Morgunblaðið - 24.10.2002, Blaðsíða 2

FRÉTTIR
2 FIMMTUDAGUR 24. OKTÓBER 2002 MORGUNBLAÐIÐ
Guðmundur Guðmundsson
tilkynnir landsliðshópinn / B4
United, Milan og Barcelona komin
áfram í Meistaradeildinni / B1
12 SÍÐUR Fylgstu
með
nýjustu
fréttum
www.mbl.is
4 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
Morgunblaðinu í
dag fylgir aug-
lýsingablaðið
„Sjónvarps-
dagskráin“ frá
Sonet ehf.
Blaðinu verður
dreift um allt
land.
18 ÁRA piltur var fluttur á Land-
spítalann í Fossvogi eftir bílveltu á
Vatnsleysustrandarvegi um klukkan
8 í gærmorgun. Hann var ekki í bíl-
belti og kastaðist út úr bílnum og
hlaut áverka á baki. Slysið varð við
bæinn Flekkuvík og mun pilturinn
hafa misst stjórn á biðfreiðinni með
fyrrgreindum afleiðingum. Hann var
fyrst fluttur á Heilbrigðisstofnun
Suðurnesja og síðan til Reykjavíkur
á Landspítalann í Fossvogi.
Valt á Vatns-
leysustrand-
arvegi
HAGNAÐUR Landsbanka Íslands hf. eftir skatta
nam um 1.489 milljónum króna á fyrstu níu mán-
uðum ársins. Á sama tíma síðasta árs var hagn-
aðurinn 677 milljónir króna.
Hagnaður bankans fyrir skatta var á tímabilinu
1.863 milljónir króna, samanborið við 927 milljónir
króna á sama tímabili í fyrra. Arðsemi eigin fjár
eftir skatta nam 12,8% á tímabilinu og er það inn-
an arðsemismarkmiða bankans fyrir árið 2002, að
því er segir í tilkynningu frá bankanum. Kostn-
aðarhlutfall bankans fyrstu 9 mánuði ársins 2002
er 62,5% samanborið við 70,0% fyrir sama tímabil
á árinu 2001.
Hreinar vaxtatekjur Landsbankans námu 5.488
milljónum króna á tímabilinu, samanborið við
6.227 milljónir á síðasta ári. Lækkunin skýrist
einkum af áhrifum lækkandi verðbólgu. Hlutdeild-
artekjur Landsbankans af Heritable Bank í Lond-
on námu tæplega 225 milljónum króna eða um 13%
af heildarhagnaði samstæðunnar. Aðrar rekstrar-
tekjur námu 4.617 milljónum króna á tímabilinu
samanborið við 1.942 milljónir króna á fyrstu níu
mánuðum ársins 2001 og hafa því aukist um 2.675
milljónir króna. Aukningin liggur einkum í gengis-
mun og söluhagnaði af eignarhlut í VÍS en Lands-
bankinn seldi 27% af heildarhlutafé Vátrygginga-
félags Íslands hf. á þriðja ársfjórðungi og samdi
auk þess um sölurétt á 21,4% af hlutafé félagsins.
Þóknunartekjur jukust um 13%
Hreinar þóknunartekjur Landsbankans námu
2.943 milljónum króna á tímabilinu og hafa aukist
um 13% frá fyrra ári. Gengishagnaður af annarri
fjármálastarfsemi á fyrstu níu mánuðum ársins
nam 51 milljón króna, samanborið við 1.089 millj-
óna króna tap á sama tímabili í fyrra. Framlag í af-
skriftareikning útlána nam 1.930 milljónum króna
á tímabilinu samanborið við 1.523 milljónir króna á
fyrstu níu mánuðum ársins 2001. Heildareignir
bankans námu 275 milljörðum króna í lok tímabils-
ins og hafa aukist óverulega eða um 2,3% frá ára-
mótum.
Innlán Landsbankans námu 107,6 milljörðum
króna í lok september 2002 sem er aukning um
7,8% frá áramótum. Útlán bankans jukust um 6,3
milljarða króna á fyrstu níu mánuðum ársins eða
3,2%.
Eigið fé bankans nam 16,3 milljörðum í lok sept-
ember 2002 og reiknast eiginfjárhlutfall samstæð-
unnar 10,5% í lok tímabilsins, samanborið við
10,4% í lok ársins 2001 og 9,4% í lok júní 2002.
Í tilkynningu frá Landsbankanum segir að af-
koma bankans fyrstu níu mánuði ársins sé við
neðri mörk endurnýjaðra arðsemismarkmiða
bankans til lengri tíma. Bankinn telur ekki ástæðu
til að endurskoða arðsemismarkmið bankans fyrir
árið í heild, en þau gera ráð fyrir 12–15% arðsemi
eigin fjár eftir skatta. Bankinn gerir þó ráð fyrir
að arðsemi ársins 2002 verði við efri mörk áætl-
unar.
Landsbanki Íslands hagn-
ast um tæpa 1,5 milljarða
SEXTÁN starfsmönnum Nóatúns, á
aldrinum 16–23 ára, hefur verið sagt
upp vegna þjófnaðar úr þremur Nóa-
túnsverslunum, einkum Nóatúni í
Smáralind og Austurveri. Talið er að
í sumum tilfellum hafi verið stolið
fyrir hundruð þúsunda króna, ýmist
með því að stela vörum eða pening-
um úr verslununum. Allir umræddir
starfsmenn eru í hlutastarfi og hafa
unnið skamman tíma hjá Kaupási,
sem rekur Nóatúnsbúðirnar.
Þeir hafa viðurkennt brot sín en að
sögn Ingimars Jónssonar, forstjóra
Kaupáss, virðist utanaðkomandi
maður hafa verið hvatamaður að
þjófnaðinum og hefur hann verið
kærður til lögreglunnar. Munu hald-
bærar sannanir liggja fyrir um aðild
mannsins að brotum ungmennanna
og samkvæmt vitnisburði þeirra hafi
hann tekið við stolnum varningi og
selt áfram í gegnum eigin rekstur.
Ennfremur mun í einhverjum tilfell-
um hafa verið greitt fyrir hinar
stolnu vörur með áfengi. Ingimar
segir einstök þjófnaðarmál koma
upp af og til innan fyrirtækisins en
aldrei hafi orðið uppvíst um þjófnað í
eins stórum stíl og nú.
Nýverið var eftirlitskerfi í versl-
unum Nóatúns betrumbætt og í kjöl-
farið kom fram misræmi sem leiddi
til þessarar niðurstöðu. Segir Ingi-
mar að kappkostað hafi verið að upp-
lýsa málið af öryggisdeild Nóatúns í
samvinnu við lögreglu.
Á milli 800 og 900 manns eru á
launaskrá hjá Kaupási og þar af um
200 ungmenni. „Við höfum verið með
mikinn fjölda ungmenna í vinnu og
haft mjög góða reynslu af þeim,“
segir hann. „Hér er um að ræða ör-
lítinn hluta þess hóps sem því miður
hefur leiðst út á þessa braut.“
16 starfs-
menn
reknir fyr-
ir þjófnað
BÆNDUR sem nýtt hafa kornakra
á Vindheimum í Varmahlíð í Skaga-
firði hafa orðið fyrir umtalsverðu
tjóni af völdum álfta sem lagst hafa á
kornakrana, oft í hundruðatali. Pét-
ur Sigmundsson, bóndi á Vindheim-
um, segist aldrei hafa upplifað annað
eins. Erfitt sé hins vegar að verjast
þessu því að álft sé friðuð hér á
landi.
Nokkrir bændur á Vindheimum
gerðu í fyrra tilraun með að slá
kornið og láta það liggja í nokkra
daga. Tilgangurinn var að þurrka
það og eins að koma í veg fyrir að
kornið fyki. Þetta gafst allvel, en í ár
hefur álftin sett strik í reikninginn.
„Álftin var komin nánast samdæg-
urs og lá í þessu og át og át. Við ger-
um okkur ekki alveg grein fyrir
hversu mikið tjónið er, en ljóst er að
það er verulegt,“ sagði Pétur. Hann
sagði að álftin sóðaði líka mikið út og
bændur veigruðu sér því við því að
hirða það sem eftir væri.
„Við höfum aldrei séð neitt þessu
líkt,“ sagði Pétur. Hann sagði að
gæsir hefðu líka lagst á kornið, en
álftin væri hins vegar stórtækari.
Pétur sagði að einnig hefði borið á
því að álftir hefðu komið í óslegna
akra til að stela korni. Hann sagði að
kornbændur væru allt annað en
ánægðir með þetta.
Álft skemm-
ir korn fyrir
bændum
UNNIÐ er að því á vegum Velferð-
arsjóðs barna að koma upp hvíldar-
og endurhæfingarheimili fyrir lang-
veik börn. Fengist hefur vilyrði fyrir
húsnæði á lóð í Kópavogi þar sem
hluti Kópavogshælis var. Þarf að
leggja í hátt í 50 milljóna króna kostn-
að við endurbyggingu hússins og
tækjakaup. Takist samningar við
heilbrigðisyfirvöld um rekstur heim-
ilisins er stefnt að opnun þess að ári.
Ingibjörg Pálmadóttir, fram-
kvæmdastjóri sjóðsins, tjáði Morgun-
blaðinu að stjórn og fagráð sjóðsins
hefðu undirbúið verkið að undanförnu
í samvinnu við Umhyggju, stuðnings-
félag langveikra barna. Hún sagði
heimilið hugsað í senn til hvíldar lang-
veikum börnum sem og foreldrum
þeirra og til endurhæfingar
barnanna. Langveik börn þyrftu iðu-
lega mikillar umönnunar við og væri
foreldrum oft nauðsynlegt að geta
vistað börn sín á öðru heimili um
stundarsakir, t.d. fáeinar vikur. Ekki
væri þörf dýrrar sjúkrahússinnlagnar
heldur aðstöðu þar sem veita má
ákveðna hjúkrunar- og umönnunar-
þjónustu með aðgangi að endurhæf-
ingu.
Ingibjörg sagði staðsetninguna á
lóð gamla Kópavogshælisins mjög
hentuga. Þar væri nærtæk aðstaða til
endurhæfingar auk sundlaugar. Hún
kvað grófa kostnaðaráætlun gera ráð
fyrir að hátt í 50 milljónir króna færu í
endurbyggingu og kaup á búnaði.
Sagði hún þetta stærsta einstaka
verkefni sjóðsins um þessar mundir,
en hann hefur úr um 80 milljónum
króna að spila árlega.
Hugmyndin er að reyna að ná
samningum við heilbrigðisyfirvöld
um rekstur heimilisins og sagði Ingi-
björg þau hafa tekið jákvætt í málið.
Verið væri að reikna út rekstrar-
kostnað og kvaðst hún vona að samn-
ingar tækjust fljótlega. Gengi það upp
yrði í framhaldi af því hægt að hefjast
handa við endurnýjun húsnæðisins og
taka heimilið í notkun næsta haust.
Hvíldarheimili fyrir lang-
veik börn í undirbúningi ÞAÐ blés hressilega á öllu landinu í
gær og er útlit fyrir að svo verði
áfram. Þessi mynd var tekin af Há-
felli við Mýrdalssand en eins og sjá
má, eða öllu heldur ekki sjá, sést
varla í Hjörleifshöfða fyrir sand- og
moldroki. Hér lítur Ragnhildur
Jónsdóttir yfir sandinn og stendur
hárið á henni beint út í loftið.
Þorsteinn Jónsson, veðurfræð-
ingur á Veðurstofu Íslands, segir að
meðalvindur á þessu svæði hafi í
gær verið um 15 m/sek. Vindurinn
hafi þó verið meiri í hviðum. Segir
hann að stíf norðanátt hafi verið á
landinu öllu, mjög hvasst hafi verið á
annesjum á Norður- og Austurlandi
sem og á suðvesturhorninu. Segir
Þorsteinn að útlit sé fyrir að veðrið
muni haldast svona næstu daga.
Kári lætur
til sín taka
Morgunblaðið/Jónas Erlendsson
♦ ♦ ♦