbs Akureyrar og skólafólk.
B3 í Deiglunni
RÚNAR Sigurpálsson tryggði sér
titilinn hraðskákmeistari Skák-
félags Akureyrar með sigri á
Hausthraðskákmótinu sem lauk um
helgina. Þeir Guðmundur Gíslason
og Björn Ívar Karlsson veittu hon-
um harða keppni en Rúnar hafði að
lokum betur eftir einvígi við Guð-
mund. Björn Ívar mátti sætta sig
við þriðja sætið og þeir Halldór
Brynjar Halldórsson og Sigurður
Eiríksson komu svo í næstu sætum.
Þáttakendur voru 16.
Jón Heiðar Sigurðsson, 11 ára
strákur úr SA, tók þátt í lands-
keppni
barna við Noreg á Netinu um
helgina. Jón stóð sig vel, fékk 3 1/2
vinning úr 5 skákum og var í sig-
urliði Íslands.
Rúnar hrað-
skákmeistari
 

   
         ! 

 

    
     

   



 
   
     
  

  
   

  

  

  


 !  
 !" "   #
$
!  "#  
#  $ %  & ' (  #
#  
       (  $#   
)
* #   +,)
  ) -./0  1./0
' 
 2  
% 
 # 

  # $  4$
5$  #  # $    
%

  
$

 &!$    ''( )*((
     Til sölu eða leigu
Nú er til sölu eða leigu 361,8 fm húsnæði í
götuhæð á besta stað í miðbæ Akureyrar.
Stórir gluggar á móti miklum umferðargötum
tryggja mikið auglýsingagildi eignarinnar.
Húsnæðið hentar undir hvers konar
verslunar- eða þjónustustarfsemi.
Allar frekari upplýsingar veittar
á Fasteignasölunni BYGGÐ
Strandgötu 29
s. 462-1744 og 462-1820
♦ ♦ ♦