Morgunblaðið - 23.10.2002, Page 21

ERLENT
MORGUNBLAÐIÐ MIÐVIKUDAGUR 23. OKTÓBER 2002 21
Draumavél
heimilanna!
Vegleg brúðargjöf!
Ísaumuð svunta
með nöfnum og
brúðkaupsdegi fylgir!
5 gerðir - margir litir
Borgartúni 20 - sími 562 2901 og 562 2900
60 ára frábær reynsla.
NÁMSMAÐUR frá Marokkó, sem
sakaður er um að hafa verið sam-
verkamaður hóps hryðjuverka-
manna í Hamborg sem átti þátt í
flugránsárásunum á Bandaríkin 11.
september í fyrra, fór til Afganist-
ans á árinu 2000 og dvaldi þar í æf-
ingabúðum. Staðfestu lögmenn
mannsins, Mounir el Motassadeq,
þetta við réttarhaldið yfir honum
sem hófst í Hamborg í gær. Hann
er ákærður fyrir að hafa verið með-
limur í hryðjuverkasamtökum og
meðsekt að yfir 3.000 morðum.
Verjendur el Motassadeqs tóku
fram í yfirlýsingu, að skjólstæðing-
ur þeirra héldi fast við að neita báð-
um ákæruatriðum. Þegar hann var
yfirheyrður eftir að þýzka lögreglan
handtók hann í fyrra neitaði hann
því að hafa farið til Afganistans. En
Hartmut Jacoby, annar verjend-
anna, tjáði fréttamönnum að el Mot-
assadeq hefði í reynd farið til Afg-
anistans og dvalið þar í æfinga-
búðum, eftir að skjólstæðingurinn
bar fyrir réttinum að hann hefði síð-
ast séð Mohamed Atta, einn for-
sprakka sjálfsmorðsflugræningj-
anna 11. september í fyrra, í maí
2000, „þegar ég áformaði að fara til
Pakistans, Afganistans“, eins og el
Motassadeq komst að orði.
Jacobi neitaði að lýsa því nánar
hvað skjótstæðingur hans hefði að-
hafzt í Afganistan, en lögmennirnir
sögðu í yfirlýsingu að förin þangað
„sannaði ekkert“. Sögðu þeir þús-
undir manna hafa dvalið í slíkum
búðum án þess að tengjast nauðsyn-
lega hryðjuverkastarfsemi.
El Motassadeq bar einnig fyrir
réttinum, að hann hefði oft rætt við
Atta í Hamborg, en hann hefði aldr-
ei heyrt orð um áform hópsins. En
saksóknarar telja el Motassadeq
hafa gegnt mikilvægu hlutverki við
að aðstoða Atta-hópinn við skipu-
lagningu hryðjuverkanna. Verði
hann sekur fundinn í þessu fyrsta
réttarhaldi utan Bandaríkjanna,
sem tengist beint hryðjuverkunum
11. september, á hann lífstíðardóm
yfir höfði sér.
Réttað í máli meints samverkamanns að hryðjuverkum
Dvaldi í æfingabúð-
um í Afganistan
Hamborg. AP.
ESB segir
lausn í
sjónmáli
Lúxemborg. AFP.
EVRÓPUSAMBANDIÐ (ESB)
lýsti því yfir í gær að lausn væri í
sjónmáli í harðri deilu sambandsins
við rússnesk stjórnvöld um Kalínín-
grad-svæðið, en deilan hefur varpað
skugga á væntanlega stækkun ESB
til austurs. Vonast leiðtogar sam-
bandsins nú til þess að hægt verði að
undirrita samkomulag um Kalínín-
grad á ráðstefnu ESB og Rússa 11.
nóvember nk.
Per Stig Møller, utanríkisráð-
herra Danmerkur, sagði að eftir síð-
ustu samningalotuna hefðu Rússar
sæst á nauðsyn „einfaldrar ferða-
heimildar“ fyrir íbúa Kalíníngrad,
sem er við Eystrasalt og tilheyrir
Rússlandi en Litháen er á milli þess
og meginhluta Rússlands. Litháen
mun ganga í ESB 2004 og hefur deil-
an staðið um heimild fyrir íbúa Kal-
íníngrad til að fara um Litháen til
annarra hluta Rússlands.
Mikhaíl Kasjanov, forsætisráð-
herra Rússlands, staðfesti í gær, að
árangur hefði náðst í viðræðunum
um Kalíníngrad. Hann greindi enn-
fremur frá því að komið yrði á ferju-
samgöngum á milli Kalíníngrad og
annarra hluta Rússlands, og yrði það
liður í að leysa vandann.
Deilan um Kalíníngrad
Skipskaði á
Kaspíahafi
Baku. AFP.
SKIP með 51 innanborðs sökk í
óveðri á Kaspíahafi í gær og
var óttast að allt að 42 hefðu
farist. Þá var einnig talin hætta
á mengun, því að skipið flutti
m.a. mörg hundruð tonn af hrá-
olíu. Ríkissjónvarpið í Aserba-
ídsjan, AzTV, greindi frá því að
níu manns hefði verið bjargað
úr sjónum eftir að skipið sökk,
um 100 km úti fyrir Baku, höf-
uðborg Aserbaídsjans.
Björgunaraðgerðum var
haldið áfram í gær, en er kvöld-
aði voru taldar litlar líkur á að
fleiri fyndust á lífi. Sjógangur
er oft mikill á Kaspíahafi og
fregnir hermdu að mikið hvass-
viðri og rigning hömluðu leit.
Hráolían, sem var í farmi skips-
ins, var í tönkum í gámum á þil-
fari þess. Skipið var á leið frá
Aktau í Kasakstan til Baku. Í
áhöfn voru 43, auk átta far-
þega.
Vinstriflokksins og Græningja við stjórn Jafnaðar-
mannaflokksins féllust jafnaðarmenn á kröfu Græningja
um að Svíar hættu öllum þorskveiðum í Eystrasalti.
FISKIBÁTAR sigla inn í höfnina í Stokkhólmi til að mót-
mæla áformum sænsku stjórnarinnar um að banna
þorskveiðar í Eystrasalti. Þegar samið var um stuðning
AP
Þorskveiðibanni mótmælt
ÁFORM Evrópusambandsins um að
taka tíu ný ríki inn í sínar raðir árið
2004 stefna í uppnám takist Frökk-
um og Þjóðverjum ekki fyrir lok
þessarar viku að leysa ágreining
sinn um framtíðarfjármögnun land-
búnaðar- og byggðastyrkjakerfis
sambandsins. Við þessu varaði Per
Stig Møller, utanríkisráðherra Dan-
merkur, sem gegnir formennsku í
ESB þetta misserið, eftir tveggja
daga fund utanríkisráðherra ESB-
ríkjanna fimmtán í Lúxemborg í
gær.
„Takist þetta ekki núna tekst það
aldrei,“ sagði Møller. „Það verður
erfitt, en við vitum allir hvað er í húfi
– stækkunaráformin.“ Á utanríkis-
ráðherrafundinum mjakaðist lítið í
samkomulagsátt í deilunni um það
hvernig skipta beri byrðunum af því
að færa styrkjakerfi sambandsins út
til hinna fátæku fyrrverandi komm-
únistaríkja í Mið- og Austur-Evr-
ópu, sem til stendur að fái aðild árið
2004. Deilan stendur fyrst og fremst
milli þýzkra og franskra stjórnvalda,
en Frakkar eru sú ESB-þjóðin sem
nýtur stærsts hluta styrkjanna úr
landbúnaðarstyrkjasjóðum sam-
bandsins en Þjóðverjar greiða lang-
mest nettóframlag til sömu sjóða og
óttast að verði styrkjakerfið fært
óbreytt út til nýju aðildarríkjanna
muni það leiða til gríðarlegs kostn-
aðarauka sem lenda myndi af mest-
um þunga á þýzkum skattgreiðend-
um.
Ákváðu utanríkisráðherrarnir að
fela aukaleiðtogafundi sambandsins,
sem verður haldinn í Brussel í lok
vikunnar, að ná niðurstöðu í deil-
unni.
Deilan hefur varpað nýjum
skugga yfir stækkunaráform ESB,
aðeins fáeinum dögum eftir að öðr-
um skugga, nefnilega staðfestingu
Íra á Nizza-sáttmálanum svokallaða,
var aflétt í endurtekinni þjóðarat-
kvæðagreiðslu um síðustu helgi. Í
sáttmálanum, sem er nýjasta upp-
færslan á stofnsáttmála ESB og var
undirritaður á leiðtogafundi sam-
bandsins í frönsku Rívíeruborginni
Nizza í desember 2000, er m.a. kveð-
ið á um þær breytingar á stofnunum
og ákvarðanatökukerfi sambandsins
sem nauðsynlegar eru vegna stækk-
unarinnar til austurs.
Áformað er að Gerhard Schröder,
kanzlari Þýzkalands, og Jacques
Chirac Frakklandsforseti hittist á
sérfundi á hóteli í Brussel áður en
aukaleiðtogafundurinn hefst í
Brussel á morgun, fimmtudag, til að
freista þess að ná málamiðlun.
Klofningur í ESB vegna deilna um styrkjakerfið
Frakkar og Þjóðverj-
ar verða að ná saman
Lúxemborg. AP, AFP.
EFTIR nokkra byrjunarörðugleika
er það var opnað um helgina virtist
hið nýja neðanjarðarlestakerfi
Kaupmannahafnar hafa staðizt þá
prófraun að skila af sér sáttum við-
skiptavinum í gegn um annatíma
fyrstu virku dagana, í gær og fyrra-
dag. Hér sjást farþegar ganga um
borð í neðanjarðarlestina á stöðinni
við Kóngsins Nýjatorg, þar á meðal
einn í hjólastól. Lestarnar eru al-
sjálfvirkar.
Á sunnudag stöðvaðist lest-
arumferðin í heila klukkustund þar
sem bilun varð í stýrikerfi einnar
lestarinnar við stöðina í Kristjáns-
höfn. Eftir að hafa verið lokaðir
inni í lestinni í um 20 mínútur
þurftu farþegarnir að fara fótgang-
andi eftir lestargöngunum að næsta
brautarpalli. Danska Járn-
brautaeftirlitið hefur ákveðið að
hafa strangt eftirlit með öryggis-
málum neðanjarðarlestakerfisins
og hefur gert Metroservice, fyr-
irtækinu sem sér um daglegan
rekstur neðanjarðarlestanna, að
skila skýrslu á hverjum morgni um
lestarumferð síðasta sólarhrings.
AP
Neðanjarð-
ar í Kaup-
mannahöfn